رد: فوق هام السحب ( الشعر الشعبي) على متن القوافي
 

أجمل عطر ريح الثرى بعد الأمطار
خل العطور اللي من أسواق باريس

ياما حلى عقب المطر شبة النار
مع هاجسٍ يمطر مشاعر وأحاسيس

.....

رد: فوق هام السحب ( الشعر الشعبي) على متن القوافي
 

سكرت انا باب العتب والنقاشات
ماعاد لي خاطر افتش وابرر

كثر العتب شوّه جميل العلاقات
خل النوايا البيض عنك تقرر

.....

رد: فوق هام السحب ( الشعر الشعبي) على متن القوافي
 

يذوب طرفي في مشاهد عيونك
وتشهق لك الأنفاس من قو الإعجاب

صحيح عاقل بس انا أعشق جنونك
ياللي غديتي كل ناسي والاصحاب

.....

رد: فوق هام السحب ( الشعر الشعبي) على متن القوافي
 

الناس بالدنيا تواريخ وأرقام
أحباب وأصحاب ومعارف وخلان

وإنت بقلبي جامع الأربع أقسام
وقدرك بقلبي دايم الدوم ماهان

.....

رد: فوق هام السحب ( الشعر الشعبي) على متن القوافي
 

لوكنت ماحبك ولا أغليك بإحساس
ماكان اسمك بين الأضلاع منحوت

لكنني أخفي غلاتك عن الناس
والناس غايتها متى حبك يموت

.....

رد: فوق هام السحب ( الشعر الشعبي) على متن القوافي
 

مفتاح قلبي معك ياكامل الزين
مسموح لك تدخل ولا عاد تطلع

وإذا طلعت اطلع من القلب للعين
وان ماعجبك الوضع للقلب ارجع

.....

رد: فوق هام السحب ( الشعر الشعبي) على متن القوافي
 

دخيل انا وجهك الي يشبه اسلوبك
وعيونك السود والا الوجنه الحمرا

إليا مشيتي مشت كل العرب صوبك
الضاهر ان العرب تمشي على القمرا

الحب والعشق يُبنا من على طوبك
والزين يمشى على امرك ماهو بأمرا

من يوم ماقلتي اني صرت محبوبك
وانا كرهت العذارى بيضه وسمرا

.....

رد: فوق هام السحب ( الشعر الشعبي) على متن القوافي
 

‏ياحلو صوتك وانت مليان بالبرد
في نبرتك فرحه ولهفة ورعشه

من هب صوتك امتلى مسمعي ورد
الله يالك في مساء الشوق وحشه

.....

رد: فوق هام السحب ( الشعر الشعبي) على متن القوافي
 

وين أنت ياللي كتبت الشعر لعيونك
عطني تفاصيل حرفك وترك الخافي

ان كان حرف القصيد يحرك اشجونك
وشفيك ماتبدي إعجابك على قافي

.....

رد: فوق هام السحب ( الشعر الشعبي) على متن القوافي
 

ياصاحبي مادام للحب موضو؏
احفظ وبكره حصة الدرس تسميع

انا غلاي اصلي من الحب مصنو؏
ماهو من اﺳواق المحبين تجميع

.....

رد: فوق هام السحب ( الشعر الشعبي) على متن القوافي
 

ياشينها لاجيت ضايق ومشتاق
واللي توده بالغلا ملتهي عنك

هنا هنا موت المشاعر والأخلاق
تبطي خناجر خيبة الشوق تطعنك

.....

رد: فوق هام السحب ( الشعر الشعبي) على متن القوافي
 

غيابك يشابه غيبة الامن عن الاوطان
هذي العين مدراره وذي الكبد وهّاجه

بكتك العيون بدمعة الوجد والحرمان
وبكتك الضلوع برجفة الفقد والحاجه

.....

رد: فوق هام السحب ( الشعر الشعبي) على متن القوافي
 

يالابسه البرقع على هونك شوي
من شوفتك ضيعت وزن القصيدة

طلة جبينك بالسماء تشعل الضيء
ونظرة عيونك في حلاها فريده

.....

رد: فوق هام السحب ( الشعر الشعبي) على متن القوافي
 

مديت لڪ من خافقي صافي الشوق
وترڪت باقي الناس لجلڪ وجيتڪ

تعال خل الحب يرقى بنا فوق
عطني من اعماقڪ مثل ماعطيتڪ

رد: فوق هام السحب ( الشعر الشعبي) على متن القوافي
 

الورد لو عاش طول العمر بأحضانك
ماجف غصنه ولاذبلت مراهيفه

وشلون يذبل وهو ياخذ من ألوانك
وشلون يذبل وانفاسك سواليفه

.....

رد: فوق هام السحب ( الشعر الشعبي) على متن القوافي
 

‏عند العناد بهامتي ألف عفريت
‏لكن تجي بالطيب تاخذ عيوني

.....

رد: فوق هام السحب ( الشعر الشعبي) على متن القوافي
 

لاتنكر المعروف لو إنه شوي
‏من قدّم المعروف ردّ امعروفه

سعد بن جدلان

رد: فوق هام السحب ( الشعر الشعبي) على متن القوافي
 

‏لاتعاتب قلب مايحفظ غلاك
ودعه في صمت واعزم بالرحيل

ولاتقول الشوق وردك الهلاك
لو يحبك مالقى غيرك بديل

.....

رد: فوق هام السحب ( الشعر الشعبي) على متن القوافي
 

‏سجل قصيد الغلا بإسمك وسجلني
‏أول متابع لحاسيسك ولمساتك

‏لو تكسر البيت كمل لاتكلمني
‏يكفيني اسمك مسجل باخر أبياتك

.....

رد: فوق هام السحب ( الشعر الشعبي) على متن القوافي
 

مرحبا بالطّاري اللي في خيالي جابك
مرحبا يا أعز من يستاهل الترحيبة

.....

رد: فوق هام السحب ( الشعر الشعبي) على متن القوافي
 

‏اسهل مفاتيح القلوب ابتسامه
‏واترك عيوب الناس وتموت راضي

والصمت في بعض المواقف كرامه
‏وقد قيل ثلثين السعاده تغاضي

.....

رد: فوق هام السحب ( الشعر الشعبي) على متن القوافي
 

عسى مدهال ملهوف الحشا للرايح الصباب
يصب من الوله ويعانق المحبوب محبوبه

.....

رد: فوق هام السحب ( الشعر الشعبي) على متن القوافي
 

وشلون ذا الرقم ماعاد اتصل فيني
اللي لو اغيب ساعة يحترق جوفه

العام نصف الرسايل بينه وبيني
واليوم ادوُر على رقمه ولا اشوفه

.....

رد: فوق هام السحب ( الشعر الشعبي) على متن القوافي
 

يقول :
ارجعي لي ويرجع لك حجاجي ضحوك
جيّتك كافيه مثل الحيا في الوسم

ولما رجعت قال :
جيتي وكملتي جروحك بجرح ثقيل
وانا الجروح القديمه ماتخطيتها

رد: فوق هام السحب ( الشعر الشعبي) على متن القوافي
 

مرحبا ياشيخة البيض تلعات الرقاب
مرحبا يا أعز من مر وأغلى من رحل

فارعٍ فيها من الحسن م لذ وطاب
يتزين في مضاليلها الخرس الكحل

فكّت أبواب المحبه في قلبي باب باب
وجيشها أجتاح المحاني وسيطر وأستحل

.....

رد: فوق هام السحب ( الشعر الشعبي) على متن القوافي
 

احذر من اللي يتصيد خطاياك
حتى ولو كان الصديق المقرب

تلقاه خلفك ومتخفي يتقفاك
وهمه خبرك اللي يجيه ومسرب

نجود الفيصل

رد: فوق هام السحب ( الشعر الشعبي) على متن القوافي
 

‏لابارك الله في الصدفه وحزتها
صدفه وعدت بعد كادت تجيب أجلي

والله مدري عقب فكت عبايتها
انا على موتري والا على رجلي

.....

رد: فوق هام السحب ( الشعر الشعبي) على متن القوافي
 

القصيد احيان نوع من الطب البديل
يستريح ويستلذ الحشى برعايته

.....

رد: فوق هام السحب ( الشعر الشعبي) على متن القوافي
 

اصبر على الدنيا ترى العمر مقسوم
محدنٍ حياته جت على ماتمنى

.....

رد: فوق هام السحب ( الشعر الشعبي) على متن القوافي
 

على النقاء والبياض وصافي النيه
نعامل ناس صافيها وحاقدها

.....

رد: فوق هام السحب ( الشعر الشعبي) على متن القوافي
 

ورّد البرد خدك وأنت خدك رقيق
وما رحم عودك الميّال ريح الشّمال

من بنفسج ثغرك ووجنتك لاتضيق
حاول البرد تشويهك وزادك جمال

.....

رد: فوق هام السحب ( الشعر الشعبي) على متن القوافي
 

أنا حياتي قصيدة وزنها صعب
والحظ خبلٍ تهجّاها وكسرها

.....

رد: فوق هام السحب ( الشعر الشعبي) على متن القوافي
 

ياحي من جاني وفي عينه الشوق
ياحي منطوقه وياحي شوفه

الغالي اللي بالغلا منزله فوق
كل المشاعر في حضوره شغوفه

.....

رد: فوق هام السحب ( الشعر الشعبي) على متن القوافي
 

مزيونه وجمالها فوق كل الوصوف
ومن زينها تضحك على كل البنات

لادبرت تطوي ملابسها الردوف
وان اقبلت يارب عفوك والثبات

.....

رد: فوق هام السحب ( الشعر الشعبي) على متن القوافي
 

انتي القصيد وحرف بوحي ومعناه
وانتي الحنان اللي غزى الروح توه

انتي الطبيب لوحده القلب ودواه
وانتي السحاب اللي روى الروح نوه

.....

رد: فوق هام السحب ( الشعر الشعبي) على متن القوافي
 

خلوني امشي في غرامه وخلوه
‏دام الغلا يمشي بدمي ودمه

‏انا عليه احن من خافق ابوه
‏واشفق عليه ان غاب من خافق امه

.....

رد: فوق هام السحب ( الشعر الشعبي) على متن القوافي
 

كان يكذب على قلبي وأنا داري
‏وعديتها من باب قرب المحبه
‏
كم أرقع له وأمد إعتذاري
‏من موقف خايف إنه مايحبه
‏
واليوم لاقدر ولا هو يداري
‏كنه يكسر في غصون المحبه
‏
ماكنت أظن ولا طرى لي طواري
‏أن الليالي تخلف اللي نحبه

.....

رد: فوق هام السحب ( الشعر الشعبي) على متن القوافي
 

‏انت العلاج اللي شربته على الريق
‏جرعة شفا تقضي على كل عله‏

‏وانت الكلام العذب في ساعة الضيق
‏اللي سماعه يطرد الضيق كله

.....

رد: فوق هام السحب ( الشعر الشعبي) على متن القوافي
 

الغلا اللي كنت اخاف انه يعدّي عدّا
‏أسرع من الليله اللي مستحيل انساها

.....

رد: فوق هام السحب ( الشعر الشعبي) على متن القوافي
 

لاطالـت الخوّة تبين العذاريب
‏وتعرف قراح البير وإلا هماجه

‏ابعد عن اللي لازعل ينكر الطيب
‏اللي تقلب عشرته مع مزاجه

‏ان راق رقّاها طوال المراقيب
‏وان ضاق ضيقّها على ادناة حاجه

.....