رد: فوق هام السحب ( الشعر الشعبي) على متن القوافي
 

‏عسى الطيّب من القوم يبطي وهو موجود
‏ولا ينقطع حس النقى من تراحيبه
‏
يسابق مديح ضيوفه بما عليكم زود
‏فداه الذي مايذكر ان طوّل الغيبه

‏*يقول العذر والفال فوق الصحن مفرود
‏وانا داريً ان مابه سوى العود في جيبه

.....

رد: فوق هام السحب ( الشعر الشعبي) على متن القوافي
 

اظن بعض المدح شتمٍ وتوبيخ
لاصار ماهو واردٍ في محله

المدح للمطنوخ نسل المطانيخ
اللي فعول الطيب عنده جبلّه

ماقال انا حاتم ولا قال انا شيخ
لكن فعوله قالت العلم كلّه

.....

رد: فوق هام السحب ( الشعر الشعبي) على متن القوافي
 

يامجمل الصبح دام الصبح في ذكرك
‏يالله تقسم لنا من قسمك الوافي

‏صباح مافيه لاحمدك ولا شكرك
‏راعيه ماهو بمتوفق ومتعافي

.....

رد: فوق هام السحب ( الشعر الشعبي) على متن القوافي
 

‏على الهون ياللي رمش عينك سحر واسلاح
‏انا داري ان كلمتك ماهي بعفويه

‏تسولف معي ودك يجي فالكلام ايضاح
‏وشعور التعجب واضح بنظرتك ليه

‏تردد علي مرتاح واقول لك مرتاح
‏وانا للقلق في خافقي جمرة حيه

‏مثل ما المحبه الفجوج الصدر تجتاح
‏اشوف الفراق يحاول يصافح ايديه

‏لاتستغرب ان شفت الحزن في عيوني لاح
‏احبك وخايف من وداعاً بلى جيه

‏ترا كسرت الخاطر لباب الحزن مفتاح
‏ولا فالحزن رحمه ولا فيه ماويه

‏وان داري بحظي واعرف الليالي اشحاح
‏ياما جرعتني المر واونست بالكيه

‏ولو ان جرح الحب طبه مع الجراح
‏ماشفت اله فعيون المجاريح ماريه

.....

رد: فوق هام السحب ( الشعر الشعبي) على متن القوافي
 

‏يابعد من مابعد جا ومن هدا
‏ويابعد من ساج روض الحشا نشره

‏يوم صار الحب جزيه ولك تدا
‏والقصيد اسهل من كتابته نشره

‏خذ قصيدي ياشذا الورد لاندا
‏وأنتبه لي واستمع موجز النشره

‏والله أنك بالغلا فارق جدا
‏مثل فرق الابتسامه عن الكشره

.....

رد: فوق هام السحب ( الشعر الشعبي) على متن القوافي
 

‏عرضتني للهبايب والضما والمهمهيّه
‏واتركتني للزعل والشوق والكبر وغلاها
‏
‏والغلا ماهو في يديها ولا هو في يديّه
‏الغلا شيٍ من الله واشهد ان الله عطاها
‏
‏من غلاها لو توردني على حوض المنيّه
‏كنها تسقيني الشِهد المصفى من شفاها

.....

رد: فوق هام السحب ( الشعر الشعبي) على متن القوافي
 

جمال الحرف في مدحك حبيبي
يرونق أجمل أبيات المعاني

وماغيرك سكن في جوف قلبي
ومالي دون حبك حب ثاني

غرامي أنت يانسناس حُبي
وعشقي أنت يابهجة كياني

أحبك يادواء روحي وطبي
ويابلسم جروحي اللي تعاني

أحبك واعشقك وابيك جنبي
تعبت احسب للقيانا الثواني

طموحي أن تكن وحدك نصيبي
وحلمي فيك يتمنى الأماني

وذا قلبي دعا قلبك يلبّي
متى ماشتاق لك عبر الزماني

اتقبل حبي لك وأعطيك طيبي
ونسمع حينها أحلا الأغاني

ونسمر والسمر يسجع ويسبي
على لحن الهوى يادان داني

.....

رد: فوق هام السحب ( الشعر الشعبي) على متن القوافي
 

يستريح البال لاهبّت انسام الهبوب
‏سامحٍ من هزل بعض العباد وجدّهم

‏في رجا إللي يفرج الهم ويغسل القلوب
‏عن بشر ماني بمعهم ولاني ضدّهم

‏فيه ناسٍ ماورا عرفهم غير الذنوب
‏ماقدرت اشري غلاهم ولا اخطب ودّهم

‏خيرةٍ لي يوم راحوا مع وساع الدروب
‏ياعسى دربٍ خذاهم ماعاد يردّهم

.....

رد: فوق هام السحب ( الشعر الشعبي) على متن القوافي
 

طاحت اوراق السوالف في خريف العاطفه
وانكسرغصن المشاعرجفت احلام القصيد

كان في صدري مواني قبل ذيك العاصفه
للاسف زلزال طيشك ماترك حتى الجريد

.....

رد: فوق هام السحب ( الشعر الشعبي) على متن القوافي
 

‏ماعاد صرت اعرف وفاء الوفيّين
‏قامت تطيح الأقنعه لامشينا

‏مره من المرات في درب ماشين
‏وياليتنا في دربنا مابدينا

‏نيّتك لاصارت مع الوقت ثنتين
‏لو طوّلت والله ماتمشي علينا

.....

رد: فوق هام السحب ( الشعر الشعبي) على متن القوافي
 

‏ان دعيتك نجمة السيح والا خشف ريم
‏تزعل نجوم السماء والبلاجيك الطوال

‏مثل ما الله حط فالبيت زمزم والحطيم
‏حطك الله آية الملح وايقونة جمال

‏افزعي للي على باب وصلك مستهيم
‏كل ماقلتي هلا جاك يحسبها تعال

....

رد: فوق هام السحب ( الشعر الشعبي) على متن القوافي
 

بين زيف الوجيه وطول بال السنين
ضاق صدر الفضيله بين حرّاسها

كل ماقال واحد راحوا الطيبين
أشعر أن الصداقه تلفظ أنفاسها

.....

رد: فوق هام السحب ( الشعر الشعبي) على متن القوافي
 

على الأمل نزرع بساتين الاحلام
‏عسى المزون تمرها في وعدها

‏تروي عروق ٍغرها صيف الاوهام
‏لولا الأمل ماتت ضمى في مهدها

.....

رد: فوق هام السحب ( الشعر الشعبي) على متن القوافي
 

‏ودّي إني في الليالي كلها متواجد
‏عاد قلبي مانساك وعاد كبدي ولها

‏السوالف بيني وبينك حلاها واجد
‏عادنا لاذعذع النسناس بنكملها

.....

رد: فوق هام السحب ( الشعر الشعبي) على متن القوافي
 

‏كل ما شان الدهر قلت لابدّه يزين
‏
كثّر الله خير صبري ويا مال الغناة

.....

رد: فوق هام السحب ( الشعر الشعبي) على متن القوافي
 

مايضاهي عزّة النفس بالدنيا غناة
عن دروب الذل ياخطوة العز إنتحي

مشكلتنا كل مخطي نبرّر له خطاه
نستحي في وقت فيه البشر ماتستحي

.....

رد: فوق هام السحب ( الشعر الشعبي) على متن القوافي
 

‏دام الزمن ياصاحبي يمشي سريع
وش لي بتفتيش الصدور الخافيه

يامنوتي محدٍ بهالدنيا يضيع
غير المبادي والقلوب الوافيه

.....

رد: فوق هام السحب ( الشعر الشعبي) على متن القوافي
 

يوم أجي على المخدّه لا عليّ ولا لي
‏أستريح من المشاكل وأهتني بأحلامي

‏السعاده مطلبي ولا الرصيد المالي
‏ماملكته تنفقه سبّابتي وابهامي

.....

رد: فوق هام السحب ( الشعر الشعبي) على متن القوافي
 

‏إلى هِمت فسنين الظمأ والصبر كذّاب
‏ولا فيه شجرْة خلّت الظل من حظّي

‏تجي ضحكتك في بالي المرهق المرتاب
‏مثل لفحة النسناس في وجه متوضئ

.....

رد: فوق هام السحب ( الشعر الشعبي) على متن القوافي
 

‏أشكر الله على كل شي صار بزماني
‏ودّك العبد يشكر ربّه بكل مرّة

‏بعض الأحيان من بطن المسرّة تعاني
‏وبعض الأحيان من بطن المضرّة مسرّة

.....

رد: فوق هام السحب ( الشعر الشعبي) على متن القوافي
 

‏اقنع بحالك والظروف المحيطه
‏دام السعاده والرضا بالمقادير

‏بسيط وتحب الحياة البسيطه
‏خلك على هالقاعده وابشر بخير

.....

رد: فوق هام السحب ( الشعر الشعبي) على متن القوافي
 

‏خذاني غرامه بالمحبه شوي شوي
وجاني على نوّي وجيته على نوّه

وأنا خابرٍ ماني بصيده وقلبي حي
لكن مالنا فالحب حيله ولا قوّه

.....

رد: فوق هام السحب ( الشعر الشعبي) على متن القوافي
 

‏العز ماهو بشت او ميلة عقال
‏العز تختصره فعايل يدينا

‏مو مشكلة حنا نسويك رجال
‏بس الخطأ انك تمرجل علينا

.....

رد: فوق هام السحب ( الشعر الشعبي) على متن القوافي
 

‏ابعتذر مادام آسف تردك
‏عن كل زلة شوق بينك وبيني

‏وخليني امسح بالاحاسيس خدك
‏يمكن تحسين بحرارة يديني

‏اذوب لاحطيت يدي بيدك
‏واموت لاحطيت عينك بعيني

.....

رد: فوق هام السحب ( الشعر الشعبي) على متن القوافي
 

‏أنا ظلك وأنا كلك وأنا مشوارك المعهود
‏من أضغاث الحياة القاسيه لأحضان ضحكاتك
‏
.....

رد: فوق هام السحب ( الشعر الشعبي) على متن القوافي
 

‏مرت ثلاث شهور نفسي طايبه والحال حال
‏وين القدا يالي تعرفون القدا وين القدا

‏من كثر ماجربت فالدنيا ومن سود الليال
‏اعذرت في بعض الامور وراحت احلامي سدا

‏ماشفت شيً يغري العالم مثل خشم الريال
‏يقدر يرد الي من اول مايردون الندا

‏ياهيه يالي مشغلن عمرك ترى مالك مجال
‏تضحك لو ان عروق قلبك داخلً فيها صدا

‏اسلم وسلم لي على الي معرفتهم راس مال
‏ولا تسلم لي على الي معرفتهم راس الردا

.....

رد: فوق هام السحب ( الشعر الشعبي) على متن القوافي
 

‏اذكر يوم اخفى عبايرها تحنحنها
‏قالت وأنامل يديها تازن عقالي
‏
‏فمان من يعتق الانفس ويسجنها
‏وقامت تبسّم ودمع العين همّالي
‏
‏وتلفّتت فالجدار اللي موازنها
‏مثل اللي يقول لا تتركني لحالي

‏انظر لها نظرة اللي ما يواطنها
‏ماكنها اول طموحي واخر آمالي

.....

رد: فوق هام السحب ( الشعر الشعبي) على متن القوافي
 

‏عاتبتني بأقسى لغه وافصح لسان
‏مافيه شي من الزعل مانقصنا

‏الاختلاف من ابسط حقوق الانسان
‏لكن حرام انه يضيّع فرصنا

‏حاولت ألبي رغبتك قدر الإمكان
‏وأسدل ستار آخر فصل في قصصنا

‏وبديت احب اللي تحبه على شان
‏اصير اعاف اللي تعاف وخلصنا

.....

رد: فوق هام السحب ( الشعر الشعبي) على متن القوافي
 

‏ياضمير ٍ فيك من جاير الفرقاء رسوم
‏وبينك وبين الشقاء مابقا الا فاصله

‏دام ترهقك الطواري وتسهر كل يوم
‏لو تدوّر راحة البال ماهي حاصله

‏ادري انك صاير ٍ ماش والصبر معدوم
‏والحزن له مدّه يواصلك وتواصله

‏مبطي من السجّه اللي تنسيّك الهموم
‏والمزاج الزين والنومه المتواصله

.....

رد: فوق هام السحب ( الشعر الشعبي) على متن القوافي
 

‏وترحل مالحقك إلا القصِيْد وشرهة الطلاب
‏وقلبٍ مايخونه في الحياة إلّا تجاريبه
‏⠀
‏أنا ماني بعاقلك الدروب ولا رضيت أحباب
‏حزين إني أشوفك حقّ وأنت تشوفني ريبة
‏⠀
‏لو إن الغيمة أقفت ماتلحقت الهبوب عتاب
‏أنا حتى الجفاف إن كان في طارفك راضِي به

.....

رد: فوق هام السحب ( الشعر الشعبي) على متن القوافي
 

اعتبرني معطيات الواقع اللي يستثيرك
‏وحبني مثل الخيال وخلني مثل المخيله

‏بعترفلك بالحقيقه كامله وانت وضميرك
‏بعد ماخضت الحياة بسكة الصبر الطويله

‏يوم مرتني حياتي كلها ماشفت غيرك
‏انت صورة كل مشهد وانت قصة كل ليله

.....

رد: فوق هام السحب ( الشعر الشعبي) على متن القوافي
 

‏صدفتك في طريقي مثل الإطمئنان للمذعور
‏وانا ترهقني أسئله السنين وسطوة جيادي

‏هلابك ياشعورٍ عقبه الأرض عجزت لاتدور
‏لقاك اسعدني بوقتٍ شحيح يذبّل إسعادي

‏لقيتك بين خطوات القدر نورٍ بعد ديجور
‏لقى ماهو بعادي في زمانٍ ماهو بعادي

.....

رد: فوق هام السحب ( الشعر الشعبي) على متن القوافي
 

‏يكفيني رحلت ولا حصل مني خطا وقصور
‏وانا حتى وداعي فيه بصمه تثبت اخلاقي

‏تخير فالديار اللي يغشيها ظلام ونور
‏وفرق النور بالظلمه يبين غلطة فراقي

‏تمرك ليلة تطغى مشاعرها على المغرور
‏تدور فالبشر مثلي ولكن صعبه تلاقي

‏فمان الله يا اخر محطه والسنين تدور
‏فمان الله والهقوه تخيب هقوة الهاقي

.....

رد: فوق هام السحب ( الشعر الشعبي) على متن القوافي
 

‏وانا احسبنّي في فراقه تعافيت
‏وان عبرتي من مدخل الزاد زاحت

‏اللي يحسبنّي عن البعد سجيت
‏والا ان عيوني للرقاد استباحت

‏ياليتني من قبل لا أحبه أقفيت
‏والّا دروبي عن دروبه تناحت

.....

رد: فوق هام السحب ( الشعر الشعبي) على متن القوافي
 

يضيق صدر الغريب إليا فقد داره
‏ويضيق صدر الحبيب إليا فقد غالي

‏ياليت بين البشر والخافق ستارة
‏وماتقدر تشوف هذى الحزن عذالي

‏لو أمسح الدمع تارة وأتركه تارة
‏من يمسح الذكريات اللي على بالي

.....

رد: فوق هام السحب ( الشعر الشعبي) على متن القوافي
 

‏تغلا بكيفك لو تصير المحبه غلّ
‏لكن لاتساوم من يحبك على قدره

‏توريني ابواب المفارق وانا مادل
‏مثل من يورونه قبل موتته قبره

.....

رد: فوق هام السحب ( الشعر الشعبي) على متن القوافي
 

ماعرف أخادع ولا أضحَك علىْ غيريْ
‏واكرَه صفات الأوادم عندي الغيبَه

‏أبكفيْ الناس شري ويآ عسىَ خيريْ
‏من عقب موتيْ كثير الناس تحكيْ به

رد: فوق هام السحب ( الشعر الشعبي) على متن القوافي
 

مكاسب الدنيا حظوظ وتوافيق
‏وحكم القدر كل البشر يجهلونه

‏والرزق لاساقه ولي المخاليق
‏ماحد قدر ياقف من الناس دونه

.....

رد: فوق هام السحب ( الشعر الشعبي) على متن القوافي
 

‏اهتديت لباب وصلك وانا عابر سبيل
‏ايْه يازين الهدايه عقب طول الضلال

‏جيت في ثوب البشاره بعد صبرٍ طويل
‏مرحبا يا قالط النور فلاج الليال

‏ردني لمسامر الليل وعتاب الخليل
‏قد خذيت من الغرابيل فصْل من الدلال

‏اثر عاد البدر وضاح والغربي عليل
‏والعمر فرصتْه مره وزينته الوصال

.....

رد: فوق هام السحب ( الشعر الشعبي) على متن القوافي
 

‏الليل حالك والمساري موحشة والدرب خوف
‏والذكريات أشياء يستعصي عليّ إتلافها

‏أثر الأماني وارفات ظْلال دانية القطوف
‏والأمنيات أكثر مايخشى الحالمين إسرافها

‏على رصيف الصبر ملّ المنتظر طول الوقوف
‏وين الحياة اللي تخيّلت ولمحت أوصافها

.....