رد: فوق هام السحب ( الشعر الشعبي) على متن القوافي
 

‏قمة الاخـلاق .. والذوق الرفيع
لاتركت الكـبر وأرخيت الجناب

وأعتبرت الخلق في عينك جميع
كلهم لادم وادم من تراب

......

رد: فوق هام السحب ( الشعر الشعبي) على متن القوافي
 

في هالزمن اصبر على اللي تواجه
‏الناس تطعن في قفا ميت وحي
‏
‏ان جيت قالو جيته لاجل حاجه
‏وان غبت قالو غايبٍ له على شي

......

رد: فوق هام السحب ( الشعر الشعبي) على متن القوافي
 

‏يارحـلة الايـام ويـن الفـرح ويـن
وين الوفـا والصـدق وين الـمحبه

وين الصدق بالحب وين المحبين
وين اللي يعشـق بالـمشـاعر وقلبه

ماعـاد في معنـى وفـا بيـن قلبـين
اقصـر دروب العشق صارت مسبـه

......

رد: فوق هام السحب ( الشعر الشعبي) على متن القوافي
 

العز هيبة والشرف يرفع الراس
والكذب سلعة مالها أي قيمة

والبيت مايبنى على غير مقياس
لابد توضع له قواعد سليمة

خذلك من الدنيا تجارب مع الناس
واسلك دروب أهل العقول الحكيمة

واعلم بأن الناس آلاف الاجناس
والعيب يجلب لك عواقب وخيمة

......

رد: فوق هام السحب ( الشعر الشعبي) على متن القوافي
 

تهيج المشاعر في غرام العيون السود
وأجر القوافي في عيونك و أغنيها

يا مسك المحبه و التلاقي و ريح العود
فدتك المعاني و القصايــد و قاريها

أنا مـن كثر ما أشتاق لك يا نعيم العود
أسابق طيوفك في خيالي و أناديها

......

رد: فوق هام السحب ( الشعر الشعبي) على متن القوافي
 

‏يا ملاكٍ مرني في صورة إنسان ، و تهيّا
نازلٍ للأرض من سبع السماوات يتنزه

فيه من شمس الصباح وفيه من نجم الثريا
يقبل و تقبل معاه اليا لفى ، مليون عزه

يجمع من الزين ما يغوي قلوبٍ ما تغيّا
بيرق الحسن المسمّى بـ إيده اليمنى يرزّه

......

رد: فوق هام السحب ( الشعر الشعبي) على متن القوافي
 

من تجمل فيك لا تجحد جميله
جاحد المعروف وش خانة حياته

ومن تردى فيك خله في سبيله
لا اتردى فيه وتسوي سواته

......

رد: فوق هام السحب ( الشعر الشعبي) على متن القوافي
 

شرهتي دايم على الطيّب كبيرة
والردي ما همني مهما يسوي

والحكيم اخذ برايه واستشيره
وان طفت ضو الردي شبيت ضوي

......

رد: فوق هام السحب ( الشعر الشعبي) على متن القوافي
 

‏خلك خفيف النفس راقي وجذاب
لا تـصير بعيوون المخاليق علـه

اضحك وفرفش لكن بحب واداب
اعرف حدود المزح وأعرف محله

بقلمي

رد: فوق هام السحب ( الشعر الشعبي) على متن القوافي
 

‏اهدي لكم من جزل الأبيات باقه
‏واقول جعل القاف يكسب رضاكم

‏علي حسب سلم الوفاء والصداقه
‏واللي مايرضيكم لعله فداكم

‏بيني وبين الشعر ود وعلاقه
‏اغليه واسوقه لكم من غلاكم

‏الحمدان ......