رد: فوق هام السحب ( الشعر الشعبي) على متن القوافي
 

إن شانت الدنيا ترا العمر مقسوم
‏محدٍ حياته جت على مايريده

‏دايم تفائل بالامل واترك اللوم
‏عش لحضتك واللي مضى لاتعيده

.....

رد: فوق هام السحب ( الشعر الشعبي) على متن القوافي
 

كل ليلة موجسٍ بالنفس خيفة
‏لين صوت الحق يصدح واتطمن
‏
‏الليال رياح والعالم خفيفة
‏والكلام اللي على البال يتثمن
‏
‏مشغلٍ نفسي على الروس المنيفة
‏من يراقب فعل غيره مات هماً

.....

رد: فوق هام السحب ( الشعر الشعبي) على متن القوافي
 

‏ليت طبع الناس من طبع الغصون
‏إن تعلّت ظل وإن طاحت حطب

.....

رد: فوق هام السحب ( الشعر الشعبي) على متن القوافي
 

‏الكلام أذواق والذوق يبغى له نبيه
‏يدري إن ماكل كلمة مودة لايقه

‏مثل بيتٍ فيه قوه وبيتٍ لك عليه
‏مايفرّق في بعضها عديم الذايقه

.....

رد: فوق هام السحب ( الشعر الشعبي) على متن القوافي
 

‏فالعمر بين التراجع والتمادي
‏عقلك احذر لاتنقّص من مقامه

‏اعتذر عن كلّ شي الّا المبادي
‏واعتدل في كلّ شيّ الا الكرامه

.....

رد: فوق هام السحب ( الشعر الشعبي) على متن القوافي
 

‏أطلق حجاجك لقبل الخاطر وحيّ
‏بشاشة الطيّب كرامة ضيوفه

‏سعد بن جدلان

رد: فوق هام السحب ( الشعر الشعبي) على متن القوافي
 

‏اتركوني ضايق البال مكسور الجناح
‏اتثاقل قومتي واتحالا للمطيح
- مدغم ابو شيبه

‏أتركوني في متاهات الخيال الجرهدية
‏لين أسوي صلح بين الممكنة والمستحيلة
- حزمي بن سعد

رد: فوق هام السحب ( الشعر الشعبي) على متن القوافي
 

‏بري حالي عقب عسرات الليال أزعجته
‏والعرب ماقدرو صمتي وبحّه صوتي

‏لابغيت اسج قالوا مايكب ادوجته
‏وان جلست المجتمع يستغرب البيتوتي

‏عناد الشيباني

رد: فوق هام السحب ( الشعر الشعبي) على متن القوافي
 

‏توالفت أنا والهم والهاجس الورّاد
‏وأفكارٍ بعضها يوجع الراس ويدوّخ

‏أشوف المسا خيمه وأشوف الجبال أوتاد
‏وأشوف الصبر هرش فتر حيله ونوّخ

‏وأنا والسعاده مثل عاشق وبنت أجواد
‏بغاها ووقّف دونها راعي مجوّخ

‏عبدالله بن مشهور

رد: فوق هام السحب ( الشعر الشعبي) على متن القوافي
 

‏شاعر مرهي وخادمني لساني
‏مستعد احط هامه فوق هامه

‏أن مدحت أرفع ليا سهيل اليماني
‏وأن هجيت ادفن تحت ساحل تهامه

‏وصل العطياني

رد: فوق هام السحب ( الشعر الشعبي) على متن القوافي
 

‏قالت العرب قديماً
إكرام النفس هواها
ومن جهه اخرى

‏- يقول مطحس بن حمد
عط الراي قلبك شف هوا القلب وين وهاو
‏ترى السعي في غير المشاهي هو التوههْ

رد: فوق هام السحب ( الشعر الشعبي) على متن القوافي
 

‏عن لبته يوم رد اطراف مجدوله
‏تقول بدرٍ فتق جنح الدجا الدامس

‏أشعر لاشفته شعور اللي بعد جوله
‏توه نزل في مطار محمد الخامس

.....

رد: فوق هام السحب ( الشعر الشعبي) على متن القوافي
 

‏لك مكان لو عرفته ماهنى نومك وطاب
ولك حنين في فؤادي من لهيبه احترق

إن بغيت اكتب شعوري انقفل للبوح باب
ولاذكرتك بين ناسي غاب فكري وآنسرق

.....

رد: فوق هام السحب ( الشعر الشعبي) على متن القوافي
 

‏تغانم الشوق دام القلب تحت امرك
مشاعري فيك ماتشبع إذا جاعت

لادار وقتك وطوّل ربي بعمرك
عرفت وش قيمة الفرصه ليا ضاعت

.....

رد: فوق هام السحب ( الشعر الشعبي) على متن القوافي
 

‏هوجاس قلبي لأتلع الجيد نزاع
‏وقلبي على شانه يحب الهواجيس

‏ابو رموش بابيض الخد شراع
‏بعده يغصب دموع عينٍ محابيس

.....

رد: فوق هام السحب ( الشعر الشعبي) على متن القوافي
 

‏ياحبيبي بدون أدنى شكوك وطلايب
‏والله وبالله اللي كوّن الكون كله

‏إنك الحاضر اللي كنّ ماهو بغايب
‏وإنك الغايب اللي ماتغيّر محله

.....

رد: فوق هام السحب ( الشعر الشعبي) على متن القوافي
 

كيف اعبر عن محبتها وانا رجلً حياوي
مايداني يشرح احساسه ولا يظهر ميوله

.....

رد: فوق هام السحب ( الشعر الشعبي) على متن القوافي
 

عُمر الشكل مازاد قدر الرياجيل
‏الرجـل بأخلاقه وطيبه وثقْله

‏كم واحدٍ بالشكْل يفرق عن الجيل
‏وأخف من ريش العصافير عقْله

.....

رد: فوق هام السحب ( الشعر الشعبي) على متن القوافي
 

‏ياللي عيونك وساع وخدك يشع نور
‏قلبي يحبّك لو انك لانشدته جحد
‏
‏دورت فيك التواضع بس شفت الغرور
‏اللي مخليك ماترخي عيونك لاحد
‏
‏ليتك على عيونك اللي كنها عيون حُور
‏ثلاث مرات تقرا قل هو الله احد

.....

رد: فوق هام السحب ( الشعر الشعبي) على متن القوافي
 

‏العمر رحله واكثر العمر لحظات
‏فيها اماني وامنيات ورجاوي

‏لاحد يقول ان المفارق بالاوقات
‏الوقت وقتك والمشاعر هقاوي

.....

رد: فوق هام السحب ( الشعر الشعبي) على متن القوافي
 

احلى الكلام اللي تقوله ورى الناس
‏الله يوفقهم ويستر عليهم

بقلمي

رد: فوق هام السحب ( الشعر الشعبي) على متن القوافي
 

‌‏قلبك الي دوّر لقلبي بديل
ضيّع القبله وهو وسط الحرم

.....

رد: فوق هام السحب ( الشعر الشعبي) على متن القوافي
 

زعلّني الوقت والظاهر نسيت ارضا
‏مدري الصبر غلطتي ولاّ الوفا عيبي
‏
‏محتاج قلبٍ يطلّعني من الفوضى
‏يشعل بصيص الامل ويعيد ترتيبي

.....

رد: فوق هام السحب ( الشعر الشعبي) على متن القوافي
 

‏إن كنت لك حلم يالله قوم حققني
‏حِث الخِطا في سبيل أحلامك وثابر
‏
‏وإن كنت عادي وعابر لاتعلقنّي
‏أنا أكبر مْن الغرام العادي العابر

.....

رد: فوق هام السحب ( الشعر الشعبي) على متن القوافي
 

‏سلامتك جعل أكثر الخلق تفداك
‏حتى عيونى جعلها فدوةٍ لك

‏ليت الوجع ياغاية الروح ماجاك
‏ليت التعب لامن بغى ما يدلك

.....

رد: فوق هام السحب ( الشعر الشعبي) على متن القوافي
 

‏قلوب البشر ياصاحبي لها مفاتيح
وكل قلب مفتاحه بوصف وعلامه

واذا تريد مفتاح من غير تصريح
افتح قلوب الناس بالإبتسامه

.....

رد: فوق هام السحب ( الشعر الشعبي) على متن القوافي
 

‏ياهل التواصل يارقيقين الاطباع
ياكل غالي له محبه وقيمه

حبيت اهديكم تحيه بالإجماع
وارسل سلامي للقلوب الحميمه

سلام ياساس الاناقه والابداع
سلام من قلبي وداخل صميمه

يامن غلاكم في خفوقي والاضلاع
وغلاتكم بالقلب عندي عظيمه

مني لكم مع التحية

رد: فوق هام السحب ( الشعر الشعبي) على متن القوافي
 

‏يارب تجمع كل غالي بغاليه
واجعل لهم من كل شر سلامة

واجعل لنا من منزل الطيب عاليه
وأحفظ عبيدك من دروب الندامه

.....

رد: فوق هام السحب ( الشعر الشعبي) على متن القوافي
 

ليه المسا يزيد في وجهه الشوق
ويكشف شعور اللي للاحباب مشتاق

في جيته سهم الوله يرتفع فوق
يموت دونه شوق وتحيا به اشواق

.....

رد: فوق هام السحب ( الشعر الشعبي) على متن القوافي
 

طالت ليالي البعد والقلب مشتاق
مدري متى بلقاك واشفي جروحي

اي والله ان القلب للوصل تواق
واني بدونك يسكن الهم روحي

انت الذي لاضقت في دربك انساق
وإن ضاق كوني ليك اعلن نزوحي

تعال يامولى المحاسن والاخلااق
ياكل ماتمناه واغلا طموحي

.....

رد: فوق هام السحب ( الشعر الشعبي) على متن القوافي
 

ياللي غيابك مايسدونه الناس
لو تجتمع كل المخاليق عندي

لك في حنايا الروح وحشه ومجلاس
ما للغلا لك وسط الأضلاع حدي

يامن حضوره اذا حضر يلغي الناس
وإن غاب ماغيره بعيني يسدي

.....

رد: فوق هام السحب ( الشعر الشعبي) على متن القوافي
 

‏لاتنحني ياطير لاصادفك ريح
من ينحني مرة تحنت عظامه

افرد جناحينك لو تقوم وتطيح
حتى تنال المبتغى والزعامة

.....

رد: فوق هام السحب ( الشعر الشعبي) على متن القوافي
 

المحبة من الله والغلا والقبول
لاتكلّف شعورك فوق مايُحتمل

لاصفالك زمانك قول اللي تقول
ولا تكدر مزاجك وحاصره بالامل

.....

رد: فوق هام السحب ( الشعر الشعبي) على متن القوافي
 

‏وين انت اللي ماتعرف الخيانه
ياللي وجودك غير وبطلتك غير

الوقت من دونك بلا ايات خانه
ياللي على شوفك نسوق التباشير

.....

رد: فوق هام السحب ( الشعر الشعبي) على متن القوافي
 

انا اتخذت القرار اللي يناسبني
وعن معظم الناس قمت اغيّر الوجهه

من يبدي الوصل لايمكن يعاتبني
ومن يقطع الوصل خليته على وجهه

.....

رد: فوق هام السحب ( الشعر الشعبي) على متن القوافي
 

‏في مجتمع كذاب ويحب النفاق
‏نفسي تحب الإنعزال بحالها

‏ناس تمثل لي الغلا والأشتياق
‏وأنا أدري إني ماخطرت فبالها

.....

رد: فوق هام السحب ( الشعر الشعبي) على متن القوافي
 

في تجربة حبي لقيت اللي لقى جاري جرير
عند امعزوفة ساكن الريان يمطر مدمعي

يابن عطيه يازعيم الشعر يا اخوي الكبير
نوايحك فالشام هزتني وانا في موقعي


سفر الدغيلبي

رد: فوق هام السحب ( الشعر الشعبي) على متن القوافي
 

لقيت الشعور اللي تمنيتني القاه
هلا بالحبيب اللي معوضني الله فيه

انا قبل اعرفك مات قلبي من الاشباه
ترا قلبي أشباه المحبين ماترضيه

يفوت القطار ويعبر العمر لين أقصاه
بسيطه ولا تكون المحطه غلط واتيه

انا ماني بعاشق يغني على ليلاه
انا العاشق اللي كل ليله تبي تغنيه

تمنوني العالم وتدري وش اتمناه
وجودك في عمري لذة العمر ياراعيه

ولا اعطيتهم قلبي وقلبي معك برضاه
خذ القلب كله ماني لغيرك مخليه

.....

رد: فوق هام السحب ( الشعر الشعبي) على متن القوافي
 

يامطول الغيبه ترى الشوق يزداد
‏لك وحشةٍ من شاف عيني فهمها

.....

رد: فوق هام السحب ( الشعر الشعبي) على متن القوافي
 

مانيب قايل وش غيرك وش جاك
ماجاك غير ابشر وسمعن وطاعه

غرك غلاك وكثر لبيه خلاك
تحسب قلوب الناس عندك بضاعه

تذكرني اذكرك وتنساني انساك
الوصل وصل والقطاعة قطاعه

.....