رد: اخترنا لكم
 

‏إن شحّت نجوم ليلك لا تحايلها
لا ترجي الليل نجمة والقمر باكر

تنتظرك أشياء كثيرة ما تخيّلها
عقب التعب مالك إلا طيبة الخاطر

.....

رد: اخترنا لكم
 

لا تلتفت للناس وتقول قالوا
عليك في نفسك ولا تتبع الناس

وان كان هم فى غفلة الوقت مالوا
خلك جبل واثبت على مبدأ وساس

.....

رد: اخترنا لكم
 

مانيب مجبور أخاطب على قد العقول
والله إن بعض القناعات عندي مهمله

الكلام تشوفه الناس حل من الحلول
مثل ما أشوف التجاهل يحل المشكله

.....

رد: اخترنا لكم
 

‏ياليت بعض الناس مايشغل الناس
ويكـون في نفسه جميع اهتمامه

بعض العرب هماز لماز بلاس
نسي العذاب ونسي يوم القيامة

رد: اخترنا لكم
 

نعتب على وقتنا ونقول
انه السبب في بلاوينا

ولو عدنا إلى المعقول
أكيد نلقى السبب فينا

.....

رد: اخترنا لكم
 

ترى التشكي للمخاليق يشــــــنـاك
يحط من قدرك ويفـرح امعــاديـك

وكثر التـشره يجعـل الناس تجـفاك
ولاعــاد تلـقى بيـنهـم من يخـاويك

.....

رد: اخترنا لكم
 

لاتطلق السر من سجنه وتطلب كفيل
‏دمار بعض القلوب البيض من طيبها

‏مير انتبه لايجي سـرك ذبيحه بخيـل
‏ماينبسط لين كل الناس تدريبها

.....

رد: اخترنا لكم
 

النفس لا طاوعتها عشت مغبون
ملزوم في بعض الامور تعصاها

.....

رد: اخترنا لكم
 

أطمح وأبالغ وأرسم أحلام وأطير
ما للأماني حد على حد علمي

دايم طموحي غير لأني أنا غير
ويارب تعطيني على قد حلمي

.....

رد: اخترنا لكم
 

لو تنكسر و تْطيح من طولك
الناس لا تدري عن احـوالك

إفرح اذا شفت الفرح حولك
واذا بتحزن احزن لحالك

.....