رد: فوق هام السحب ( الشعر الشعبي) على متن القوافي
 

أتحضّن القاف كل ماهاجسي هبّك
ضرير قلب وهواك مْبعثر أوراقي

تمر غيمة حنين ولا وقف صبّك
وتعكر الجو قبل تعكر أخلاقي

فرقاك حتّم علي أعيش متلبّك
بيديك طوق النجاة وسبة إغراقي

أن مايهمك ضياعي خاف من ربك
ثملٍ بليّاك ماني بحاجة الساقي

دفعت سبعة سنين بطاولة حبك
وبخششت نادل غلاك بعمري الباقي

.....

رد: فوق هام السحب ( الشعر الشعبي) على متن القوافي
 

تدور الخرايط كلها والأراضي السبع
‏يمرونك اغلبهم وشرواي مامَرك

‏من اللي يشوف بوحدته فيك عزوه ربع
‏و من يزهد بخير البشر في رجا شرك

‏تدابير بقعا تفرز الناس سبع وضبع
‏أذا ابكاك حظكَ عندي تشوف ماسرك

‏يموتون ما لاثوا صفا طيبين النبع
‏انا اللي ولو يقدر على الضّر ماضرك

‏مابين الاوادم مايعوض طبوعي طبع
‏لو ان الشكل تلقى بقاياه في صورك

.....

رد: فوق هام السحب ( الشعر الشعبي) على متن القوافي
 

ماتربينا على ترك الرفيق
وما تعودنا على سب الخوي

بالجبال السود نفتح له طريق
ونلوي ذراع الليالي له لوي

.....

رد: فوق هام السحب ( الشعر الشعبي) على متن القوافي
 

كرامة النفس أعظم من مشاعرها
من عز نفسه لقي فالناس مقداره

بقلمي

رد: فوق هام السحب ( الشعر الشعبي) على متن القوافي
 

يالخاطر اللي تجي وتروح حسب المزاج
إن رحت في داعة الله وارحب ان كنت جيت

إن رحت قلبي عليك يحس بالإنزعاج
ماكني إلا على جمرٍ توّقد وطيت

.....

رد: فوق هام السحب ( الشعر الشعبي) على متن القوافي
 

مسائك سعاده غامره ياحبيب الروح
مسائك زهور وعطور وبخور ووناسه

معاك المساء يحلا عليك العطور تفوح
بقربك يذوب احساس شاعر بإحساسه

.....

رد: فوق هام السحب ( الشعر الشعبي) على متن القوافي
 

‏تعيش وتموت ماشفت الخطا مني
أرقى عن الهون وأخلاقي بعد ترقى

لاعاد ترسل مراسيلك وتحزنّي
من يبغي القرب مايلمّح على الفرقى

.....

رد: فوق هام السحب ( الشعر الشعبي) على متن القوافي
 

‏العاشق أحيان ضيقة خاطره ماتطاق
وجوارحه عن تفاصيل الحزن ماحكت

يسهب حديثه ليا من سولفوا ع الفراق
وان سولفوا عن مواصيل الحبايب سكت

.....

رد: فوق هام السحب ( الشعر الشعبي) على متن القوافي
 

كان القمر مسؤول عن خطف الأنظار
انته ترى المسؤول عن خطف روحي

أن زان لي وصلك تحديت الاخطار
وإن شح بي وصلك تهدم صروحي

.....

رد: فوق هام السحب ( الشعر الشعبي) على متن القوافي
 

سقف الطموحات في الأحباب لاترفعه
عشان ماتنصدم في شخص يتجاهلك

خلّك لنفسك وقلبك إحذر تْضيّعه
والله مافيه أحد هالوقت يستاهلك

.....

رد: فوق هام السحب ( الشعر الشعبي) على متن القوافي
 

الليل موت التصنّع وانكسار القيود
لاحل كل النفوس تبيّح سدودها

ناسٍ تسود صحايفها وناس رقود
وناسٍ روت بالمدامع موضع سجودها

.....

رد: فوق هام السحب ( الشعر الشعبي) على متن القوافي
 

ضاعت احاسيس المحبه مع الناس
هذا يحب وذاك يعشق مزاجه

احيان ودك تملي الكون إحساس
واحيان ودك ماتحس باي حاجه

.....

رد: فوق هام السحب ( الشعر الشعبي) على متن القوافي
 

نزعل ونرضى والخوافي عوافي
من يزعل الثاني يصونه ويرضيه

مانختلف والصدر عامر ودافي
بعض الزعل بحر المشاعر يطفيه

.....

رد: فوق هام السحب ( الشعر الشعبي) على متن القوافي
 

والغيمة اللي تاخذ شوي وتغيب
ماتغري ألا الميّتين من الضماء

أحيان حتى اللي تحس إنه قريب
يمكن يكون أبعد عليك من السماء

.....

رد: فوق هام السحب ( الشعر الشعبي) على متن القوافي
 

القصيده في عيوني بدونك ماتزين
‏لازم ان اجيب طاريك ياملح النشيد

‏انت ياللي من بطين الفؤاد الى الاذين
‏والله ان حبك مع الوقت ماينقص يزيد

‏في غيابك لك محبه ولك شوق وونين
‏وفي حضورك شف عيوني كلامي مايفيد

.....

رد: فوق هام السحب ( الشعر الشعبي) على متن القوافي
 

‏من لايحكم ضميره ماشرب صافي
‏ولا يشوف السعاده في نظر عينه
‏
‏والناجح اللي نجاحه يعتبر كافي
‏من برّ في والديه ومن حفظ دينه

.....

رد: فوق هام السحب ( الشعر الشعبي) على متن القوافي
 

ياسلام الله على من يجيني قبل اجيه
‏من وفاه يبادر بكلّ طيب مبادره

‏من يحصّل صاحبٍ طيّب يحافظ عليه
‏والله إنّ الطيّب اليوم عمله نادره

.....

رد: فوق هام السحب ( الشعر الشعبي) على متن القوافي
 

من عز نفسه مايذلونه الناس
‏ومن ذل نفسه لايدّور معزه

‏والحر يكفخ بالسما دون مقياس
‏وعش الحمام يطيح لا اهتز هزه

.....

رد: فوق هام السحب ( الشعر الشعبي) على متن القوافي
 

‏ياقاضيَ الحاجاتِ جئتُكَ راجياً
‏كم حاجةٍ أطوي عليها أضلعي

‏أنتَ العليمُ بما طويتُ وكلما
‏ناءتْ بهِ شفتايَ نابتْ أدمعي

‏جُدْ بالرّضا فرضاكَ أعظمُ حاجةٍ
‏هوَ مُنتهى أملي وغايةُ مطمعي

بقلمي

رد: فوق هام السحب ( الشعر الشعبي) على متن القوافي
 

‏أعقد العزم لاضاقت عليك الحلول
يفتح الله عليك ويبدل الحال حال

ساعة الصبر تفتح محكمات القفول
وساعة الضيق تِفْرَج والليالي طوال

.....

رد: فوق هام السحب ( الشعر الشعبي) على متن القوافي
 

ﺳﻼﻡ ﻷﻫﻞ ﺍﻟﻌﺰ ﺑﺎﻟﻌﺰ ﻣﻘﺼﻮﺩ
ﺃﻫﻞ ﺍﻟﺸﻬﺎﻣﻪ ﻭﺍﻟﻮﻓﺎﺀ ﻭﺍﻟﻤﺮﻭّﻩ

ﻷﻫﻞ ﺍﻟﻐﻼ ﻣﻨﻲ ﺳﻼﻡ ﻏﻴﺮ ﻣﺤﺪﻭﺩ
ﺗﺎﺝ ﺍﻟﺼﺪﺍﻗﻪ ﻭﺍﻟﺼﺤﺐ ﻭﺍﻹﺧﻮّﻩ

ﺃﻫﻞ ﺍﻟﻜﺮﺍﻣﻪ ﻭﺍﻟﻜﺮﻡ ﻣﻨﺒﻊ ﺍﻟﺠﻮﺩ
ﻓﺨﺮ ﺍﻟﻘﺒﺎﻳﻞ ﻭﺍﻟﻨﻘﺎﺀ ﻭﺍﻻﺧﻮﻩ

.....

رد: فوق هام السحب ( الشعر الشعبي) على متن القوافي
 

ياناس احبه وانا من كثر حبي له
حبيت حتى القروب المشترك فيها

واحب نضمه وقاف الشعر والجزله
شعره حضاره لحاضرها وماضيها

مابين صمتي ونار الشوق والعله
اتابعه كل ليله من لياليها

ياليت يعرف ويفهم بعد ذا كله
اني احبه وهو لروح غاليها

عساه طبعهه رحيم يمد لي حبله
نبني محبه وتربطنا مباديها

الحب ماهو لمن حطه ومن شله
الحب يبغا قلوب الطيب يطويها

ماتعرف المكر ولا الكذب والزله
تمشي وله نيّه من عذب صافيها

ياليل بالله بلغ فاتني قله
النفس له كيف مايبغا يمشيها

لو قال اخالف شروع الدين والمله
ذا مايبيها من الأشياء فلا ابيها

.....

رد: فوق هام السحب ( الشعر الشعبي) على متن القوافي
 

يابحر الكوت لك مني سلام ومقتفيه عتاب
‏على شاطيك كن الحزن ينطحني بترحيبه

‏تذكرت العيون الناعسات وسلهمة لهداب
‏تقول ان في حورها واحد يسولف عن الهيبه

‏جعل يسقى على ليل جمع في ضفتك لحباب
‏هذاك الليل من بدت ليال العمر ياطيبه

.....

رد: فوق هام السحب ( الشعر الشعبي) على متن القوافي
 

أكابد لوعة فراقك وشوقي فاضح وغلاّب
‏تعبت أسترك من وجهي وتاضح في تنهاتي

‏أقول أني معاد أحن وأدور لي عذر وأسباب
‏ولا أدري كيف أبرر ّرجفة أيديني ودمعاتي

.....

رد: فوق هام السحب ( الشعر الشعبي) على متن القوافي
 

قاصده حُبّه وتاخذني على الحبّ الحميّه
‏وأدري إن الحبّ مايرحم محبينه وآله

‏قلت له حاول تمدّ الوصل قال أنتي عصيّه
‏مامنعني عنك غير إني فهد وأنتي غزاله

‏قلت له مادام موتي فيك ماخفت المنيّه
‏والله اللي مرحبا بالموت في رجوى وصاله

.....

رد: فوق هام السحب ( الشعر الشعبي) على متن القوافي
 

‏على درب السفر جاني من آمال الرجوع هتاف
‏امرّ الديره اللي في وسط قلبي لها بصمه

‏رجعت بمركب أشواقي وادور للوصال ضفاف
‏وصلت وما لقيت إلا منافي مابها رحمه

‏اجي فيني عتب يجرح حَنيني والسنين عجاف
‏واروح وما معي غير الحنين في رحلة الظلمه

.....

رد: فوق هام السحب ( الشعر الشعبي) على متن القوافي
 

اعرفك ماتحب الزله اللي مالها تبرير
‏كفيله بان قلبك مايرده ضلعك المحني
‏
‏انا المخطي عليك البارحه لكن صباح الخير
‏تغاضى عن ضياع البارحه واليوم سامحني

.....

رد: فوق هام السحب ( الشعر الشعبي) على متن القوافي
 

‏ماتغانمت الفرص لكن تغانمت السنين
‏يوم شفت ان المحبّة موذيه جنبّتها

‏من هقى بي هقوةٍ شينه مع الوقت بتزين
‏ومن هقى بي هقوةٍ زينة فلا خيّبتها

.....

رد: فوق هام السحب ( الشعر الشعبي) على متن القوافي
 

برد الشتاء هبّ نسناسه وخايف عليك
‏وانا ملاذك من الدنيا وعندك خبر

‏احطب من ضلوع جوفي لين تدفى يديك
‏والا تلحف يديني مثل بشت الوبر

.....

رد: فوق هام السحب ( الشعر الشعبي) على متن القوافي
 

‏لاتعترف لي بحبّك خلني سارح
فعيونك اللي تشوف الحب فعيوني

أدري انْك تحبني من ليلة البارح
من جدك إني ماعرف اللي يحبوني

.....

رد: فوق هام السحب ( الشعر الشعبي) على متن القوافي
 

وين أولّي وأنت ساكن في الصوّر وفي الرسايل
‏هي بقت سكّة ماتطرقها طواريّك وأجيها

‏ليه اعوّد لك مدام إن ماورى المعواد طايل
‏وش يرّد اللهفة لنفسي على أشياء كنت أبيها

.....

رد: فوق هام السحب ( الشعر الشعبي) على متن القوافي
 

‏أنا كل ماسجّيت عن حبكم وانصاع
‏عرّض لي بو نوره يرفع الصوت ويشيله

‏يغنّي طرب أيوّه قلبي عليك التاع
‏وأكمل معه مايحتمل غيبتك ليله

.....

رد: فوق هام السحب ( الشعر الشعبي) على متن القوافي
 

على ذكرك تجرّيني هقاوي شاعرٍ مرتاب
‏كتب ديوان في حب الوطن وأنحاش للغربة

‏تبين أسباب ماظنيت بقدر أشرح الأسباب
‏ولا عندي حجج تقنّع ولا عذر أتعذّر به

.....

رد: فوق هام السحب ( الشعر الشعبي) على متن القوافي
 

فمان الله ياغلى من خذلني يوم انا شاريه
‏عجز قلبي لاينسى الي يحبه رغم خذلانه

‏بيذكرني لاشاف ان الليالي تحاول تبكيه
‏بيذكرني لاحس انه غريب شتاق لوطانه

‏انا ذاك المكان الي سكنته واترعرع فيه
‏تشوفه من بعيد وصعب تاصل صوب بيبانه

.....

رد: فوق هام السحب ( الشعر الشعبي) على متن القوافي
 

عين الشعر يالريم تهوى صفاتك
وروح المعاني قلبها فيك شاعر

فاح العبير بشوق يرسم حلاتك
يرسم جموح العاطفه بدرب واعر

سمرات فكري تنتمي لك بذاتك
تسري بها نسمات صارت مشاعر

.....

رد: فوق هام السحب ( الشعر الشعبي) على متن القوافي
 

‏ختام السالفه ياطيب العشره كرمت ودمت
‏هذا حقك علي وحق هقواتي على اوهامي

‏مصير الوقت يشرح لك ظروفه لو غفلت ونمت
‏يصحيك الزمان اللي يصحي كل من نامي

‏تذكرني ليا من ضاعت اوهامك فمن وهمت
‏وعرفت الفرق في حب الخشوم وحب الاقدامي

.....

رد: فوق هام السحب ( الشعر الشعبي) على متن القوافي
 

‏توقف لك ارصفة الشوارع وهي جلاّس
‏واحبك انا وانا صديق الشعر والليل

‏عسى الله يكثر خير وجهك على هالناس
‏هو اللي عسى الله يحفظك لي سقاه السيل

‏تجي مثل زخات المطر يتبعك نسّناس
‏ووطنك القديم اللي تحبه يحبك حيِل

.....

رد: فوق هام السحب ( الشعر الشعبي) على متن القوافي
 

‏انا ادري ان شوفك معلق على الاحلام
‏مثل مادري اني مستحيل اطري ببالك

‏تزعلني الدنيا وترضيني الايام
‏مثل ماتزعلني وترضيني لحالك

‏يدور الشعور ويلحق شعوري استفهام
‏مثل مايدور الوقت وإهمالك إهمالك

‏اشوف الفراق اللي جروحه تمر أعوام
‏علي اهون من المنه اللي ورى وصالك

.....

رد: فوق هام السحب ( الشعر الشعبي) على متن القوافي
 

تسوق الطف أنسام الغلا ضحكة محياك
‏على روح من طالت عقوده وهو ضامي

‏ياسبحان من خلاني أدورك والقاك
‏وأشوف أبسط حقوقي معاك أكبر أحلامي

‏لاتستغرب إن بعت الوجيه وشريت رضاك
‏وأنا مرخص ليومٍ معك جملة أيامي

‏تمثنى فجوج القلب وأسلى وسج خطاك
‏على عين حاسد ضحكتي لك ولوّامي

.....

رد: فوق هام السحب ( الشعر الشعبي) على متن القوافي
 

‏هقيت إني ملكتك مادريت إن الأماني غرور
‏وإنك في يدي لين أنتحى بي الوقت وأقفى بك

‏سقى الله يوم كان أكبر همومك خاطري المكسور
‏وكنت الضيّ في عينك وكنت السقم في ثيابك

.....