|
رد: فوق هام السحب ( الشعر الشعبي) على متن القوافي
أفتح جهازي وأدور داخل الوارد
رسايل منك بالأشـواق مرسـولـه أقرا بيوت الغلا والفكر بك شارد وأهز راسي قهر وأقـول معقـوله |
رد: فوق هام السحب ( الشعر الشعبي) على متن القوافي
لانويت الشعر جبت المستحيل
وَحْبُكه حَبْك الكواكب فالفلك ولا ركبت الخيل جودت الاصيل شاعرة وجيتك على هيبة ملك |
رد: فوق هام السحب ( الشعر الشعبي) على متن القوافي
ما تربينـا على كـسر الخواطر
لـو خواطرنا من العالم تكسّر امزحوآ في كل شي إلا المشاعر جبرها يبطي ويمكن ما تجبّر |
رد: فوق هام السحب ( الشعر الشعبي) على متن القوافي
بعض البشر مثل الذهب في نوعه
وطابعه دون. الخلايق راقي يشفي مواجع داخلك. مـــوجوعه محال مثله شخص عاد تلاقي ترتاح من حكيه ومن مـوضـــوعه ويجبرك له دايمً* تشتاقي تحصله. في فـكرته. مـــوســــوعه تسير به بين البشر عملاقي لك هاج فكري وارتقا. مـشــروعه باالله مثلك وين وين نلاقي |
رد: فوق هام السحب ( الشعر الشعبي) على متن القوافي
ليت مافـــي بالعمر تلويحة كفوف
لا فـــــــراق ولا وداع ولا سفــــــــر وليت مايعوق الوصــــل اية ظروف لا مسافــــه ولا اختلاف ولا عــــذر |
رد: فوق هام السحب ( الشعر الشعبي) على متن القوافي
مثل القمر يالنادره في جمالك
ماشفت مثلك بالخلايق وصيفه على البحر ليتك بجنبي لحالك والموج هادي والمشاعر رهيفه |
رد: فوق هام السحب ( الشعر الشعبي) على متن القوافي
بالعين بوح وداخل الصدر ونات
ولا فيه احد يفهمك ياقلب شاعر صحيح اني اكتم الجرح بسكات ومقدر على كتم الشِعر والمشاعر |
رد: فوق هام السحب ( الشعر الشعبي) على متن القوافي
أعامل الناس بأسلوبي وباخلاقي
والناس بأسلوبها نعرف معادنها وسلم على المحترم بأسلوبه الراقي وجنب عن اللي علومه ما يثمنها |
رد: فوق هام السحب ( الشعر الشعبي) على متن القوافي
أبتسم مع بسمته من دون مدري
من حلاهــ كن ورد الكون فيه كل ما يضحـك يفـز اللي بصـدري ودي أحضن بسمتــه واقرأ عليها |
رد: فوق هام السحب ( الشعر الشعبي) على متن القوافي
بيني وبينك فارق السن موجود
هذا الذي مالي عليه استطاعة يا ليت عمري مثل عمرك بلا زود السن واحد وأصلنا من جماعة أو إني أشري فارق السن بنقود من شخص مافاده شبابة وباعه وليا طمعتي في هوى الشايب العود وياطالما صار الهوى كالبضاعه مادام محسودة وأنا شخص محسود كلمة وأنا أشري لك من الماس ساعة تمتعي بالعز مافيه منقود بس أطلبي وأقول سمع وطاعة وأعطيك حب فائضه غير محدود ترسي على جسر المحاني قلاعه علي القحطاني |
رد: فوق هام السحب ( الشعر الشعبي) على متن القوافي
يا قو قلبك على الصّده و يا صبرك
و يا وسع صدري على صدك ويا صبري و يا طول عمرك بذاكرتي و يا كبرك و يا شيب عيني بشيّب عاد ذا كبري والله لو ان حمل صبري فوقك ان تبرك والله ولو تعتذر منتب على خبري ان ما جبرك الغلا ما اقدر على جبرك ياللي على ارض الوفا ما شبرك بشبري تزعل وترجع و تلقاني على خبرك وانا انكسر لك و اجيك ادوّر لجبري طيفك وذكراك طيلة غيبتك سبرك وشوقي لشوفتك طيلة غيبتـك سبري امحق وليف ومحبه والا اقول..ابرك حسبي عليك اعشقك وانت اتحفر قبري محمد بن فطيس |
رد: فوق هام السحب ( الشعر الشعبي) على متن القوافي
يسوقني طاريك لمشاهدك سوق
و أشفق على لمسة يدينك شفاقه زرعت لك زرعٍ له أثمار و عروق و قدمت لك من زهرة العمَر باقه و أن كان عندك شك لاناشك العوق في قلبي إللي لك يزيد أشتياقه الشوق مشتاق لك أكثر من الشوق شوق بدويٍ ضاعت أغلى نياقه ... |
رد: فوق هام السحب ( الشعر الشعبي) على متن القوافي
علــى هونكم يا اللي تجرون عندي الصوت
ترى المشتحن يبكي على الصوت لا سمعه اجاريكم وقد لي وانـا صايم امن القوت وهمومي من مفـارق من احب مجتمـعــه يا ليت الليال الماضيه ترجع بــريمـوت ما والله اقول ان عاد فالمقبلـه طمـعـــه وانا داري انه عقـب صدته فـات الفــوت ولا عـاد ربــي بكاتــب لنـا .. ولا جمـعــه يا بـرد المفـارق ما لقينا لبردك كوت ولا بـه ذرى للوصــل لا ينطفــي شمعه يقولون لي هليت دمعك وأنا مبهوت وأنا آقول هذي رمعةٍ ماهي برمعه أحبه وحبه في فواد الشقي منحوت لكنه ماطيح من عيوني ولآدمعه عزاز النفوس تعيش لو هي بدون بخوت ماهي تنحني للذل وتضيع السمعه فراق الولايف والله إنه سوات الموت جعل ماهوب يسقى علي ليلة الجمعه ... |
رد: فوق هام السحب ( الشعر الشعبي) على متن القوافي
يا سيد الاحباب زحت الهم عن بالـي
عنـدك بكسـب الحبايـب دبلوماسـيـة لك فرصـة تجمـع الغالـي مـع الغالـي من غير موعد تجي وتـروح عفويـة أخذتني مـن معاصيـر أشهـب اللالـي ورمستني رمس بأجواك الرومانسية غطيت وجه السمـاء بغيـوم وخيالـي والأرض غطيتـهـا بــورود سحـريـة متشابـكٍ نبتهـا مــن كــل الأشكـالـي من كل الأشكال تقـل انقـوش زوليـة وصممـت طـيـارةٍ تصميمـهـا عـالـي مــا صممتـهـا الـولايــات المريـكـيـة من غير كبتن تجـول فـوق الأطلالـي وغمـزت زر المحـرك وأقلـعـت فـيّـه طارت عن الأرض مليارات الأميالي شـوي وإلا لمسـت الشـمـس بيـديـة وتحطمت بالمضامي والخلاء الخالـي جيـعـان ضمـيـان لا هــذي ولا ذيــة متعلـقٍ فـي عـمـود الـيـاس بحبـالـي متلـولـحٍ مــا تـطـب الأرض رجلـيـة جميـع مـا شفـت بـس أشيـاً تهيـالـي أفـكـار وضـنــون وأوهـــامٍ خيـالـيـة يا سيد الأحباب تضرب فيك الأمثالي من سابق الكون لك حسنة ولك سية حسنتك تجمع لك أجيـالٍ مـع أجيالـي الـعـالـم الـمـيـتـه والـعـالــم الـحـيــة وسيتـك تـدفـن بـوايـق كــل ختـالـي مـن السبـاع الضـوراي والحرامـيـة عبدالله بن زويبن |
رد: فوق هام السحب ( الشعر الشعبي) على متن القوافي
سقوا سقى الله من مطر كل ناشـي
ربعٍ لهم في منبت القفـر مغبـاش يتلون درب اللـي لبرقـه تواشـي كثحه على حد السما تقـل لطـاش كم مـرة بيـن السفـر والغطاشـي دكوا على جول المها منه وأنحـاش وبنوا به اللي مثل روس الدشاشـي مثل القور ماهن هداريس وعشـاش لاشافها الجيعـان جـاك متحاشـي يقلط على بيض المناسف والاكبـاش وصفر من الصالي لهـن اجتواشـي يصوك ريح ابهارهن كـل ماغـاش والتمر والمركـا ودمـث الفراشـي زل ٍ برومـا لـه مـوزع ونقـاش ماحسبـوا تـال الشهـر للمعاشـي ولاسعروا حمل البواخر على الطاش بالسوق عملتهم ماغيـر المواشـي اللي من اللي ينبت الغيـث تعتـاش وإن جـاء بلدهـم زاد ولا قماشـي وسمعوا ووافاهم بالاخبـار طـراش ودوا لسوق البيـع فاطـر وحاشـي والمندرج بالسوق من باق الادبـاش والطيب سعره صعـب ماهوبلاشـي فازوبه اللي يدفعون الثمـن كـاش ماجاب غيب قلوبهـم كـل واشـي بين القبايل ذكرهم يدهـش ادهـاش مافض مجلسهـم خطـاة الدفاشـي اللي يتوع بكلمـة تصطـح الجـاش همـاز لمـاز هـبـود اريـاشـي سبـاب نمـام مـراوغ وهــلاش الليا نصحتـه زاد شـره وطاشـي انحل امانه وانفـرط تقـل رشـاش ينبش جثث ناس بها الـدود ماشـي وسط اللحود اللي توحـش توحـاش حـرااام فيهـا مايجـوز النقاشـي جنايز حـدر الثـرى كيـف تنـاش كل العلـوم الطيبـة فـي تلاشـي تمضحلت واللي بقي ( طاش ماطاش) عبدالله بن زويبن |
رد: فوق هام السحب ( الشعر الشعبي) على متن القوافي
يا عين هلي صافي الدمع هليه
وإلى قضى صافيه هاتي سريبه ياعين شوفي زرع خلك وراعيه هذي معاويده وهذي قليبه البارحة لا مال رايه نماليه واليوم جيتهم علينا صعيبة إن مرني بالدرب مقدر أحاكيه مصيبة يا كبرها من مصيبة اللي يبينا عيت النفس تبغيه واللي نبيه عيا البخت لا يجيبه نوره الحوشان |
رد: فوق هام السحب ( الشعر الشعبي) على متن القوافي
يا من لقلب حب نورة تغشلاه
يومي به أو ماي الهوا بالشراعِ إن نمت عندي وان تنبهت ما ألقاه ما أسج عن طرياه لو كان واعي قلبي دوى به داه ما يسمع إنداه إلى سمع من ينهاه طقه جلاعِ عليك يا اللي كن واضح ثناياه يردى قنوف يوم هل النواعِ يا من يعرف السحر هو وين مجناه هو حب ولا ولف ولا انهزاعِ عبود بن سويلم |
رد: فوق هام السحب ( الشعر الشعبي) على متن القوافي
ابن جدلان وابن علوش
ومحاوره من طراز فاخر سـعــد بـــن عــلــوش يابن جـدلان والدنيـا مداهـا طويـل ياعسانـا مـن اللـي يكسـب الاخـره الصعاليـك سيّـاد الـكـلام الجمـيـل العبوا فـي شفـوف العالـم الفاخـره سـعــد بـــن جــــدلان يابن علـوش يوجـه الرضـي الدليـل جامع كـل زوج اثنـان فـي الباخـره مايقـول الفقيـر الا الكـلام القلـيـل من معه ذخـر مـدري لينتـى ذاخـره سـعــد بـــن عــلــوش ماتقطـع وصـل ولا الرجـا مستحيـل من زخر جاتـه ورود العطـا زاخـره دام وجهك طويـل ودام سيفـك صقيـل اقطع لسام راعـي الكلمـة الساخـره سـعــد بـــن جــــدلان اه مـن سالفـة هابيـل والا قابـيـل ياسعد انت فادنـى البحـر والا اخـره كانت الجند في المقدس تحـط وتشيـل وابـن داوود ميـت والعصـا ناخـره سـعــد بـــن عــلــوش هذي عادتك يالراس الشنـوح العليـل تلطم الشاي من قبـل تهـدي باخـره كان ما انت بعلى على منوك تحيل وتعيل مالله بسايقـه يـمـك ولا صـاخـره سـعــد بـــن جــــدلان ماورى النار للظاميـن مـن سلسبيـل جمعـي مامضـى يالكلمـه الفـاخـره عاد صدري وسيع وعاد صبري طويـل لكن احـذر عبـاب المـوج ياماخـره |
رد: فوق هام السحب ( الشعر الشعبي) على متن القوافي
يذوب قلبي شوق من شدة آلشوق
وتدمع عيــوني لآطرا لــي خيالـك آلشوق ما يرحــم ولآ يعرف آلذوق ياللـي ملكت آلروح وقلبي حلالك زهرة اللوتس |
رد: فوق هام السحب ( الشعر الشعبي) على متن القوافي
يا مركب الشوق ضاع العمـر وتحطم
على صخـــور الليــالي من مــأسيهــا مــن غيــر دستـــور لا ودع ولا سلـــم ســـود الليــالي طـــوتنا قبل نطويهــا ما دام في العمــر باقي عيــش لا تهتـم اركـــن علــى الله وربـــك بــا يجليهـــا علوي الباشا |
رد: فوق هام السحب ( الشعر الشعبي) على متن القوافي
يالساني احذر عن فمي لاتعدى
قدام لاعضك على الضرس والناب واحذر تودي هرجةْ ماتودي واليا بدت قالوا لك الناس كذاب اللي تعشى بالكذب ماتغدى والي تعالج به من السقم ماطاب واذر ثم احذر بالردي لاتجدي حاجتك ماتقضي وسرك مع الباب من يوم مايفهم حقيقتك صدي واصبح يسولف بك مع الناس الاجناب عز الله اني تبت وابا اتعدي توبة نصوحٍ عن دروب الخطا تاب واحدي عن اصحاب الردي وأتحدي خله يقولون العرب ماله اصحاب عبدالله المسعودي |
رد: فوق هام السحب ( الشعر الشعبي) على متن القوافي
يامستغيب الناس ماني غيوبي
ماني لغيري لا اباودي ولا اجيب عن عيب غيري شاغلتني عيوب من يشغله عيبه ماشاهد لاحد عيب الصدق مثل الريس من الدروبي اللي ماتغني عنه كل المجانيب والكذب ظلمه فوق وجه الكذوبي ظلام ليل ولاظلام الاكاذيب عبدالله المسعودي |
رد: فوق هام السحب ( الشعر الشعبي) على متن القوافي
في الرجال معاكز ٍٍ(ن) ومراكز
مثل اليمين تمد قبل إشمالها وفي الرجال مثل الجبال الشمخ فيها الذراء والماء و طيّب فالها وفي الرجال حوينيٍ ٍ ودويني له مجلس ٍ عند الرخم وأشكالها وفي الرجال مثل المهمهيه الانذال لا تغزي ولا يعزى لها .... |
رد: فوق هام السحب ( الشعر الشعبي) على متن القوافي
اكتب ويكتب لي وانا اقول حتيش
حبرٍ على القرطاس ماهوب كافي والوضع ماهو قابل للمطاريش يامير بشرني عساها عوافي سجيت يوم غصون قلبي مواريش واليوم يافرز الوغى شاب قافي عروق قلبي يالسديري معاطيش امسي وانا مقفي واعاين خلافي رافقت حجاج الهنود الدراويش وسريت مسرى الذيب رجلي وحافي وطال المسير وصار بالجو تشويش متى على الله يصبح الجو صافي شي يخدش ثومة القلب تخديش وسره يعود الى القلوب النظافي يكفيك لايح كلمتي دون تفتيش وعندك خبر ماقال صقر النصافي ومدام انا قلبي جزوع الى نيش حساس من كلمه سريع العيافي ارض خلا لومابها لقمة العيش اخير من رزق عليه اختلافي والرمز يكفي الحر والخاتمه ويش واقبل تحياتي وانا شاب قافي رشيد الزلامي رد الأمير محمد السديري يقول : ياطير ياللي بالهوى تنفض الريش ياللي تهز اطراف ريشك خفافي ياللي نهضت الصبح عقب المغابيش وقت الصباح وكلٍ ابصر وشافي اعطيك سر مخزنه بالنشانيش انحر رشيد ولك بداره ملافي رشيد من ربعه عداة مداغيش وصل كلامي للعديم السنافي قل له عرفت اهل القلوب المغاشيش اللي عصو باللي ثمانه رهافي زين الصباح ينفش الخد تفتيش عين العنود اللي ترب السعافي برق يفوتك لو مزونه مراهيش لاتستخيل امطار سحب مقافي العام قلت اطلب هل الخيل والجيش اهل البيوت موسعين الرفافي الى غدى فعل المراجل تناويش افعالهم مثل الغتر بالكشافي وقلوبهم للضيف دايم هشاهيش وعدوهم اسقوه سم زعافي دور مع الاجواد ضاف العكاريش وابعد عن اهل الكيد والستر ضافي رزق ورى النذال جوع وعراميش والشرب منهم يالزلامي عيافي اجزم وشم واعرض وبعد عن الهيش مافيه كود الشوك مثل الشلافي وفيه العقارب والافاعي محانيش والفعل وسط قلوب الاشرار خافي الى عصو مالك بنجد مهاويش شرع للشريعه لحافي راحت سنين الخيل مع حزب الجيش وهذي سنين يالزلامي عجافي رشيد اهل خلك ترى عندهم طيش ويفرقون اهل القلوب المشافي |
رد: فوق هام السحب ( الشعر الشعبي) على متن القوافي
احسب ان ما للجمايل على الدنيا جحود
لين معروفي بذلته ب ناس وجحدوه واشهد ن من يفعل الجود في من لايجود مثل من حجج على غاربه ذباح ابوه حمد هادي المسردي |
رد: فوق هام السحب ( الشعر الشعبي) على متن القوافي
يالله يامجري القمر من مغيبه
يامرجعه للشرق من عقب تغريب تفرج لعين من وجعها مريبه عيّا يفيد بها الدوا والتطابيب هذا لها خامس شهر مستصيبه بين الرجا والياس والخبث والطيب على الذي من دونه ارض تعيبه ما ياصلنّه متعبات المناجيب ليت الهبوب اللي تجيني تجيبه لاشرّقت من نجد من غير تجنيب لين اني اقضب مقدمه والتوى به عقب التفرّق والبطا والتغاريب يقرا لمظموني وانا اقرا لغيبه سراير تكشف بليّا مكاتيب اللي على فراق شوفه غصيبه نهار قفّينا على الفطّر الشيب ادعج غنج كنّه عيون الربيبه شيهانة تفرس بكل المخالب المترف اللي مايماتع صويبه جرّبت منه وكل شي بتجريب العين خرسا من طربها غضيبه فيها لطرّاد المودّه مغاليب والراس ذيل اشقر يشعشع سبيبه يسبق اذا جنّ السبايا جناديب والخد قنديل الدجا ينسري به عليه من شغل النصارى كواليب وعوده كما البردي ليان رطيبه يومي به النسناس بين النبانيب وملامس مانشت منها لبيبه الين من الديباج دمث المقاضيب وريحه كما ريح الزهر في شعيبه في مربع علّه من الوبل تشعيب ممطور امس ومدرس ماوطيبه واليوم شمس وفاح طيب على طيب لاوهني الذيب يرفع قنيبه وانا قنيبي بالخفا شقًت الجيب ماوالله اصخي به وانا خاطري به لو غتّرت سود العوارض من الشيب يا اهل الهوى سود الليالي صعيبه ياما سمعن بفراقهم عقب تقريب خطّ بسجلي مالغيري قريبه عطف بلطف واجتماع وترحيب وصلوا على سيد البرايا طبيبه ماافترّ دولاب الهوى للطواليب سليمان بن شريم المري |
رد: فوق هام السحب ( الشعر الشعبي) على متن القوافي
في وسط نجد اتبع هوى كل نسناس
واطرب لشوف طيورها وتغريدة اعشق ليالي نجد لو أنها ادماس وأيامها عندي جنان سعيدة شمي لعشب رياضا يقعد الراس وما فات من ساعات عمري يعيده وله أيضاً: الى هب الهوى يزداد وجدي على شانه يجي من يم نجدي وله أيضاً: أنا من نجد يكفيني هواها ويبري لوعتي شربي لماها وأيضاً: ان كان بي عذروب حبي لاهل نجد احبها واحب شمة هواه احبها يوم انها درة المجد دار تمكن بالضماير غلاها دار غلاها باجد مهجتي بجد دار لنا دار ظلالي سماها محمد الأحمد السديري |
رد: فوق هام السحب ( الشعر الشعبي) على متن القوافي
الرفيق اللي يجي لك محبه واحترام
قم بماجوبه ولا لك فضل ولا صنيع قدم اللي تقدره من حفاوه واهتمام والبشاشه ثم قدم له اللي تستطيع واعرف انه ما يبي لا شراب ولا طعام العرب كل بخيره ودنياهم ربيع بس لك عنده مكانه ولك قدر ومقام والرفيق اللي يقدر ترا قدره رفيع والبخيت اللي رفيقه يمره للسلام ما يجنب ويتعدى مع الخط السريع .... |
رد: فوق هام السحب ( الشعر الشعبي) على متن القوافي
الطيب مايصعب على راعي الطيب
والا الردي ماهو ، على الطيب طايل كلن يقول ، انه على المرجلة ، ذيب القـول قـولن .والفعايل .فعايل ياللي تحسـب الطيب يشــرى وينباع الطيب كايـد والمواقــــف توافيــــــق احدن نظـــر عينـــه على واطي القاع واحدن طلـوعه فوق روس الشواهيق. .... |
رد: فوق هام السحب ( الشعر الشعبي) على متن القوافي
بيض الله وجه من سدد وقارب
وكمل الواجب....وعن ربعه تغاضى الصبر مطلوب في وصل....الأقارب ومن يشيل...الحقد ماعمره تقاضى منصور بن عطيه بن جفين |
رد: فوق هام السحب ( الشعر الشعبي) على متن القوافي
الناس ما خلت حدٍ ما حكت فيه
كم قيل في غيري وكم قيل فيني لو كل من يحكي بي اطرد حكاويه تاهت بي الخطوه وضاعت سنيني وانا احمد الله درب الاكرام ماشيه ومدي الفروض ومرضيٍ والديني واليا ترك بعض الخلايق مباديه صنت المبادي في سلومي وديني .... |
رد: فوق هام السحب ( الشعر الشعبي) على متن القوافي
تعال خاشرني ترا الحي للحيّ
الخير خير الله ماهوب خيري حلفت ما اكنز من حلالي ولاشيّ كيف اكنـزه وانا ادري انه لغيري عسى بيـوت ٍ ما لجـدرانها فيّ ؟ تصيبـها دعـوة الاميـر السديري فلاح القرقاح |
رد: فوق هام السحب ( الشعر الشعبي) على متن القوافي
رح للسعة وش دخلك بالنوايا
مالك بسر صدورنا لك علنها ! وكانك من اللي يبحثون الخفايا حنا من اللي لا لقاها دفنها والله تكفّل في حساب البرايا والله يحاسبها على ما ائتمنها وما فيه احد ما له ذنوب وخطايا ولا تشغل العالم ولا تمتحنها .... |
رد: فوق هام السحب ( الشعر الشعبي) على متن القوافي
من له رفيقٍ لا يجي بمحاسبه دايم دقيق
عن زلته يقصر نظر عينه ماكنه يشوفها يجامله ويقدر ظروفه ما دام انه رفيق ويدراه عن ناسٍ على الساقه تحد سيوفها ترى التغاضي يكسي الرفقه بملبوسٍ يليق يستر خملها ويتجلى فيه زين وصوفها واللي يدور للزعل لابد يلقى له طريق حتى يصافح حزة افراقٍ تمد كفوفها خليل بن هدلان |
رد: فوق هام السحب ( الشعر الشعبي) على متن القوافي
حنا عزاز ولا نحب التخضاع
والله خلق فينا الكرامه جبله نكره وجيه الكبر في كل الاصقاع والكبر يرخص كل نفسٍ تشله من عاش عمره للمخاليق تباع يشرب فناجيل الغبن والمذله وراع المعزه لو من الوقت يلتاع يعيش شامخ ما انحنى غير لله خليل بن هدلان |
رد: فوق هام السحب ( الشعر الشعبي) على متن القوافي
مافيه مثل العافيه ستر وغناة
ان جات للمسلم ،، تراها كافية كم واحد يطلب ملذات الحياة واذا مرض مايطلب الا العافية .... |
رد: فوق هام السحب ( الشعر الشعبي) على متن القوافي
المـشـاكـل كبرتني وانـا مـانـي كبير
شـيّـبـت فــي الليالي وبـقـعـا تـوهـا الليال اللي مضت بين شر وبين خير والليال الـمقبلـه مـا دِري وش نـوهـا عبدالله بن زويبن |
رد: فوق هام السحب ( الشعر الشعبي) على متن القوافي
كثير العرب لو صد عنا ماقلنا ليش
ترا قيمة الرجال من قيمة فعوله مثل روغة المشبوه من نقطة التفتيش يروغ الردي لاحتاج له كل من حوله ترا واحدٍ يكسي جناح الصقر بالريش كسانا بثوبٍ من غنى النفس ذا طوله رغم مايواجه من عراقيل صقر قريش لكنه كسر كل الخصوم وبناء دوله عايض العاطفي |
رد: فوق هام السحب ( الشعر الشعبي) على متن القوافي
حافظ على المصحف و 5 الصلاوات
مع الجماعه واطلب الله سماحه و اتعب لطاعة ربك بكل الاوقات لان التعب في طاعة الله راحه لا تقضي ايام الشهر فـ الملذات مابين ملعب طائره و استراحه جراح العتيبي |
رد: فوق هام السحب ( الشعر الشعبي) على متن القوافي
علمو مـن ينقل الهـرج لفـلان وفـلان
لا يجيب الهرج عندي ولا يجلس معي السوالـــف بالقفا مالها عنـــدي مكان قبل لا احشم السانـي حاشــم مسمعي لقائلها |
| الساعة الآن 09:21 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية