رد: فوق هام السحب ( الشعر الشعبي) على متن القوافي
 

احنا طبايعنا في السلم عقال
لكن ترونا في الوازم مجانين

رجال مافينا سوى كل رجال
يسوى من العربان وحده ثمانين

بالعز قهويني من الموت فنجال
عليه ربوني نشامى ميامين

.....

رد: فوق هام السحب ( الشعر الشعبي) على متن القوافي
 

اجبر بخاطر من تعزه وتغليه
واهده شعور الجبر من طيب خاطر

واعط الغلا من يستحق منك تعطيه
لين الغلا يضهر بفيض المشاعر

واوفي بوعدك من عطا وعد يوفيه
لاتوعد الا وانت ع الوعد قادر

ومن عطيته بالوفا عهد يرضيه
اوفي معه بالعهد غايب وحاظر

والصادق الي بالمشاعر تجاريه
اقوى وابلغ من مجاراة شاعر

.....

رد: فوق هام السحب ( الشعر الشعبي) على متن القوافي
 

‏ياما صبرنا على اللي شينه طباعه
فضلا عن اللي طباعه نفتخر فيها

وياما حملنا زمان الجور واوجاعه
ولا شكينا ولو جارت علاويها

والليل لو طال عاد الصبح مطلاعه
يشرق ويبدي لك القصة وما فيها

.....

رد: فوق هام السحب ( الشعر الشعبي) على متن القوافي
 

ياخي وينك من زمان اسأل عليك
قل لنا هو شي لذ الغيبة طرف

حتى لو في آخر الدنيا أجيك
وانت عارف كلمتي كلمة شرف

اسالك بالله واتوسل اليك
لاتخليني عليك اعلن نكف

كل يوم يمر وانا احتريك
اتحرى الموت واشعر بالتلف

كلما حولي يسلم لي عليك
وانت سلم لو تسجلها هدف

لو تسويها اجيك اركض اليك
الا لو قلبي من الفرحة وقف



من ديوان سحايب شوق
عن الدار المصرية السعودية

رد: فوق هام السحب ( الشعر الشعبي) على متن القوافي
 

يابو نوايا طيبه وين اوديك
ماعاد حد من طيبين النوايا

آثارهم من كل زوه تناديك
والوقت ضيق من جميع الزوايا

صحوة ضميرك واحترامك مباديك
ما تختلف حسب اختلاف الروايا

حاولت اهديهم وحاولت اهديك
واطماع بقعا اللي تسوي سوايا

أسود تتمرق على بيضة الديك
وكلب يتعشى الغنم فالحوايا

صالح الأحمدي

رد: فوق هام السحب ( الشعر الشعبي) على متن القوافي
 

ناس يخجلني وفاهم حل في قلبي غلاهم
مالك الملك اصطفاهم للمقامات الرفيعه

وناس ربي لاسقاهم زودوا قلة حياهم
لا اسلمونا من اذاهم لا ولا اعطونا ذريعه

في تعاملنا معاهم لن نصل لمستواهم
بل نقول الله هداهم يغلقوا باب القطيعه

خيرة الناس اتقياهم والنبي حامل لواهم
يحشروا بعد انبياهم والسعيد احمد شفيعه

.....

رد: فوق هام السحب ( الشعر الشعبي) على متن القوافي
 

حبيبي ترا شاعرك ما يسمع الحكاي
يسمّعك بيته قبل يسمع جماهيره

يكفّيه رايك ما يبي غير رايك راي
يا ملفى القصيد العذب وابلغ تعابيره

الالهام ينبع من غيا حسنك الغواي
ويزدان في محيّاك بدعه وتصويره

.....

رد: فوق هام السحب ( الشعر الشعبي) على متن القوافي
 

الا ياحمام فوق الاغصان جرّ النوح
ترفق علي اشوي لاتبحث الخافي

تهيضني بنوحك وانا ماعرفت ابوح
على صاحبً طاريه وسط الحشى غافي

.....

رد: فوق هام السحب ( الشعر الشعبي) على متن القوافي
 

ليت الخيال اللّي يوقّف بي على برّ الأمان
ماهوب يوعدني ورا الهقوه ويقصر دونها

وقفت ادور للّي اسقتني من انهار الحنان
ماشفت غير الظلمه اللي مثل كحل عيونها

.....

رد: فوق هام السحب ( الشعر الشعبي) على متن القوافي
 

اصيب واخطي واعتذر كل ما اخطيت
وان جيت تقدير وغلا جيت كلي

لكن متى ماشفت ماعفت صديت
صدة جفى ماهيب صدة تغلي

.....

رد: فوق هام السحب ( الشعر الشعبي) على متن القوافي
 

ماقد شغفني هـوى وشعور قلبي وليد
تحت عيوني تمر العالم بدون أسم

إلا أنت واسمك مربع في عيون القصيد
كنك على راحة أحساسي تؤدي القسم

.....

رد: فوق هام السحب ( الشعر الشعبي) على متن القوافي
 

لبيه لبيه ياصوتٍ يناديني
لبيه من بدة اقاصين والداني

لبيه لبيه من قلبي ملاييني
لبيه لبيه ثم لبيه بلساني

ماهوب لبيه ياصوت المزاييني
لبيه ياصوت ابوي يوم ناداني

كفي لك فراش ولحافك هدب عيني
مادمت انا حي تامرني وتنهاني

.....

رد: فوق هام السحب ( الشعر الشعبي) على متن القوافي
 

‏لك وحشة تلفني شوق وعتاب
وإن جيت تسكني حنان وطرابه

علمتني إن الوفا طبع الاحباب
ورسمت عمري وردتين وسحابة

خذني لوجودك ضمني بين الاهداب
عمري بدونك ما اتحمل عذابه

......

رد: فوق هام السحب ( الشعر الشعبي) على متن القوافي
 

المحبة من الله والغلا والقبول
‏لاتكلّف شعورك فوق مايُحتمل

‏لاصفالك زمانك قول اللي تقول
‏ولا تكدر مزاجك حاصره بالامل

.....

رد: فوق هام السحب ( الشعر الشعبي) على متن القوافي
 

‏عينك بعيني يابعد خافقي قل
‏ياللّي هوى العشّاق منّك تعلّم

‏كان إلتزمت الصمت والله ما أمّل
‏مثل القمر نهواه لو ماتكلّم

.....

رد: فوق هام السحب ( الشعر الشعبي) على متن القوافي
 

ياللي شريت البعد ماغاب طاريك
حتى لو أن البعد سوى سواته

كن الطيوف تقول وش حال غاليك
وأقول راح ومابقى إلا غلاته

.....

رد: فوق هام السحب ( الشعر الشعبي) على متن القوافي
 

‏لبيه يامن عطاني صادق احساسه
‏واسقاني البن الاشقر من معاميله

‏اي والله اعشق لماه وطيب انفاسه
‏واعشق مشاريب كيفي من فناجيله

.....

رد: فوق هام السحب ( الشعر الشعبي) على متن القوافي
 

‏مابيننا غير شاشه في تعاملنا
مع بعض لكن نفرض بيننا الاحترام

من طاب طبنا معه وان مال ماملنا
نبقى على الطيب والهقوه ونهج الكرام

.....

رد: فوق هام السحب ( الشعر الشعبي) على متن القوافي
 

‏بعض الجروح تطيب لو هي اليمه
والبعض الاخر طال همه مع دواه

والحب له بين المخاليق قيمه
وقليل من يعرف حقوقه ومعناه

.....

رد: فوق هام السحب ( الشعر الشعبي) على متن القوافي
 

‏لاطاحت دموع عينك واغرقت خدك
لاتحتري الناس ترحمها وتمسحها

ماكل من يسألك يغليك ويودك
اكثرهم يجيك يسأل ويش طيحها

.....

رد: فوق هام السحب ( الشعر الشعبي) على متن القوافي
 

يابو العيون الناعسه فكنا منك
‏حنا بنضرات العيون ابتلينا

‏الله يعمي عين راع الحسد عنك
‏ويكفيك من شر الحسد ويهدينا

.....

رد: فوق هام السحب ( الشعر الشعبي) على متن القوافي
 

يطوي خفوقي حنينه كل ما اشتقنا
‏وروحي على ماضيات أيامنا شفقه

‏رافقت طيفك سنين ولا تفارقنا
‏ليتك تجي مثل طيفك صاين الرفقه

.....

رد: فوق هام السحب ( الشعر الشعبي) على متن القوافي
 

صدورنا ماهيب دايم رحيبه
‏ياللي زعلت من الكلام الصحيح ارض

‏نصمت عن اللي فيه شكه وريبه
‏خبلٍ آليا سمع السوالف دخل عرض

‏سوالفه مابين نمه وغيبه
‏اما شذب عرقوب ولا هتك عرض

‏ونمسح خطا الطيب على شان طيبه
‏وإلا الردي لا اخطا مسحنا به الأرض

.....

رد: فوق هام السحب ( الشعر الشعبي) على متن القوافي
 

لاحضورك علاج ولا غيابك مرض
‏عيش عمرك لنفسك وأترك الآخرين

‏لاتحبّ الحياه أكثر من المفترض
‏ولا تخاف الفراق وكلّنا راحلين

.....

رد: فوق هام السحب ( الشعر الشعبي) على متن القوافي
 

من ضيقة الخاطر ومن ضيقة الكون
‏ريح المواجع في فضا الصدر عاتي

‏علقت هقواتي على يمكن ويكون
‏وخابت وقمت اسعى لتطوير ذاتي

‏حاولت والاحوال من دون في دون
‏ولا استفدت من كثر محاولاتي

.....

رد: فوق هام السحب ( الشعر الشعبي) على متن القوافي
 

الهرج واجد والنوايا مطايا
وكل حسب تفكيره يعامل الناس

ناس مظاهرها بعكس الخفايا
وناس على وضح النقاء ترفع الراس

.....

رد: فوق هام السحب ( الشعر الشعبي) على متن القوافي
 

يوم العواذل فيك لاموني
‏اقفّل اذني واغمض عيوني

‏اجيك كلّي واسري بدوني
‏وانام بعيونك وانا سالي

‏خالفت سلم اهلي وجدّاني
‏اللي على شانك على شاني

‏قطعت حبل الناس من داني
‏يم الصحاري واشهب اللالي

.....

رد: فوق هام السحب ( الشعر الشعبي) على متن القوافي
 

‏يشبهني الليل في ثقلي وفي صمتي
وأشبه صباح الربيع بزحمة ألوانه

يامن سألني علامك مابعد نمت
النوم فيني غريب وفاقد أوطانه

.....

رد: فوق هام السحب ( الشعر الشعبي) على متن القوافي
 

سراب الأعذار مايقطع ضمّا الوارد
‏في عينه الأرض جردا والسماء زرقا

‏ردودك الباردة وأسلوبك البارد
‏كنّها تورني المنـهاج والفرقا

‏وأعذارك الواهـيْه من ذهنك الشارد
‏أغصان هجر"ن" عليها ناحت الورقا

‏من دون طيحة غلاك حروب ومطارد
‏والعين ماطاح منها مستحيل يرقا

.....

رد: فوق هام السحب ( الشعر الشعبي) على متن القوافي
 

حذرى من الجوال يابنت الاجواد
كم بنت راحت والسبايب رساله

كانت تظن الحب له ساس وبلاد
ماتدري انه مثل شرب البياله

اذا شربها اللاش ماهو بنشاد
عن الغريق الي تقطع احباله

بنت تهين النفس للهون تنقاد
لو هي من بيوت الشرف والأصاله

عقب المعزه تمسي بهم وأنكاد
هذي نهاية الهوى والجهاله

.....

رد: فوق هام السحب ( الشعر الشعبي) على متن القوافي
 

الظروف الي كوتني على الضلع القصير
علمتني كيف اعدل الحمول المايله

كان ظني في الليالي وفي حظي كبير
لين ورتني الليالي نجوم القايله

من يظن الخير في واحدن مافيه خير
مثل من يرجي دوام الحياة الزايله

.....

رد: فوق هام السحب ( الشعر الشعبي) على متن القوافي
 

ياشين طبعٍ عند بعض المخاليق
يظن فيك السوء قبل الحقيقة

على كلام الناس سريع تصديق
وينسى العلوم الطيّبة في دقيقة

.....

رد: فوق هام السحب ( الشعر الشعبي) على متن القوافي
 

اغضيت يوم اقفيت ياناعس الطرف
اربع سنين ولا قدرت اتناساك

لاوالذي سواك يالمرهف الترف
لاعيش احبك واتلذذ بطرياك

هاويك ياللي زارفً خافقي زرف
حتى عيوني لو تغمض تحلاك

نسيت كيف انساك والحال في جرف
روحت يامضنون قلبً تمناك

وانا بحط رسالتي داخل الظرف
باسمك تسجل بالنهاية ومبداك

فديت زولك يالغضي ملهم الحرف
ياللي ترافقني بطيفك وذكراك

.....

رد: فوق هام السحب ( الشعر الشعبي) على متن القوافي
 

عليك السلام ورحمة الله والرضوان
ياقلب تعب واخفى عن العالم اوجاعه

.....

رد: فوق هام السحب ( الشعر الشعبي) على متن القوافي
 

قصر بال وشح وصل وقل دبره
والسؤال اجاوبه بادري ومدري

والله اني حاسدٍ مثقاب الابره
يومه اوسع للهواء من ضيق صدري

.....

رد: فوق هام السحب ( الشعر الشعبي) على متن القوافي
 

عسانا نموت ولا نشوف المذله شوف
ولا نشكي الحاجه ولا نسمع المنّه

ومن يسوي المعروف ويمّن بالمعروف
مثل من يكب الفرض ويسوي السنه

.....

رد: فوق هام السحب ( الشعر الشعبي) على متن القوافي
 

مالك من ايامك الا صالح اعمالك
والا انت جثّه واعز الناس يدفنها

.....

رد: فوق هام السحب ( الشعر الشعبي) على متن القوافي
 

العزلة وتسطيح كلّ العلاقات
اخر حلول النفس وإن كان طابت

ماعاد يغرينا الهوى والصداقات
كلّ الأماني فالمحبّين خابت

.....

رد: فوق هام السحب ( الشعر الشعبي) على متن القوافي
 

ناري ماتطفى ولا نارك طفت
وعِيني گبلك تبچي إذا عينك بچت

شعر عراقي

رد: فوق هام السحب ( الشعر الشعبي) على متن القوافي
 

نخسر بشر بس مانخسر مبادينا
ودروبنا صوب فعل الطيب مندفعه

مانلتفت للكلام اللي يجي فينا
نفوسنا عن كلام الناس مرتفعه

......