رد: فوق هام السحب ( الشعر الشعبي) على متن القوافي
 

‏أنا عالمك واصحابك وانا الأحباب
‏وانا اللي دون عمرك ما أبي عمري

‏تعال سولف عنّك بدون اسباب
‏لو إن البرد غيّر صوتك الخمري

‏لضحكاتك وله في قلبي المرتاب
‏تمادى بالشعور اللي سكن صدري

‏أنا ادري أحبك فوق الاستيعاب
‏لكنْ شكثر احبّك إيه ما ادري

.....

رد: فوق هام السحب ( الشعر الشعبي) على متن القوافي
 

حبك اللي كف نفسي عن دروب الضياع
‏لايوردني على الموت فالفصل الأخير

‏كثر خيرك في فقير لقى الدنيا متاع
‏واغتنى من بعد حبك وصار أغنى فقير

.....

رد: فوق هام السحب ( الشعر الشعبي) على متن القوافي
 

أنت وحدك تستفزّ الصمّت وتردّ الطواري
‏ماقدرت ألدّ لك تقدير وإلا أصدّ شيمة

‏ماعلي من الجفاف إن طالت يدينه دياري
‏وين مالدّيت أشوفك نوض بَرق ووبل غيمة

.....

رد: فوق هام السحب ( الشعر الشعبي) على متن القوافي
 

‏أسلم يا أحلى ويا أغلى الناس وأجملها
‏سولف ياصوتٍ يموتني ويحييني

‏عطني علومك وطولها وفصلها
‏ترحب أذني وقلبي وإيدي وعيني

‏وأبعد عن الارض وأبعد عن مشاكلها
‏صوتك عن الناس والدنيا يكفيني

.....

رد: فوق هام السحب ( الشعر الشعبي) على متن القوافي
 

‏بعد ماطارت طيور الهوى بارزاقها ياخِلّ
‏كبر فيني الشعور وطير من العش عصفوره

‏تهاجر لك مشاعر قلب حبك فارتحال وحل
‏مع كل انتفاضه شوق مغبونه ومقهوره

‏بعد مادارت الايام واحساس الوله ماقل
‏هنا خلف الضلوع العوج قلب تربكه صوره

.....

رد: فوق هام السحب ( الشعر الشعبي) على متن القوافي
 

‏شد حيلكَ طالبك لاعاد ترخص قدري
‏والله أني بين فك البعد وحظٍ عاثر

‏أنت تدري والعرب عن حبنا مَاتدري
‏ياحبيبي ليه في وصلك علي متكاثر
‏ㅤ
‏كم شريدة شوق شفها في زوايا صدري
‏أجمع اللي باقيٍ من شوقي المتناثر

.....

رد: فوق هام السحب ( الشعر الشعبي) على متن القوافي
 

‏من يعيد الشغف للي نفذ من رصيده
‏لايعيد الرفاق ولا يعيد المقاهي

‏فاقد الرغبه يشوف الثمينه زهيده
‏لي سنه ماخبر حاجة تشدّ أنتباهي

.....

رد: فوق هام السحب ( الشعر الشعبي) على متن القوافي
 

خذلكْ الظن ياموهوم لاتشره على الخلان
‏غفت عين العتب من بعد ماسالت دموع اللوم

‏هي الأيام هذا طبعها من سالف الأزمان
‏من المؤسف بعد رغدْ الطموح تْدوّر المقسوم

‏يداويني كلام وفي مُراعاة الشعور إحسان
‏عسى بعض الكلام اللي على هيئة حياه يدوم

.....

رد: فوق هام السحب ( الشعر الشعبي) على متن القوافي
 

‏من معطيات التجارب واختصار الكلام
‏أنجح عقول الخلايق فالزمان أربعة
‏
‏من فضل الصمت لازادت هروج الأنام
‏ومن ينثر الطيب لاشاف العرب تجمعه
‏
‏ومن شاف زلة رفيقه في طريقه وشام
‏ومن برّ في والدينه بِرّه ابينفعه

.....

رد: فوق هام السحب ( الشعر الشعبي) على متن القوافي
 

لاتغارب لاتنزحت وجلست لحالي
‏الحزين احيان مردود السلام يكوده
‏
‏كل مامر المكان البالي اشغل بالي
‏والله ان كن الوجيه الغايبه موجوده

.....

رد: فوق هام السحب ( الشعر الشعبي) على متن القوافي
 

‏اسافر من محطات الخيال لوقفة التفكير
‏واغني باللحون اللي صداها يطرب أسماعي

‏جناحي ذكرياتي والسما فكرة واحب اطير
‏كرهت الواقع اللي يحبس افكاري في قاعي

‏جفيت الليلة اللي تشغل الخاطر عن التعبير
‏وسكنت الليلة اللي في دجاها يظهر ابداعي

.....

رد: فوق هام السحب ( الشعر الشعبي) على متن القوافي
 

حنّيتك من العتب يوم ان بعض العتاب
‏اقطع من السيف واصدق من دموع اليتيم

‏اهديت لك ورد واهديتيني اخطر صواب
‏محدٍ رمى الورد غير انتي وعبدالحليم

‏شكراً على مامضى لي معْك حتى الغياب
‏انتي غيابك صنع للناس شاعر عظيم

.....

رد: فوق هام السحب ( الشعر الشعبي) على متن القوافي
 

تعبت أمد الصوت في صمت إمتّلى بالتايهين
‏وتعبت أدوّر للجواب اللي خنق هلأسئلة

‏عايش على قيد الأمل ماني على قيد اليقين
‏أكبر من الأحلام وأصغر من غموض المرحلة

.....

رد: فوق هام السحب ( الشعر الشعبي) على متن القوافي
 

ياعاشق الليل وش خليت لعيوني
لو هامت بالليل تنشد نظرة عيونك

ماهي عداله بحب اثنين مفتوني
امّا انا او سمو الليل مفتونك

.....

رد: فوق هام السحب ( الشعر الشعبي) على متن القوافي
 

‏بالمحبة والمودة لك حبيبٍ زاد شوقه
والمشاعر صادقة درب الوفا تمشيه رجله

ولا يداوي جرح ود القلب لازادت حروقه
غير قربك خل سير أقدامكم للوصل عجله

.....

رد: فوق هام السحب ( الشعر الشعبي) على متن القوافي
 

ياما على وصلك ركضت وتعنيت
وفتحت لك قلبٍ من الحب تايب

وياما كسرت خاطري كل ماجيت
ارجع ودمعي فوق خدي سكايب

والحين عنك ياهوى البال صديت
حال الفراق وخاطري منك طايب

.....

رد: فوق هام السحب ( الشعر الشعبي) على متن القوافي
 

ياصاحب الكف المخضب بحناء
يامن أسرت القلب في نقش حناك

ياناقش الكفين يسرى ويمنى
سبحان من صور جمالك وسواك

.....

رد: فوق هام السحب ( الشعر الشعبي) على متن القوافي
 

‏حي المساء اللي نشوفك تجي فيه
ياللي عليك الروح كل يوم توله

يالذ واجمل شي تطري طواريه
ياغاية المشتاق واللي يقوله

.....

رد: فوق هام السحب ( الشعر الشعبي) على متن القوافي
 

اشفق عليك واعتني بك واداريك
واسكّنك عنّ البشر وسط عيني

ياما زعلت وقلت ماعاد احاكيك
ويردني شوقي عليك وحنيني

خوذ الصراحه من حبيبٍ مصافيك
انت اجمل اللي مرني في سنيني

.....

رد: فوق هام السحب ( الشعر الشعبي) على متن القوافي
 

‏نمسي على حال ونصبح على حال
‏يوم ٍلنا واليوم الآخر علينا

يوم ٍسلا خاطر ويوم ٍغثا بال
‏طبع الزمان وحكمة الله فينا

.....

رد: فوق هام السحب ( الشعر الشعبي) على متن القوافي
 

غابت اللي مايوصفها الحنين
غابت اللي وجهها وجه السعد

من ملامحها خلق ربي اربعين
يوم غابت كلهم غابوا بعد

.....

رد: فوق هام السحب ( الشعر الشعبي) على متن القوافي
 

ياغافل اتوضى مع من توضى
لاتترك السنّه ولا تهمل الفرض

لاشحّت الحاجه لها ألف مقضى
عند الذي لا اعطاك مايطلُب القرض

العافيه كم فالعنايات مرضى
ماتنفع القوّه ولا الطول والعرض

إقنع بما قدّر لك الله وارضىٰ
واركن على رب السماوات والأرض

.....

رد: فوق هام السحب ( الشعر الشعبي) على متن القوافي
 

تدري وش إلي يقهر الرجال في درب الفراق
لارفرفت ذكرىٰ وليف القلب واتذكر غلاه

حتى العسل في غيبته والله مابه له مذاق
يضيع طعمه فالغياب وتنتهي لذة حلاه

.....

رد: فوق هام السحب ( الشعر الشعبي) على متن القوافي
 

‏نمشي على حكم الزمن غصب عنا
‏ونقول ياقلب العنا الف لاباس

‏حتى ولو بالقلب سهم طعنا
‏نضحك ونخفي كل جرح عن الناس

.....

رد: فوق هام السحب ( الشعر الشعبي) على متن القوافي
 

غدرتني وأنا من القلب حبيت
وجرحتني وانا احسبك دوايه

لكن تبغى الصدق تراك مخطيت
هذا غلط مني وهذا خطايه

لوني اعرف نيتك ماتماديت
فـي حب شخصً مايثمن غلايه

.....

رد: فوق هام السحب ( الشعر الشعبي) على متن القوافي
 

لاتخدعك دمعة ولا يخدعك بوح
بعض الغلا أحيان ماله معاني

كم واحدٍ كنت أحسبه حسبة الروح
صدّت به سنين الحياة ونساني

.....

رد: فوق هام السحب ( الشعر الشعبي) على متن القوافي
 

‏سولف مع العالم مثل مايحبون
واترك لهم على الهوامش مساحة

اثنين في هذا الزمن مايعيشون
راعي الضمير ومن يقول الصراحة

.....

رد: فوق هام السحب ( الشعر الشعبي) على متن القوافي
 

‏احسدوني عليك وضيقوا صدري
وكل ماجيت ابيك عيونهم صوبي

تدري اني عشقتك وانت ماتدري
صعب ذوقي وحصلتك على ذوقي

.....

رد: فوق هام السحب ( الشعر الشعبي) على متن القوافي
 

‏يا ام العيون الذابحات المراييش
الناعسات النجل يفتن هدبها

غطي عيونك خلي العالم تعيش
خافي من الله لانموت بسببها

.....

رد: فوق هام السحب ( الشعر الشعبي) على متن القوافي
 

مافيه داعي تزعلين وتغارين
انتي يغار البدر من قو زينك

عاد البنات الفاتنات المزايين
بالله وشهن عند سلهام عينك

.....

رد: فوق هام السحب ( الشعر الشعبي) على متن القوافي
 

إِنْ يحسدوني فإِني لا أَلُومهمُ
قبلي من الناس أَهلُ الفضلِ قَد حسدوا

فدام لي ولهم ما بي وما بهمُ
ومات أكثرهم غيظًا بما يجدُ

أنا الذي يجدوني في صدورهمُ
لا ابتغي صدراً منها ولا أردُ

وما أُؤمّلُ مِن أَمر يسوؤُهمُ
إِلّا وعندي لَهُم من مثلهِ مَدَدُ

.....

رد: فوق هام السحب ( الشعر الشعبي) على متن القوافي
 

يافتنة النفس وأنفاس الحبيب الجريح
أنا على شوفة عيونك وْوجهك عَجِل

شيلي يدينك عن الوجه الجميل المليح
لاتحرمين العيون أحلى ملامح خجل

.....

رد: فوق هام السحب ( الشعر الشعبي) على متن القوافي
 

ويقرأُ الناسُ أحرُفَنا فتعجبُهم
ويحسبونَ بأن الحُزنَ إبداعُ

ويشهدُ الحرفُ أن الحبرَ أدمُعنا
لو يعلمون وأن السطرَ أوجاعُ

والبوحُ فيضٌ من الآلامِ لو حُبِسَت
تهشّمت من أزيزِ الصدرِ أضلاعُ

ولا سبيلَ لها إلا قصائدُنا
فتستجيبُ لنا والوزنُ ينصاعُ

.....

رد: فوق هام السحب ( الشعر الشعبي) على متن القوافي
 

‏يلي معاك السوالف غير كل الملا
بعد امتلكت المشاعر لاتشح بعطاك

طاريك عنه الخفوق وهاجسي ماسلا
يلّي نفس صبحك الساحر يعطّر مساك

ان جيت صدر الهوى تستاهله والغلا
وان رحت خذ ماتبقّا من حياتي معاك

.....

رد: فوق هام السحب ( الشعر الشعبي) على متن القوافي
 

صحيح ماندري عن اللي يكنون
ولا احدن على قلوب الاوادم تنبا

مهما الليالي تستر اللي يخبون
تبدي لك الايام شين مخبا

.....

رد: فوق هام السحب ( الشعر الشعبي) على متن القوافي
 

‏ياصباح الخير ياكل الأحبه
‏ياصباح الطيب والورد وعبيره

‏المشاعر كلها ورد ومحبه
‏وأنتم إحساس الغلا من كل ديره

.....

رد: فوق هام السحب ( الشعر الشعبي) على متن القوافي
 

‏خلوه ياخذ من قصيدي كلامه
تفداه عين الشعر كان ادمعت له

لاتلحقونه بالعتب والملامه
انا حروفي من غلاه ابدعت له

.....

رد: فوق هام السحب ( الشعر الشعبي) على متن القوافي
 

‏⁧ يسعد صباحك⁩ يابعد كل الأحباب
‏شوفك حلا والصوت فنجال دله

‏جيتك غلا جيتك شعر جيتك أعجاب
‏يامن خذيت القلب والحب كله

رد: فوق هام السحب ( الشعر الشعبي) على متن القوافي
 

‏اعتبرني في حياتك من الماضي الجميل
ان ذكرتة تبتسم وان بغيته مارجع

.....

رد: فوق هام السحب ( الشعر الشعبي) على متن القوافي
 

‏اقربي بين السوالف وكتفي والذراع
‏وانظري ليّ نظرة الشوق للشيء القديم

.....