رد: فوق هام السحب ( الشعر الشعبي) على متن القوافي
 

‏اعشقيني رجل في عزّته ساكن
‏واجهري بي عشق يابنت الحلال

‏اعشقيني ماني بطمّاع لكن
‏خايف تروحين لشباه الرجال

.....

رد: فوق هام السحب ( الشعر الشعبي) على متن القوافي
 

‏حبيبتي مثل القمر تملي العين
‏وأبعد علي من القمر في طلوعه

‏كانت توصيني على الوصل والحين
‏قامت تغلا لين صارت قطوعه

.....

رد: فوق هام السحب ( الشعر الشعبي) على متن القوافي
 

انا احبك ولا لي في المحبّه راي
اعرف اني ابيك اقرب من ظلالِي

ابيك لغُربتي ديره وابي مسراي
يطول اللي مشيته مَعك يحلالي

سراب العمر توّه معاك خطاي
ولا فكرت في حلّي وترحالي

.....

رد: فوق هام السحب ( الشعر الشعبي) على متن القوافي
 

لاصرت مؤمن بالعسر والتياسير
وعينك بعين الله مايكسرونك

.....

رد: فوق هام السحب ( الشعر الشعبي) على متن القوافي
 

‏الكامل الله والخطا طبع الانسان
‏والدرب يفرق عن يساره ويمينه

‏والصاحب اللي له معزه وله شان
‏ان جاني بشينه تذكرت زينه

.....

رد: فوق هام السحب ( الشعر الشعبي) على متن القوافي
 

‏من جهل خافي ضميرك لاتلومه
‏كل رايق يحسب ان الكل رايق

‏حط نفسك موقفه تعذر علومه
‏البشر ماهي على صدرك توايق

.....

رد: فوق هام السحب ( الشعر الشعبي) على متن القوافي
 

‏القبول أوّل عناوين المودّه
‏واحترام الذات من طيب العقول

‏شخص تحترمه من إسلوبه ورده
‏وشخص ماله لا احترام ولا قبول

.....

رد: فوق هام السحب ( الشعر الشعبي) على متن القوافي
 

إنسان ليت إنك عرفته من إسنين
وإنسان ليت إنك أبد ما عرفته

وإنسان مايسقط خياله من العين
وإنسان ماكنك مع الوقت شفته

.....

رد: فوق هام السحب ( الشعر الشعبي) على متن القوافي
 

‏خذ ياسحاب الشوق من قلبي الشوق
وارحل جعل مسعاك درب السلامة

صوب الذي له شان ومكانته فوق
وسط الضلوع العوج ساكن غرامه

قله قسم قلبي من الشوق محروق
والنار تنهش في الخفوق إلتهامه

والجسم كامل صابه الياس والعوق
والقلب ينزف داخلي من سقامه

.....

رد: فوق هام السحب ( الشعر الشعبي) على متن القوافي
 

احنا على العهد ياذي تسألوا عنا
كفوفنا للإخا وللعز ممدوده

يتغير الوقت واحنن ماتغيرنا
الاسم هو الاسم والجوده هي الجوده

.....

رد: فوق هام السحب ( الشعر الشعبي) على متن القوافي
 

‌‎لو وصفتك شعر أغرق في بحورك
ولو كتبتك حرف أعيتني القوافي

ولو رسمتك نسخ تتشابه سطورك
ولو بغيت اعترف هذا أعترافي

لاظهرت ابهر العالم ظهورك
واعظم من اللي ظهر ماكان خافي

اعذريني لختلط شعري بشعورك
يشهد الله القلب في نيته صافي
⁦
.....

رد: فوق هام السحب ( الشعر الشعبي) على متن القوافي
 

‏تأخذني الغيره عليك بجنح خوف
إلين مارهقت الفكر باصابعك

الضحكة الّي بعدها ضمّة كفوف
لاعاد تضحكها وانا ماني معك

.....

رد: فوق هام السحب ( الشعر الشعبي) على متن القوافي
 

علم الفلك حائر على وصف حبك
يللي معه في القلب كل الحصانه

لاغاب طيفك في الفلك دوم قربك
كل الكواكب في جبينك ضمانة

ويلعن ابوه الهجر وياكم لعبك
مادام في قربك لنفسي مكانة

احن لك واشتاق ماخفت ربك
واكن لك في القلب كل أستكانه

بالله خاف الله ياخـل وشبك
تغيب عن عيني وما في امانه

.....

رد: فوق هام السحب ( الشعر الشعبي) على متن القوافي
 

كان القمر مسؤول عن خطف الأنظار
انته ترى المسؤول عن خطف روحي

أن زان لي وصلك تحديت الاخطار
وإن شح بي وصلك تهدم صروحي

.....

رد: فوق هام السحب ( الشعر الشعبي) على متن القوافي
 

ضاعت احاسيس المحبه مع الناس
هذا يحب وذاك يعشق مزاجه

احيان ودك يملي الكون إحساس
واحيان ودك ماتحس باي حاجه

.....

رد: فوق هام السحب ( الشعر الشعبي) على متن القوافي
 

لاتَحْسَبْ الدنيا تجي لك على الكيف
ماطاوعت قبلك هل المجد والجاه

فيها المصاعب والتعب والتكاليف
هذا تغدابه وهذا تعشاه

كم فرقت من بين ناسٍ مواليف
واللي لها مشتاق ماتتبع أرضاه

تبغى الحقيقه ماعليها تحاسيف
والرابح اللي قام في حق مولاه

.....

رد: فوق هام السحب ( الشعر الشعبي) على متن القوافي
 

‏من باب الاعجاب لاتسأل عن اعجابي
اسألني تحب بجاوبك حبيتك

أي والله إني عشقتك يا آخر احبابي
وصديت عن مجمل البشر من جيتك

في وجه غيرك مسكر عيني وبابي
غالي وزاد الغلا يوم إني أغليتك

.....

رد: فوق هام السحب ( الشعر الشعبي) على متن القوافي
 

‏اميرتي لك بين الأضلاع منزال
داخل حنايا الصدر قصرك بنيته

حطيت لك بالقلب مسكن ومدهال
ملكك وغيرك لو بغاني جفيته

.....

رد: فوق هام السحب ( الشعر الشعبي) على متن القوافي
 

منساك لو ينسى الكحل سود الأهداب
شلون تنسى العين صافي نظرها

ليت العيون إلي تريد اليوم فرقاك
تفقد مع الأيام نعمة بصرها

عهداً علي وناقض العهد خوان
منساك لو تنسى الروح جسدها

.....

رد: فوق هام السحب ( الشعر الشعبي) على متن القوافي
 

يامجمل اسلوبك وضحكك ووقفتك
ويامطيب احساسك ومطيبك كلك

خل التعذر لاتردد بجيتك
تراك لامن جيت جيت بمحلك

.....

رد: فوق هام السحب ( الشعر الشعبي) على متن القوافي
 

‏يالله صبآح العطآ والقرب والطآعة
‏يآمآلك الجود يآمعطي بلا منّه
‏
‏عفوك بعبدٍ لشوفك كثرت أطمآعه
‏يبغى يفوز برضآك ويدخل الجنه

.....

رد: فوق هام السحب ( الشعر الشعبي) على متن القوافي
 

افا يصدري ضقت من جاير الوقت
‏خابرك ياصدري تشيل الثقايل

‏وش فيك علمني لك ايام مارقت
‏ضايق وفيك الهم صايل وجايل

‏خابرك ماعمرك للأحزان رافقت
‏واليوم كنك شايل جبال حايل

.....

رد: فوق هام السحب ( الشعر الشعبي) على متن القوافي
 

ملكنا جمال الشكل وما تباهينا فيه
‏تباهينا بطيب القلب والنيه الزينه

.....

رد: فوق هام السحب ( الشعر الشعبي) على متن القوافي
 

أنا تركتك للزمن والمقادير
طويت لي صفحه وسكرت بابي

بعض المواقف مالها اي تبرير
تراكمات وانا عدوي عتابي

.....

رد: فوق هام السحب ( الشعر الشعبي) على متن القوافي
 

عفت العتب واكرمت نفسي واقفيت
وكتمت لهفة خاطري واشتياقي

.....

رد: فوق هام السحب ( الشعر الشعبي) على متن القوافي
 

إيه أحبك باختياري واستخير
‏واترك الاحلام في مشوارها
‏
جيتني صدفة وحبيتك كثير
والصدف مافي احد يختارها

.....

رد: فوق هام السحب ( الشعر الشعبي) على متن القوافي
 

انت بحياتي شي ثاني عن الغير
تقدر تقول اجمل حدث في حياتي

من كثر ماخانت غلاك التعابير
معاك احس اصدق كلامي سكاتي

.....

رد: فوق هام السحب ( الشعر الشعبي) على متن القوافي
 

على الوعد والعهد عامٍ ورى عام
‏ياشوق روحي يادوايه وطبي

‏واللي خلق هالكون في سته أيام
‏مايعلم اللي بيننا غير ربي

.....

رد: فوق هام السحب ( الشعر الشعبي) على متن القوافي
 

‏لاتنشد المشتاق وشلون يشتاق
هذا السوال اللي بليا إجابه

‏الحب من ربي يجي كله أشواق
من غير ماتعلم وتحسب إحسابه

.....

رد: فوق هام السحب ( الشعر الشعبي) على متن القوافي
 

بعض القلوب إحساسها يشبه الورد
‏تزهر لقا وإن مرّها البعد تذبل

‏وأجمل قلوب نعيشها شايلة الود
‏فيها الوفا وإن هزّها الشوق تسأل

.....

رد: فوق هام السحب ( الشعر الشعبي) على متن القوافي
 

جعل السعاده يامتابع لك غيوم
‏تمطر على ارض المشاعر وترويك

‏وان كان في صدرك تعاليل وهموم
‏تغسل مجاري خافقك لين ترضيك

مني لكم مع التحية

رد: فوق هام السحب ( الشعر الشعبي) على متن القوافي
 

وش عاد لو جرح المفارق وجعني
مصير ضيقات الليالي تداويه

والغايب اللي في غيابه جرحني
الله يسهل له دروبه ويهديه

.....

رد: فوق هام السحب ( الشعر الشعبي) على متن القوافي
 

ماكل مافي القلب لازم تقوله
ويسد عن طول الكلام العناوين

من قبل ماتعشق ومن قبل توله
جرح الهوا ماعالجوه المداوين

.....

رد: فوق هام السحب ( الشعر الشعبي) على متن القوافي
 

هات الوداع وخذ معك جرح الايام
يمكن يكون فراقنا فيه خيره

خذ دمعتي والحب وكبار الاحلام
وارسم بها للشووق لوحه كبيره

.....

رد: فوق هام السحب ( الشعر الشعبي) على متن القوافي
 

وين اودي شوق قلبي والوله
لوغديت بعيد عني مااسمعك

تملك احساسي وفكري تشغله
ترحل طيوفك وفكري يجمعك

هاك قلبي هاك ليتك تقبله
خذ سنين العمر او خذني معك

انت تالي الحب عندي واوله
من يقول إني نسيتك يخدعك

.....

رد: فوق هام السحب ( الشعر الشعبي) على متن القوافي
 

انتي جديدي وانتي اخر حروفي
وانتي وجودي وانتي الكون كله

وانتي غرامي وانتي احلا ظروفي
وانتي الهناء اللي عشت انا تحت ظله

.....

رد: فوق هام السحب ( الشعر الشعبي) على متن القوافي
 

الحب نبضة قلب في صدر إنسان
تجي من الله مالها اي تفسير

ماتنحصر بأشخاص ولا ببلدان
هي نوع واحد لكن اشكالها غير

.....

رد: فوق هام السحب ( الشعر الشعبي) على متن القوافي
 

‏والله انّي في محبّتك إكتفيت
‏والسعاده في وصالك تستمر

‏انت ماتدري بشعوري لاحكيت
‏كلمةٍ منّك تكفّيني عمر

.....

رد: فوق هام السحب ( الشعر الشعبي) على متن القوافي
 

حي المساء اللي تنفس بالاذكار
يشرح صدور اللي يعانون ضيقه

سبح وهلل واسلك دروب الابرار
وتصير اسعد شخص بين الخليقه

.....

رد: فوق هام السحب ( الشعر الشعبي) على متن القوافي
 

كف المخاليق لاتعطي ولاتمنع
المعطي المانع الوهاب سبحانه

النفس عاداتها فالزود ماتقنع
لوتملك من الذهب وديان مليانه

.....