رد: فوق هام السحب ( الشعر الشعبي) على متن القوافي
 

مادخلت الحب من باب التسلي
‏والله أن يبطي أحد ياخذ مكانك
‏
‏لاتهملني وتنساني وأنا اللي
‏مهمل الدنيا بما فيها عشانك

.....

رد: فوق هام السحب ( الشعر الشعبي) على متن القوافي
 

اصبر على المكتوب لو فيه مافيه
لو ضاقت الدنيا على الله فرجها

واللي كتب ربك على العبد ياتيه
مايمنعه حل العباد وحيلها

جرح المصيبة صبرك اللي يداويه
وربك يهونها على من صبرها

والمؤمن اللي يحتسب له ينسيه
كم كسرة رب الخلايق جبرها

احدٍ صبر واحدٍ تهزه بلاويه
والله يجازي كل نفس بعملها

.....

رد: فوق هام السحب ( الشعر الشعبي) على متن القوافي
 

زحمة شعور ولخبطة بال وظنون
تاكل من الضيقه يدين الكفايه

كم للأمل في رمل الاحزان مدفون
وسيلتي فـكري والأوجاع غايه

.....

رد: فوق هام السحب ( الشعر الشعبي) على متن القوافي
 

‏تعال نتكلم دقايق على الخاص
ابغى معاك انسى التعب والكئابه

حديثك مهدي من بروفين الاقراص
وعلاج قلبي الدردشه والكتابه

اشتقت لك شوق المقيد بالاقفاص
شوق السجين اللي تمنى هرابه

وونات قلبي مثل شكمان الارباص
من كثر شوقه لاتزود عذابه

.....

رد: فوق هام السحب ( الشعر الشعبي) على متن القوافي
 

‏ياقلب لاتنجرح وفر لي احساسك
‏انا ادري انك تجي دايم على النيه
‏
‏لاتفكر تحب شيل الحب من راسك
‏كل العلاقات هاليومين وهميه

.....

رد: فوق هام السحب ( الشعر الشعبي) على متن القوافي
 

‏أبشرك سكرت من دونك الباب
ولا عاد يشملك السكن والضيافه

اسلم وسلملي على كل من غاب
الخاطر اليا عاف له شي عافه

.....

رد: فوق هام السحب ( الشعر الشعبي) على متن القوافي
 

‏بالأمس معطيني عهود ومواثيق
يقسم بربه مايخون الأمانه

واليوم فارقني وعلمني الضيق
إن الثقه في الحب مثل الخيانه

.....

رد: فوق هام السحب ( الشعر الشعبي) على متن القوافي
 

‏الزمن مشكور كثّف لي دروسه
وانت من ضمن الدروس وْلا جهلته

حُبك اللي قد جرح قلبي بموسه
عن سبب جرحه بَموت ولا سألته

ماهقيت الحب تتعبني طقوسه
لين جربته وعفته واعتزلته

.....

رد: فوق هام السحب ( الشعر الشعبي) على متن القوافي
 

تاريخنا هجري على روس الاشهاد
واعيادنا عيد الفطر والضحية

ماعندنا في شرعنا يوم ميلاد
على كتاب الله وسنّة نبيّه

عيد الكرسمس للنصارى يا الاجواد
ماهو لنا يا اهل الشرف والحمية

بقلمي

رد: فوق هام السحب ( الشعر الشعبي) على متن القوافي
 

بعض الغلا يعرف مفاهيم الاشواق
من نظرة عيونك يترجم كلامك

الحب ماهو كله اعتاب وفراق
الحب يازين لذته في غرامك

.....

رد: فوق هام السحب ( الشعر الشعبي) على متن القوافي
 

ماني من اللي يطرد انسان ناسيه
ولاني من اللي لاجفيته تجيبه

انا من الي لاحشمته وتغليه
يرخص لك الغالي وتصبح حبيبه

انا عزيز النفس ياهيه ياهيه
ضاري على الفرقا ولاهي غريبه

من باعني بعته ولاني بشاريه
وترى المحبه ماتجي بالغصبيه

.....

رد: فوق هام السحب ( الشعر الشعبي) على متن القوافي
 

‏وش بقى في الشعر شيٍ ماكتبته
ووش بقى بالشوق أكثر من أبيك

ووش بقى بالحسن زودٍ ماوصفته
واحلف إنّه مايليق إلاّ عليك

.....

رد: فوق هام السحب ( الشعر الشعبي) على متن القوافي
 

لاتشتكي همّ الصدر للمخاليق
السرّ يفسد لاخرج عن نطاقه

لاضاق صدرك أطلب الرب توفيق
وأصبر على ماقدّر الله وساقه

.....

رد: فوق هام السحب ( الشعر الشعبي) على متن القوافي
 

‏ﺗﺎﺑﻊ ﻭﺃﻧﺎ ﻟﺠﻠﻚ ﺑﻨﺸﺮ ﺑﺎﻻﺷﻮﺍﻕ
ﻭﺃﺳﻤﻊ ﻣﻊ ﺍﻟﻤﻨﺸﻮﺭ ﻗﻠﺐٍ ﻳﻨﺎﺩﻳﻚ

ﺗﻘﻮﻝ ﻟﻲ ﻭﺷﻔﻴﻪ ﻭﺃﻗﻮﻝ ﻣﺸﺘﺎﻕ
ﻭﺃﻥ ﻗﻠﺖ ﻟﻴﻪ ﺃﻗﻮﻝ ﻭﺩﻩ ﻳﺤﺎﻛﻴﻚ


.....

رد: فوق هام السحب ( الشعر الشعبي) على متن القوافي
 

لاصرت مشتاق لك لاتطول القصه
مشاعر الشوق فيني مالها مرجع

تغانم الشوق دام الشوق له فرصه
الشوق مثل العمر لاراح مايرجع

.....

رد: فوق هام السحب ( الشعر الشعبي) على متن القوافي
 

‏لبيه ياصوتٍ سمعته وفزيت
‏فزت غريب سامع صوت غاليه

‏من كثر حبي له على طول رديت
‏قال السلام وقلت مرحب ولبيه

.....

رد: فوق هام السحب ( الشعر الشعبي) على متن القوافي
 

‏ياجماعه كان لي حقٍ عليكم
‏أدعوا أنّ اللي على البال يتحقّق

‏ضايقٍ صدري وأنا منكم وفيكم
‏كن قلبي بين الأضلاع يتشقق

.....

رد: فوق هام السحب ( الشعر الشعبي) على متن القوافي
 

‏يهبّ فيني حنين بكل هبّة نسيم
والذكريات القديمه طارفٍ بابها

غشاني الشّوق ياوجهٍ فبالي مقيم
اشتقت لك والمشاعر حثّت ركابها

.....

رد: فوق هام السحب ( الشعر الشعبي) على متن القوافي
 

في دفتر أيام عمري كل شي محسوب
‏لـي قصةٍ لا أختليت بنفسي اقرأ بها

‏مؤمن وهذي هي الدنيا نجاح ورسوب
‏القسمه اللي من الله لازم أرضى بها

.....

رد: فوق هام السحب ( الشعر الشعبي) على متن القوافي
 

‏صحيح الخطأ وارد لكن الأسف مطلوب
‏ماهو عيب لازليت ثم جيت متأسف

‏لكن لاتحاول تلبس الثوب بالمقلوب
‏تزيد الخطأ بعناد وتصير متحسف

شافي الهاجري

رد: فوق هام السحب ( الشعر الشعبي) على متن القوافي
 

‏ياصاحبي مادام للحب موضوع
احفظ وبكره حصة الدرس تسميع

انا غلاي اصلي من الحب مصنوع
ماهو من اسواق المحبين تجميع

.....

رد: فوق هام السحب ( الشعر الشعبي) على متن القوافي
 

‏علمي به العام يومٍ جوّنا صافي
قبل يجي جونا ناسٍ يحوسونه

‏يا اهل السواليف مدري عن سوالفكم
فيني من الضيق شيٍ ماتحسّونه

.....

رد: فوق هام السحب ( الشعر الشعبي) على متن القوافي
 

‏ياوردةٍ ماعاشت الا في دلال
‏يغار منها الورد في روضة خريم

‏خليتي الترفات ربات الجمال
‏حياتهن حسره وعيشتهن جحيم

‏هذا الصحيح ولا نقاش ولا جدال
‏ يدري به العاقل ويجهله الغشيم

‏ابوك شال الطيب عن كل الرجال
‏وانتي خذيتي الحسن عن كل الحريم

.....

رد: فوق هام السحب ( الشعر الشعبي) على متن القوافي
 

مافيه داعي للزعل والانفعال
‏ومجادل الجاهل وكثر اللجلجه

‏خلك على ماقيل شيال الثقال
‏واللي يبي يزعجك صمتك يزعجه

.....

رد: فوق هام السحب ( الشعر الشعبي) على متن القوافي
 

سلام الله لمن يقرأ سلامي
ويسلم من يبادلني سلامه

سلامي يرتوي به كل ضامي
وفي الوجدان تبقى له علامه

ويشفي من بقلبه جرح دامي
ويزرع في الوجوه الابتسامه

مني لكم مع التحية

رد: فوق هام السحب ( الشعر الشعبي) على متن القوافي
 

انتي بوجهي من الدنيا لايلحقك خوف
‏مصيرها تضحك الدنيا لنا لو تضيق
‏
‏مادامني حي حطيني بوجه الظروف
‏انا الابو والاخو وانا الولد والصديق

.....

رد: فوق هام السحب ( الشعر الشعبي) على متن القوافي
 

كانت افكاري تحب احلامي الورديه
‏وتالي اكثر لون افكر فيه لون الشاهي

‏كل شي ابيه واجد صرت ابيه شويّه
‏النزول بسقف رغباتي جعلني راهي

.....

رد: فوق هام السحب ( الشعر الشعبي) على متن القوافي
 

جيت مثل السحابة يا اللطيف الجميل
في شفاهك بروق وفي كلامك رعد

بين قدّ ٍ ليان وبين طرف ٍ كحيل
مالوجهك مسمّى غير وجه السعد

.....

رد: فوق هام السحب ( الشعر الشعبي) على متن القوافي
 

على كل ماقد فات جعل العوض بعدين
‏يسوق الله الغيث اللي يعدل أوضاعي

‏هذي عادة الأيام وأنا أعرفها زين
‏ماتحلا لي إلا عقب ماتغسل شراعي

.....

رد: فوق هام السحب ( الشعر الشعبي) على متن القوافي
 

أحب الرفيق اللي تجي رفقته بإنصاح
‏اللي عن غلاي وزود قدري يصارحني

‏نصوح صريح محزم ينذخر وسلاح
‏الى طبت يفرح لي والا اخطيت ينصحني

.....

رد: فوق هام السحب ( الشعر الشعبي) على متن القوافي
 

‏يامعاتب الناس لاتعتب ولا تشره
موارد الطيب بين الناس معروفه

والي تجاهل حقوق وواجب العشره
اجعل حقوقه من التفكير محذوفه

.....

رد: فوق هام السحب ( الشعر الشعبي) على متن القوافي
 

جاب طاري الوداع وقلت مالك لوا
كل شيٍ نطيعك فيه غير الوداع

كافر الشوق والفرقا لعينه ثوا
شف لنا حل غير البهذله والضياع

.....

رد: فوق هام السحب ( الشعر الشعبي) على متن القوافي
 

بعض المشاعر محال الفكر يعسفها
تعجز تعابير حرفي تكتب احساسي

حقيقة الحب كيف الشعر يوصفها
مدام حبه بقلبي وداخل انفاسي

.....

رد: فوق هام السحب ( الشعر الشعبي) على متن القوافي
 

‏عن مناكيف الهمُوم ومراويح الصَبر
‏كل يوم اودّع الهم واجلس واحتريه

‏اثر لي نفسٍ جموحه ولي صدرٍ ضجر
‏وجد حالي وجد من صكت الدنيا عليه

‏اتوزع بين الافكار ويجفّ الحبر
‏صرت مثل المال لامن تولاه السفِيه

‏لاعرفت ارضَى بواقع ولا ازعل من قدر
‏مشكله لاصدت النفس عن ماتشتِهيه

.....

رد: فوق هام السحب ( الشعر الشعبي) على متن القوافي
 

ابتدينا رفاقه وانتهينا خصام
‏وانا من طاح من عيني معاد ارتجيه

‏انا حتى الحبيب الي عليه الغرام
‏شاف نفسه علي وشفت نفسي عليه

.....

رد: فوق هام السحب ( الشعر الشعبي) على متن القوافي
 

‏من لايعيش العمر سامي ومتغاضي
‏ماهيب دايم ظروف الوقت خادمته
‏
كنز القناعه غناة النفس للراضي
‏يعيش دنياه فاهمها وفاهمته

.....

رد: فوق هام السحب ( الشعر الشعبي) على متن القوافي
 

الجمس أحبّه حبّ غالٍ لغاليه
‏حبٍّ عظيمٍ حبّ نمرٍ لوضحاه

‏هو ميتن فيّ وانا ميتن فيه
‏ولو هو جديد أحب شوفه وطرياه

‏لاقمت المّس فوق بديه واداريه
‏بلا شعورٍ قمت ادوّر شفاياه

.....

رد: فوق هام السحب ( الشعر الشعبي) على متن القوافي
 

من يحسن الظن بالله يبشر بظنه
سبحان رب فتح لعباده ابوابه

يارب يسر لنا التوفيق والجنه
وتجيرنا من عذاب القبر وأسبابه

.....

رد: فوق هام السحب ( الشعر الشعبي) على متن القوافي
 

ياوجهي أسلم من تقلّاب الوجيه
‏ومن الشكوك ثقالها وخفافها

‏حنا من الشيمة نعَاف اللي نبيه
‏تعيش أسامينا على مشرافها

.....

رد: فوق هام السحب ( الشعر الشعبي) على متن القوافي
 

‏مني مساء الخير والفل والورد
‏والحب والبسمه ونبض التفاؤل
‏
أدري بأن الجو مايل إلى البرد
‏بس المشاعر دافيه بالتواصل

.....