رد: فوق هام السحب ( الشعر الشعبي) على متن القوافي
 

‏كنت أظن إنه شعور ٍ من زمان وعدّا
‏وأثر باقي له بقايا في حنايا صدري

‏والله إني مادريت إني حزين ٍ جدّا
‏لين قالوا وين راح وقلت والله مدرري

.....

رد: فوق هام السحب ( الشعر الشعبي) على متن القوافي
 

‏الكلمة الطيبه بالقلب مرساها
‏تضفي عليه الفرح وتنوّر احساسه

‏كم كلمةٍ شيّدت بالنفس مبناها
‏وكم كلمةٍ هدته من ساسه لراسه

‏أحدٍ علومه على التجريح مبداها
‏واحدٍ كلام النقا والطيب نوماسه

.....

رد: فوق هام السحب ( الشعر الشعبي) على متن القوافي
 

‏صباح الرضا وان كان ودك صباح الخير
‏اشوف الصباح بدون وجهك حكي فاضي
‏ㅤㅤ
‏انا والنسيم وطلة الشمس حتى الطير
‏من البارحه نرقب سنا وجهك الراضي

.....

رد: فوق هام السحب ( الشعر الشعبي) على متن القوافي
 

‏على الهون يابرد شديد علينا اليوم
‏معالييق صدري كلبوها تجاريه

‏ترا ليلي البارح قضيته سهر وهموم
‏ولاني بقدك يالهبوب الشماليه

.....

رد: فوق هام السحب ( الشعر الشعبي) على متن القوافي
 

‏يسعد مساء الحب في قلب الحبيب
ويسعد مساء الشوق في قلبي انا

اللي خياله في خفوقي مايغيب
عسى مساه خير وأيامه هنا

.....

رد: فوق هام السحب ( الشعر الشعبي) على متن القوافي
 

عزالله إني دريت إنه الوداع الأخير
‏وإن هذا آخر عناق وهذا آخر لقا

‏حسيت في نبرتك وبنظرتك شي غير
‏فيها كلامٍ ورا حدب الضلوع إتقا

‏من أول إن جيت شفت بنظرتك كل خير
‏واليوم والله ماشفت بعينك ألا الشقا

‏الظاهر إنك مشاور نفسك ومستخير
‏جايً تبي تقول ماعقب الفراق إلتقا

‏عزمت تبعد وتتركني لبئس المصير
‏من بعد ذيك المحبة والغلا وش بقا

‏بتروح رح لكن الرجعة ترا ماتصير
‏لايُمكن العاشقين يعوّدون أصدقا

‏ليتك وضعت إعتبار لما مضى يالعشير
‏على الأقل كان فاسلوب الفراق أرتقا

‏ليتك يوم إنك نويت إن ذا الوداع الأخير
‏علّمتني إن هذا هو آخر عناق ولقا

.....

رد: فوق هام السحب ( الشعر الشعبي) على متن القوافي
 

خصرها معزول من حد الترايب
لو تعرض للهوى يمكن كسرها

هايفة خصر وحشا فيها العجايب
مابقى الا بطنها يلمس ظهرها

.....

رد: فوق هام السحب ( الشعر الشعبي) على متن القوافي
 

ياللي تبي مني نصيحه وبرهان
‏اخذ نصيحه للزمن وانتهجها

‏خل البشر في شانها وانت في شان
‏الناس ماتقدر تعدل عوجها

.....

رد: فوق هام السحب ( الشعر الشعبي) على متن القوافي
 

يدور الزمان ويثبتون الكبار كبار
‏على مرجله وفعول وسلوم ومروهم

‏فلا كل من ناداك يستاهل المشوار
‏ولا كل من خاواك يستاهل الخوه

.....

رد: فوق هام السحب ( الشعر الشعبي) على متن القوافي
 

‏قدر الرجل من طيبة النفس تنقاس
‏مايقاس في ماله وكثرة طعامه

‏إن جيت له يخجلك من طيب الأنفاس
‏ومن قولة أرحب لين مع السلامة

‏فلة إحجاجه كنها ضو نبراس
‏وعليه من وسم المراجل علامة

.....

رد: فوق هام السحب ( الشعر الشعبي) على متن القوافي
 

‏يالله بشيكٍ من كثر مابه أصفار
‏لاجيت ابستلمه تنافض يديني

‏قبل يجيني عنه تنقل لي أخبار
‏وعييت اصدق لين اشوفه بعيني

.....

رد: فوق هام السحب ( الشعر الشعبي) على متن القوافي
 

أحاسب الدنيا وهي مالها ذنب
‏غفلْت وذنوبي عليّ مْحسوبه

‏يارب خلّيت الأماني على جنب
‏ماعاد أبي غير العفو والمثوبه

.....

رد: فوق هام السحب ( الشعر الشعبي) على متن القوافي
 

‏نسيناك يوم اقفيت وابطيت بالجيه
‏وحتى مشاعرنا القديمه نسيناها

‏مثل ضو بدوٍ هملوها وهي حيه
‏وقام الهواء يلعب بها لين طفاها

.....

رد: فوق هام السحب ( الشعر الشعبي) على متن القوافي
 

‏ندري ان اللي حصل مكتوب والمكتوب جاري
‏من ظروف الوقت مامعنا ولا معكم حصانه

‏كل مايجري على الأقدام يجري له جواري
‏ماسلم حتى الفطين اللي معه عرف وذهانه

‏من ضحك لابد له من ساعه يهل العباري
‏ومن بكى لابد له من ساعةٍ تضحك ثمانه

.....

رد: فوق هام السحب ( الشعر الشعبي) على متن القوافي
 

واليُوم بنسى مثل ما الناس ينسُون
والنار في قلبي مع الوقت تطفي

بعلمك وشلون الاححرار يقفُون
واعلمك وشلون الاشواق تقفي

.....

رد: فوق هام السحب ( الشعر الشعبي) على متن القوافي
 

ابيك حب مامتلك قلب انسان
‏وابيك قلب مانبض غير فيني

‏وابيك شعر غامض دون عنوان
‏محدٍ قراه الا رموشي وعيني

‏ ابيك دنيا اعيشها طول الازمان
‏ وابيك شوق كثر مابيه يبيني
‏
‏وابيك حب ماشعر فيه انسان
‏وابيك عشق بين قلبي وعيني

.....

رد: فوق هام السحب ( الشعر الشعبي) على متن القوافي
 

‏مارقدنا ليلة البارح سهارا
‏والزمن كنّه على الفرقا متعمّد

‏لو لبسنا ياحبيبي كوت ZARA
‏حضنك الدافي غرام إللي تجمّد

.....

رد: فوق هام السحب ( الشعر الشعبي) على متن القوافي
 

اقبل الليل والليلة سناء البدر ضاوي
‏طيب ياخاطري وأقطف ثواني سهرها

‏كيف أوصفّكْ ياوجهٍ بحسنه سماوي
‏وأنت حسنك ملى سمع الحياة وبصرها

‏جادلٍ يوم جات الريح في ثوب غاوي
‏كل ماجت تعرّيها سترها شعرها

‏ضاع عقل الرزين وتاه طرف الحياوي
‏بين لولو قلادتها ولولو ثغرها

.....

رد: فوق هام السحب ( الشعر الشعبي) على متن القوافي
 

‏فالمحبّة مايفيدك لاميول ولا استقامه
‏كان ماشدّك غلا ماهيب جاذبتك حميّا

‏ياتباشير الغلا والشوق ماحولي ملامه
‏كل يوم ارقب مجيّك من هناك ومن هنيّا

‏انت من نسل البشر ولا القمر ولا الغمامه
‏ولا من نسل الورود اليانعه ولا من ايّا

‏فيك عنق وفيك خصر وفيك جيد وفيك شامه
‏وفي من عين الوحَش لفته وفيك مْن العبيّا

‏لو ما اشوفك من خيار اهل البلد قدر ووسامه
‏كان ماكنت في كنف حبّك من الحزن اتفيّا

‏والله ان اقسى ليال العمر واكثرها ندامه
‏يوم ارتب لي معك فرصة وصال ولا تهيّا

‏ينتهي عقد الشغف وتموت كلمة وابتسامه
‏كان مالي من وجودك حظ ياسمح المحيّا

.....

رد: فوق هام السحب ( الشعر الشعبي) على متن القوافي
 

مايكلفك ربي فوق ماتستطيعه
‏سج ياقلب عن ضيق الحياة وحزنها

‏وما تزحزح جبال وما تغير طبيعه
‏ومرجلة راسي اللّي ماتنازلت عنها

‏ولو تشح الدروب ولو تضيق الوسيعة
‏أضحك مْن السنين اللّي تخافون منها

.....

رد: فوق هام السحب ( الشعر الشعبي) على متن القوافي
 

حظ من يحظى بتقدير ورعايه
‏يصبح ويمسى لاحاضر ولا ماضي

‏إن عجزتو حدثوني ولو بآيه
‏يوجع الرجال صبرٍ على الفاضي

‏العرب تزعل وآثر للزعل غايه
‏من وصل غايته عوّد علي راضي

.....

رد: فوق هام السحب ( الشعر الشعبي) على متن القوافي
 

‏الصاحب اللي ينصحك لاتعاديه
‏وباب الوفاء من صاحبك لاتسده

‏الطيـّب اللي ماتغير مباديه
‏هو راس مالك بالزمن لاتهده

‏احرص على خوته ولا تجافيه
‏ودايم على كل الاصاحيب بده

.....

رد: فوق هام السحب ( الشعر الشعبي) على متن القوافي
 

كذّبت قول الحي بيواجه الحي
‏وصدقت فعل الدعوه المستجابه

‏ماجابته سود الليالي ولا شي
‏أنا دعيت الله يجيبه وجابه

.....

رد: فوق هام السحب ( الشعر الشعبي) على متن القوافي
 

سلامات يارقم حذفتك من الجوال
لاتشره عليّ وصاحبك طاح من عيني

رميتك بعد زال اهتمامي وقدرك زال
ومن زال قدره راح ماعاد يعنيني

.....

رد: فوق هام السحب ( الشعر الشعبي) على متن القوافي
 

‏مع صورتك ياما سريت وسريتك
‏لك وجه عدّى بي حدود المجرّه

‏ويوم إلتقت عيني بعينك لقيتك
‏أحلى من الصورة بمليون مرّه

.....

رد: فوق هام السحب ( الشعر الشعبي) على متن القوافي
 

اضحك وخل النرفزه والعن ابليس
‏حسن المقابل من صميم العباده

‏قبلك تلاشا ملك كسرى وبلقيس
‏وقبلك عوى ذيب السرا فألحماده

‏لو السعاده تنشري بالقراطيس
‏فازو بها قبلك مشايخ وساده

‏العمر رحله والمراجل مقاييس
‏واجمل مقاييس الحياه السعاده

.....

رد: فوق هام السحب ( الشعر الشعبي) على متن القوافي
 

‏انا منحرج من راعي ابشر وراعي تم
‏وضايق من الديان لامن طرى ديني

‏عسى الله يرزقني رصيد ولا ادري كم
‏يخلي مدير البنك ياقف يقهويني

.....

رد: فوق هام السحب ( الشعر الشعبي) على متن القوافي
 

بعض العرب عند العرب مايستساغ
‏والا بعضهم ربي اللي قابله

‏شخص ماجيه الا على وقت الفراغ
‏وشخص آتفرغ له عشان آقابله

.....

رد: فوق هام السحب ( الشعر الشعبي) على متن القوافي
 

‏ناطحيني ياذعاذيع الهبايب
‏كود صدري لا أونس النود يتبرد

‏يوم ناظرت الحياة بعين شايب
‏اكتشفت أنها ماتسوى البدع والرد

‏مستريح اللي عن الشرهات تايب
‏تاركٍ كثر المعاتب للمقرّد

‏المجافي جعل ماقدمه صعايب
‏والمواصل حبل وجدانه مورد

.....

رد: فوق هام السحب ( الشعر الشعبي) على متن القوافي
 

ويمر طاريك ويهب الهوى من شمال
‏ويعكر الصفو قلبٍ يطلب إعانته

‏ماغيرت منزلة حبك صدوف الليال
‏جوارحي لو يطول البعد ماخانته

‏ما أحبّك إلين تاخذك السنين الطوال
‏أحبّك إلين ربي ياخذ آمانته

.....

رد: فوق هام السحب ( الشعر الشعبي) على متن القوافي
 

‏تذكّر ترى الذكرى مثل ردة المعروف
‏لاهب البراد وجمرة الشوق وهاجه

‏مجيك على ايّة حال ماهو مجي ضيوف
‏مجي العزيز الي يبي عرشه وتاجه

‏تجي لأي حاجه شوق ضيقه غرام ظروف
‏أنا لأي حاجه تاخذك لي في حاجه

.....

رد: فوق هام السحب ( الشعر الشعبي) على متن القوافي
 

‏انت الشعور الصادق وغيرك سراب
‏وانت المقرّ الثابت وغيرك ممر

‏غلاك بضلوعي تربّع ليين ذاب
‏يفوح مثل العود من فوق الجمر

‏يا أغلى البشر وجهك علاج الإكتئاب
‏ومواصلك مثل السحاب المنّهمر

‏حتى ولو قلبي شَعر بالإغتراب
‏انت الوطن واجمل ملذّات العمر

.....

رد: فوق هام السحب ( الشعر الشعبي) على متن القوافي
 

‏أحبّه ولو إن الزّعل بيننا له باب
‏يسكِّر مزاليجه ليا من ضحك سنهّ
‏
‏وأحبّه وأنا راضي وأحبّه عليه عتاب
‏كثر مايحب المؤمن الزَّاهد الجنهّ
‏
‏ولا يحيي فؤادي ليا من محلّه غاب
‏سوى مواصلٍ يسقى يباسه ليا حنّه
‏
‏جعلني هواه ليا تنهّت وهو مرتاب
‏أضيع بفؤاده كل تنفاسه وكنّه

.....

رد: فوق هام السحب ( الشعر الشعبي) على متن القوافي
 

‏الصيف ودّع شمسه وعوّد البرد
‏وعادت صباحات المطر والنسايم

‏قم ياصباح الغيم والعشب والورد
‏شف وش كثر نشتاق لك وانت نايم

.....

رد: فوق هام السحب ( الشعر الشعبي) على متن القوافي
 

كل علـى قده همومه تضده
‏وكل بعظم ارياه تعظم دعاويه

‏وكل بزود غناه يزداد وده
‏وكل بعد خطاه تبعد هقاويه

‏إن كان ماتصبر على كل شده
‏لامرقب ٍ ترقاه ولا قصر تبنيه

‏من لايودك صادقٍ لاتوده
‏ومن لايداري خاطرك لاتداريه

‏القلب يجفل من وجيهٍ مصده
‏أنا أشهد إن القلب دليل لراعيه

‏وما فات من دنياك صعب مرده
‏خذ لك من الماضي عباره وتوجيه

.....

رد: فوق هام السحب ( الشعر الشعبي) على متن القوافي
 

الطيب خصله فيه مجموعة خصال
‏ماينحصر بين الرخامه والظفر

‏مير الردي مثل الصفر على الشمال
‏لو تضربه فأكبر عدد يبقى صفر

.....

رد: فوق هام السحب ( الشعر الشعبي) على متن القوافي
 

‏اسم مع اهل المرجله ماهو سريع الاحتراق
‏يوم الاسامي بعضها بالانقراض مهدده

‏يكرم عن الهفوات والزلات والهرج الدقاق
‏لاهان راس تعب الاجيال قبله وبعده

‏يسعى لفعل الخير والمعروف والحق الحقاق
‏من يحتزم في المحزم المليان يبشر بسعده

.....

رد: فوق هام السحب ( الشعر الشعبي) على متن القوافي
 

‏يالمعنق لو تماديت لاتاخذ قرار
‏رحلة استجمام موتي واقعة في حينها

‏شاعرك غاوي بشعره ويكره الانكسار
‏وده إنْه يهيم في واديك وتغنينها

‏بين نفله وأقحاونه وربله والعشار
‏راودت نفسه لنفسه أسئلة تضمينها

‏لو تمادت رشة العطر وش ذنب الزرار
‏مايفرّق بين ريح الزهور وبينها

.....

رد: فوق هام السحب ( الشعر الشعبي) على متن القوافي
 

‏إقتنعت إن الليالي متاحف ذكريات
‏يوم تبطي سجّة البال بين أسوارها

‏اللي ظاهرها سعادة و باطنها شتات
‏وحشةٍ ما ملّت النفس من تكرارها

‏ما لفقدك غير نعمه وحيدة فالحياة
‏باحت الدنيا بعدك بجميع أسرارها

‏العيون تداري الدمع من كل الجهات
‏مثل الأم اللي تداري شعور صغارها

.....

رد: فوق هام السحب ( الشعر الشعبي) على متن القوافي
 

‏يامبعد عن شوف عيني مسافات
لاتحسب انه يخلف البعد ظني

حبك بقلبي شامخ ما بعد مات
وما هزته بعد المسافات عني

لو نبتعد روحي وروحك قريبات
حب جمعهن غصب عنك وعني

.....