رد: اخترنا لكم
 

انا سمحت وطابت النفس واقفيت
ما عاد لي صوب الرجوع التفاته

فـات الاوان ولا تقولين ياليت
كل عسى الله يسعده في حياته

.....

رد: اخترنا لكم
 

‏ما يلحق الواثق مشاريه وظنون
ولا به كبيرٍ يلتفت للصغيره

.....

رد: اخترنا لكم
 

على الهون ماحنّا على القاسيات جداد
‏تشين السنين تزين قدهي عوايدها

.....

رد: اخترنا لكم
 

وسط ذاتي عشت مالي غير أنا خل ونديم
والحقيقه مالقيت احلى من أعماقي وطن

.....

رد: اخترنا لكم
 

يموت الغلا من قلة الوصل والتقدير
‏مثل موتت المعروف لاصاربه منّـــه

الامير خالد الفيصل

رد: اخترنا لكم
 

احبه كثر ماني من البُعد عنه اخاف
‏واداريه وارفق فيه وامشي على شوره

‏لو انه درى وش له ورى قلبي مِن ارياف
‏تـرك ماوراه ودونه وساق مظهور

.....

رد: اخترنا لكم
 

ارفع يدينك وما في خاطرك قوله
من رحـمـة الله لا تيأس ولا تـقلق

لا شـفت قـدامك البيبان مـقفـوله
بيبان ربي كـريـم الـوجـه ما تغلق

سبحانه

رد: اخترنا لكم
 

‏ياهيه ياللي تنقل القال والقيل
‏وتحطني في موقفٍ ما حصلي

‏بيني وبينك دعوةٍ تالي الليل
‏اخذ بها حقي وانا في محلي

.....

رد: اخترنا لكم
 

‏ما كل ضحكه عليها للسعاده ضمان
‏ولا كل وجهٍ بشوش مخلّيته الظروف

‏مفارق أحباب ومواجه ظروف الزمان
‏والحمدلله مستانس مثل ما تشوف

.....

رد: اخترنا لكم
 

صحيح الظروف انها تنكد على الرجّال
لكنـها تنـقّي لـه من اهـل الوفا نقـوه

.....