رد: فوق هام السحب ( الشعر الشعبي) على متن القوافي
 

أنا وين أنام ؟ وطيفك يقول صح النوم
‏يسولف علي ، لين الفجر ينتثر نوره
‏
‏ثلاثه .. تجيب العيد بالعاشق المحروم
‏نسيم الليالي ، والطواري ، وابو نوره

......

رد: فوق هام السحب ( الشعر الشعبي) على متن القوافي
 

ماني بحاجة ناس مَ عندها إحساس
أنا بحاجة شخص لا طحت ، جـــاني

يَ كثـر ما نسمع تـــرى الناس لـلناس
بس الحقيقة طبع هالناس - ثانـــــي

......

رد: فوق هام السحب ( الشعر الشعبي) على متن القوافي
 

‏مايلوي ذراع الصبر غير الأقدار
أو دعوةٍ نامت بمتن السحابة

شيٍ نبيه ويمضي العمر ماصار
وشيٍ يصير وماحسبنا حسابة

......

رد: فوق هام السحب ( الشعر الشعبي) على متن القوافي
 

لمتابعيني قدر لو ماتكلمت
وبـالقلب شيً ما نطق به لساني

للي يواصل أو يتابعني بصمت
شكـــري وتقديري وجـــل إمتناني

الحمدان .....

رد: فوق هام السحب ( الشعر الشعبي) على متن القوافي
 

‎صبرنا على ماجابه الوقت زين وشين
‌‏ولا حطمت صكات بقعاء عزايمنا
‌‏ٰ
‌‏نحشم الرفيق ولا طردنا ورى المقفين
‌‏وعلى نخوة الناخين نحذف عمايمنا

.....

رد: فوق هام السحب ( الشعر الشعبي) على متن القوافي
 

‏لا تزعجون الصدر في كثر العلوم
‏ماينقل الهرجه سوى عجز الضحى
‏
‏الطيّب لـ ربعه ولو خابوا يقوم
‏وإلا الردي من فوقهم مثل الرحى

......

رد: فوق هام السحب ( الشعر الشعبي) على متن القوافي
 

مثل الجبال الراسيات الشواهيق
‏بعض الرجال وبعضها كالنّثيله
‏.
‏وإليا لزّمت إلزّم خوي المطاليق
‏وجنب عن اللي خوّته لك وسيله

.....

رد: فوق هام السحب ( الشعر الشعبي) على متن القوافي
 

ترى صدور الناس مثل المخازن
‏ياما بداخلها من الشر والخير
‏ٰ
‏وأكبر نجاحك في الحياة التوازن
‏والصبر لا صكت عليك المقادير

......

رد: فوق هام السحب ( الشعر الشعبي) على متن القوافي
 

ماتجاهلت العوايد وضيعت السلوم
‏يوم غنت كل نفسٍ على طاروقها
‏ٰ
‏اترفع عن كثير السوالف والعلوم
‏والبشر اعرف مواجيبها وحقوقها

......

رد: فوق هام السحب ( الشعر الشعبي) على متن القوافي
 

‏خالد الفيصل يقول
ليتك معي ساهرٍ ليل الهـوى كلَّـه
ما انوم أنا وإنت لأجل الحبِ سهراني

ترى السَّهر مع حبيبك يبري العلَّـه
لي صرت شفقٍ وهو عليك شفقـانِ