رد: اخترنا لكم
 

‏عدّاني العيب والتقصير وشرهات ال أفا واللوم
‏وإذا طيبي غلط عمري ألَا يازين غلطاتي

‏عدّاني الكذب والتسويف وكلمة حقها مهضوم
‏وانا ماني ضعيفة باس تحكمني قراراتي

‏عزيزة نفس ما أرضى شموخي ينهزم في يوم
‏وسيعة بال وأفعالي تورّدها قناعاتي

.....

رد: اخترنا لكم
 

‏الليالي ماتوقف والفرص فواته
‏واخر احلامي عليه اقسى الظروف يحرّج

‏ماني بأول شخص يخلف واقعه هقواته
‏وحظي النوام يبغي له عصا ومدرّج

‏ والعرب ماهي تحب اللي يحب سكاته
‏ لجل تكسب ودهم لازم تكون مهرّج

.....

رد: اخترنا لكم
 

تقول وش ناقصك وأقول واصلني
‏ماغيرك اللي يسد النقص والحاجه

‏أخاف تبطي علـّي ولا تحصلني
‏والقلب غيرك يصير إدواه وعلاجه

.....

رد: اخترنا لكم
 

‏تدري وش اكثر شي خلاني اهواك
حبك وعطفك والغلا والتفاني

وتدري وش اللي مايخليني انساك
خوفك عليّ وتضحياتك عشاني

.....

رد: اخترنا لكم
 

ياقلب حبيتك ولك حب صافي
خط الوفا حبك وفيه احتريته

حنان قلبك يجعل القلب دافي
ياكنز في دنيا المواجع لقيته

انت الذي للقلب دكتــور شافي
وانت الهوا والحب منك طريته

وانت النشيد المنبهر والقوافي
وانت الشرف ذي يلمع اليوم صيته

وانت الوفا في يوم ماعاد وافي
وانت الذي وحدك بقلبي هويته

وانت الشرف والطهر وانت العفافي
بك مكتفي قلبي وفيك اكتـــفيته

ماهما تـشوف القلب لوا وطـــافي
يعود لك مادمت له كــل بيته

حلق خيالاتك معي في ضفــافي
ياذي نصع قلبي بطلقه رميته

ماعاد من دنيا المواجع نخافي
مادام قلبي وسط قلبك حميته

راحت سنين القهر راح الجفافي
من مثل حبك فا الهوا لاسقيته

حبو وعيشو الحب دامت عوافي
ومن يحبك فا الخفوق احتريته

.....

رد: اخترنا لكم
 

العـيون الفاتنه تحـت اللـثام
فـز له قلبي وصفّق وانسـرق

في ملامح حسنها ضاع الكلام
والشعور فبحر نظرتها غـرق

فارقه عـن جيلها بدر التمام
الله اللي جمّله بالزين وفرق

.....

رد: اخترنا لكم
 

يا اللي هويتك وعرشه قلبي اتعليت
وادمنت وصلك وغيرك قلت ما بيته

ولك طبع قاسي معك ما يوم انا تهنيت
والكبر بك والتغلي جد مليته

ناداك قلبي من الاشواقما لبيت
وان زارك الشوق تتغلا وخبيته

مليت طبعك واسلوبك انا مليت
عطشان واصل فؤادي قط ما رويته

الله معك لا تجيني شوفني قفيت
ومات شوقي لقربك انته انهيته

طلقت حبك وودك انتهى ياليت
ما يوم شفتك فقلبي انتته اعميته

وخاطري طاب تراني منك استكفيت
محظور ترسل وقلبي منك داويته

.....

رد: اخترنا لكم
 

طال انتظاري والوله يحــرق الجوف
والصبر مايطفي من البعد ناري

اكتم شعور الشوق واصارع الخوف
وفي داخلي نهر من الهم جاري

اضحك ولحن الحزن بالصدر معزوف
ودمعي حبسته لايبين انهيـاري

.....

رد: اخترنا لكم
 

الحب معناه انجذاب المشاعر
واحساس صادق يفهمه من تحبه

ماهو بنزوة شوق أو طيف عابر
ولافقط إعجاب واشباع رغبه

الحب بالإخلاص باطن وضاهر
ومسكنه داخل قلوب الأحبه

ياسعد حُب ً قابله حُب طاهر
وياسعد قلباً يعشقه من يحبه

وياويل قلباً ينخدع بالمظاهر
وياويل عاشق يخدعه من أحبه

ومن يخون الحب خاين وماكر
ومن يخون العهد فالله حسبه

.....

رد: اخترنا لكم
 

‏أجمل غزل يأتي على شكل تلميح
بيـن القلـوب الهايـمه في بعضــها

تلعب على معنـاه وتقـوم وتطيـح
لـو بالنهــايه ماتحقــق غرضــها

.....