رد: فوق هام السحب ( الشعر الشعبي) على متن القوافي
 

مسني بالشوق يسعد لي مساك
كل لهفه تنتظر موعد لقى

قلبي وروحي وتفكيري معاك
كلها تحسب لوصلك كم بقى

.....

رد: فوق هام السحب ( الشعر الشعبي) على متن القوافي
 

يالله يالي لك عبادك يصلون
نطلبك سترك والعفو والعافيه

أنت الكريم الي له الناس يدعون
وأنت المجيب الي تجيب الداعيه

عز الله إني من عطاياك مديون
والنفس في روضة نعيمك ساليه

قلبٍ مشى بالذكر ماهوب محزون
لو كان يسكن في الجبال الخاليه

.....

رد: فوق هام السحب ( الشعر الشعبي) على متن القوافي
 

عزاز النفوس تعيش لو هي بِدون بخوُت‏
مَاهِي تنحني للذُل وتضيّع السمعه

.....

رد: فوق هام السحب ( الشعر الشعبي) على متن القوافي
 

ياسعود قلبّي كل مَاحل طاريه
يفز له ياسعود تسعِين فزه

.....

رد: فوق هام السحب ( الشعر الشعبي) على متن القوافي
 

جعل ماجانا من الوقت كفارة ذنووب
وجعل طربات الليالي تجينا مخاوية

.....

رد: فوق هام السحب ( الشعر الشعبي) على متن القوافي
 

صوتك يخلق من شقى همّي فرح
الله ياصُوتك كيف ينسيني العنا

.....

رد: فوق هام السحب ( الشعر الشعبي) على متن القوافي
 

ياحزن ياريتُ اعِرفك چَنت
اسِويلك حديقِة يّاسمين

وممشِى مُن گاشيّ الفِرح
جدّام بيتكْ يّاحَزن ياريتُ

اعِرفك وين تسگُن چَنت
أگُلك لاتجينيّ وتمشِي

گُل هُاي المسِافة أنهَ
وحَدي چَان أجيتكْ

يّاحَزن وحيّاة حَزنك
مُاعرفتك چَنك مغيّر مشيتكْ

حاطِ ريحةٌ رخيصَة گلّش
يارخيصَ شگد بچيتكْ

شعر عراقي

رد: فوق هام السحب ( الشعر الشعبي) على متن القوافي
 

يدور الشك بين الناس
والأعمال بالنيّات

‏ ويمر الواثق بنفسه
عليهم ويتعدّاهم

.....

رد: فوق هام السحب ( الشعر الشعبي) على متن القوافي
 

أن حدك الوقوت بالسيف الشطير
ابتسم له غصب كنك هازمه

وان رماك الهم بالبحر الغزير
صب له فنجال كنك عازمه

.....

رد: فوق هام السحب ( الشعر الشعبي) على متن القوافي
 

أردد أسمك طرب وأكرر أحروفك
‏وأهيجنك من صميم القلب وأجرك

‏أكذب ليا قلت قلبي يقدرأيعوفك
‏وأكذب لياقلت حالي بعدك يسرك

.....

رد: فوق هام السحب ( الشعر الشعبي) على متن القوافي
 

مرّ من بين الاغاني والسوالف
‏واخذني بايديك على حين غرّه

‏واعتذر لي عن خطاك وقول اسف
‏اعترف لي بالخطا لو بس مرّه

‏لاتكابر واتغلا وانت عارف
‏لوّ ما احبك صدق والله ماتشرّه

.....

رد: فوق هام السحب ( الشعر الشعبي) على متن القوافي
 

المبسم النرجسي والنظره الخجلا
‏تناقضـاتك تزيد أهل الهوى عله

‏وش هو له تكٌحلين عيونك النجلا
‏انتي الكحل في عيونك وهبه من الله

.....

رد: فوق هام السحب ( الشعر الشعبي) على متن القوافي
 

غريب ٍكل ماطاح الظلام وبان فيك الخُوف
‏هربت من إرتيابك والأرق للشِّعر والمسرى

‏تفكر في لياليك القِدام وحلمك المكتوف
‏وأمانيك القديمه في زنازين الظروف أسرى

‏نسى وجه المدينه وجهك المتوهِّج المألوف
‏وفقد درب المرابي خطوتك بالِّليله الغدرا

.....

رد: فوق هام السحب ( الشعر الشعبي) على متن القوافي
 

تسوق الطف أنسام الغلا ضحكة محياك
على روح من طالت عقوده وهو ضامي

ياسبحان من خلاني أدورك والقاك
وأشوف أبسط حقوقي معاك أكبر أحلامي

لا تستغرب إن بعت الوجيه وشريت رضاك
وأنا مرخص ليومٍ معك جملة أيامي

تمثنى فجوج القلب وأسلى وسج خطاك
على عين حاسد ضحكتي لك ولوّامي

.....

رد: فوق هام السحب ( الشعر الشعبي) على متن القوافي
 

اضحك عسى مايضحك انسان غيرك
اضحك جعل قلبك على طول مرتاح

اضحك طلبتك ياسعادة اميرك
يااللي بضحكك تجعل القلب يرتاح

اضحك عسى درب السعاده تنيرك
وتدوم لك كل السعاده والافراح

.....

رد: فوق هام السحب ( الشعر الشعبي) على متن القوافي
 

الكفو مايصبر على الغبن والهون
‏لاشاف مايكره من الناس قفّى

‏والا ضعيف الهمة اللي يقولون
‏يمشي بدرب الهون لين يتوفّى

.....

رد: فوق هام السحب ( الشعر الشعبي) على متن القوافي
 

اللي على الشده ضعيفه عزومه
‏تدوسه الدنيا تحت رجلها دوس

‏وسيفٍ يخبا بالقسا وش لزومه
‏لاصار ما هو باللقا ينسف الروس

‏ومن لا تعدي دون حده سهومه
‏عقب التروس يصبح الصبح مريوس

‏الخلق ما هي في بعضها رحومه
‏من طاح تبطش به مخاليب وضروس

.....

رد: فوق هام السحب ( الشعر الشعبي) على متن القوافي
 

تغانم الوصل لان البعد لابد منه
ياتيك في يوم ثم ياخذك بدراجه

غالي وتبخل عليّ وتطول الغيبه
الله يسامح غلاك ويقطع الحاجه

.....

رد: فوق هام السحب ( الشعر الشعبي) على متن القوافي
 

ياكثر ماحَطه على النار راعيه
حتى تغيّر من صلا النار لوُنه

عز الله إنه يقعد الراس شَاهيه
ويخلي المحزوُن ينسى حزونه

.....

رد: فوق هام السحب ( الشعر الشعبي) على متن القوافي
 

معك واشتاق لك وشلون وانا بعيد
والمشاعر ضوامي غصب تنساق لك

كل ما ابطت بي الايام شوقي يزيد
شف جنون الغلا عقبك وانا عاقلك

فيني شعور احسه نابع من الوريد
من يلوم الخفوق إن صار تواق لك

ريف قلبي ومرباعه وشوفتك عيد
وانت مثل الهواء وارضي والآفاق لك

.....

رد: فوق هام السحب ( الشعر الشعبي) على متن القوافي
 

لبى العيون ورمشها والحجاجين
ولبى المعنق والنحر النهودي

ولبى يدٍ ماحط فيها غدى زين
ولبى يدٍ النعومه والدلع الركودي

لبى الكلام الذرب واللطف واللين
ولبى اشقرٍ كده على دهن عودي

لبى اهلك لعيونك اليوم غالين
ولبى خوالك كلهم والجدودي

.....

رد: فوق هام السحب ( الشعر الشعبي) على متن القوافي
 

ليا شفت وجهك والله ان ماعلّي اخلاف
‏فلا تنشد اللي شاف غايته وش لونه

عيونك مثل مجد قصر دونه اللي خاف
‏وانا اللي يحب المجد ويموت من دونه

.....

رد: فوق هام السحب ( الشعر الشعبي) على متن القوافي
 

يالله بعلم يشرح قلوب الأحباب
ويمطر على النفس الحزينه فرحها

العين تنظر للسماء بعشق وأعجاب
عشق السحايب يوم ينزل مطرها

مابين وصل وشوق وحظور وغياب
حيٍ السنين الي جميله صورها

ماصك باب الا وربي فتح باب
وايدين رفعت للولي ماخذلها

.....

رد: فوق هام السحب ( الشعر الشعبي) على متن القوافي
 

يالله بصبح فيه خير وتوافيق
ويوم على ماقيل كله سهاله

يهنى يشوفه من برى حاله الضيق
ويلقى السعد والخير من ضاق باله

ويالله توفق من دعى بالتوافيق
وتسخر الدنياء على ماسعاله

ويارب سهلني لدرب المطاليق
وتجعلني من أهل الوفاء والجماله

.....

رد: فوق هام السحب ( الشعر الشعبي) على متن القوافي
 

‏والله إن اللي تحبه لو الدنيا تميل
‏لاطرى وجهه يخليك ذو صدرٍ رحب

‏تشعر إن الذاكره دايم تسوي جميل
‏كل ماجابت على البالّ وجه اللي تحب

.....

رد: فوق هام السحب ( الشعر الشعبي) على متن القوافي
 

دريت انّ العُمر دمعة مشاعر وإبتسامة عين
‏وجيتك مثل جيّات الكلام اللي على حلّه

‏معك شفت الحزن ليلة وشفت الضاحكات سنين
‏معاك أمّا الصحاري صادقة ولّا المطر زلّه

.....

رد: فوق هام السحب ( الشعر الشعبي) على متن القوافي
 

ياعابرين الدروب وعابرين القلوب
‏رغم إختلاف المقاصد كلكم عابرين

‏اثاركم في المشاعر مثل اثار الحروب
‏اللي تشتّ الشمل وتروّع الآمنين

.....

رد: فوق هام السحب ( الشعر الشعبي) على متن القوافي
 

‏لاترسلين الورد وانتي من الورد
صوتك وبوحك يجمع الورد كله

ياغايتي ومناي ياباهي الخد
سؤال حاير فالهواء من يحله

نعيش بالاشواق لشراقة الغد
عشان دمعي في فراقك ما اهله

.....

رد: فوق هام السحب ( الشعر الشعبي) على متن القوافي
 

متعوّد اكلمك واواصلك كل يوم
‏والي تعوّد له على شيء مايتركه

‏انت اكثر انسان في الدنيا صدوق وكتوم
‏ازعله وارضيه وابكّيه واضحّكه

‏تقول ويش القمر واقول ويش النجوم
‏وتقول ويش الحسن واقول فيك ابركه

‏من شاف وجهك وركز في القمر قال توم
‏بس القمر في المجره وانت في المملكه

.....

رد: فوق هام السحب ( الشعر الشعبي) على متن القوافي
 

‏زرعت لك في داخل القلب احساس
ونثرت لك بالحرف عذب القوافي

ياللي غلاك مخالطٍ عذب الانفاس
يالله عساك لنبض روحي عوافي

دامك سكنتي الروح من بد ذالناس
شعر الغزل يزهاك والقاف وافي

.....

رد: فوق هام السحب ( الشعر الشعبي) على متن القوافي
 

‏روضت لك خيل الغلا لين طاعت
‏والشوق يصهل في ميادين صدري
‏
‏وسرحت لك خيل المحبة وقامت
‏ليتك عن اللي بين الأضلاع تدري

.....

رد: فوق هام السحب ( الشعر الشعبي) على متن القوافي
 

تمنيتك معي قصه طويله
تمتعني وتسعد لي حياتي

بك الدنيا في الواقع جميله
وواصلك ماسواته امنياتي

احبك والهوا قلبه دليله
وسميتك في الدنيا غلاتي

نوصل حبنا واحذر تحيله
وحبك ماتركه لما مماتي

لقلبي ماسو قلبك خليله
فديتك يا الذي وسط الرياتي

ولاعاش الذي يعلن رحيله
ولا لك حب فا الدنيا سواتي

.....

رد: فوق هام السحب ( الشعر الشعبي) على متن القوافي
 

‏ترا جرح المشاعر مايجيبه غيبةً وفراق
‏يجيبه كلمةً ترمي مقام بجرح مايبرى

‏عليك الود من كف الشعور المعتبر ينساق
‏شعورً مستمر له ضلوعي مرزم ومجرى

‏بديت الحرب مع طيفك وطيفك شدد الاخناق
‏وشفت بعينك النصر المؤزّر اقرب واحرى

.....

رد: فوق هام السحب ( الشعر الشعبي) على متن القوافي
 

‏المحبة وهبةً من قلب واحساس وصنيع
‏اغمري بالحب قلبً غير قلبك ماغمر

‏اسكني قلبً من اشواقه خطير انه يميع
‏علّقه مخلب هواك وفي مخاليبك ضمر

‏احفظي قلبً تركته من ورا عينك وديع
‏لاتورّينه جفى ولا توطينه جمر

.....

رد: فوق هام السحب ( الشعر الشعبي) على متن القوافي
 

تعالي لي على هيئة سؤالً ما لقى سائل
‏واجيلك جيتً فيها جواب ماهقيتي به

‏تشاكيني من الدنيا وانا اشكي حظي المائل
‏تعالي واخذي الخافق وغني له وهلّي به

‏انا كيف ارسم احساسً عجز عن حسنك الطائل
‏جمالك لو بغيت ارسمه ماقدر له ولا اجيبه

.....

رد: فوق هام السحب ( الشعر الشعبي) على متن القوافي
 

‏لاتاخذك الظنون وشرهة العذّال والغالين
‏كلامك يكسب إعجاب القلوب وصمتك إعجوبه

‏أثر حتى كلام القلب يوصل عن طريق العين
‏سواة إللي يوصل كلمته بلسان مندوبه

.....

رد: فوق هام السحب ( الشعر الشعبي) على متن القوافي
 

‏أستقبلك كن مالي قبل عرفك طراه
‏وأستدبر الأرض عنوه والبساط احمدي

‏سمي دروبي بأساميها مضيق ونفاه
‏وأخذي من الشعر إذعان الرضا واخلدي

‏ محتاج وجهٍ يرجعني أحب الحياة
‏وأنت جميع الحلول الممكنة في يدي

.....

رد: فوق هام السحب ( الشعر الشعبي) على متن القوافي
 

‏ياوجودي كل ماهبّ نسناس الشمال
‏وجد من حده زمانه على اللي مايبيه

‏وياوجودي كل ما اضحيت ثم مال الظلال
‏لاغفت عيني ولا ذقت شيٍ مشتهيه

‏وجد من قفّى وهو في رجا كلمة تعال
‏والتفت من عقب ما اقفى ولا احدٍ لدّ فيه

.....

رد: فوق هام السحب ( الشعر الشعبي) على متن القوافي
 

‏أنا أذكر ضحكتك وأذكر حنين الشِّعر للإسهاب
‏وأنا أذكر كم قصيدة تنسلب من وارف أهدابك

‏فداك الشِّعر وشتات البعاد وطاري الأحباب
‏وحنين الليل يوم إنّه وقف بي أرتقب بابك

‏نديم البال ماجاد القصيد ولا مكثت أرتاب
‏وأنا وهذا القصِيد اللي بعد ماغبت ماغابك

.....

رد: فوق هام السحب ( الشعر الشعبي) على متن القوافي
 

ودي أسهر في عتيم عيونك السود وهدبها
‏واتوضأ في دموعك عن عظيمات الخطايا

‏كل فرحه تهدم جبال الحزن كنتِ سببها
‏والوجع حَبٍ عصي الطحن ويدينك رحايا

‏علميني من هو مثلك ياهوى النفس وطلبها
‏لاوجيه ولا نجوم ولا خيال ولا مرايا

.....