رد: فوق هام السحب ( الشعر الشعبي) على متن القوافي
 

‏لو في يدي شي ماقلت الوعد بكره
‏حزمت حدب الضلوع وقلت لك هيّا

‏لو كل غالي يجي دايم على ذكره
‏ماصرت اشوفك هناك وحبك هنيّا

‏ياليتني لابغيت اكره قدرت اكره
‏ماكان قلبي ليا جيت اكرهك عيّا

.....

رد: فوق هام السحب ( الشعر الشعبي) على متن القوافي
 

ياسعود أنا مريت لي بيت مهجور
‏موحش وصوت الريح تصفق طياقه

‏وقفت به لحظه وعيني على السور
‏رغم ارتفاعه قاسي الهجر ذاقه

‏ماجور يابيتٍ شكى الهجر ماجور
‏وقت اللقا دايم سريعٍ فراقه

.....

رد: فوق هام السحب ( الشعر الشعبي) على متن القوافي
 

جينا والميعاد عيونك
ميعاد عيونك مايكذب

يابهجت خاطر مظنونك
إبعدهم عن بالك وإقرب

.....

رد: فوق هام السحب ( الشعر الشعبي) على متن القوافي
 

طيبك مع الطيب يزيده نقاوة
مثل الذهب ينفعك دامك حشمته

وطيبك مع الخايب يزيده غباوه
من ضعف عقله يحسبك مافهمته

.....

رد: فوق هام السحب ( الشعر الشعبي) على متن القوافي
 

‏مثل فقد الحظ تفقدك الاماكن
‏خاليه بعدك وانا ماني خلي

‏تدري ان باسي قوي بالبعد لكن
‏صدّك وصد الزمن واجد علي

.....

رد: فوق هام السحب ( الشعر الشعبي) على متن القوافي
 

‏ماخاف لو عشت بايّام انطوائيه
في عزلة الناس والدنيا انا راضي

من خبرة سنين وظروف اجتماعيه
بعض العلاقات مصنوعه على الفاضي

.....

رد: فوق هام السحب ( الشعر الشعبي) على متن القوافي
 

‏يسولف علي بشويش وانا على لباه
‏ويسكت ليا مني بلبيه وهقته
‏
‏َاصدق كلامه وافهمه واكتبه واقراه
‏لو انه يقول ان البحر جف صدقته

.....

رد: فوق هام السحب ( الشعر الشعبي) على متن القوافي
 

‏ماراح تلقاني وهي سهود ومهود
‏بتشوف لك صرفه واباشوف صرفه

‏لكن لاقامت تضرس أيامك السود
‏لقيتني محبوبك اللي تعرفه

.....

رد: فوق هام السحب ( الشعر الشعبي) على متن القوافي
 

‏لاتقبل الا هرجة الرأس للرأس
‏صف الظنون وكل واحد وظرفه

‏من كثر هرج الناس في غيبة الناس
‏أحيان تكره واحدٍ ماتعرفه

.....

رد: فوق هام السحب ( الشعر الشعبي) على متن القوافي
 

‏معي سؤال يدوّر في بالي
‏ولا فادني ليتي ولا لوّي

‏إن جا الجفا من واحدً غالي
‏في وقتها الواحد وش يسوّي

.....

رد: فوق هام السحب ( الشعر الشعبي) على متن القوافي
 

‏مزاج الانسان له فتره وله حاله
‏إحيان ماهو مع مشهاه متجانس

‏مثال لك غالي ودقيت جواله
‏مجرد يقولك لبيه تستانس

.....

رد: فوق هام السحب ( الشعر الشعبي) على متن القوافي
 

‏ليل الشتاء بانت علينا مواريه
‏والجو زان وزان جو الليالي

‏هب البراد وهب بالقلب طاريه
‏غالي وطاري له من الناس غالي

.....

رد: فوق هام السحب ( الشعر الشعبي) على متن القوافي
 

‏ياكثر ماقلت ابسوي وابسوي
ولافي شي من اللي قلت سويته

‏راحت حياتي وانا أطري وأنا أنوي
واللي بغيته نسيته يوم خليته

‏انا أحسب إني صغير وبالعمر توي
لاشك شيبت وأحلى العمر عديته

.....

رد: فوق هام السحب ( الشعر الشعبي) على متن القوافي
 

لايهمك جور الايام ياالصدر الرحُوب
‏خلها تمضي مثل ماعلى غيرك مضت

.....

رد: فوق هام السحب ( الشعر الشعبي) على متن القوافي
 

‏يسري غلاك بداخلي ويتسلل
‏اثره شوي شوي يستوطن الروح

‏حتى غديت انت الوليف المدلل
‏اللي يسوي مابدى له ومسموح

.....

رد: فوق هام السحب ( الشعر الشعبي) على متن القوافي
 

‏من عاش في ضل الرياجيل مسكين
‏حاسو مريره وافقدوه احترامه

‏ان كان منت تعيش رجلٍ حمر عين
‏اصبحت من ضمن الهلايم هلامه

.....

رد: فوق هام السحب ( الشعر الشعبي) على متن القوافي
 

‏أحيان صدري من نظر عيني يضيق
‏وأحيان لا والله من اللي أسمعه

‏مدري انا اللي غير واحساسي رقيق
‏وإلا صدور الناس مافيها سِعه

.....

رد: فوق هام السحب ( الشعر الشعبي) على متن القوافي
 

‏بعض البشر يعجبك حتى احترامه
‏وتحب فيه اجمل صفاته وترتاح

‏ وان غاب تشفق في لقاه وسلامه
‏وإذا حضر همك من القلب ينزاح

.....

رد: فوق هام السحب ( الشعر الشعبي) على متن القوافي
 

‏إلى متى والناس تكذب على الناس
‏وإلى متى بعض الأوادم تجامل

‏ماتت ضماير ناس ماعندها احساس
‏والكذب صار أرقى فنون التعامل

.....

رد: فوق هام السحب ( الشعر الشعبي) على متن القوافي
 

‏يارب وان تاهت الأقدام ثبّتني
‏على طريق الهُدى والخير والتوبة

.....

رد: فوق هام السحب ( الشعر الشعبي) على متن القوافي
 

‏تجود النفوس اللي من الأصل فيها جود
‏ويقدم على الجزلات من يعشق الجزلة

.....

رد: فوق هام السحب ( الشعر الشعبي) على متن القوافي
 

‏اعتزلت الناس كن بيني وبين الناس غبّه
‏لاقريب ولا بعيد ولا ضفاف ولا مواني

‏الحياه المستقّره والأمور المستتبه
‏والله انها تغني من احلام وامال وأماني

.....

رد: فوق هام السحب ( الشعر الشعبي) على متن القوافي
 

أشرب قبل تقفي عليك المشارب
‏ما للحسايف فالمقابيل راحه

‏السم دايم في ذيول العقارب
‏والحر دايم رفعته من جناحه

.....

رد: فوق هام السحب ( الشعر الشعبي) على متن القوافي
 

بعض السوالف خلها جوف صندوُق
‏اقفل عليها صدرك بكل قوّه

‏من يكشف أسراره على كل مخلوق
‏سوات من يعطِي سلاحه عدوه

.....

رد: فوق هام السحب ( الشعر الشعبي) على متن القوافي
 

‏انضج مراحل فالحياة التغافل
تدري عن الزله وتسكت عن الرد

.....

رد: فوق هام السحب ( الشعر الشعبي) على متن القوافي
 

ترانا على خبرك ولو دارت الأيام
‏تغيّر تواريخ السنه ماتغيّرنا

.....

رد: فوق هام السحب ( الشعر الشعبي) على متن القوافي
 

كان المسافة ترفض إني أشوفك
خل اتصالك غصب عنها يجيني

وكان اتصالك يمنعنه ظروفك
يكفي رسايل شوق بينك وبيني

وإن كان مالي حظ حتى بحروفك
خلك بعيد ومسكنك وسط عيني

.....

رد: فوق هام السحب ( الشعر الشعبي) على متن القوافي
 

مشتاق لك والليل جماع الأحباب
عود لقلبي يامنى الروح عودي

طال انتظارك والرجا فيك ماخاب
صبري تجاوز ياحياتي حدودي

.....

رد: فوق هام السحب ( الشعر الشعبي) على متن القوافي
 

يانصفي الثاني الدنيا شقاوة وطيش
محبةٍ باردة لاتحسب حسابها

الخبزة اليابسة في بيت طين وعريش
بصحبتك تعدل الدنيا وطلبها

.....

رد: فوق هام السحب ( الشعر الشعبي) على متن القوافي
 

إن شانت الدنيا ترى العمر مقسوم
محدٍ حياته جت على مايريده

دايم تفائل بالامل واترك اللوم
عش لحضتك واللي مضى لاتعيده

.....

رد: فوق هام السحب ( الشعر الشعبي) على متن القوافي
 

بعدك أنا المشهد اللي صعب تصويره
وتمر الايام وأوضاعي هي أوضاعي

مشتاق لليل والشرهات والغيره
ومشتاق لسئلتك اللي مالها داعي

.....

رد: فوق هام السحب ( الشعر الشعبي) على متن القوافي
 

ليت العمر وقّف على ذيك الازمان
‏وليت الطفولة ماعطتنا ظهرها

.....

رد: فوق هام السحب ( الشعر الشعبي) على متن القوافي
 

عيون الصد لو غضت بصرها عن جفى الأحباب
‏يجوز إنّا نحصل عذر والأحباب معذوره

.....

رد: فوق هام السحب ( الشعر الشعبي) على متن القوافي
 

ياللي بصمتك لي تلوم وتعاتب
والله ماجيتك وقصدي عتابك

عزالله اني ما احسب لكل غايب
كل الغياب يهون الا غيابك

.....

رد: فوق هام السحب ( الشعر الشعبي) على متن القوافي
 

مابين خوفي من الدنيا وخوفي عليك
ضيّعت عمري مابين اتركك ولا اتبعك

ماني بخايف تودعني وانا محتريك
خايف يديني تخون احساسي وتودعك

عقلي يبي يبتعد عنك وقلبي يبيك
ومابين قلبي وعقلي ماقدرت اجمعك

تبي الصراحه تعبت اعاتبك واشتكيك
تعال قُل لي احبك خلني اسمعك

.....

رد: فوق هام السحب ( الشعر الشعبي) على متن القوافي
 

من القلق والمآسي والألم والظروف
بيصنع القلب لوجاعه مراهم وشاش

الصبر موجود لكن والله اني أشوف
ضميري الكفو يدفع قيمة العِز كاش

على المعزه مشينا فوق حد السيوف
عكس الذي بالمهانه راح عمره وعاش

ياصاحبي لاتظن الذيب مثل الخروف
الذيب هو ذيب لاداعي لكثر النقاش

لاتجعل القهر يعسف بك وعينك تشوف
أنا نصحتك لنفسك والنصيحه بلاش

.....

رد: فوق هام السحب ( الشعر الشعبي) على متن القوافي
 

أقبح من العيب الاسود والغلط والعتب
إنك تشهر بغيرك وانت كلك عيوب

ياللي تجادل وعادك ماعرفت السبب
وش عاد يفيد اعتذارك بعد جرح القلوب

تدخلك في شؤون الغير تراه عيب
إجعل غرورك من اخلاق التواضع يذوب

واترك طريق الحماقه ألحماقه تعب
واشرب من العز حتى يافتى نصف كوب

.....

رد: فوق هام السحب ( الشعر الشعبي) على متن القوافي
 

خذنا بقايا جسد ياحظنا العايب
بذمتك لاتزيد الوضع تعقيده

مشيتنا عكس ماكان الأمل ذاهب
وخذت منا الفرح في كل تنهيده

من قهرك امسيت يالحظ الردي شايب
وبان في وجهي الصافي تجاعيده

.....

رد: فوق هام السحب ( الشعر الشعبي) على متن القوافي
 

يانفس ماباليد حيله ولا مَيل
في عودة ايام الزمان الجميله

لاعاد تتمني أنا فاقد الحيل
بعض الأماني للأسف مستحيله

.....

رد: فوق هام السحب ( الشعر الشعبي) على متن القوافي
 

تعال ياعطر المسا وأقلب الجو
لاتبخل أنفـاس الغلا هاويتني

أبيك تغريني وأبي نسمتك لو
جميع لحظات الأمل فارقتني

.....