رد: فوق هام السحب ( الشعر الشعبي) على متن القوافي
 

لاتسمع كلام المرجفين ويجيك إحباط
‏ولا تفهق الممتاز وتقدم العادي
‏
‏ترى واحدٍ يأمن عدوه ولا يحتاط
‏مثل من يشوف البرق و ينام في الوادي

.....

رد: فوق هام السحب ( الشعر الشعبي) على متن القوافي
 

‏تراودني تعاليل المحبة والشعور أسراب
‏واغضّ البال لامنّي سرحت وقلت منسيّة

‏على هون اليدين اللي على جرحي تطق الباب
‏وأنا بابي ذرى عابر سبيل وصوت طرقيّة

.....

رد: فوق هام السحب ( الشعر الشعبي) على متن القوافي
 

‏ياغريبة يوم جيتي وأعلن العمر اغترابه
‏ اكحلي عين المسا وإلا استخيري ياغريبة

‏اعبري حول المشاعر وانثني مثل السحابة
‏وانحري عنق الغريب من القوافي وافتدي به

‏أنتي أكبر من شعورٍ يفقد العاقل صوابه
‏وأنتي أكثر من كلامٍ يقدر الشاعر يجيبه

.....

رد: فوق هام السحب ( الشعر الشعبي) على متن القوافي
 

في سماء حضنك عن الدنيا وما فيها سليت
‏ياعوض ربّي على قلبي وجنّة مشتهاه

‏عوّدت روحي ومن لجّة بحر حزني نجيت
‏جيت لك غارق وجيتيني مثل طوق النجاة

‏لو بذلت الروح لجل أفدى عيونك ماوفيت
‏ماعطيتيني حنان أنت ِ عطيتيني حياة

.....

رد: فوق هام السحب ( الشعر الشعبي) على متن القوافي
 

ليه أترك الحلم وأذرف من وراه الدموع
‏وأحلام الإنسان توخذ غصب ماتنعطى

‏ تشكّلي يا ظروف الدهر ومن أيّ نوع
‏باجيك هادي ومتوازن وواثق خطى

‏القلب ضد الكسر والراس ضد الخضوع
‏والمتن للشيل واليمنى لبذل العطى

.....

رد: فوق هام السحب ( الشعر الشعبي) على متن القوافي
 

عطيتك اللي ماعطيت اقرب الناس
‏وعلقت فيك أحلام عمري وضاعت

‏لي قلب مايقسى وصادق وحساس
‏ولي عين ماصدت وخانت وباعت

‏ولك قلب طيب بس ماعندك احساس
‏ولك عين ماشافت جروحي وراعت

‏جيتك على وضح النقى رافع الراس
‏وطوعت لك نفسٍ عزيزه وطاعت

‏ابعتبر حبك مثل غلطة إحساس
‏وانت اعتبرني مثل فرصه وضاعت

.....

رد: فوق هام السحب ( الشعر الشعبي) على متن القوافي
 

أنت وجهك من لقاه أصلًا عشان يخلّا
‏يالقبال اللي به ظروف الدهر منّانه

‏ماينافسني على صادق محبتك إلا
‏العقيم اللي تعلّق في عيال أخوانه

.....

رد: فوق هام السحب ( الشعر الشعبي) على متن القوافي
 

‏واضح أن عينك في حيره وقلبك في ثبات
‏ ناويه غير الله اعلم وش أنتي ناويه

‏أدركي باقي سنيني ونصف الأمنيات
‏أمنياتً نصفها أعجاز نخلً خاويه

‏والاّ خليها تساوى مع الموت الحياة
‏في ضميراً ظني أنها معه متساويه

.....

رد: فوق هام السحب ( الشعر الشعبي) على متن القوافي
 

‏شاعرك واشعر بلهفه ورغبه واحتياج
‏لعنبو جد العدو كيف ما اجي منعمي

‏والله ان شوفك غنيمة وتعديلة مزاج
‏انت خمرً منسكب منت والله بادمي

‏جعلني فدوة عيونك ورمشك والحجاج
‏وابك والله ماتقارن بعذبات اللمي

.....

رد: فوق هام السحب ( الشعر الشعبي) على متن القوافي
 

أنت يا أوّل مشاويري وظلّ أنتظاري
‏كم لي أخذ صورك من الوله وأحتضنها

‏شاقت الأرض وجهك يوم جفت دياري
‏والبدو داخلي ماسنت إلّا سْننها

‏والله إنّي تحملت التعب وأنت داري
‏والله إنّي خذيت من المسافة شجنها

‏وبعتني بيعة السّامح بعد جيت شاري
‏كيف تضحك لك عيوني وصديت عنها

.....

رد: فوق هام السحب ( الشعر الشعبي) على متن القوافي
 

يامرهفة إحساس يادرة الماس
عندك على بعضً القصايد مناعه

وبوك شيخ سمعته ترفع الراس
فيه الكرم والمرجله والشجاعه

إمسيسه بالطيب ساس على ساس
يالنادره ماعاد فيها قطاعه

اماخذني حب وشعور واحساس
والا اخوك من النسب والرضاعه

.....

رد: فوق هام السحب ( الشعر الشعبي) على متن القوافي
 

‏اجاهد ضيقة الخاطر واقول ان العوض قدام
‏اضد لغارة الضيقه واواجه غيرها غاره

‏اعلق ضحكة الوجه الحزين فعاتق الاحلام
‏انا مبطي عن الوجه الضحوك ان مر تذكاره

‏لاتنغر في كتابات القصيد وسكبة الهندام
‏ترا انتي تجهلين القلب وش خافيه باسواره

.....

رد: فوق هام السحب ( الشعر الشعبي) على متن القوافي
 

‏حُرية الفكر هي أبسط حقوق الحياة
‏والعاقل اللي يعرف حدود حريته

‏من سكر أبواب قلبه لاتفتش وراه
‏من حقه يعيش بالدنيا خصوصيته

‏فقير الأدراك أفعاله تأكد رداه
‏تكشف لك أسراره السودا وماهيته

.....

رد: فوق هام السحب ( الشعر الشعبي) على متن القوافي
 

‏وأنت يا اللي من خلقك الله عسر ومخبّا
‏البرود اللي بدون أسباب وش تعريفه

‏كان قلبك من ضغوطات الحياة معبّا
‏وش يقول مكافح الدنيا شتاه وصيفه

‏الشعور إليّا كبر سنه ماعاد يصبّا
‏لاتطوفه نشوة الحب القوي واعيفه

.....

رد: فوق هام السحب ( الشعر الشعبي) على متن القوافي
 

ماعليك من البرود وما عليك من المكابر
‏والله انك غاليٍ جدّا وفي قلبي لحالك
‏
‏انت في قلبي مقيم وغيرك من الناس عابر
‏وانت تامر ياحبيبي كل ماعندي حلالك
‏
‏وماعليك من الكلام وما عليك من المخابر
‏قلبي اعلن واعترف بان الغلا وان الولا لك

.....

رد: فوق هام السحب ( الشعر الشعبي) على متن القوافي
 

‏عليك الغلا مرّدود يالغايب الموجود
‏سوالفك غابت مير طرياك ماغابت

‏غيابك حضورً له بصدر البيوت شهود
‏وش الي يغيّب ضحكتك والغلا ثابت

‏أحنّك مثل ما أحن وجهي مِن المنقود
‏وأعدك ليا عديت الأيام وش جابت

.....

رد: فوق هام السحب ( الشعر الشعبي) على متن القوافي
 

عظيم البرد يوم إنك رحلتي والجمر بيديك
‏وأنا مالي نصيب من الدفا والبرد ياقوّه

‏تيبّس طارف أشجار الكلام وما قدرت اجيك
‏حداني عنك تأنيب الضمير و دافع مروّة

‏تناسيتك رغم هذي السنين وقلت لك ناسيك
‏وأنا اللي مات في برد الكرامة ماشعم ضوّه

.....

رد: فوق هام السحب ( الشعر الشعبي) على متن القوافي
 

‏ياعفيفه سقت الاقدام مع كل اتجاه
‏مالقيت الوجهه اللي تبشر بالسعد

‏اطوي طوال المساري مثل ذيب السراه
‏هاقي ٍ في بكره وبعده وفاللي بعد

‏لاذكرتك حن صدري وجفني هل ماه
‏كن في جفني سحابه وفي صدري رعد

‏وكيف اداري دمعة العين ياعين المهاه
‏والبطى عقبه بطى والوعد عقبه وعد

.....

رد: فوق هام السحب ( الشعر الشعبي) على متن القوافي
 

ياللي لك الشعر يُكتب والمشاعر تذوب
الشوق ماهو بيرحم والطواري بلا

تعال مافيه واحد خالي من الذنوب
اما كذا مواصل العشاق ولاّ فلا

ان كان للحب دوله تستضيف القلوب
من غيرك اباييعه واقدّم لْه الولا

انا معك خاطري واسع وصدري رحوب
حتى لو اني حزين وخاطري ماسلا

.....

رد: فوق هام السحب ( الشعر الشعبي) على متن القوافي
 

مابين الصعب وبين الخوف والتجريب
‏أحاول ما أميل بيوم ولا تتشرد أفكاري

‏أمرّ بمرحلة صح أو خطا أو صدق أو تكذيب
‏كأني تايه في شيء ولاني عارف أقداري

‏أنا يارب ما أدري وش اللي ينكتب بالغيب
‏ولكن رحمتك أكبر من اللي فيه أنا داري

.....

رد: فوق هام السحب ( الشعر الشعبي) على متن القوافي
 

ليت الغرابيل جتني من عدوّ لي
اما تقاضيت ولا بيتقاضى لي

لكن من واحدٍ ذكرة غناةٍ لي
ولا زلت احبه وابا احبه ولا ابالي

لامر طرق بخدراته سلامّ لي
كنه يسلم علي بصوته العالي

خلوني اسج عن موضوعه احسن لي
والا الغلا والله ان يبطي وهو غالي

سعد بن جدلان

رد: فوق هام السحب ( الشعر الشعبي) على متن القوافي
 

‏اتركوني في زماني لاهي ومتغاضي
‏واعفو الخاطر من اللي يوجعه ويحده

‏البلا ماهوب في حزني ولا فامراضي
‏غير والله في ضمير ماعرف وش وده

.....

رد: فوق هام السحب ( الشعر الشعبي) على متن القوافي
 

والله إنّي ماقدرت أنساك بالمرّه مع إنّي
‏كل يوم أحاول أشغل نفسي بحاجه جديده

‏لكن النسيان شيّ أكبر من عزومي ومنّي
‏ياشريط بذاكرة راسي وراسي يستعيده

‏أنت يا اللي منّك دموعي ومنّك ضحك سنّي
‏ماقدرت أذوق بعدك طعم الأيّام السعيده

.....

رد: فوق هام السحب ( الشعر الشعبي) على متن القوافي
 

إلى متى وأنا أكسر من الشف في بعض الأمور
‏الظاهر إن الحزن ذي المرّه فرض شخصيّته

‏أخاف أصد ويحسبون الصد نوع من الغرور
‏وأخاف أجي جيّة غريبٍ ماتثمّن جيّته

‏لاصار حب الإنعزاليه دبل حب الظهور
‏أنشهد إن الموت أخير من الحياه الميّته

.....

رد: فوق هام السحب ( الشعر الشعبي) على متن القوافي
 

طال ليل الهجاد ولا بقى فيه مسرى
‏غير همي وحزني والجروح الخفايا

‏أكبت الحزن في صدري والأحباب تقرا
‏واتعب الوقت حالي فالسنين العرايا

‏يابقايا الألم والخوف وأحلام بكرى
‏ لامتى انتظر هل فيه باقي بقايا

‏راحت الأمنيات ولا بقى غير ذكرى
‏هزها الشوق والطاري وبيض النوايا

.....

رد: فوق هام السحب ( الشعر الشعبي) على متن القوافي
 

تربينا على اسلاف القبايل
وسبعه انعام فيها من قبيله

على الجودات شلينا الثقايل
تنصبنا على راس الطويله

سلايل عز تلحقها سلايل
عويله حي أبوها من عويله

.....

رد: فوق هام السحب ( الشعر الشعبي) على متن القوافي
 

الكامل الله والخطا طبع الانسان
والدرب يفرق عن يساره يمينه

والصاحب اللي له معزه وله شان
ان جاني بشينه تذكرت زينه

.....

رد: فوق هام السحب ( الشعر الشعبي) على متن القوافي
 

التعمق بعض الاحيان مامنْه اثمره
خلك السطحي لو انك تعيش بلْا شعور

تضعف الجوده لاسويت زوم الكيمره
وانت قسها في حياتك على كل الامور

.....

رد: فوق هام السحب ( الشعر الشعبي) على متن القوافي
 

سنّد على اللي في يده ملك الأملاك
‏اللي ملوك الأرض عنـده مماليك

‏اليا عطى لو ضدّك العالم أعطاك
‏وإليا منع ما أحدٍ من الناس معطيك

بقلمي

رد: فوق هام السحب ( الشعر الشعبي) على متن القوافي
 

‏يطغى نسيم المساء فوق البروده
مثل الدفى والروح تشتاق له حيل

يسعد مساء اللي مسائي وجوده
وإن غاب مايفرق صباحي عن الليل

.....

رد: فوق هام السحب ( الشعر الشعبي) على متن القوافي
 

يازين الخيال اللي بلا موعد ومرسول
لاصوّر لي اللي ماتصّوره كامرتي

يمرون مثل الحلم فالذاكرة وأقول
عسى الله يخلي لي خيالي وذاكرتي

.....

رد: فوق هام السحب ( الشعر الشعبي) على متن القوافي
 

ويا الله ياربي تسهّل لما نحتاج
ياوأحدن فوق السموات متعلي

يامن بسطت الأرض والبحر بالأمواج
وكل الخلايق تذكرك دوم وتصلي

.....

رد: فوق هام السحب ( الشعر الشعبي) على متن القوافي
 

لي صاحب ماكنه إلا البنادول
دايم يهديني ليا صرت ضايق

من يوم اسولف معه اروق على طول
انسى زعل شهرين في اربع دقايق


.....

رد: فوق هام السحب ( الشعر الشعبي) على متن القوافي
 

‏لاحدّرت دمعه ولا ناح نايح
ماني بمتضايق ولاني بمجروح

من جيت وادري بك مع الوقت رايح
حتى العمر واهو العمر وقت ويروح

.....

رد: فوق هام السحب ( الشعر الشعبي) على متن القوافي
 

يامرحبا ماهل وبل المخاييل
ترحيبةٍ فيها شموخ ومهابه

على الدلال اللي زعج بنها الهيل
والعود الازرق والكرم والرحابه

باللي لفونا من جميع المشاكيل
ضيوفنا واصحابنا والقرابه

بقلمي

رد: فوق هام السحب ( الشعر الشعبي) على متن القوافي
 

ان جيت خل الكل يفرح بلقياك
محبوب عند الناس ويقدرونك

وفي غيبتك خل الجميع يتحراك
مثل المطر كل البشر يحترونك

.....

رد: فوق هام السحب ( الشعر الشعبي) على متن القوافي
 

النعومة و الدلع و الهيكل المتناسق
والكحل والمسكرة والخد ابو غمازه

تلعب بقلب المطوع قبل قلب الفاسق
تحيي فؤاد الرجل لو هو على عكازه

.....

رد: فوق هام السحب ( الشعر الشعبي) على متن القوافي
 

تعجبني اللي في الشعر ذوقها ذوق
ماھو بحي الله قصيد يعجبها

دايم نظرھا وإختياراتها فوق
تعرض مفاتن ذوقها في أدبها

.....

رد: فوق هام السحب ( الشعر الشعبي) على متن القوافي
 

‏هواجيس قلبي بالدقيقه تجيها اسراب
وانا مابكيت الماضي إلا من هبالي

وش الفايدة ياعين حكم القدر غصاب
حياة ابن ادم هكذا شمس وظلالي

.....

رد: فوق هام السحب ( الشعر الشعبي) على متن القوافي
 

ياويل الخفوق اللي من البيض ماهود
ليا سج منهم مر فالدرب رعبوب

هدبها من الحجه الى الخد ومزود
من البندق اللي ثارت برأس مشذوبة

تلون وهي لابيض الله ولا سود
وتشكل تقول انها على اللبّس مسكوبه

تزم المعنق والخصر كنه مجود
ولا تحته الا طوبة جنبها طوبه

.....