رد: اخترنا لكم
 

صدق المشاعر تصنع انسان شاعر
والناس دايم تنتظر وش جديده

عينه تشوف ان القصايد مشاعر
وهم يشوفون إن المشاعر قصيده

.....

رد: اخترنا لكم
 

‏شــوف لي ويــاك مـخــراج وتكـلم
‏ويـن افـر من الجمال ورمـش عينك

‏اسكـت مـن الشـوق وعيونـي تعلم
‏لو تصنـعـت الثقــل بينـي وبينك

‏انت يمكـن لو تمـر صدفـه تسلم
‏يمكن انسى نفسي واقول انت وينك

.....

رد: اخترنا لكم
 

‏من يحب الخيل يطرب بالصهيل
ومن يحب الصقر قايد ما يقاد

.....

رد: اخترنا لكم
 

اللي عطيته خير ماردلي خير
واللي نعلمه الرمايه رماني

غنيت له من غاب عني مقادير
وراح ونسى غاليه ذاك الاناني

معقوله اللي حصل كان تخدير
يبغى ينسيني وراح ونساني

.....

رد: اخترنا لكم
 

ياقلب لاتظهر خوافيك للناس
يكفيك من يعلم جميع الخوافي

عيش الأمل لوكنت غرقان بالياس
ياكم بلوى جت بعدها عوافي

.....

رد: اخترنا لكم
 

أحبه محبه داخل الصدر مزروعه
تغذى على دم الشرايين والمشه

هروج العواذل فيه ماهيب مسموعه
وراع الهوى من ينصحه كنه يغشه

تبيّن حقايق راع الحب بدموعه
وتظهر علومٍ بين الأضلاع منخشه

سعد ابن جدلان الله يرحمه

رد: اخترنا لكم
 

لك محبة في حياتي ماتقل
اصلها طيّب ومقصدها نزيه

ولك بريضان الغلا عندي حقل
كل شيءٍ صار ودّك فيه؟فيه

وناقلٍ حبّك مع سنيني نقل
بأي عمر ابداه او عام ابتديه

في غرامك اتفق قلب وعقل
كن حبك متفق شرعًا عليه

.....

رد: اخترنا لكم
 

ليت النصيب اللي خذاك يردك
واسامحه في الاوّله وانساها

يازين حظّي قبل اجرّب صدك
وارجع على رسايلك واقراها

قلبي معك لو كان كلّي ضدك
مْن اوّل العشره إلين اتلاها

ماغير اقول فْداك واللي ودك
والكلمه اللي ماعرف معناها

.....

رد: اخترنا لكم
 

تفداك نفـسٍ شالها الشـوق صوبك
ويفداك قلـبٍ ماغـدر فيـك او خان

وتفداك عيـنٍ ما تبـــي غير شوفك
ويفداك عمرٍ مافـــدا غيرك انسان

وتفداك روحٍ هايمـــه فـي طيوفك
ويفداك بالٍ مايجـــي مِنـه نِسيان

وتفداك نظــره ماتناست وصوفك
ويفداك راسي ودم روحي والابدان

.....

رد: اخترنا لكم
 

‏مبروك عرسك يوم جالك نصيبك
مبروك للي يسعد بشوف لقياك

شفت القدر ما حقق إني أجيبك
ولاحقق انـي التقي يـوم ويّـاك

أفرح على شوفك ولا ابغى مغيبك
وأمسي على طيفك وأصبح لطرياك

.....