رد: اخترنا لكم
 

ريحة بخورك تنعش القلب والروح
‏وفاحت رياح العود من زين طيبك

‏طـيـبـك يشـيـل الهم ويزيل الجروح
‏ ويبقى جمال الطيب ساعة حضورك

.....

رد: اخترنا لكم
 

واين الذي لا هويته ما يقلك لا
في كل الاوقا والساعات تلقا له

به في بروج المحبه دايمً تعلا
ويفوق حبك علا العشاق والشله

وفي سنين المحبه دايمً تغلا
ماتعرف الحزن والدوار والذله

قلوبنا من فعال اهل الهوا قــتلا
وكل واحد يريد العشق من شكله

انك بذور المحبه والهوا يغـــلا
والا على المهل كلن يعتمد فعله

.....

رد: اخترنا لكم
 

إنظري لي نظرة الشوق للشي القديم
وإغرقي بالدمع الأزرق مظاليلٍ وساع

وإقبلي مثل التباشير في وجه الكريم
وإرحلي مثل التعازي على موت الشجاع

.....

رد: اخترنا لكم
 

‏تطيب الرجال وطيبها بالـعرب مذكور
‏وتبقى على النوماس والطيب مذكوره

‏ياكم حي ماله بين جمع الرجال حضور
‏ويا كـم ميت بـين القبايل سيرته حيـه

.....

رد: اخترنا لكم
 

من عادتي لا جاني الضيق جنبت
عن كل شخص من الخلايق احبه

اتحمل الضيقات واتحمل الكبت
لكن ماكون لضيق الاحباب سبه

.....

رد: اخترنا لكم
 

اقبلي من صوب قلبي سلّم الله هالخطاوي

كل دربٍ في حضورك لا مشيتي تشرّفينه

.....

رد: اخترنا لكم
 

‏خذ ياسحاب الشوق من قلبي الشوق
وارحل جعـل مسعاك درب السلامة

صــوب الذي له شــآن ومكانته فوق
وسط الضلوع العــوج ساكن غرامه

قله قسم قلبي من الشــوق محروق
والنار تنهــش في الخفــوق إلتهامه

والجسم كامل صابه الياس والعوق
والقلب ينـــزف داخلي مـن سقامه

.....

رد: اخترنا لكم
 

‏وقلب جرحته لاتحاول تداويه
‏خله يعاني من قساوه طعونك

‏بالله قلي ماحصل وش تسميه
‏أغلى حبيب لك بلحظه تخونه

‏حاولت بك ولاحصل شي ابيه
‏وخيبت ظني خيب الله ظنونك

‏تصفي لغيري بالمحبه وتغليه
‏وتبيع ناس بالموده يبونك

.....

رد: اخترنا لكم
 

ضمني ضمة حضن ماهي بـضمة يدين
‏واترك احياء المشاعر تضم امواتها

‏ليلـةٍ جابتك عندي وانا صدري حزين
‏ودي اوقف على شوفتك ساعاتها

.....

رد: اخترنا لكم
 

‏⁧ تجمل⁩ ترا والله مال للجميل انكار
‏ولا ينكره من كان في راسه مروه

‏عسى راعي ابشر ماتقفي به الاقدار
‏ولا ينقطع ذكره ولا ينطفي ضوه

رد: اخترنا لكم
 

‏لاطاح من عينك من تعزه وتغليه .
‏مالك على باقي المخاليق شرهه

.....

رد: اخترنا لكم
 

‏خذيت فالماضي بالافكار جوله
‏ورجعت للحاضر وعندي قناعات

‏اجمل سنين العمر سن الطفوله
‏واجمل سنين الحب وقت البدايات

.....

رد: اخترنا لكم
 

‏بين الأذان وبين تكبير الأمام
‏الفضل واسع في انتظار الصلاوات

‏لا وهني اللي عن الفرض مانام
‏ما غرته دنيا العنا بالملذات

‏لا راح نصف الليل من مرقده قام
‏وصلى لوجه الله مع الوتر ركعات

بقلمي

رد: اخترنا لكم
 

‏ياواحد احد ياعالمٍ بالخفى والغيب
‏لك الحمد يا معبود والشكر والمنه

‏عسانا بدنيانا نحوز الوفا والطيب
‏وفي الاخره نفوز برضاك والجنه

بقلمي

رد: اخترنا لكم
 

خلك معي أقرب من الشوف للعين
‏وابقى معك مثل العيُون ونظرها

.....

رد: اخترنا لكم
 

‏هــاك الوفا والغـلا بالشعر مرســول
وهاك الورود أشكال من كل نـوعـي

بـيـنـي وبينك بـحـر وجبال وسهول
وروحك قـريـبـه في حنايا ضـلوعي

.....

رد: اخترنا لكم
 

قلبي مساك وليلي بشوفتك غير
‏ياللي غشاك الليل قلبي يحبك

‏ يسعد مسا قلبك انا قلبي بخير
‏بس انت قلي يا الغلا كيف قلبك

.....

رد: اخترنا لكم
 

‏ما نجبر اللي ما يبينا علينا
‏حنا عزاز نفوس ما نجبر الناس
‏
‏واللي يقدرنا وجانا يبينا
‏عزيز ومقدر على العين والراس

.....

رد: اخترنا لكم
 

لو تحاربك الحياه وما عليها
‏انت ادرى عن مدا احلامك وذاتك
‏
‏كل لحظه تعيش فيها عيش فيها
‏لا تخلي غيرك يغير حياتك

.....

رد: اخترنا لكم
 

ياكبر قدرك يارفيقي عن الناسَ
مايشبهك في طبعك إلا المرايا

هِي تعكس الأشياء بدقه ومقياس
وأنت تعكس بَطيبك وبيض النوايا

.....

رد: اخترنا لكم
 

الجو رايق والهوى فيه نسناس
‏والغيم متجمع بـوسط السما فوق

‏يالله ترحم ميت الارض والناس
‏وتشفي قلوبٍ مسها الضيق والعوق

.....

رد: اخترنا لكم
 

لا تنزعج وإن عذربوك القريبين
نصيحةٍ قد قالها راس شايب

تجيك مدحة من رجالٍ بعيدين
تغنيك عن جملة حروف القرايب

.....

رد: اخترنا لكم
 

‏على الزعل والضيق حنا كبرنا
‏ماعاد في اشياء تستاهل الضيق

‏واذا اعتزلنا الكلّ محدٍ جبرنا
‏ العزله أصدق من وجيه المخاليق

‏حتّى على صدّ الحبايب صبرنا
‏الحلم لولا الصبر مافيه تحقيق

‏من كثر خيبات الحياه اعتبرنا
‏العمر لحظة واليالي توافيق

.....

رد: اخترنا لكم
 

بعض الرسايل مالها اليوم داعي
محرمه ماهي على نهج الإسلام

لو ان راعيها حكيم وواعي
ماراح ينشرها لنا عبر الاعلام

.....

رد: اخترنا لكم
 

‏ياشين بعض الكلام ان زاد عن حده
‏يكدر البال ويجدد مـواجعنا

.....

رد: اخترنا لكم
 

‏نصيبك من الله ثابت بلوحه المحفوظ
‏ولـو تجتمع كل البشر ما يردّونه

.....

رد: اخترنا لكم
 

الصمت أجمل أحاسيس الغلا ذوق
وأحلى كلام الحب شعر وخواطر

وان ما رتوينا من غمام المطر شوق
لابد من وقت به الشوق مآطر

.....

رد: اخترنا لكم
 

استغفرك يالله يارب الأرباب
وأسألك ثبتني على نهج الأسلام

ويالله لدرب الخير يسر لي أسباب
واعوذ بك من شر دورات الأيام

.....

رد: اخترنا لكم
 

بعض المساحات فيها نخبة المُجتمع
الطرح راقي ويحضىَ بإحترام وقبول

والبعض فيها خبول المُجتمع تجتمِع
المستضيف أهبل ولاجاه غير الخبول

.....

رد: اخترنا لكم
 

الحاجة اللـــي حـدة الحر للبوم
يدفق دماء وجهه ويرخي متونه

لا شك أنا عنها من رجال ٍ تشوم
لو كان حظـــي مكسرات قرونه

راضي بكل اللي مقدّر ومقسوم
حتى ولـو كتفـي ثقيلـه ديونـه

أبيع وأشري وأفرق السوم واسوم
والطيّب الوافـي ترانــي زبونـه

.....

رد: اخترنا لكم
 

ليه الظروف القاسية تكسر ظهور الطيبين
اللي عن حمول الجماعه ماتلين ظهورها

شفت الزمن مايعصف الا بالرجال الغانمين
اللي ولو ضاقت سنينه ماتضيق صدورها

يضحك حجاجه للظروف يقول بكره تاتزين
لوكان عبرة ضيقته تضغط على حنجورها

رد: اخترنا لكم
 

خذاه النصيب ولاعطاني سوى فرقاه
ودفعت الكثير اللي وراي وتخسرته

يقولون لي دور على مثله وتلقاه
وانا اقول ذا باب فتحته وسكرته

عذرته وسامحته على كل ماسواه
ومديت له يمنى المفارق وودعته

احبه ولكن خاطري جاه ماكفاه
يكفيني اني لاجرحته ولا اوجعته

......

رد: اخترنا لكم
 

يقول تكفى وظني فيك ياطيبه
واقول يالله عساني من ورا ظنه

اللي معي تاجده والطيب نحري به
واللي مع الناس ما عندي خبر عنه

حاجتك مع واحد ٍ عيا على طيبه
ماهيب في يديّ جعل ابوك فالجنه

اللي من اول ضحك بسنون
تركيبه
جيته من أجل انفعك مير
انكسر سنه

.....

رد: اخترنا لكم
 

اترك الناس فيها مايكفّيها
واجتهد في صلاح النفس والسيرة

دايم النية اللي ماتصفّيها
عاقبتها عليك الهم والحيرة

كل نارٍ لها شـيٍ يطفّيها
غير نار الحسد والحقد والغيرة


عبدالله الطلحي

رد: اخترنا لكم
 

الله ولا بعض الكلام اللي يحطك في حرج
الكلمة اللي ما تجمّل خلها في فالها

ودك يقولون العرب وش فيه ساكت ماهرج
ولا يقولون العرب ليته سكت ما قالها

.....

رد: اخترنا لكم
 

خوي الرخاء ياسعود مثل أزرق الدخان
تزيده محبه وانت تدري عن أضراره

لكنه يسلي الخاطر الضايق الزعلان
وعلى العود الأزرق معظم الوقت تختاره

يحب المزوح وصدره أوسع من الديوان
خفيف لطيف وقلبه أروغ من الفاره

ما تحتاج منه مال ومواجهة عدوان
تبيه إن غرقت ببحر الأحزان سناره

.....

رد: اخترنا لكم
 

الأصحاب خلهم في حياتك نمر تعشيق
الأول هو الأول والثاني هو الثاني

لكن واحد خله دبل لاحداك الضيق
لا تستخدمه في كل الأوقات مجاني

.....

رد: اخترنا لكم
 

ياليتني ماطبت في بعض الاشكال
اللي استغلّو طيبتي واتعبوني

ارخصت لاجل رضاهم الحال والمال
وان جيت اذكرهم بطيبي نسوني

وان جيت اجادلهم تراجعت فالحال
بس الوكاد ان الرخوم جحدوني

تعبت اجامل والثمن راحة البال
وصداع راسي والسهر في عيوني

.....

رد: اخترنا لكم
 

خل حبل السّانيه بين النحر والغارب
لا تقفّاها على السّاقه ولا تنطحها

وان لقيت جحَارة الدّيبَان والعقارب
لا تقُوم تدَوّر العِيدَان وتفتحها

الأوادم شرّها من خيرها متقارب
من خلقنا الله وحنا ذمّها وامدحها

والزمان مشمّرٍ كمّه وكَفه ضارب
عالَمٍ تحتال فيه وعالَمٍ يذبحها

.....

رد: اخترنا لكم
 

حاجتينن تطرح الرجال من عرش الرجوله
الحيا لاقل من وجهه وكذبه في كلامه

وحاجتينن ترفعه للعز وتجمل فعوله
خشية الإله سبحانه وتوقير احترامه

.....