رد: فوق هام السحب ( الشعر الشعبي) على متن القوافي
 

انطقي له يامشاعر واقلعي مقلع طميّه
‏وازبني له زبنةً منها تفر اهل البشوت

‏وارسمي له رسمةً فيها المشاعر والوصيه
‏وادركيه من الخيال اللي متاهاته شتوت

‏في سواد عيونك اشوف الحياة المخمليه
‏من سكن فيها يعيش ومن سقط منها يموت

.....

رد: فوق هام السحب ( الشعر الشعبي) على متن القوافي
 

لك من الغيم اقتناص ومن النور أقتباس
‏حتى لو مالك مع الناس والدنيا بدل

‏والسجع والتورية والتطابق والجناس
‏والزهر لافاح والطير لاطار وهدل

‏الغزل في غير وجهك ظليمة وأختلاس
‏بس في ضحكاتك إنصاف وبعينك عدل

.....

رد: فوق هام السحب ( الشعر الشعبي) على متن القوافي
 

الظروف اللي تساومني وتحرج وجهي
‏ماحشمت وجه الكريم من الزمن واحراجه

‏كل طيب لانشدني وش ظروفك وش هي
‏قلت ربّـي فزعة المحتاج وقت الحاجة

‏غير يانفسي تمشّي فالبسيطة واسهي
‏ماني لحالي يواجه في الزمن ماواجه

.....

رد: فوق هام السحب ( الشعر الشعبي) على متن القوافي
 

غنيت باسمك قصيدي بأجمل الحاني
‏اسمك يعطر حروفي في قوافيها

‏أنت بيوت القصيد بكل الأوزاني
‏بإسمك بيوت الشعر تكمل معانيها

.....

رد: فوق هام السحب ( الشعر الشعبي) على متن القوافي
 

تضحك الدنيا لأهلها وتاليها الزوال
‏والغنا فِي عزة النفس والعرض النزيه

‏لاتغبط أهل الطمايع وعبّاد الريال
‏حظ من قام بصلاته وبرّ بوالديه

.....

رد: فوق هام السحب ( الشعر الشعبي) على متن القوافي
 

‏الليه الجو بارد والمشاعر تفوح
مدري وش اللي جمع الثنين برد ودفى

وين أنت ياللي كلامك فيه للروح روح
من شدّة البرد عيّا شوقنا ماطفى

.....

رد: فوق هام السحب ( الشعر الشعبي) على متن القوافي
 

‏مانرخص الغالين مع مر الازمان
‏نحفظ حقوق اهل الوفاء والشهامه

‏في عرفهم ماني مع الوقت خسران
‏اللي لهم بالطيب بصمة زعامه

‏ومن شانهم ماهمنا قول فتان
‏راع الحكي ماهمنا والنمامه

‏وانا مع الوافين لاشك كسبان
‏ماهوب لاحقني معاهم ملامه

.....

رد: فوق هام السحب ( الشعر الشعبي) على متن القوافي
 

ليت صوتك ينشرب واقول صبه
لين ما تروى عروقي من حنانه

من كثرما اتوه في صوتك واحبه
اشعر أن الحكي مخلوقٍ عشانه

.....

رد: فوق هام السحب ( الشعر الشعبي) على متن القوافي
 

أحدٍ يدور لك خطا وأنت ما اخطيت
وأحدٍ يدور لك عذر وأنت مخطي

.....

رد: فوق هام السحب ( الشعر الشعبي) على متن القوافي
 

‏تقولين أحبك قلت مالشّعور لسان
على قلبي المغرم وروحي تمكنتي

أحبك مع أفراحي وأحبك مع الاحزان
وأحب الحياه اللي معك كيف ماكنتي

على كثر ماشافت عيوني من الغزلان
عليّ الحرام إن ماملا عيني الا أنتي

.....

رد: فوق هام السحب ( الشعر الشعبي) على متن القوافي
 

هذاك كل الخطاوي تِتجه صوبه
لو غاب عني أحسه في شراييني

هذاك حتى كلامه غير وأسلوبه
مدري على وين لاسولف يودّيني

.....

رد: فوق هام السحب ( الشعر الشعبي) على متن القوافي
 

والله أني شخص ماني سريع اعجاب
ولا كل حاجه عابره تكسب اعجابي

غلبت الهوى فتره لكن الهَوى غلاّب
تمادى ووقف في طريقي وانا مابي

دخلت في حياتي عرض من اوسع الابواب
وانا للحبايب ماني مشّرع ابوابي

عطاك الله من الود والحب والاعجاب
مايجعلك سيّد قلبي وسيّد احبابي

.....

رد: فوق هام السحب ( الشعر الشعبي) على متن القوافي
 

يالبا الكلام الذوق والمنطق الجذاب
مجمل مكمل في تواصيفك وطيبك

أنا العاشق اللي من غرامك ترى ماتاب
وانا الهايم اللي قد تحملت تعذيبك

.....

رد: فوق هام السحب ( الشعر الشعبي) على متن القوافي
 

‏عطر لسانك بذكر الله وقول الرسول
اخير لك من كثير الهرج والبربرة

مالك ومال البشر ياللي تحب الفضول
لاجاك علم ٍ ماتدري عنه لاتنشره

.....

رد: فوق هام السحب ( الشعر الشعبي) على متن القوافي
 

‏واقراك في صمت العيون وهدبها
لاهز رمشك عرش قلبي بلفته

معك أحس الروح تعلن طربها
والحب لامن غبت يازين عفته

.....

رد: فوق هام السحب ( الشعر الشعبي) على متن القوافي
 

وجهك محطّ أنظار شعّار الغرام
شاعرك يلقى من دواعيك السرور

اليا تلاشى النور من جنح الظلام
قام يتشعشع وجهك الفتان نور

.....

رد: فوق هام السحب ( الشعر الشعبي) على متن القوافي
 

‏استلذ بليلتي يوم أشوفك متصل
واستلذ بطلتك رغم شح الإتصال

واستلذ بجيتك يوم تاتيني عجل
واستلذ بكلمتك كلما قلتي تعال

.....

رد: فوق هام السحب ( الشعر الشعبي) على متن القوافي
 

‏عليك قلبي طواه من الوله طاوي
والصدر ضاق وتبيّح كل مكنونه

مدري عقب هالغياب المرّ وش ناوي
خلّيت روحي من التفكير مرهونه

كل شي في غيبتك بالعين متساوي
نفس الطعم والشعور وشكله ولونه

واليا فقدت ايّ شي اقول بالهاوي
فقدت كل الحياه بغيبة عيونه

.....

رد: فوق هام السحب ( الشعر الشعبي) على متن القوافي
 

احفظ غلاي وخل صدرك لي وسيع
وأبشر بمنهو يحفظك يا أغلى غلا

انا وداعه في عيونك يا وديع
وانت الغلا اللي ما انخلق مثله غلا

.....

رد: فوق هام السحب ( الشعر الشعبي) على متن القوافي
 

ماترضا عليه حتى من اصير وياك
ومن گد ماحرت وياك محتارك

ع مودك للمحاكم والتهم طبيت
وشلت عنك التهمة وفرحوا كبارك

واجيت تزورني ومن شفت بيدي قيود
اشتهيت تغيظني وسلمت بسوارك

شعر عراقي

رد: فوق هام السحب ( الشعر الشعبي) على متن القوافي
 

‏من غرامك غرام ومن دلالك دلال
في عيونك رماح وفي جبينك ضياء

انت حاجه خيال ومن نسيج الخيال
صورك من نزل وحيه على الانبياء

الله امكملك سبحانه اله الكمال
بالعقل والثقل والعرف والكبرياء

.....

رد: فوق هام السحب ( الشعر الشعبي) على متن القوافي
 

‏دام قلبي لك سما ضم السحاب
في ضلوعي تشرق وغيرك غرب

لو ابحسب فيك بيضيع الحساب
انت واحد لكن بقلبي عرب

.....

رد: فوق هام السحب ( الشعر الشعبي) على متن القوافي
 

من الذهب والماس قيمه والوان
مابين نحل وخيل ورد وغزاله

مجموعتك روعه علئ هيئة انسان
لكن انا وياك كل شي لحاله

.....

رد: فوق هام السحب ( الشعر الشعبي) على متن القوافي
 

‏ياللي قسمت القلب نصفين نصفين
نصفه غرام والنص الآخر عنادك

امسك كفوفي وقابل العين بالعين
وأبصم على قلب المتيّم وسامك

.....

رد: فوق هام السحب ( الشعر الشعبي) على متن القوافي
 

‏يسعد مساء عينك وزولك وحبي لك
ويسعد مساء كل مايعنيك ويخصك

انكان ممداك توصلني فرح بي لك
خذ نصي اللي تبيه وخل لي نصك

.....

رد: فوق هام السحب ( الشعر الشعبي) على متن القوافي
 

‏قرب عسى العذال تفدى مواطيك
وتعال لين تصير يدك بيدي

باقول لك جمله عن الكل تغنيكك
مادمت عندي مالحد شي عندي

.....

رد: فوق هام السحب ( الشعر الشعبي) على متن القوافي
 

‏أنت الغرام وشمعة الجلاس
ونورك على قلب العناء شارق

وجهك من الفردوس والنوماس
وخصرك قتيل ومبسمك سارق

كل يوم أشوفك غير كل الناس
وكل يوم أشوفك نادر وفارق

.....

رد: فوق هام السحب ( الشعر الشعبي) على متن القوافي
 

‏احفظي يابيض الايام من يرعى الجميل
لو نست سود الليالي خبيثين العمل

باقي الا يوم رست على الوزن الثقيل
بي تبرك من عناها جمل يدحن جمل

رد: فوق هام السحب ( الشعر الشعبي) على متن القوافي
 

خذنا بقايا جسد ياحظنا العايب
بذمتك لاتزيد الوضع تعقيده

مشيتنا عكس ماكان الأمل ذاهب
وخذت منا الفرح في كل تنهيده

من قهرك امسيت يالحظ الردي شايب
وبان في وجهي الصافي تجاعيده

.....

رد: فوق هام السحب ( الشعر الشعبي) على متن القوافي
 

يانفس ما باليد حيله ولا مَيل
في عودة ايام الزمان الجميله

لاعاد تتمني أنا فاقد الحيل
بعض الأماني للأسف مستحيله

.....

رد: فوق هام السحب ( الشعر الشعبي) على متن القوافي
 

تجارب الوقت مامرّت مرور الكرام
‏خلّت عقول الرجال اكبر من اعمارها

.....

رد: فوق هام السحب ( الشعر الشعبي) على متن القوافي
 

استريحي ياعيوني مابقي فالامر شك
خان قلبي فالنهايه من حسبته مايخون

والله ان القلب موجع والالم فالروح دك
وامتلا الاحساس بالحسره وخيبات الظنون

مابقي من بعد هذا يازمن لاكان بك
في شعور الغدر من بعد الثقه فرصه تكون

روح يامن خنت عهدك وانقلع واللعن لك
اوعدك تلقى انتقامي يملي احساسك غبون

كنت افكر مابقي فالبحر من بعدك سمك
بعدما شفتك على الشاطئ وحزنك فالعيون

تشتكي لي من همومك والالم ذا حل بك
وانت تبحث عن محبه تملي ايامك سكون

واحتويتك بعدما قلبي برغبه سلمك
كامل السلطه على كل المشاعر والشجون

وانت جازيت الوفا مني خيانه وايش لك
من فوايد غير ذكرى خايبه يا آخر زبون

......

رد: فوق هام السحب ( الشعر الشعبي) على متن القوافي
 

‏تضيق لكن فزعة الله قريبه
الله مقرب فزعته يوم تنصاه

والجود لولا الجود نخوة وطيبة
كان العرب متساويه مالحد جاه

الناس تعرف في الظروف العصيبة
حد فاله البيضاء وحد فاله عداه

من شق جيب الناس ينشق جيبه
ومن يجحد المعروف ماعاد يلقاه

والله قسم للخلق كلن نصيبه
والدائم الله يا المتيم بدنياه

ردي عليهم يا الجبال الصليبة
قولي لهم من يزرع الطيب يجناه

.....

رد: فوق هام السحب ( الشعر الشعبي) على متن القوافي
 

‌‎وش دوى البرد جيبوا لي علاجه وطبّه
مانفعني عسل دوعن ولا لوز خولان

مايضمّد جراحي غير قرب ‎الاحبه
وما يداوي فؤادي غير مزيون الاعيان

.....

رد: فوق هام السحب ( الشعر الشعبي) على متن القوافي
 

لله درك اينما كنت لله
الله خصك بالسلوك الرفيعه

من حيث ماحل الوفا فانت تاطاه
فيك الوفا والطيب طبع وطبيعه

ياطيب طابت لياليه مغلاه
ماينحني للوقت صيفه ربيعه

نمشي على كف القدر ماحسبناه
ونضحك فلا ضاقت علينا الوسيعة

لنا في مصاف الخير عالم بنيناه
من الحب ماتجري عليه القطيعه

من الطيب نشري من شرانا ونفداه
ومن طبعنا من باعنا مانبيعه

.....

رد: فوق هام السحب ( الشعر الشعبي) على متن القوافي
 

‏ساري الليل ما ادري وين عز الطلب
كل ماشفت زولْ قلت ربعي قريب

غيب الجدي والسبعه وصبحي قرب
النجوم اختفت كل الشواهد تغيب

عادتي في سكون الليل اشوف العجـب
اهتدي بالنجوم ونظرتي ماتخيب

.....

رد: فوق هام السحب ( الشعر الشعبي) على متن القوافي
 

‏درهموا بالركايب يازهات السلب
وردوها وراها قيض حامي لهيب

واين راعي المشورة والعزوم العجب
والله اني بحاجة للرفيق الصليب

الفسـالة سهيلة والجمالة تعب
والمراحل طويلة حظنا والنصيب

.....

رد: فوق هام السحب ( الشعر الشعبي) على متن القوافي
 

يامرحبا وهلين ياطيب الفال
‏اقلط بصدري وبضلوعه تفيا

‏جيتك ونا كلي من الجال للجال
‏معجب وهايمبك وعاشق سويا

‏شارب هواكِ شرب كيفٍ بفنجال
‏كيفٍ يروّق راس مغليك ذيا

‏مالك شبيهه نادره حسن وقبال
‏الله حسيبك ويش سويت فيا

.....

رد: فوق هام السحب ( الشعر الشعبي) على متن القوافي
 

الصراحه كلها سبعة حروف
وكل حرف منها يوزن ذهب

والخيانه مثلھا سبعة حروف
وكل حرف منها يشعل لهب

.....

رد: فوق هام السحب ( الشعر الشعبي) على متن القوافي
 

‏ودي أضيع بين يديك عقب البعاد
‏ضيعة إللي ماعيّن عاقلٍ ينصحه

‏سولفي أنتي أفصح من نطق حرف ضاد
‏لو كلامك خطا جمالك يصحّحه

‏مقتنع في جمييع آراءك من الوداد
‏لو تقولين طار الطير دون أجنحه

.....