رد: فوق هام السحب ( الشعر الشعبي) على متن القوافي
 

والله اني ما نويتك بالردا وانت ادرا
انّي آوقف لها واعطيك حقّك وافي

المعرفة منْك علوا وانت ساري حدرا
شبحك قريّب ولا يشره عليك سنافي



العمدة

رد: فوق هام السحب ( الشعر الشعبي) على متن القوافي
 

لا تشكوى من زمانٍ شكت منه شعوب
كم شبابٍ قبل حل المشيب يشيبه

سج رجلك بالبسيطه معَ بيض الدروب
والزمن لو طال عمرك لزوم يغيبه

رافق اهل العز والطيب صافين القلوب
من قرب من حامل المسك منه يطيبه

كل خطوى راس قومٍ مقدر ومحسوب
ارجحٍ دايم شبوحه ماهيب قريبه


خليل بن هدلان

رد: فوق هام السحب ( الشعر الشعبي) على متن القوافي
 

عشنا على الدنيا هموم ومسرات
وعرفت من كثرالـمحن والتجارب

اردى صداقه بين كـل الصداقات
صـداقـة اللـي لـه وراها مـأأارب

واقـوى خـيانه بين كـل الخيانات
خـيـانـة اللي معك ماكـل وشارب

واقسى عـداوه بين كل العداوات
لاجـا عـدوك واحـد مـن الاقارب



مهنا السعدي
‎

رد: فوق هام السحب ( الشعر الشعبي) على متن القوافي
 

يااهل العلوم اللي تجي بالقفيا
من شذبة العرقوب وش تستفيدون

ياجعلكم فدوه رجال الحميا
حيث انكم بالحقد من دون في دون

صارت خباثتكم تبين كذيا
واشوفكم في كل مجلس تزيدون



بدر الجميلي
‎

رد: فوق هام السحب ( الشعر الشعبي) على متن القوافي
 

ياصاحبي لاتحاول تفحص اخلاقي
فحصني الوقت لاحولٍ ولاقوه

وان كان قصدك مغير اتغلّق الباقي
ماعاد تلزم معك رفقه ولاخوه


حمدان العصيمي

رد: فوق هام السحب ( الشعر الشعبي) على متن القوافي
 

لحقني من ظروف الليالي ما جاني تو
ولالي من صدوف المقادير مجزاعي

عليهم وجودي وجد من ضعف عقب القو
طواه المرض والكبر والصيب قطاعي


......

رد: فوق هام السحب ( الشعر الشعبي) على متن القوافي
 

أنا لي مزاجٍ كنه العود و الكبريت
أداريه من لمس البشر و احتكاكاته

أقاديه قود الورع لا أقبلت ولا أقفيت
أنا كل ما أكبر يوم تكبر مطماته


......

رد: فوق هام السحب ( الشعر الشعبي) على متن القوافي
 

‎صبرنا على ماجابه الوقت زين وشين
‌‏ولا حطمت صكات بقعاء عزايمنا
‌‏
‌‏نحشم الرفيق ولا طردنا ورى المقفين
‌‏وعلى نخوة الناخين نحذف عمايمنا


......

رد: فوق هام السحب ( الشعر الشعبي) على متن القوافي
 

‎كل شي تقدر تشتريه بحلالك
‌‏الا دوام العافية والرجولة
‌‏ٰ
‌‏الموت ماينشدك عن كثر مالك
‌‏والمجد ماتقدر بكذبك تطوله


......

رد: فوق هام السحب ( الشعر الشعبي) على متن القوافي
 

نورك على رزنامة أيامي السّود
طاغي .. لو ستار الحياة يتسدّل

ماني مبشّر بالعوض وأنت موجود
أنت الأصل جعل الأصل ما يبدّل

......