رد: فوق هام السحب ( الشعر الشعبي) على متن القوافي
 

على الموعد أمانينا تهاوى بين ليت وعلّ
‏ قبل مايبتعد درب الكلام وتثقل حمولي

‏زرعت الليل عن شمس العيون وكنت أحسبه ظلّ
‏ولا فادت مظاليل الليال ومات محصولي

.....

رد: فوق هام السحب ( الشعر الشعبي) على متن القوافي
 

انت الشعور الصادق وغيرك سراب
وانت المقرّ الثابت وغيرك ممر

غلاك بضلوعي تربّع لين ذاب
يفوح مثل العود من فوق الجمر

يا أغلى البشر وجهك علاج الإكتئاب
ومْواصلك مثل السحاب المنّهمر

حتى ولو قلبي شَعر بالإغتراب
انت الوطن واجمل ملذّات العمر

.....

رد: فوق هام السحب ( الشعر الشعبي) على متن القوافي
 

فيك من إبداع ربي في جمالك
ماتسبّح له عيون الشايفِين

ما اظن القى على الدنيا مثالك
والذي شافوك مثلي عارفِين

ميزك ربي عن العالم لحالك
القمر والشمس حولك واقفين

انت حالي والحلا كله حلاك
ياوطن للحب يأوي الخايفين

خوف عيني خوف قلبي من سؤالك
ودي اعرف مسكني بالحب فيَن

هل بقلبك لي مكانه مثلما لك
وسط قلبي لجل نبقى مكتفين

ودي اشرح لو تبادر بأتصالك
كم بقلبي لك من الشوق الدفَين

.....

رد: فوق هام السحب ( الشعر الشعبي) على متن القوافي
 

برد الشتاء والليل لاطال مسراه
‏ياحيّ ذا الطاري من البرد والليل

‏ماكل شبة نار فيها دفى البرد
‏برد الشتاء اهون من برود المشاعر

.....

رد: فوق هام السحب ( الشعر الشعبي) على متن القوافي
 

‏أنا وهو من دون ذكر التفاصيل
الصمت طال ونتتظر من يبادر

كنت استعد انطق له اشتقت بالحيل
ومن قبل اقول اشتقت شفته يغادر

.....

رد: فوق هام السحب ( الشعر الشعبي) على متن القوافي
 

‏الصاحب الغالي ليا من فقدناه
نسعى على شوفه بكل الوسايل

والا الردي لاصد واقفى شكرناه
كنه ليا فارق مسوي جمايل

.....

رد: فوق هام السحب ( الشعر الشعبي) على متن القوافي
 

بنت بدوي راسها مليان بحميه
تحب تسمع قصايد عن قبيلتها

وإن جات للموضة ولأشياء عصريه
يقلدونها البنات بزين كشختها

.....

رد: فوق هام السحب ( الشعر الشعبي) على متن القوافي
 

وش لون تبخل على المجروح بعلاجه
وش لو قاواك قلبك رده وصده

مع انه بين عليه الضعف والحاجه
ياقو قلبك برد ايمينك ورده

محمد بن فطيس

رد: فوق هام السحب ( الشعر الشعبي) على متن القوافي
 

كان مقصد صدتك مني تغلى
والله انا شابعين من التغلي

كان مقصدها على اعصابي تسلى
فانا لله من بعض التسلي

فلاح المسردي

رد: فوق هام السحب ( الشعر الشعبي) على متن القوافي
 

دار الزمان وشفت فيه العجايــب
شفت الغلا والكره والزين والشين

وشفت القلوب الحاقده والحبايب
واللي يعيش بوجه واللي بوجهين

.....

رد: فوق هام السحب ( الشعر الشعبي) على متن القوافي
 

‏عيش طيب ولكن كل شي له مقام
خل قلبك على صون الكرامه حريص

لاتبالغ في التقدير والاهتمام
لجل ماترخص الغالي وتغلي رخيص

.....

رد: فوق هام السحب ( الشعر الشعبي) على متن القوافي
 

حنا كذا من يوم للأرض جينا
الله خلقنا فوق لسياد سادة

ماهمنا من ساق هرجه علينا
ماهمنا هرجة وكل أنتقادة

نفعل نسوي ماطلع في يدينا
والله وحدة بس يرزق عبادة

.....

رد: فوق هام السحب ( الشعر الشعبي) على متن القوافي
 

الهبايب نسنست والروح خفّت
‏أقلطي ياضيقة الخاطر وتمي

‏الحزن مايعترف باحلم وعفّت
‏والصبر ماهوب مثل عيال عمي

‏والوصل لامالت دروبه ولفت
‏مالي الا أغيب واستغفر واسمّي

.....

رد: فوق هام السحب ( الشعر الشعبي) على متن القوافي
 

‏برد وشتاء واحساس فيك دافي
‏ليت المساء كله مع البرد يطريك

‏ياللي غلاك بداخل القلب غافي
‏يصحا على صوت المشاعر تناديك

.....

رد: فوق هام السحب ( الشعر الشعبي) على متن القوافي
 

يالآدمي مادمت في صحة وخير
تحمد الله وأعتبر نفسك غني

لاصرت متعافي ولو انك فقير
تراك فعيون المريض أكبر غني

.....

رد: فوق هام السحب ( الشعر الشعبي) على متن القوافي
 

‏لاتلومني لاجيت كلي من اقصاي
مافيه غيرك لاتضايقت جيته

جيتك وقلبي دقته تسبق اخطاي
جيتك اقول مفارقك ماقويته

.....

رد: فوق هام السحب ( الشعر الشعبي) على متن القوافي
 

أنا الحضور اللي مايشبه للغياب
‏وانا الغياب اللي شعر به من حضر

‏لاجيت مثل المزن في عرض السحاب
‏وغيري سحابٍ مايجي منه مطر

.....

رد: فوق هام السحب ( الشعر الشعبي) على متن القوافي
 

أجيك مرهق ومتضايق ومتعني
‏واروح ودموع عيني عنك ساترها

‏ودي اعلمك بهمومي ولكني
‏اخاف أعلمك فيها وما تقدرها

‏وانا حياوي وطبعي من صغر سني
‏أفارق الناس قبل اجرح مشاعرها

.....

رد: فوق هام السحب ( الشعر الشعبي) على متن القوافي
 

ماملكنا الا المقام اللّي تطيح الناس دونه
وماكسبنا الاّ الفعول اللّي تردّ العلم عنّا

بقلمي

رد: فوق هام السحب ( الشعر الشعبي) على متن القوافي
 

وجدي على اللي ماترك فالعيون نعاس
سهرت الليل لاجله والسهر كنت مادانيه

اغني مع طيوفه واغني مع الهوجاس
لعله يرد الصوت ويقول يالبيه

....

رد: فوق هام السحب ( الشعر الشعبي) على متن القوافي
 

علموه ان عاد قلبي فالمحبه صوبه
ماتغيره الظروف القاسيه واشهبها

.....

رد: فوق هام السحب ( الشعر الشعبي) على متن القوافي
 

حَبيبي وداعتك تتلاگه الوجوه
وعلى كلشي نتحاسب وحدة وحدة

أجرحَك بالعتب ماجرحك بسيف
لأن جرح العتب محد يضمده

وگتلك ترا هالدنيا دوﻻب
وإذا فرت عكس حِيلك تهدّه

شعر عراقي

رد: فوق هام السحب ( الشعر الشعبي) على متن القوافي
 

مازلت في صدر المقادير عسَّاس
ممحل وبارق ضحكتك شعّ نوره

قلبي معك من وين ماهبّ نسناس
يرَفى صواديف الزمن في حضوره

وشلون ينسى طلّتك يا أعذب الناس
لا صار وجهك كل ساعه يزوره

.....

رد: فوق هام السحب ( الشعر الشعبي) على متن القوافي
 

‏انتي الفارقه والنادرة والثمينه
‏عاد اساميك واجد لاتقولين قلها

‏يمكن يوقف الدنيا على راحتينه
‏ويتحدّى الظروف اللي محد يحتملها

.....

رد: فوق هام السحب ( الشعر الشعبي) على متن القوافي
 

‏أنس كل الي حصل واخذ نفس واخذ قرارك
‏ وبعد ماتاخذ قرارك عطني ايديك الرقيقه

‏وبسألك بتحبني ولا الهوى عمره مازارك
‏وقول أحبك عندي احبك أهم من الحقيقه

.....

رد: فوق هام السحب ( الشعر الشعبي) على متن القوافي
 

إكتشفت إن الحياة بكبرها قطعة مسافه
‏تغوي المفتون لين العقل يصحى ويتنبه

‏وإستعذت مْن الدروب اللي نهايتها حسافه
‏قبل ترميني ملذات الزمن في جوف غبه

‏مايخاف المؤمن اللي فيه من ربه مخافه
‏مصدر الخوف الحقيقي واحدٍ ماخاف ربه

.....

رد: فوق هام السحب ( الشعر الشعبي) على متن القوافي
 

‏هي شيخة الزين والاخلاق والعفه
سبحان من زين الخلقه وسواها

هي بكفه وخلق ربي كله بكفه
تفرق عن العالم بمجمل مزاياها

الوجه والخد والعينين والشفه
تبطي بطون الحريم تجيب شرواها

.....

رد: فوق هام السحب ( الشعر الشعبي) على متن القوافي
 

مال الطناخه غير روس المطانيخ
اللي سلوم اجدادهم مانسوها

ماكل راعي بشت شيخ ولد شيخ
تالي الزمن حتى الرخوم لبسوها

.....

رد: فوق هام السحب ( الشعر الشعبي) على متن القوافي
 

للفخر حزه مثل مال المواقف حزه
ومن بييع أسمه واسم جده هذي مشكلته

خل عنك اللي يقول ان الدراهم رزه
رزة الرجال والله دينه ومرجلته

.....

رد: فوق هام السحب ( الشعر الشعبي) على متن القوافي
 

‏تموت النفوس ولا تموت الكرامه
وعاداتنا ماننكر ونجحد الطيب

هاذي عوايدنا ليوم القيامه
نحذر من المنقود ونجنب العيب

.....

رد: فوق هام السحب ( الشعر الشعبي) على متن القوافي
 

‏دريت إن المحبه وقفت من يوم جرّ خطاه
‏ودريت إن كبدي بتبطي من الفرقا ولا ارتاحت

‏ياكم مره نويت انساه لكن مستحيل انساه
‏هو اللي وسّم ضلوعي هو الرسام والناحت

‏صحيح إن الجفا طوّل ولكن حشمه لذكراه
‏بقلطها ليا مرّت وأودعها ليا راحت

.....

رد: فوق هام السحب ( الشعر الشعبي) على متن القوافي
 

‏تقوّي ترى الخاطر لهالحين باقي فيه
‏تعابير وجهك قاطعتني وأنا توّي

‏تزبر دموعك في محاجر عيونك ليه
‏أوآسيك والا أجرحك والا وش أسوي

.....

رد: فوق هام السحب ( الشعر الشعبي) على متن القوافي
 

فمان الله ياغلى من خذلني يوم انا شاريه
‏عجز قلبي لاينسى الي يحبه رغم خذلانه

‏بيذكرني لاشاف ان الليالي تحاول تبكيه
‏بيذكرني لاحس انه غريب اشتاق لوطانه

‏انا ذاك المكان الي سكنته واترعرع فيه
‏تشوفه من بعيد وصعب تاصل صوب بيبانه

.....

رد: فوق هام السحب ( الشعر الشعبي) على متن القوافي
 

‏طهارة وجهك الراضي كأنه منخلق من لين
‏سحابٍ يروي احساسي طهر ويلملم شتاتي

‏ذخرتك للشقى صدرٍ يكفيني عن الباقين
‏وذخرتك للمدى هقوه تشتت كل ضيقاتي

‏انا ياضحكة سنين الزمان وكل علمٍ زين
‏تركت الناس متعمد وعليك اسوق هقواتي

.....

رد: فوق هام السحب ( الشعر الشعبي) على متن القوافي
 

‏صاحبي ياناس يا إللي فوق يا الوزن الثقيل
‏لدّ النظر فالعالم إللي ماتبلّ حلوقها

‏وشلون أبرّر موقفي وأجزا كثيرك بالقليل
‏وأنا يديني في فم الحيّه ورجلي فوقها

.....

رد: فوق هام السحب ( الشعر الشعبي) على متن القوافي
 

‏تفاصيل وجهك جعل بعض الوجيه فداه
‏هي اللي ماخلّت للنجاه أحتماليّه

‏أنا أضيع دونك وأسهر الليل من مبداه
‏مثل ضيعة الجاهل الى غاب واليّه

.....

رد: فوق هام السحب ( الشعر الشعبي) على متن القوافي
 

من متى كانت أجابتنا على قد السؤال
‏ومن متى كانت سوالفنا سوالف باردة

‏ومن متى الوعد يتأجل ويتأجل الأتصال
‏ومن متى قلبي فأمانك والهجوس أطارده

‏ومن متى كلمة أحبك يوم كامل ماتقال
‏ومن متى أسولف على عينك وعينك شاردة

.....

رد: فوق هام السحب ( الشعر الشعبي) على متن القوافي
 

‏تجمعنا بعد سطو الفراق وسيفه البتار
‏كأني بليلة عتمه ضواها وجهك بنوره

‏تعالي لي أنا ما أحتاج من بعد الغياب أعذار
‏وزلاتك قبل لا أسمعك معفيه ومغفوره

‏تهادي في كنف صدر على حبك أبد مابار
‏وضمي بسمة بعدك لها عامين مكسوره

.....

رد: فوق هام السحب ( الشعر الشعبي) على متن القوافي
 

ياسبحان من خلاني أدورك والقاك
‏وأشوف أبسط حقوقي معاك أكبر أحلامي

‏لاتستغرب إن بعت الوجيه وشريت رضاك
‏وأنا مرخص ليومٍ معك جملة أيامي

‏تمثنّى فجوج القلب وأسلى وسّج خطاك
‏على عين حاسد ضحكتي لك ولوّامي

.....

رد: فوق هام السحب ( الشعر الشعبي) على متن القوافي
 

‏سامحني انا وقلبي سهرنا الليل وأغتبناك
‏وتسامرنا بحكي واجد لعلّ الدمع كفاره

‏ضحكنا من مواقفنا سكتنا شوي وعاتبناك
‏ياليت ان البداية سجن مانطلع من أسواره

‏تصارحنا انا وياه من اللي ماقدر ينساك
‏وطاح القلب من عيني وانا طايح من أنظاره

.....