رد: فوق هام السحب ( الشعر الشعبي) على متن القوافي
 

عقلي من الباري جهاز إكتروني
بذاكرة أربع مية ألف قيقا

عيني ترى العالم وهم مايروني
كأنني مارد من الجان وأرقى

شاعر وعايش دون ماينظروني
وان شاهدوني مافي الأمر فرقا

ماكنت غادر وإن نوو يغدروني
قلبي لهم أصفى من البحر وأنقاء

بشر يذموني بشر يشكروني
الكذب يرحل والمروات تبقى



‏

رد: فوق هام السحب ( الشعر الشعبي) على متن القوافي
 

انفض غبار الهم عن قلبك ترى المهموم ميت
انحش عن الضيقه وشرّف في الرجوم وذبها

لاتنطوي نفسك على نفسك وتذبل مادريت
خل المطر يمطر عليها والهبوب تهبّها

ان مالقيت الي تحب.. لازم تحب اللي لقيت
اصعب حياة .. تعيش ماعندك حياة تحبها...


محمد المقحم

رد: فوق هام السحب ( الشعر الشعبي) على متن القوافي
 

علم الرسام لا يتعب يدينه
وعلم المرسوم ماله فيه حاجه

طاح في موقف عسى ربي يعينه
وحاول ايخبي عن الناس انزعاجه

واحتقر رسماته وخبرة سنينه
وحال خوفه دون فالرسم اندماجه

رسمته للمستحيل اكبر غبينه
مثل من يصلح تكسّار الزجاجه

مستحيل يجيب خشمه .. كيف عينه
ابتلش عاده يبي يرسم حجاجه

وان رسم عقب التروي حاجبينه
كيف يضبط حاجبه عند انعواجه

وكيف ينحت بالقلم غمازتينه
ويرسم الماء في عيونه وارتجاجه

وكيف يضبط قذلته تمسح جبينه
ولون وجهه لانحرج عقب امتزاجه

ويوم جا المبسم بدت ترجف يدينه
وبان فالمرسوم ضحكه وانحراجه

علم الرسام لا يتعب يمينه
ولا يخسر من الورق والحبر حاجه

وعلم المرسوم مهما كان زينه
لو يلاقي صاحبي عكّر مزاجه



محمد بن فطيس المري

رد: فوق هام السحب ( الشعر الشعبي) على متن القوافي
 

يالله عسى من تركني ساعة الشدّه
تحدّه ظروف وقته لين ياتيني

حتى إنّي أعطيه مطلوبه ولا أردّه
ويشوف فرق المراجل بينه وبيني

أنا رفيقي على العسرات ما احدّه
أدرى رفيقي مثل ما ادرى على عيني

وأنا رفيقي ليا شفت الزمن ضدّه
أقوم في واجبه من قبل يدعيني

وإن كان لا جاء لزومي يقدر يسدّه
وألاّ ترى العذر لا جاء منه يكفيني

ما يوجع الكبد كود البور والصدّه
من واحدٍ يقدر وما قام يسقيني



مشعل بن سابر القحطاني

رد: فوق هام السحب ( الشعر الشعبي) على متن القوافي
 

محـري بالخيـر يامـزن نـشـا

ياحلو عقب الوسم رجع السحاب

هل رذراذك على روض الحشـا

ربع بقلـب دوام لـك شبـاب

كل زهر فاح عطـره واغتشـى

بالرياض وبالنفـود وبالهضـاب

مانسيتك ياهـوى بالـي حشـا

حبك بروحـي وبالخفـاق ذاب

عادنـي شـوق قديـم وانتشـى

لـو غشانـي بالمـوده ماغشـى

أشتهي فيك الهوى لو هو عـذاب

فيك من طبع الظبي ليمن مشـى

لين عاود وألتفت ثـم استـراب

ياحلـو فـزة جفالـك يارشـا

يوم تسبح بالصحاري في سـراب

الهـوى معطيـك منـي ماتشـا

فـي حياتـي ياحياتـي لاتهـاب

مايفوز الحاسد اللي بـك وشـى

فيك حساد الهوى ياكـل تـراب



الأمير خالد الفيصل

رد: فوق هام السحب ( الشعر الشعبي) على متن القوافي
 

عودت نفسي ما تحسف على شي
لو كان غالي ارخصه لنهِ قفا

من عاش بالظلمة ترى يكره الضي
وأنا بوسط الليل صرت أتخفا

خلف السراب اركض , أدور على في
ما مال لي ظلٍ ولا نلت شفا

داويت جرح القلب مجبور بل كي
كود اللهيب إلي تزايد يخفا

زودت في ضيمه تعذب وهو حي
من حسرتي صكيت كفٍ بكفا

خسران في دنياي لا ذي ولا ذي
طال العنابي لين كفا ووفا

يا زينها الظلمة ولو ما بها شي
يكفي أألف من خيالي وصفا

بنات فكرٍ جافله تكره الغي
يلها بها الشقيان لا يستخفا !!


حمد السعيد
الكويت

رد: فوق هام السحب ( الشعر الشعبي) على متن القوافي
 

لعل السحاب اللي يخيل وفيه بروق
على اول دخول الوسم مع طيحة الامطار

تساقا ثعوله من سميره ليا ساحوق
على الديره اللي تنبت الربل والنوار

تباشر به البدوان معهم يزيد الشوق
مشوا واشملوا من عقب ما انووا علىالمحدار

ليا جاهم العساس والعلم جا ماثوق
ولقا شبعة البل فالخزامى وفالصفار

ليا زوعت برقا واحالت تباري روق
تخالط دبشهم فالمضحى وفالمحضار

منازيلهم دايم دكاك ودماث عروق
ويشبون للبل لا ضوت فالمراح النار

نباها تزوع يا محمد مع المشقوق
تحط الينوفي والعبل والجذيب يسار

مجاهيم شول يوم تزمي مع اللاهوق
كما الغيم الاسود يوم يزمي مع النهار

سوادت وبرها كن فيه الكحل مسحوق
هي البل ليا قامت تبادح تقول احرار

عددها يجي تسعين ملحا ومنها فوق
فطاير وسدس وربع واثنا ومعها بكار

تخازر تبا الراعي ليا ساق له مسيوق
طوال الغوارب واللحي والردوف قصار

مذاريب اذانيها كما الخنجر المذلوق
وساع المناكب والنحر والظهور كبار

مواريث اهلنا ما شرانا جلايب سوق
لو ان البداوه عودت في يد التجار

بنات الجمل حرشان هرشٍ بعيد عموق
كبير الخفاف وطول جنبه ثلاث امتار

سنامه عن الغارب ورا فاهقٍ مفهوق
طويل السنام ليا زما يجحد الفقار

عريض بخده رخوم ووسيع شدوق
جليل العضود وشطحٍ ما تنوش الزار

انا مولع ٍ فالبل واوصف وراعي ذوق
ولي نظرةٍ والناس تخالف الانظار

ترى البل تسلي واحدٍ خاطره مخنوق
اناسه ورفع حجاج وتهيض الشعار

تخض العشوب وتقطف الربل والزملوق
ثلاثين ليل يبين الزود


خالد الكسر المرشدي العتيبي

رد: فوق هام السحب ( الشعر الشعبي) على متن القوافي
 

الله من قلبٍ نهيته ولا طـــــاع
يلعب به الهاجوس لعب المنازيع

متحيرٍ بأمرة غدى شمله امزاع
صبرٍ جميل ويرجع القلب ويطيع

قفت تجره خافظة روس الآصباع
ام الثمان الضيقات اللواميـــــــع

خلي من الخفرات ماهيب مهباع
ولاهي من السرد الطوال النعانيع

بطنه عفيف جاذبه طول الاضــواع
ركَّابها دايم بتل المصـاريع

ما شذبت بالزور طراف الأكـواع
لا ضكت العيرات تسبق على الريع

يا عود ريحانٍ غدى له تمرياع
تذري عليه من الهبايب ذعاذيـع

لا شفت زوله يجني القلب مرباع
لو ما حصل لي من قباله منافيع

عيوا بها عني قليلين الأسنـاع
اسباب ساس البغض ماهم طماميع

ادعي عليهم والدعا حيث مدلاع
ادعوا معي عسى تصيب المقانيـــع

ارجي عساهم للبلاوي والأوجــاع
من كل صادوفٍ تجيهم قوامـــــــيــع

الله يعرضهم من روس الأشـــعاع
ذريةٍ من محكمات المصـانـيع

دخانها مثل القبيسي الا انـــــذاع
تآخذ على طرافهم بضع أســــابــيع

عند الأوادم هاجنينٍ وصـــــــــراع
طش الجماجم كالزبيدي مصـــــاليع

الله يعرضهم غضب كل ما طــــاع
من مزنة يرمي بردها صــــــوامــيع

هديمةٍ ما ضاح بالشوف لمـــــاع
يسوقها الغربي وشرقي رواديـــــع

تبحل فيهم القلب منهم ويرتــــاع
منها تضيع أفكارهم والمــــــراميــــع

يعلن بغالي سلعته كــــــل طماع
وتذهل عن المرضع قلوب المراضــيع

تآخذ ثلاث شهور والمزن ما مـــاع
والسيل حاير ما لقى له مطــــاليع

واليا غدوا مثل الطفل والنسم ضاع
يفتح لهم بالقاع درب وبواليــــــــــع

هفت غريق الموج من غير مرجــاع
من فوقهم سبع الاراضي شواميع

يضرب بهم وسم على كل الأنــواع
تشهر بهم كل المحطات وتــــذيع


خالد بن عقاب المرشدي العتيبي

رد: فوق هام السحب ( الشعر الشعبي) على متن القوافي
 

هذي هـي الدنيـا من الباب للباب
وعن القدر ياناس .. مـابــه مفـره

جينا عليها أغراب و بنروح أغراب
ويابخت منهو يكفـي الناس شره

....

رد: فوق هام السحب ( الشعر الشعبي) على متن القوافي
 

تحت قدرة الله كل حيٍ يسوق اخطاه
ولا ندري الأيام معـنا . . وش اتخـبيّ
،
يمر العمر فينا ، ونصحىظ° علىظ° ذكراه
دخيلك من الغفلات ، والطيش يا ربّي

....

رد: فوق هام السحب ( الشعر الشعبي) على متن القوافي
 

علم اللي كل يوم يدور له رفيق
الرفاقه ماهي بعقد شهري واشتراك
،
لي رفيق لاذكرته وصدري مستضيق
ابتسمت وقلت للضيق هات اللي وراك

....

رد: فوق هام السحب ( الشعر الشعبي) على متن القوافي
 

عسى الله يسمح دربكم يا أهل الدمـام
مشيتوا ومعكم واحد مانـوى الروحـه

وانا جيتكم عاني من اقصى مناطق يام
اعيد النظر وأسكن معاكـم بمنفوحـه

وفجأة تغير وضعكم للظـروف احكـام
تركتوا صلاة الفجر الأبواب مفتوحـه

قريب من المنزل مشيتوا على الاقـدام
وجدنا دموع ً فـي مناديـل ممسوحـه

وصبيت دمعي فوق دمع الـذي قـدام
لأنه مشى معكم وروحي مـع روحـه

وكانت مشاهد لوتوفـق بهـا رسـام
تميز برسم أصدق عبارة على لوحـه

وخلوني ابكي راعي الحـب ماينـلام
وجودي مع وجده ونوحي مع نوحـه

عسى مايسوى في وليفه سواة العـام
ترك في الرياض أكباد وقلوب مجروحه

وشكواي لك يالواحـد العالـي العـلام
على غيرك الشكوى ذليله ومفضوحـه


علي القحطاني

رد: فوق هام السحب ( الشعر الشعبي) على متن القوافي
 

في وجه غيرك مسكر عيني وبابي
غالي وزاد الغلا يوم اني اغليتك

شفني ليا مر طيفك فزة اهدابي
وشلون لامن ندهت اسمي ولبيتك


...

رد: فوق هام السحب ( الشعر الشعبي) على متن القوافي
 

يآبنت مآعندي . . غرآم وموده
لا تلمحي لي بالعيون آلمدآعيج

توك من آهل آلجآمعة مستجده
وآنآ بآخر كورس يآ بنت خريج

...

رد: فوق هام السحب ( الشعر الشعبي) على متن القوافي
 

جيت المكان اللي لنا فيه*ذكرى*
قلت*أتسلى عن غيابك بذكراك

ماني لحالي فاقدك .. واتحرى
حتى المكان اللي جمعنا تحراك


...

رد: فوق هام السحب ( الشعر الشعبي) على متن القوافي
 

اعمارنا مثل الحطب في طرف نار
شي احترق واللي بقى جايه الدورظ*

وارزاقنا مثل السحايب والامطار
اللي مهو مقسوم ماهو بممطور

...

رد: فوق هام السحب ( الشعر الشعبي) على متن القوافي
 

حليت ضيف ورحت من غير تكليف
واقفيت ما تدري عن اللي خــذيته

رد الامانه لااهــل الدار يا ضيــف
قلبن رهيف احساس وانت ابتلــيته

...

رد: فوق هام السحب ( الشعر الشعبي) على متن القوافي
 

‏يا مخترع بالطب تصغير البطون
‏لو تخترع لنا بالطب تقصير اللسان

‏عن الكذب و الغيبة و شر الظنون
‏و عن النميمة و الشتيمة و اللعان

...

رد: فوق هام السحب ( الشعر الشعبي) على متن القوافي
 

كلن يعاتبني اليا صرت ضايق
اصحاب واقراب ومعارف وخلاّن

وانا بشر ماكل الاوقات رايق
اضيق بعض احيان واستانس احيان

...

رد: فوق هام السحب ( الشعر الشعبي) على متن القوافي
 

‏تظاهرت اني سالي ولاعلي خلاف
‏وعيني تروب بصافي الدمع وتريقه

‏هني من غفت عينه بنومه وجر لحاف
‏ولاقزته بعض التفاكير و الضيقه

...

رد: فوق هام السحب ( الشعر الشعبي) على متن القوافي
 

يالله ياللي عليك من الامل ماعليك
فـ ايامي المقبله وايامي الراحله

كرامتي في يدي وحاجتي في يديك
واللي يجي من يدين الناس مرتاح له

...

رد: فوق هام السحب ( الشعر الشعبي) على متن القوافي
 

الذكريات تصحي الهم بدري
تأثرت مني ومنها تأثرت

من حمكة الله حط همي بصدري
لو ان همي في رجولي تعثرت


...

رد: فوق هام السحب ( الشعر الشعبي) على متن القوافي
 

يوم الوداع يحطم عزوم الشجاع
لا بارك الله فالوداع وساعته

انا شجاع الا بـلحظات الوداع
ودعتك اللي ماتضيع وداعته

...

رد: فوق هام السحب ( الشعر الشعبي) على متن القوافي
 

يالله ياجال الامور المهمــــه
تجلا وهـــــج قلب برا حال راعيـــــه

البر دجته والبحر رحت يمـــه
يقطعك ياحظ على الله مساعده

يوم ان ولد اللاش رزقه على امه
رزقي على اللي ميت القشع يحييـه

يامل قلب كل مامات همــه
دارت دواليب الدهر لين تحييه

فراق شمل الناس عيا يلمه
وقت يشيب الـراس من شاية فيـه

احد ينام وحاط راسه بكمـه
واحـــد تخم النوم عيـــنه وتخطيه

واحد يحاول بالردى بنت عمـه
واحد يحاول ستر عذرى عوانــــيــه

ماني وانا بندر ببياع دمــــــه
يقطعك يابيــــاع دمــــه ومهفيه

اللي يبيع لابسات الازمــــــــه
ثور يــبابيض الرعــــابيب تغنيه

يزعل ليا جت ليلة الدور يمــــه
يرضى بسوق المال فخوه وفابيـــه

خطو البخيل اللي يكبر معمــه
يقرا الكتاب وواجب الله يخليه

إمر هرج لك في رفيقه بنمــه
والا عطا وامه تضـــيع هقاويـه

أنشدك ياللي كل فرض تتمـه
تقرا الكتاب وكل فـــرض تصليه

ويش القليب اللي غميق مجمـه
مافاد غرسه ماه وعطشى سوانيــه

تخالف الانظار شرق ويمــــــه
وكل هدف رآيه من الناس مرضيه

سم السبب ياعارف عنه سمعه
سم السبب ياعارفه قبل اسميه



بندر بن سرور

رد: فوق هام السحب ( الشعر الشعبي) على متن القوافي
 

يا مالي الذرعان مانيب مرجــــوج
رجتــــــني الدنيا بغدر وحيلـــــه

يابنت لولا اللي على تاسع الفــوج
تركت نجــــد وعزوه بالقبيـــــله

لا شك حاديني على نجد هـــيدوج
مسقى الفيافي لين يدرج مسيله

تركي لي من البلاوي غدن عـــوج
حملــه عتيبه كلها ماتشيلــه

يرسى كما مينا البواخر على الموج
ومنين ماصك البحر ترتكيلــه

مادام تركي حي مـــــــاودي ادوج
وان غاب غبت من الرجوم الطويله



بندر بن سرور

رد: فوق هام السحب ( الشعر الشعبي) على متن القوافي
 

أيامنا والليالى كم نعاتبها
شبنا وشابت وعفنا بعض الاحوالى

تاعد مواعيد والجاهل مصدقها
واللى عرف حدها من همها سالى

ان اقبلت يوم ما تصفى مشاربها
تقفى وتقبل وما دامت على حالى

فى كل يوم تورينا عجايبها
واليوم الاول تراه احسن من التالى

ايام فى غلبها وايام نغلبها
وايام فيها سوى والدهر ميالى

جربت الايام ومثلى من يجربها
تجريب عاقل وذقت المر والحالى

نضحك مع الناس والدنيا نلاعبها
ونمشى مع الفي طوع حيث ما مالى




بديوي الوقداني

رد: فوق هام السحب ( الشعر الشعبي) على متن القوافي
 

يا مرقب بالصبح ضليت اباديك
ما واحد قبلي خبرته تعلاك

وليت يا ذا الدهر ما اكثر بلاويك
الله يزودنا السلامه من اتلاك

يللي على العربان عمت شكاويك
وليت يا دهر الخطا ول مقواك

واليوم هالكانون غادي شبابيك
تلعب به الارياح من كل شباك

يا مالك اسمع جابتي يوم اوصيك
واعرف ترى يا بوك بامرك وانهاك

وصية من والد طامع فيك
تسبق على الساقه لسانه لعلياك

اوصيك بالتقوى عسى الله يهديك
لها وتدركها بتوفيق مولاك

الله بحق اجدادك الغر يعطيك
رضاه مع كل ما تمنى من امناك

احفظ دبشك اللي عن الناس مغنيك
اللي الى بان الخلل فيك يرفاك

واعرف ترى مكه ولاها بناخيك
لو تطلبه خمسة دواوين ما أعطاك

اجعل دروب المرجلة من معانيك
وادراج سيسها على العز مرقاك

لا تنسدح عنها وتبغيني اعطيك
جميع ما يكفيك ما حاصل ذاك

احذر امر ليعات تبيها لتاليك
ايضا ويرخص عندها قدر مأواك

ادب ولدك ان كان تبغيه يشفيك
واستسعفه من بعد مرباه يالاك

اما سمج واستسمجك عند شانيك
ويفر من فعله صديقك وشرواك

والا بعد جهله ترا هو بياذيك
لو زعلت امه لا تخليه يالاك

واحذر تضيع كل من هو ذخر فيك
معروفه لا تنساه واوفه لعرفاك

ترا الصنايع بين الاجواد تشريك
الى طمعت بركزها لا تعداك

واحذر سرور بغبة البحر يرميك
ولا عنده افلس من تشكيك وبكاك

واوف الرجال حقوقها قبل تعنيك
لا تعتمد بالعفو فالحق يقفاك

وهرج النميمه والقفا لا يجي فيك
واياك وعرض الغافل اياي واياك

تبدي حديث للناس فيه تشكيك
وتهيم عند الناس بالكذب واشراك

واذا نويت احذر تعلم بطاريك
كم واحد تبغي به العرف واغواك

واحذر شماتة صاحب لك مصافيك
والى جرا لك جاري قال لولاك

ولا تحسب ان الله قطوع يخليك
ولا تفرح ان الله على الخلق بداك


شالح بن هدلان

رد: فوق هام السحب ( الشعر الشعبي) على متن القوافي
 

يا بنت ما نرضى المهونه والاضعاف
لنا على روس المشاريف صيحه

لا تنشدين عن المنازل والأسلاف
يوم اذكر الماضي تهيج القريحه

فينا صفات الطيب يا بنت واوضاف
ما تنطبق في غيرنا يا مليحه

ونفوسنا دايم عفيفات وانظاف
واداننا من كل عله صحيحه


....

رد: فوق هام السحب ( الشعر الشعبي) على متن القوافي
 

أيامنا والليالى كم نعاتبها
شبنا وشابت وعفنا بعض الاحوالى

تاعد مواعيد والجاهل مصدقها
واللى عرف حدها من همها سالى

ان اقبلت يوم ما تصفى مشاربها
تقفى وتقبل وما دامت على حالى

فى كل يوم تورينا عجايبها
واليوم الاول تراه احسن من التالى

ايام فى غلبها وايام نغلبها
وايام فيها سوى والدهر ميالى

جربت الايام ومثلى من يجربها
تجريب عاقل وذقت المر والحالى

نضحك مع الناس والدنيا نلاعبها
ونمشى مع الفي طوع حيث ما مالى


بركات الشريف

رد: فوق هام السحب ( الشعر الشعبي) على متن القوافي
 

قريت خطّك بالوفا عشر مرّات
في كل مرّه تنثر العين ماها

ذكرتني هاك الليال الجميلات
لو كان قلبي ذاكر(ن) ما نساها

من عقبكم ما عاد للعيش لذّات
ما التذّ في دنيا مخالف هواها

اليوم انا مثلك جداي التنهات
عيني تهل دموعها من عناها

هايم بعيد الدّار سهران ما بات
أتبع هواجيس(ن) بعيد(ن) مداها

نار(ن) تلهّب بين الاضلاع زافات
نار(ن) لجت بالخوف العالي سناها



الأمير خالد الفيصل

رد: فوق هام السحب ( الشعر الشعبي) على متن القوافي
 

لبست الّليل وعانقني قمرها
وزفّتني نجوم الليل ساري

ركبت الموج أسافر في بحرها
على شطّين ليلي مع نهاري

وعيني صاحبت لاجلك سهرها
وقلبي وهّج الظّلما بناري

غروب الشمس أواصله بْسحرها
بنورٍ من شعاع الحب جاري

وإذا شفتك نسيت أطول شهرها
وطارت فرحتي والوقت طارِِِ

ضحك في عيني بشوفك بصرها
وغنَّى سمعي بْصوت الكناري

وهلّت غيمتي باحْلى مطرها
وطالت كل الأغصان القصارِ

رعاك الله يا ناعم زهرها
تفوح بريحك ريْاض الصحارى



الأمير خالد الفيصل

رد: فوق هام السحب ( الشعر الشعبي) على متن القوافي
 

اخلفتني نظرة عيون الهنوفه
خلفة الصقار لا شاف الحباري

واقت النظره على قلبي تشوفه
واشعل بقلبي كما البرّاق ساري

صد عني طاغي النظره مروفه
ظالم(ن) قلبي وهو بالظلم داري

ياحبيبي صدتك عني حسوفه
ارسل سهوم الذوابح لاتداري

ارسل رماح الهوا وارسل سيوفه
يشتهيك القلب في كل الطواري

عيني لحسن الذي غيرك عيوفه
في عيوني غيرك من الحسن عاري



الأمير خالد الفيصل

رد: فوق هام السحب ( الشعر الشعبي) على متن القوافي
 

يا سيّدي عاش راسك عاش
عسَى أكثر الناس يفدونه

شيخ(ن) لكل المراجل حاش
ما يتلي الناس يتلونه

صدره بحب العرب جيّاش
تضحك ثناياه وعيونه

ومخلاب صقر(ن) إلَى من ناش
يفصل عن الهامه مُتونه

يا سيّدي ما أرغب المطراش
لولا لزوم(ن) تعرُفونه

أخاف من هرجة الأوباش
يمشون بالكذب يرمونه

ياما تمنّيت لكن ماش
أسير مع ظلّك ودونه

وما البس بدال الحرير خُياش
ومن حبّه القلب ما خونه

وإن سلم راسك برَدْت الجاش
وما فات يا شيخ يا هونه


الامير خالد الفيصل

رد: فوق هام السحب ( الشعر الشعبي) على متن القوافي
 

يا حبني له وياويلي على شوفه

يا وجد روحي عليه ويا بري حالي

لبست فضله عليّ وكبر معروفه

وأكذب ليا قلت مايطري على بالي

تكفون شدوه لين اويق في جوفه

أنا لي أيام فالصدّه يورّالي

ماغير أنوش كفوفي راحة كفوفه

كني يتيمٍ شكا من قلّة الوالي

ويا حبني له ويا ويلي على شوفه


شايع العيافي

رد: فوق هام السحب ( الشعر الشعبي) على متن القوافي
 

‏راس مالي في الحياة الطيبين
‏الي على وضح النقا دستورها

‏النهج واضح لا يسار ولا يمين
‏والوجه واحد لو تشين امورها

رد: فوق هام السحب ( الشعر الشعبي) على متن القوافي
 

‏سـود الـلـيـالـي عـلـمـتـنـي حـاجـتـيـن
‏ان الـحـيـاة دروس والـعـيـشـة كـفـاح

‏وان حـاربـونـي بـالـنـجـاح الـصـاقـطـيـن
‏اقـول حـرب الـصـاقـطـيـن اكـبـر نـجـاح

‏مـحـمـد الـشـمـالـي

رد: فوق هام السحب ( الشعر الشعبي) على متن القوافي
 

من خلقت الناس شماته ومداحه
* ريح ضميرك ونفسك ..لاتضايقها

الشجره الطيبه ...بالطيب فواحه
ماتختلف لو سموم القيض تطرقها

مايثمر الشوك .....برحيه وتفاحه
*** حتى لو ان القراح العذب يغرقها

ارضى الله الوالي ان كانك تبى الراحه
ورزقك على الي خلق خلقه ورازقها

فهد سالم

رد: فوق هام السحب ( الشعر الشعبي) على متن القوافي
 

‏جعلني ما أندم على شي تركته
‏والله يجعلها مع الأيام خيره ..

‏وجعلني لا تبت عن شي وخسرته
‏يرزق الله خاطري في شي غيره

رد: فوق هام السحب ( الشعر الشعبي) على متن القوافي
 

‏الكفو عثرة لسانه تقلل من غلاه
‏والردي يخطي ويبطي لامنه ولاعليه

‏والثقه كنز ركونه تنومس من بناه
‏والحكي لو نزّه الدنس مادنّس نزيه

‏فلاح القرقاح

رد: فوق هام السحب ( الشعر الشعبي) على متن القوافي
 

‏خوفي من الله وإتكالي على الله
‏لا خايفٍ هذا .. ولا راجياً ذاك

‏يا خالقي .. يرجعلك الامر كله
‏المد مدك .. والعطايا عطاياك