رد: فوق هام السحب ( الشعر الشعبي) على متن القوافي
 

وقلب جرحته لاتحاول تداويه
‏خله يعاني من قساوه طعونك

‏بالله قلي ماحصل وش تسميه
‏أغلى حبيب لك بلحظه تخونه

‏حاولت بك ولاحصل شي ابيه
‏وخيبت ظني خيب الله ظنونك

‏تصفي لغيري بالمحبه وتغليه
‏وتبيع ناس بالموده يبونك

.....

رد: فوق هام السحب ( الشعر الشعبي) على متن القوافي
 

رجلٍ الى مال الزمن يرتكي له
ورجل ٍ الى مال الزمن جاك مايل

ورجل ٍ ذخيره للظروف المهيله
ورجل ٍ يجي مع ظرف الايام عايل

تكشفهم اوجيه الليالي الطويله
لك تنكشف كل الامور الهوايل

الهاب بدر

رد: فوق هام السحب ( الشعر الشعبي) على متن القوافي
 

ياسلام الله على من يجيني قبل اجيه
‏من وفاه يبادر بكلّ طيب مبادره

‏من يحصّل صاحبٍ طيّب يحافظ عليه
‏والله إنّ الطيّب اليوم عمله نادره

.....

رد: فوق هام السحب ( الشعر الشعبي) على متن القوافي
 

‏أضحك وأنا لجروح الأحباب جاحد
‏أداري المكنون عن كل عين

‏ماودّي أفرّح على القلب حاسد
‏ولا عذابي في عيوني يبين

‏شيٍ يهون وشي بالحيل كايد
‏ياكود تجريح الخفوق الحزين

‏من عانده وقته وقلبه يعاند
‏مالت به الدنيا يسار ويمين

.....

رد: فوق هام السحب ( الشعر الشعبي) على متن القوافي
 

عشت ياصوتٍ يعود الليل ذكراه وحنينه
قالو العالم نساك وقلت والله مانساني

والله ان قلبه جريح ووالله ان نفسه حزينه
ووالله انّه مثل ما أعاني من الفرقا يعاني

لو نسا وجه الفجر صبحٍ يصبّر ساهرينه
مانسيتك يا أوَّل أحبّك نطق فيها لساني

.....

رد: فوق هام السحب ( الشعر الشعبي) على متن القوافي
 

طفل الوله شاب راسه وانهدم حيله
شف من متى مانعه لايطري عيونك

تسمح لي اعيش بك في بالي الليله
بعض الليالي قهر تنعاش من دونك
.....

رد: فوق هام السحب ( الشعر الشعبي) على متن القوافي
 

‏وصل الكلام آخر حدود الميانة
‏واللي تعثر قام واللي قسى حنّ

‏مافيه احد يستاهل انّك عشانه
‏تعيش راجي فضل وتموت ممتنّ

‏ودّك ترجّع كلّ شيّ بمكانه
‏بسّ المسير لوين والخطوة لمنّ

‏لاخانك اللي كنت خوفه وأمانه
‏بيخونك التعبير ويخونك الظنّ

.....

رد: فوق هام السحب ( الشعر الشعبي) على متن القوافي
 

ياحبيبي كيف بالله تتركني وحيد
للوصال احبال وانت قطعت احبالها

وش يفيد الهجر بالله قلي وش يفيد
حالتك يرثى لها وحالتي يرثى لها

.....

رد: فوق هام السحب ( الشعر الشعبي) على متن القوافي
 

رفيقي الوافي على الراس اغليه
مكانته يرقى لمثن السحايب

اشتاق له لني اعزه وباغليه
حاظر معي حتى ولو كان غايب

.....

رد: فوق هام السحب ( الشعر الشعبي) على متن القوافي
 

‏مكتفي باللي يجي منك من باب الوصال
‏إن عجزت تسوي الصعب سوّ المفترض

‏أرسل إن عيت عليك الظروف الاتصال
‏الرسايل بعض الاحيان توفي بالغرض

.....

رد: فوق هام السحب ( الشعر الشعبي) على متن القوافي
 

‏ماهو بكيفك تأخذ القلب وتروح
‏أما تجي وإلا مع القلب خذني

‏في غيبتك كني جسد مابها روح
‏وعن نقص حالي كل واحد نشدني

.....

رد: فوق هام السحب ( الشعر الشعبي) على متن القوافي
 

ياشين طعم الصبر لاصرت مجبور
تصبر ولا تدري وش الايام تعطيك

.....

رد: فوق هام السحب ( الشعر الشعبي) على متن القوافي
 

‏عقب البطا ماني بقايل تاخرتي
‏ياما من الشوق كنت اصنع لك الحروة
‏
‏يامرحبا ياهلا بك عد ماغرتي
‏من غاويات القصيد وطاري النّسوة
‏
‏تتغير الناس وانتي ماتغيرتي
‏للحين وجهك جميل وبسمتك حلوة

.....

رد: فوق هام السحب ( الشعر الشعبي) على متن القوافي
 

مشتاق لك يابو العيون الكحيلات
مشتاق لك والشوق فيني زياده

ياسيدة كل البنات الجميلات
ياراحة احساسي وكل السعاده

فيك الحلا قد فاق كل الاميرات
يادنيت العاشق وغايت مراده

ليتك معي في جانبي كل لحظات
والراس جنب الراس فوق الوساده

واقطف لش الازهار والورد باقات
ياوجبة المغرم وشربه وزاده

.....

رد: فوق هام السحب ( الشعر الشعبي) على متن القوافي
 

بنت الاصول من البنات الاصيلات
وهاجوسها بالشعر يطلق زناده

باشعارها الفـنان ينغم بشيلات
شيلات لضايق تسلي فؤاده

كلمات ع الواقع عتاب وحزينات
للجرح هن مثل الدواء في العياده

.....

رد: فوق هام السحب ( الشعر الشعبي) على متن القوافي
 

بالامس كان الورد بالقلب مزروع
واليوم قد قلبي عبوات والغام

صار الهوى والحب والشـوق ممنوع
واصبح عذابي بين الآلم وارغام

ما أسعد اللي من لضى الشوق موجوع
وما اتعس اللي من جمود الاسى نام

جمر الهوى اللي كنت الاقيه مفزوع
ليته يعاودني ولو عبر الاحلام

اشتقت نار الشوق والقلب مفجوع
تقضي على ليل المخاوف والاوهام

اليوم الاول كانت الساعه اسبوع
واليوم هذا صارت الثانيه عام

أين انت يامن كنت لي عز موضوع
وباختصر عمري معك بعضـه ايام

.....

رد: فوق هام السحب ( الشعر الشعبي) على متن القوافي
 

على البال ياللي كل مامرّني طاريك
‏بدت كل تنهيدة تمارس هوايتها

‏إذا الحب ماكفّاك مدري وش يكفّيك
‏الاحلام ما اخذت من وجودك كفايتها

‏وإذا الذكريات ولهفة الشوق ماتعنيك
‏لاتنسى الجروح اللي تعيش برعايتها

‏عسى الأمنيات اللي توجّد على ماضيك
‏يسخّر لها الله من يقوم بعنايتها

‏عيونٍ غوت من بعد فقدك وش يدرّيك
‏لعلّك تكون انت السبب في هدايتها

‏أنا لو ينسّيك الزمن ماني بناسيك
‏محبتك قصة ما اقدر أكتب نهايتها

لو الوقت يرجع قبل اعرفك وقبل اجيك
‏وقبل الهقاوي تنثني دون غايتها

‏باروح أنتظر فأول مكانٍ جمعني فيك
‏وبآعيد تجربتي معك من بدايتها

.....

رد: فوق هام السحب ( الشعر الشعبي) على متن القوافي
 

أثر الغلا لازاد عن حدّه أنباع
‏مثل الدفى لازاد يصبح حريقه

.....

رد: فوق هام السحب ( الشعر الشعبي) على متن القوافي
 

‏ياطير في عالي سماك ايش الاخبار
هل من خبر ياطير للي عشقته

ذاك الذي له داخل القلب مقدار
بالله هل ناظرت زوله وشفته

لامر لك قله انا حيل منهار
من كثر غيباته ترى العيش عفته

وقله انا عايش بدونه على نار
وخايف اموت بيوم ماقد نظرته

.....

رد: فوق هام السحب ( الشعر الشعبي) على متن القوافي
 

‏ياخِل فيني شوق ماحل بإنسان
ياخِل احس الروح ماهي بروحي

ياخِل حبي في سما حُبك ادمان
ياخِل داويني وداوي جروحي

يشهد عليا من خلق كل الاكوان
الواحد اللي يعلم اسرار روحي

إني احبك حُب ماحبه انسان
حبً من الاعماق ياروح روحي

.....

رد: فوق هام السحب ( الشعر الشعبي) على متن القوافي
 

خل البشر تذكرك بالخير والطيب
السمعه الزينه رصيد وغنيمه

ان جيت تلقى المسهلا والتراحيب
وان غبت تمدحك النفوس الكريمه

محبة العالم من اغلى المكاتيب
بعيونهم بتشوف معنى الحشيمه

.....

رد: فوق هام السحب ( الشعر الشعبي) على متن القوافي
 

أرسل تحيه على قدر الغلاء الصافي
لأحباب قلبي على نغم الوتر والدان

بحساس شعري ونظم الحرف والقافي
ممزوج بشواق فيها صافي الألحان

سلام مني سلام الصاحي الغافي
سلام رايق معطر بالعطور اللوان

فيها من العود وانسام الهواء الدافي
والزهر والورد مقطوفه من البستان

.....

رد: فوق هام السحب ( الشعر الشعبي) على متن القوافي
 

‏لو طلبت العين تفداك العيون
‏ولو طلبت القلب لك قلبي فدى

‏يابعد من يعشقون ويكر هون
‏لك خفوقي يعشقك لأبعد مدى

.....

رد: فوق هام السحب ( الشعر الشعبي) على متن القوافي
 

لو بقى للهيل صبرٍ على فوح الدلال
مابقى للقلب صبرٍ على شيء يرتجيه

.....

رد: فوق هام السحب ( الشعر الشعبي) على متن القوافي
 

‏حظك كبير بفكّة الريش ياطير
لك خاطرٍ مابيّح الوقت سدّه

عطني جناحك بس في حزة عصير
ولك وجهي إنه لأظلم الليل أردّه

.....

رد: فوق هام السحب ( الشعر الشعبي) على متن القوافي
 

ياطير ياللي في السماء فارد الريش
‏خذني على ريشك ديار الحبايب
‏
مافي بالسماء ياطير نقطه وتفتيش
‏ولا على المشتاق دفع الضرايب

.....

رد: فوق هام السحب ( الشعر الشعبي) على متن القوافي
 

‏من شالنا بالعين شلناه بالعين
وان ضاقت الدنيا لقانا رصيده

ومن خصنا بالزين نكسيه بالزين
غصب ٍ على خشم الامور العنيده

.....

رد: فوق هام السحب ( الشعر الشعبي) على متن القوافي
 

‏ليش التغلي صار بالناس عاده
واصحابنا الغالين ليش يتغلون

ماهو بذنبي صرت طيب زياده
ذنب الزمن خلا البشر مايحسون

.....

رد: فوق هام السحب ( الشعر الشعبي) على متن القوافي
 

كبدي اللي من الايام فيها وفيها
كنها حدر جمر وكنها فوق مله

البشر ماهي بتنباع لجل اشتريها
وانا ماعفت احد من رخص ولا ممْله

عزة النفس تمنع من تربى عليها
وانا قلبي ماقلت اخذه ولا قلت خله

الحقيقه بتسمعها ولو ماتبيها
انتهى كل شي وربي وربك الله

.....

رد: فوق هام السحب ( الشعر الشعبي) على متن القوافي
 

‏رضا البشر ماهو بآيه منزله
خل العقول الطايشه في طيشها

احيان تفكيرك يحل المشكله
واحيان حل المشكله تطنيشها

.....

رد: فوق هام السحب ( الشعر الشعبي) على متن القوافي
 

العيون اللي تراقب من بعيد
ياعساها ماتشوف الا الهنا

استريحي يالغلا مامن جديد
العهد باقي وأنا مازلت أنا

.....

رد: فوق هام السحب ( الشعر الشعبي) على متن القوافي
 

مرحبا من سبب ولا بليّا سبايب
ياسبب كل جرح ويا دوى كل علّه

ياحبيبي بدون أدنى شكوك وطلايب
والله وبالله اللي كوّن الكون كله

إنك الحاضر اللي كن ماهوب غايب
وإنك الغايب اللي ماتغير محله

.....

رد: فوق هام السحب ( الشعر الشعبي) على متن القوافي
 

يامرحبا مليار باللي لفانا
ترحيب مايحصى ولا هوب معدود

باللي له التقدير يسبق غلانا
واللي احترامه عندنا ماله حدود

.....

رد: فوق هام السحب ( الشعر الشعبي) على متن القوافي
 

‏على صعيد الظروف ومعطيات السنين
الناس مابين ضيقة بال وأزمة فكر

ملت من الشعر والشعار والمنشدين
تحتاج عن جلسة الغاوين جلسة ذِكر

بقلمي

رد: فوق هام السحب ( الشعر الشعبي) على متن القوافي
 

مرحبا ترحيبةٍ تضفي على شبه الجزيره
مثل ما تضفي على كل الدول هيبة وطنّا

.....

رد: فوق هام السحب ( الشعر الشعبي) على متن القوافي
 

يامرحبا ترحيبة ترفع الراس
نفخر ونذكر في وجود النشاما

ترحيبة من قلب وشعور وإحساس
ريح النفل منها وريح الخزاما

.....

رد: فوق هام السحب ( الشعر الشعبي) على متن القوافي
 

غير الوفاء والطيب لا ماتخيّرت
لو مالت الأيام ماني بمايل

باقي على ساق الوفاء ماتغيّرت
تسوقني الشيمة وأسوق الجمايل

.....

رد: فوق هام السحب ( الشعر الشعبي) على متن القوافي
 

سقا الله ذيك الأيام وياحلو ذكراها
ايام عمري مضت حاسبها ومحصيها

سنين حفظتها لأجل ارجع اقراها
ذكرى مكان وزمان وناس اغليها

.....

رد: فوق هام السحب ( الشعر الشعبي) على متن القوافي
 

اوفيت لك دام الوفا حصانه الشوق
وتستاهل الاشواق ياراعي الطيب

انت الوفي وفارس الشوق ياذوق
ومنزلك مابين الضلوع المحاديب

.....

رد: فوق هام السحب ( الشعر الشعبي) على متن القوافي
 

يامرحبا تحية مالها حدود
ترحيبة يفخر بها الضيف والجار

اللي لفا يستاهل المسك العود
ويستاهل الترحيب وطيب الأشعار

.....