رد: فوق هام السحب ( الشعر الشعبي) على متن القوافي
 

انا ادري ان الليال السود خداعه
شفني من مرافق الرديان متخلص

بعض العلاقات كنّها غاز ولاعه
ان طولت ست خمس ايام وتخلص

.....

رد: فوق هام السحب ( الشعر الشعبي) على متن القوافي
 

ان زانت ظروف الليالي ضحكنا
وان كانها شانت ضحكنا عليها

.....

رد: فوق هام السحب ( الشعر الشعبي) على متن القوافي
 

بنت الشيوخ الي تشرف عربها
مهره اصيله راسها دوم مرفوع

هي الاصيله من عرفها حسبها
تخضع جزيلات القصايد لها طوع

.....

رد: فوق هام السحب ( الشعر الشعبي) على متن القوافي
 

‏الليالي تحد اللي عليها صبور
وحضي يحدّني وهو على حدّها

كل ماجات فرصه قلت زانت لمور
مْسكتها الليالي والعنت جدّها

.....

رد: فوق هام السحب ( الشعر الشعبي) على متن القوافي
 

واحذر تصير انسان ضايق وحساس
وتبالش العالم على كل زله

واصبر على دنياك بالعزم والباس
حتى لو انك عايش فوق ملّه

.....

رد: فوق هام السحب ( الشعر الشعبي) على متن القوافي
 

‏راسي على عزه ونفسي عزيزه
وأبعد عن اللي ينقص القدر والشان

وربي عطاني طبع ثابت وميزه
ما أطرد ورا المقفي ولو كان من كان

.....

رد: فوق هام السحب ( الشعر الشعبي) على متن القوافي
 

الله يعين اللي طوى قلبه الشوق
البرد منّا وأقشر الشوق منّا

.....

رد: فوق هام السحب ( الشعر الشعبي) على متن القوافي
 

في اخر الليل صلوا واذكروا ربكم
تطمن قلوبكم وصدوركم تستريح

واللي نصحكم اكيد بقلبه يحبكم
هذاك من ينصح بذمة ودايم صريح

.....

رد: فوق هام السحب ( الشعر الشعبي) على متن القوافي
 

لولا طباع الناس في هذا الوجود
ماكان قالوا كل شارب له مقص

من تواضع للبشر قدره يزود
الا الغرور ان زاد بالواحد نقص

.....

رد: فوق هام السحب ( الشعر الشعبي) على متن القوافي
 

من خلقت الناس شماته ومداحه
ريح ضميرك ونفسك لاتضايقها

الشجره الطيبه بالطيب فواحه
ماتختلف لو سموم القيض تطرقها

.....

رد: فوق هام السحب ( الشعر الشعبي) على متن القوافي
 

مايثمر الشوك برحيه وتفاحه
حتى لو ان القراح العذب يغرقها

ارضى الله الوالي ان كانك تبى الراحه
ورزقك على اللي خلق خلقه ورازقها

.....

رد: فوق هام السحب ( الشعر الشعبي) على متن القوافي
 

وش خطاي إلا المحبة وش رجايّ إلا وصاله
‏وش يبي غير الموّدة والغلا والمقدريّه

‏دللوه اللي ربوه صغيّر واسرف بي دلاله
‏ليت لي قلب يطيق الصبر وعيون خليه

‏والغضي لو لاعه التحنان وبقلبه عداله
‏ماغدت من دونه القيعان جردٍ جرهديه

.....

رد: فوق هام السحب ( الشعر الشعبي) على متن القوافي
 

احد يجيب الشعر من قدح راسه
‏واحد يجيبه بالذهب والدنانير
‏
‏والقصد واضح مايبيله فراسه
‏عمر الذهب ماصار في يوم قصدير

.....

رد: فوق هام السحب ( الشعر الشعبي) على متن القوافي
 

‏جاك البراد وراح صوتك وزكّمت
سلامة أوجاعك ولو كان كحّه

صوتك حلو لاتذبح الشّوق بالصمت
أحبّ صوتك لاغدا فيه بحّه

.....

رد: فوق هام السحب ( الشعر الشعبي) على متن القوافي
 

‏لاعلى عيني غشاوة ولا على وجهي قناع
‏مقتنع في حجم علمي وفي حجم اجهلي

‏البشر فيهم هوامش ومن سقط المتاع
‏مالهم تأثير واضح على مستقبلي

‏والحياة ومجريات التلاقي والوداع
‏خضت لي فيها تجارب وجيت بما يلي

‏يوم فضّلت انعزالي على كل اجتماع
‏استرحت وصارت الراحة ألزم ماعلي

.....

رد: فوق هام السحب ( الشعر الشعبي) على متن القوافي
 

أحلى مافي الوقت في الدنيا صديق
إنْ ذَكَرتُه تلحقهْ كلمـة كفو

يفرح إنْ تفرح وإذا ضايق يضيق
وقفته تغنيك عن ميّة أخو

.....

رد: فوق هام السحب ( الشعر الشعبي) على متن القوافي
 

‏الليل والعزله وقافي ومعناي
‏والامنيات الناجيه والغريقه

‏ياخذني التفكير فيها من اقصاي
‏لين الصباح يفك بالشمس ريقه

‏صدري وسيع وضحكتي في محياي
‏لو اني من الضيقه اشعر بضيقه

.....

رد: فوق هام السحب ( الشعر الشعبي) على متن القوافي
 

ياكثر ماتطري علينا الطواري
باحلامنا و قلوبنا بكل الاوقات

نجامل العالم غصب و نجاري
واعصابنا بكل ديرة لها اشتات

وكلام يوصلنا من الصدق عاري
لكن عسفنا نفوسنا للمسرات

نجود الفيصل

رد: فوق هام السحب ( الشعر الشعبي) على متن القوافي
 

مع الحنين يفز قلبي لطاريك
لاشفت بالجوال رقمك فديتك

لاجلك ابيع الكون كله وشاريك
ياكحل عيني دام قلبي عطيتك

نجود الفيصل

رد: فوق هام السحب ( الشعر الشعبي) على متن القوافي
 

انشد وانا انشد والاحاسيس بالقلب
والشوق هو مكسب معك ياغلاتي

وما يتعب قلوب البشر غير هالحب
ولكن معك بالذات يسعد حياتي

نجود الفيصل

رد: فوق هام السحب ( الشعر الشعبي) على متن القوافي
 

خذ قصيدي ياشذى الورد لا ندا
وانتبه لي واستمع موجز النشره

والله انك بالغلا فارقٍ جدا
مثل فرق الابتسامه عن الكشره

.....

رد: فوق هام السحب ( الشعر الشعبي) على متن القوافي
 

عن البال ماراحت طواريك لجل تعود
مثل كل ليلة طيش مرَّت على تايب

طبيعي بأن الناس تستشعر الموجود
وأنا أستشعرك موجود وأستشعرك غايب

.....

رد: فوق هام السحب ( الشعر الشعبي) على متن القوافي
 

حبيبة عيوني وأول الدرب والمشوار
معك ياحلو دربي ويا خفّ خطواتي

أشوف الوجيه العابره مع طريق المار
ولا زال وجهك في جميع إتجاهاتي

وش البال لو مافيه طاري ولا تذكار
وش الحب لو ماكنتي أول علاقاتي

.....

رد: فوق هام السحب ( الشعر الشعبي) على متن القوافي
 

أدوّر سبب للسالفة معك مدري كيف
لو تقول مدري قلت أبنشدك عن مدري

.....

رد: فوق هام السحب ( الشعر الشعبي) على متن القوافي
 

لاجيت في بال الغلا عدني ضيف
ضيفٍ من ظروف المعزب تساما

دور العشيق يردني للعنا كيف
وانا زعيم العاشقين القداما

.....

رد: فوق هام السحب ( الشعر الشعبي) على متن القوافي
 

الحياه ملكعه تبغى لها نسبه لكاعه
وانت غامر لاتفكر فالزمن جوده وشحه
ٰ
بس تكفى لايصيبك قل دين وقل طاعه
لو تمر بقل مال وقل نوم وقل صحه

.....

رد: فوق هام السحب ( الشعر الشعبي) على متن القوافي
 

ضمني من شغف لهفه ومن قلب حار
لارماني جليد البرد رمية عطب

ليه اكسر حطب واحاول اشب نار
وانت في ضمتك نار بليا حطب

.....

رد: فوق هام السحب ( الشعر الشعبي) على متن القوافي
 

ياصاحبي والضيق متولج الجاش
باين على وجهي من الضيق أدله

ماكني الا ضايع الفكر منداش
ودرب السنع عيت عيوني تدله

.....

رد: فوق هام السحب ( الشعر الشعبي) على متن القوافي
 

احبابي اللي في هواكم اغني
ترا حياتي بعدكم ماهي زينه

البارحه اطق طاري وأغني
أغني ابيات عليكم حزينه

.....

رد: فوق هام السحب ( الشعر الشعبي) على متن القوافي
 

ياكثر ماغنيت في يوم فرقاك
ابيات تنزف من جروحن حزينه

انا وحزني والليالي وذكراك
الاربعه فينا مواجع دفينه

.....

رد: فوق هام السحب ( الشعر الشعبي) على متن القوافي
 

الله يذكر ذيك الأيام بالخير
وانتي قريبة كنت اشوفك بعيدة

واليوم انتي غير وانا بعد غير
ياليت وقت ٍ راح نرجع نعيده

يرف قلبك لي مثل رفة الطير
اكتب من دموع المعايد قصيدة

انسي معك معاد ابي اي تبرير
من ضحكتك تبعث حياة جديدة

احب اعيش الحب بلا معاذير
احب اعيش المستحيلة اكيدة

.....

رد: فوق هام السحب ( الشعر الشعبي) على متن القوافي
 

وجهك علي خير وحضي معك غير
معرفتك اغلى حاجتن مقتنيها

لاقلت لي مساك الله بالخير
كني ملكت الارض واللي عليها

.....

رد: فوق هام السحب ( الشعر الشعبي) على متن القوافي
 

اشوف لك من وين مارحت ذكرى
ولاشفتها صديت عنها ودنقت

ماكل جرحٍ لاخذا أيام يبرى
بعض الجروح يزيد شره مع الوقت

.....

رد: فوق هام السحب ( الشعر الشعبي) على متن القوافي
 

لو كان للماضي وجع باكر افراح
ولو للحبايب ذاكره مانسوني

رشيت من عطر التغاضي ولا فاح
الا بعد ما اقفوا ولا ودعوني

.....

رد: فوق هام السحب ( الشعر الشعبي) على متن القوافي
 

‏قوم مسي علي مادام وجهك مساء
مايعدل مزاجي في مساي سواك

جيتك بوردتين وفنجال قهوه وبوح
وجيتك إحساس روح ونبض وحياه

.....

رد: فوق هام السحب ( الشعر الشعبي) على متن القوافي
 

مشاعري ماجت عبث فيك يابنت
ولاهو مجرد هرج قاله لساني

يشهد عليا الله فيني تمكنت
وحبـك وعشقك يا الغلا في كياني

خذمن قصيدي كل مافيك دونت
وخذ من شعوري كل مافي بياني

خطيتها لك كل ابوها واعلنت
انك حبيب الروح طول الزماني

.....

رد: فوق هام السحب ( الشعر الشعبي) على متن القوافي
 

‏شواهد الشوق مدري وين أوديها
مشتاق وأقول أنا مانيب مشتاقي

مدري شقا حالي اللي طاغيٍ فيها
والا مجال الغلا ماعاد ينطاقي

.....

رد: فوق هام السحب ( الشعر الشعبي) على متن القوافي
 

لاتبلش القلب في ودّه وفي هاته
ولا تتبع النفس ثم ماعاد تقدرها

خلك قنوع ولا تعطي القلب مشهاته
ماضيع الطيبين الا مشاعرها

.....

رد: فوق هام السحب ( الشعر الشعبي) على متن القوافي
 

نمشي على حكم الزمن غصب عنا
ونقول ياقلب العنا الف لاباس

حتى ولو بالقلب سهم طعنا
نضحك ونخفي كل جرح عن الناس

.....

رد: فوق هام السحب ( الشعر الشعبي) على متن القوافي
 

اضحك وسولف وابتسم للمخاليق
‏وخل الامل بين العيون وهدبها

‏دنياك ماتسوا يجي داخلك ضيق
‏وايامك اللي ماضيه لاتحسّبها

.....