رد: فوق هام السحب ( الشعر الشعبي) على متن القوافي
 

على الهون ياسود الليالي تراني ماش
‏ونفسي من ظروف الزمن باح خافيها

‏عيوني على حظي وحظي طريح فراش
‏والآمال ماندري على وين تاليها

.....

رد: فوق هام السحب ( الشعر الشعبي) على متن القوافي
 

‏ياجميله...

‏ياجميله قام يطوي الحال طاوي
‏والله ان كبدي على شوفك غليله
‏سعد ابن جدلان

‏ياجميله ليا خابت كبار الهقاوي
‏دوري لي من اسباب الرضا ياجميله
‏بندر الدويش

‏ياجميله من اللي حط للشعر قمة
‏بعد قمة حياة الاكلبي ياجميله
‏فهد قطنان

رد: فوق هام السحب ( الشعر الشعبي) على متن القوافي
 

ياجميلة واخذي من الصدر طرّاف المحاني
‏واسهري فيها وشبّي من ضلوع الصدر نارك

‏لو أكابر عن هوى عنقك وسلسالك تراني
‏أخذ من الليل ثلثينه سهر وأمر دارك

‏وش فعل جارك عشان يجاورك وأنا مكاني
‏أكبر أمانييّ أرضي خالقي وأصير جارك

.....

رد: فوق هام السحب ( الشعر الشعبي) على متن القوافي
 

خلك على الوجه الأبيض وأصلح النيه
‏لا تقول هذي لأجل هذي مسويها

‏قل جعلها حسنه تقضي على سيه
‏الّناس مهما تسوي صعب ترضيها

‏يالله بذكر جميل وسمعةٍ حيه
‏والوقفه اللي تبيض وجه راعيها

.....

رد: فوق هام السحب ( الشعر الشعبي) على متن القوافي
 

‏ياحي من جاني وفي عينه الشوق
‏ياحي منطوقه وياحي شوفه

‏الغالي اللي بالغلا منزله فوق
‏كل المشاعر في حضوره شغوفه

.....

رد: فوق هام السحب ( الشعر الشعبي) على متن القوافي
 

‏انا لو اني كل ماحدتني الدمعة بكيت
‏ان كان اببلش في جروحٍ مايلاقى طبّها

‏ان مالقيت اللي تحب لازم تحب اللي لقيت
‏اصعب حياة تعشيها ماعندك حياة تحبّها

‏محمد المقحم

رد: فوق هام السحب ( الشعر الشعبي) على متن القوافي
 

‏يالله بحض جديد مثل عام جديد
‏وافوز بالأمنيات اللي تمنيتها

‏تعكيرت الجو في الدنيا وقل الرصيد
‏ثنتين تلعن حياتك كان مريتها

.....

رد: فوق هام السحب ( الشعر الشعبي) على متن القوافي
 

لاتشوف المزايا كلها والعيوب
خل فاللي تعرفه جانبٍ تجهله

.....

رد: فوق هام السحب ( الشعر الشعبي) على متن القوافي
 

‏لاتغيّر شي من طبعك لجل محبوبك
‏الحبايب راضيه بأحبابها ومرضيّه

‏العيون اللي تحبك ماتشوف عيوبك
‏لو خطاياك أكبر من الكورة الارضيّه

.....

رد: فوق هام السحب ( الشعر الشعبي) على متن القوافي
 

ودعتك الله فمان الله وأذكرني
بالخير لامرت الأيام من دوني

.....

رد: فوق هام السحب ( الشعر الشعبي) على متن القوافي
 

‏جيتك من الحب شاعر وأنت جمهوره
‏ماتقبل الفكره إلا من مخيلته

‏يرسم جمالك قصيد وتصعب الصوره
‏ومن لاتخيّل جمالك عاد مشكلته

.....

رد: فوق هام السحب ( الشعر الشعبي) على متن القوافي
 

‏ياللي تقول ان الغلا ياسع اثنين
‏مخطي سواءً جاهل او كنت جاحد

‏مايجتمع في جوف الانسان قلبين
‏هو قلب واحد ياخذه بس واحد

.....

رد: فوق هام السحب ( الشعر الشعبي) على متن القوافي
 

تعلمت السهر بعدك وانا قبلك رفيق النوم
‏ولا جاب السهر طيفك ولا عوّد علي نومي

.....

رد: فوق هام السحب ( الشعر الشعبي) على متن القوافي
 

‏حتى ولو دونك مسافه لاتشك إنك بعيد
‏مافيه روحٍ جسمها ماهو يباري ظلها

.....

رد: فوق هام السحب ( الشعر الشعبي) على متن القوافي
 

‏عطني يدينك وانثر الليل مجدول
‏خلّه يطير أسراب ويعوّد أسراب

‏واضحك وفرّق جمرتينك عن اللول
‏بفتح لك سموعي قبل ما أفتح الباب

.....

رد: فوق هام السحب ( الشعر الشعبي) على متن القوافي
 

‏ياما وقفت بوجه الأيام ماطحت
‏وياما وثقت بناس والناس طاحو

‏مشيت يالدنيا وتعلمت وارتحت
‏اهل المصالح لاخذوا شي راحو

.....

رد: فوق هام السحب ( الشعر الشعبي) على متن القوافي
 

خلّ عندك فالاوادم نظرة واحتياط
‏لاتكبّر هقوتك بالضعوف وتنصدم

.....

رد: فوق هام السحب ( الشعر الشعبي) على متن القوافي
 

‏حنا الوفي من صافي الود نسقيه
‏ومن زادنا بالطيب حنا نزيده

‏واللي طرانا ساعة الضيق نطريه
‏ونكون عونه بالظروف الشديده

‏نغليه والله راعي الجود نغليه
‏ونصون قدره لو دياره بعيده

.....

رد: فوق هام السحب ( الشعر الشعبي) على متن القوافي
 

‏لك مساء مني وناداك الخفوق
‏بالمحبه قلب يهديك السلام

‏وانت ذوقك غير فايق كل ذوق
‏لك محبه وسط قلبي واحترام

.....

رد: فوق هام السحب ( الشعر الشعبي) على متن القوافي
 

‏المال في جيب الكفو عابر سبيل
‏إليا جلس يومين في جيبه رحل
‏
‏لكن لامن طاح في جيب البخيل
‏يقضي حياته كلها راعي محل

.....

رد: فوق هام السحب ( الشعر الشعبي) على متن القوافي
 

‏أسافر بلا توديع وارجع بلا استقبال
‏ولا احس بالفرقا لو ان الزمن عكسي

‏ما احب الوداع اصلاً لأنه يغث البال
‏فلا حد يودعني سوى صاحب التكسي

.....

رد: فوق هام السحب ( الشعر الشعبي) على متن القوافي
 

‏لاتاخذك شكه مع اللي يشكون
‏مانيب لامرخص ولاني بجاحد

‏قلبي لو ان حوله من الناس مليون
‏مافيه غيرك ساكنه وانت واحد

.....

رد: فوق هام السحب ( الشعر الشعبي) على متن القوافي
 

‏تعبت اداري واجاري ذهنك الشارد
‏وانا تعذرت يوم اخطيت حزتها

‏وزودتها بالقسى واسلوبك البارد
‏مابي العلاقه معك تفقد مكانتها

‏صحيح انا خطيت يوم ان الخطا وارد
‏لكنّ الاحباب لاتجرح كرامتها

.....

رد: فوق هام السحب ( الشعر الشعبي) على متن القوافي
 

‏والله اني فالمحبه مشتريك
‏خل قلبي ياخذ اللي ماخذا

‏أعشقك وأغليك واحبك وابيك
‏وش تبي أقول أكثر من كذا

.....

رد: فوق هام السحب ( الشعر الشعبي) على متن القوافي
 

‏الحزن ماهوب يصلح لالمحته عليك
‏لو انك الجارح اللى مابعد سرني
‏
‏متعلق بشطر يطري لي وكنّه يعنيك
‏عندك مايثبت غلاتي عجّل وورني
‏
‏لاعاد تشكي علي لو يثر الحزن فيك
‏سولف علي بابتسامه وجهك وجرني
‏
‏سلمني شعور قلبك لاتلوح يديك
‏ومنين ماضقت من جور الزمن طرني

.....

رد: فوق هام السحب ( الشعر الشعبي) على متن القوافي
 

‏ناسٍ تبيّن لي مع كل شدّه
‏وناسٍ توارت يوم محدٍ زهمها

‏وناسٍ عدمها من حياتي مسدّه
‏وناسٍ لا والله جعلني ما اعدمها

.....

رد: فوق هام السحب ( الشعر الشعبي) على متن القوافي
 

‏الكلمه اللي ماتجملنا على وجه العموم
‏ابرك لها تقعد وشرهتها على حنجورها

‏اليا سكتنا ماسكتنا الا على شان السلوم
‏وان شانت الدعوه ضربناها على دنقورها

‏ اليا قعدنا تقعد الدنيا ولاقمنا تقوم
‏مالله خلقنا نرضي العالم وناخذ شورها

.....

رد: فوق هام السحب ( الشعر الشعبي) على متن القوافي
 

‏على البال ياسيد الشوارد فداك البيت
‏طواري تمر الأولويّات وتخطّر
‏
‏لكن قبل سرقة ماتبقى من التوقيت
‏فدتك العيون وعرض الأزوال والخطّر
‏
‏عسى الليلة اللي كنت فاضي وفيها جيت
‏عوض ليلة اللي كنت غايب وانا مضطّر

.....

رد: فوق هام السحب ( الشعر الشعبي) على متن القوافي
 

‏ماغبت عن قلبي ولا هان طاريك
وما فيه أحد يقدر يكون بمكانك

لاجاتك الضيقه وشانت لياليك
تذكّر اللي باع عمـره عشانك

.....

رد: فوق هام السحب ( الشعر الشعبي) على متن القوافي
 

ماتستريح العين والبال مهموم
ولا يستقر الحال والقلب خايف

غديت مثل الي بالإعدام محكوم
مامات لكنه من العمر عايف

.....

رد: فوق هام السحب ( الشعر الشعبي) على متن القوافي
 

‏فتنه أنوثه طاغيه تأخذك لين
تضيع وسط أعيونها من حلاها

ومن الدلّع والغنج والملح والزين
الله حرم بعض البنات وعطاها

.....

رد: فوق هام السحب ( الشعر الشعبي) على متن القوافي
 

‏جرحك اللي ماهقيت انه يصير
‏منه حزن الكون في صدري قلط

‏غلطتي اني أحبك من ضمير
‏والمحبه من ضمير أكبر غلط

.....

رد: فوق هام السحب ( الشعر الشعبي) على متن القوافي
 

‏اضبط لسانك بالحكي واحسن الظن
‏حتى مع العالم يزيد احترامك

‏ترا اللطافه والادب تعتبر فن
‏ألزم حدودك ترتفع في مقامك

.....

رد: فوق هام السحب ( الشعر الشعبي) على متن القوافي
 

‏كثر الحكي مافيه غير المضرّه
والصمت به حكمه وهيبه ومقدار

مايندم العاقل على الصمت مرّه
ويندم على كثر الحكي عدّة أمرار

.....

رد: فوق هام السحب ( الشعر الشعبي) على متن القوافي
 

‏دوّر على اللي يموت ولا ظهر زيفه
‏يبقى لك اقرب من اخوك وولد عمّك

‏وخلّك من اللي مشاريهه على كيفه
‏اليا رضا يمدحك واليا زعل ذمّك

.....

رد: فوق هام السحب ( الشعر الشعبي) على متن القوافي
 

عليك في طيب النوايا والصلاه
‏ولا تنشغل في ذا الحياه الفانيه

‏ترا الحياه الاوله ماهي حياه
‏رتب أمورك للحياه الثانيه

.....

رد: فوق هام السحب ( الشعر الشعبي) على متن القوافي
 

‏جعل ماحنا على الشامتين بشامتين
‏وجعلنا واللي نحبّه من النار اعتقا

.....

رد: فوق هام السحب ( الشعر الشعبي) على متن القوافي
 

‏صبرنا على ماجابه الوقت زين وشين
‏ولا حطمت صكات بقعاء عزايمنا
‏
‏نحشم الرفيق ولا طردنا ورى المقفين
‏وعلى نخوة الناخين نحذف عمايمنا

.....

رد: فوق هام السحب ( الشعر الشعبي) على متن القوافي
 

كثر الوله والشوق صرت اتحراك
وكثر الغلا ياكثر شوقي لعينك

وكثر القصيد اكتبك والناس تقراك
وكثر انتظاري ياهوى البال وينك

.....

رد: فوق هام السحب ( الشعر الشعبي) على متن القوافي
 

‏ياخاطري لاباح صبرك ومليت
‏مالك عن المقسوم صده وحيله

‏ان زان حظك جاب لك ماتمنيت
‏وان شان خلا الهينه مستحيله

.....