رد: فوق هام السحب ( الشعر الشعبي) على متن القوافي
 

لاتُهنيني بعامٍ ليس عامي
‏لستُ قسيساً ولا جدّي ابْنُ حامِ

‏أنا ياهذَا حنيفٌ مُسلِمٌ
‏رأسُ عامي غرة الشّهر الحرامِ

.....

رد: فوق هام السحب ( الشعر الشعبي) على متن القوافي
 

‏سبح وهلل واذكر الله دقايق
‏ما اظن تاخذ وقت يامضيع الوقت

‏واطلب جليل المُلك لاصرت ضايق
‏عساه يفرج ضيقتك كل ماضقت

.....

رد: فوق هام السحب ( الشعر الشعبي) على متن القوافي
 

اطنخ وتدلل دام انا وانت حيين
تفداك روحي كان روحي تسدك

بلدك قلبي والشوارع شرايين
تمشي مع الشريان من حيث ودك

مره تمشي داخل العين ياعين
ومرة تخش الفكر محد يردك

.....

رد: فوق هام السحب ( الشعر الشعبي) على متن القوافي
 

وآقلبي اللي بين الأضلاع مشتاق
‏مشتاق شوق الام ضمة ولدها

‏يتوق من بين المحاني واذا تاق
‏عوّد على النفس الشقيه نكدها

.....

رد: فوق هام السحب ( الشعر الشعبي) على متن القوافي
 

‏يالله توسّع خاطري دامني حي
‏وتجعل هناي وراحتي في صلاتي

‏يارب مابي خاطري يكسره شي
‏ابيك تسعد مابقى من حياتي

.....

رد: فوق هام السحب ( الشعر الشعبي) على متن القوافي
 

الا يارفيقي مابقى بالعلوم علوم
ولا عاد بالموضوع وده ولا هاته

عرفنا الصحيح اللي تكنّه صدور القوم
مثل مايعررف الادمي نفسه وذاته

.....

رد: فوق هام السحب ( الشعر الشعبي) على متن القوافي
 

اي والله إن الزمن غيّر عناويني
ماعدت انا الاولي ياوقتي التالي

اول ليا رحت ادوّر من يخاويني
واليوم ما ادوّر الا السجة الحالي

.....

رد: فوق هام السحب ( الشعر الشعبي) على متن القوافي
 

تدور الليالي بين ضيقه وعبرة حلق
وأنا الطّيب اللي دورة الوقت موجعته

أجامل وأنا دمي حياوي ووجهي طلق
وصبري بصدري لاشريته ولا بعته

.....

رد: فوق هام السحب ( الشعر الشعبي) على متن القوافي
 

اللي يضر الناس بتضره الناس
واللي يسوي الخير مردود خيره

طبع الزمن دوار والعرق دساس
وكلن على طبعه يرده مصيره

.....

رد: فوق هام السحب ( الشعر الشعبي) على متن القوافي
 

‏صديقك اللي ينصف الهم نصفين
ويشيل نصف الهم ماقلت شيله

‏ولو ماتشوفه بالرخا دايم العين
وتلقاه في وقت الشدايد دليله

‏هذا الصديق ومثل هذا قليلين
في ذمتي مثله يساوي قبيله

.....

رد: فوق هام السحب ( الشعر الشعبي) على متن القوافي
 

‏المرايا تعكس اشكال الوجيه
‏والتعامل يعكس اخلاق الرجال

‏والكرم أما يجي والا نجيه
‏واحترام الناس من زين الخصال

‏والزعل والضيق ماهو شي وجيه
‏واجتناب الهرج اذا فيها مجال

‏يالله ياللي كل واحد يرتجيه
‏تهدي ارباب الدعاوي والجدال

.....

رد: فوق هام السحب ( الشعر الشعبي) على متن القوافي
 

‏يالله ياللي باسمه الخلق يدعون
‏يامن لحكمه يخضع الكون كله

‏تغفر لنا ماكان من ذنب ويكون
‏وتكتب لنا الموته على حسن مله

.....

رد: فوق هام السحب ( الشعر الشعبي) على متن القوافي
 

‏لاتزعجون الصدر في كثر العلوم
ماينقل الهرجه سوى عجز الضحى

الطيّب لربعه ولو خابوا يقوم
وإلا الردي من فوقهم مثل الرحى

.....

رد: فوق هام السحب ( الشعر الشعبي) على متن القوافي
 

‏لو نلتفت لأهل الحكي والمقاريد
‏أن كان متنا بين خذها وذقها

‏للسالفه لاجاتنا عندنا قيد
‏مايفرح اللي جابها يلتقطها

‏حنا نحب أهل النقا والاجاويد
‏وأهل الوفا والطايلات انعشقها

‏وقلوبنا ما تعرف الحسد والكيد
‏من فضل ربي صافيه من خلقها

.....

رد: فوق هام السحب ( الشعر الشعبي) على متن القوافي
 

‏يارب انا عبدك اللي من ذنوبه وجل
‏يخطي ويطلبك عفوك لاتخيب رجاه

‏ياجاعل الآدمي دائم وطبعه عجل
‏ويغرونه اعداه من حوله بكل اتجاه

‏نؤمن بمايجري القدر بالسجل
‏ولايرد القضا مال وبنونٌ وجاه

‏يارب عفوك ولطفك قبل وقت الأجل
‏يارب تجعل لنا من نفح عفوك نجاة

....

رد: فوق هام السحب ( الشعر الشعبي) على متن القوافي
 

استر عيوب الناس تستر عيوبك
يا اللي لسانك للمخاليق فضّاح

واترك ذنوب الخلق وانظر ذنوبك
ترى الزمن دوّار والسّر ينباح

.....

رد: فوق هام السحب ( الشعر الشعبي) على متن القوافي
 

عندي حلات الكيف دله وفنجال
ومقابل اللي مايغثك قباله

والجو عليل ونسمته تشرح البال
وبعيد عن هرج القفا والحاله

.....

رد: فوق هام السحب ( الشعر الشعبي) على متن القوافي
 

بعض الخساير تعتبر شبه مكسب
وبعض المكاسب ماوراها من ارباح

وان كنت تبغى لك نصيحة مجرب
اترك كلام الناس سايح وسواح

من كان همه يرضي الناس يتعب
ومن كان همه في رضى الله يرتاح

.....

رد: فوق هام السحب ( الشعر الشعبي) على متن القوافي
 

إن ضاق صدرك بالكلام القاسي
ووجدت روحك من أذاه تُقاسي

سبّح بحمد الله مالك غيرهُ
فعساه يُذهب ضيقة الأنفاسِ

الناس تكسرني وربي جابري
لاضير لي رب رعى إحساسي

ولعلني ألقى إلهي صابرا
فيريحني ويزيح شر الناسِ

يارب آنِسني وأذهِب ضيقتي
مالي سواك يجير قلبي الآسي

.....

رد: فوق هام السحب ( الشعر الشعبي) على متن القوافي
 

ياصاحبي لوتذكر الناس با الخير
‏ماكان أشوفك طول الأيام عابس

‏رفرف بجنحانك على الغصن ياطير
‏حلو الثمر ماطاح من غصن يابس

.....

رد: فوق هام السحب ( الشعر الشعبي) على متن القوافي
 

لو كان قلبك ما يطاوعك مسرور
دنياك لو تسوى من الحِزن ذرّه

ماكان تاليها توابيت وقبور
وما كان للكافر بعمره مسره

وما شفت في ملكه ملايين وقصور
العمر يمضي بين حلوه ومره

والموت حق وقابض الروح مأمور
دام الحياة الفانية مستقره

ورزقك يجيك وبين الأجواد مستور
لاتنشغل بالوقت برده وحره

واحذر تصير بقسمة الناس مقهور
وحكم القدر لاجاك خيره وشره

أشكر عظيم الشان والذنب مغفور
والمجلس اللي يزعجك لا تمره

خله تراك بشوفته منت مجبور
والرجل سقها في صحاصيح بره

ومد النظر مابين ريضان وزهور
لاصار وجه القاع ما فيه جره

والمشي حافي والثرى تو ممطور
ساعات صمتٍ ما وراها مضره

تسوى الكلام اللي به ذنوب و شرور
أطلق خيالك وأترك النفس حره

وخل الطبيعة في حياتك لها دور
وبالليل لا بانت نجوم المجّره

أذكر بديع الخلق بإحساس وشعور
واسجد لرب الكُون مرة ومره

واحفظ لسانك واترك الكذب والزور

وفروض ربك خلها مستمره
وطاعتك لا يدخل بها نقص وقصور


غزاي الحربي

رد: فوق هام السحب ( الشعر الشعبي) على متن القوافي
 

حمامتينٍ تنوح وقمت أنا أنوحي
تجيب منجابةٍ وأجيب منجابه

شدوا عرب صاحبي يا وين اباروحي
نجعي مقيمٍ ونجعه قشّع اطنابه

مقفي ولالي مع المقفين مصلوحي
لاشك نفسي مع المقفين تلابه

خذيت من هرجة المجمول قرطوحي
قرطوح جرباً خذيته منه نهابه

قرطوح مالي من القرطوح مصلوحي
سم السقطري ذبح كبد شرابه

عز الله إني سبايب روحي بروحي
وما قدر الله على المخلوق يرضى به

لاجيت ابدله وتبرى خافي جروحي
قام يتتبع سما قلبي بمركابه


مرزوق بن السنافي

رد: فوق هام السحب ( الشعر الشعبي) على متن القوافي
 

يانديبي على اللّى شامخ ٍ نابه
نازح الدار مسراحه يقرّبها

خبّروا عبدالعزيز وخبر اصحابه
الحرايب ترا حنّا سبايبها

مانقلنا سيوف الهند نصّابه
عقّب اللّي نقلها مايخضّبها

جمعنا لامشى لاكن سورابه
مزنة ٍ هلّت الما من سحايبها

والله انّا لغالي الروح جلاّبه
امّا تصفا لنا ولاّ نخربها


بن صمعان أل مايقه أل هادى

رد: فوق هام السحب ( الشعر الشعبي) على متن القوافي
 

وش عاد باقي من حقوق الرفاقه
وانا اسمع الحيين تغتاب الاموات

غالي ربيعان الحربي

رد: فوق هام السحب ( الشعر الشعبي) على متن القوافي
 

يابحر جيتك*من*الدنيا غريب
يمكن القى داخل اعماقك وطن

جيت واللي جابني حظ ونصيب
انت ظلمك من قسى وقتي احن

.....

رد: فوق هام السحب ( الشعر الشعبي) على متن القوافي
 

قهو المشاعر لاجاتك وانت راعي مكان
ورحب بها كل مامرت على فالها

قولة هلا منك تسوى الهيل والزعفران
وصفراً يداوي عماس الراس فنجالها

.....

رد: فوق هام السحب ( الشعر الشعبي) على متن القوافي
 

‏كل رشة سحابه تذكر الله عليك
‏ياجميل الملامح وانت غصنك ندي

‏ينقص الجو هذا بارك الله فيك
‏قهوه وصوتك وضمة يديك ليدي

.....

رد: فوق هام السحب ( الشعر الشعبي) على متن القوافي
 

لاتصغّرين النفس وأنتِ كبيره
ولا تمسكين الوقت وأنتِ الخيارات

ولا تسمعين الزيف وأنتِ بصيره
ولاتغيرين الطبع وأنتِ القناعات

ولا تشابهين بشيء وأنتِ الأخيره
ولا تسابقين الغير وأنتِ البدايات

ولا تقبلين القلِ وأنتِ كثيره
ولا تطلبين الحل وأنتِ الإجابات

.....

رد: فوق هام السحب ( الشعر الشعبي) على متن القوافي
 

‏أغليه لو إنه بعيدٍ عن العين
‏ دام المشاعر في غرامه رهينه
‏
‏الحب عند الناس كلمه وحرفين
‏ والحب عندي له معاني ثمينه

.....

رد: فوق هام السحب ( الشعر الشعبي) على متن القوافي
 

يامساء الخير لعيونك ورمش عيونك
يامساء الخير لانفاسك وريحة عطرك

صاحبك وافي ولايمكن بيوم يخونك
صاين عهدالوفاء والكون يشبه سحرك

.....

رد: فوق هام السحب ( الشعر الشعبي) على متن القوافي
 

‏ماشكيت إلا غلاك ولا حطبني غير فاسك
‏ولو قطعت الوصل ماقلت لك يامال القطيعه

‏بس لاهزّك حنين الشوق والتفكير حاسك
‏أفرد جناح اللقاء وأرجع على هاك الطبيعه

‏وحطّ قلبي في عيونك لابغيت تحطّ راسك
‏والله أن الصدر كلّه ضيق وعيونك وسيعه

.....

رد: فوق هام السحب ( الشعر الشعبي) على متن القوافي
 

‏سيدي ماعاد عندي كثير ولا قليل
‏هانت النفس العزيزة لجل محبوبها

‏استبح حرمة غروري جعل عمرك طويل
‏والجروح الي تجي منك في ماجوبها

‏إنهزمت وقلت احبك وهذا أكبر دليل
‏مايهزم أكابر القوم غير قلوبها

.....

رد: فوق هام السحب ( الشعر الشعبي) على متن القوافي
 

يامرحبا والقصيد ان جتني افكاره
‏اخذت منّه مايرضي ذوق جمهوره

‏والنفس ياصاحبي بالسوء أمّارة
‏لكنها لاذنبت ماهيب معذوره

‏واللي دخل بالغرام ويجهل اخطاره
‏يبطى ونفسه من اللوعات مقهوره

‏مثلي دخلت الغرام وضعت بدياره
‏وامسيت غرقان في شاطيه وبحوره

.....

رد: فوق هام السحب ( الشعر الشعبي) على متن القوافي
 

ودي اكتب والقلم عيا يطيع
ما ادري الأشواق والا انت السبب

كيف اعبر والحكي مني يضيع
اسعفيني ياقواميس العرب

.....

رد: فوق هام السحب ( الشعر الشعبي) على متن القوافي
 

يمكن تقول اني عليك اتغلا
لكن حقيقة واقعي ماتغليت

من صد من كيفه مصيره يخلا
يمكن تحداني وانا لك تحديت

.....

رد: فوق هام السحب ( الشعر الشعبي) على متن القوافي
 

‏أحبّك وعرضت النقايد هبوب النود
‏فعولك اتنومسني وذكرك يهيضني

‏يالبيه ياوجهٍ عليه الرضا معقود
‏اشوفه وأشوفك في سنيني معوضني

‏علي نذر لمسح شيب دقنك بدهن العود
‏وأضمك لو الدنيا وأهلها تعارضني

.....

رد: فوق هام السحب ( الشعر الشعبي) على متن القوافي
 

أشوفك نظرةٍ فيها من التطنيش والإدراك
‏تمر أحداثي بسطوة ضمير وتشعب ركابي

‏يجوز إنّك هوى ليلٍ بعده الغصن ماينساك
‏ليا هبت ذعاذيعك حنين أشوفك أحبابي

‏ياضحكك غيمةٍ تسري ديار وينهمر لي ماك
‏وأقول إنّي خضارٍ مدته ضحكتك لترابي

.....

رد: فوق هام السحب ( الشعر الشعبي) على متن القوافي
 

لاهزتك ذكراي في يوم واشتقت
والشوق لامرك مع الوقت قلي

لاتحسب اني في غيابك تضايقت
حتى خيالك في غيابك يسلي

.....

رد: فوق هام السحب ( الشعر الشعبي) على متن القوافي
 

ياصاحبي بهديك من هاجسي بيت
وهو نصيحة من سمعها سمعها

لاخابت أحلامك قفى ماتمنيت
فعرف بأن الله هو الي منعها

راجع حسابك لنت في عمرك أخطيت
فالنفس ماتقدر توقف طمعها

عمر الأماني ماتجي حسب ماشيت
ورحمة الله ماتجي من قطعها

من حكمة الباري عطاء كلمن كيت
هامة ينزلها وهامة رفعها

لو كان ينفع ليت ياليت ياليت
ماكان نفسك تشتكي من وجعها

ولا يفيد الشخص إن قال عانيت
ولا الدراهم منقذة من جمعها

كم ناس عايش قال ماقد تهنيت
وتخدعة نفسه وهو اللي خدعها

يصبر وتتغير أمورة ترنزيت
حسب الثوابت والأسس ذا وضعها

فالصبح يزرعها ويمسي وهو ميت
وغرسته تجني للذي مازرعها

.....

رد: فوق هام السحب ( الشعر الشعبي) على متن القوافي
 

ماكان عندي شي أغلى من الروح
ولاكنت أحب أحدن كثر حب روحي

كنت أحسب إن الروح مابعدها روح
ولافيه روحن حبها مثل روحي

وعرفت إن الروح ترخص لأجل روح
روحن غلاها زاد عن حب روحي

.....