رد: اخترنا لكم
 

الشك باب ويفتحه كل مفتاح
وإذا إنفتح ضيّق عليك الزوايا

ان كان ودك تقضي العمر مرتاح
حاكم سلوك ولا تحاكم نوايا

.....

رد: اخترنا لكم
 

ولفت السهر ميلاف الأجواد للأجواد
‏عسى الله لآ يخليني من علومه الدسمه

‏تجمّل علي وطاب لي عنده المقعاد
‏وسكن فيه قلبي مثل ماتسكن النسمه

‏أنا من كثر ماني مقيّد معه بقياد
‏تبعت الظلام وبيّن بهالتي وسمه

‏أراقب نجوم الليل كني خبير أرصاد
‏ما خليت نجمً فالسما ما عرفت إسمه

.....

رد: اخترنا لكم
 

الكلمة الخايبـة لا جتك من خايب
كرم مسامعك عنھَا لا تعبـرھا

ماجابھَا إلآ ضَعيف النفَس والعايب
أدعس عليھا برجلك لا تگِبرها

.....

رد: اخترنا لكم
 

على الله شكينا كل هم يكود دواه
جزيل العطايا واحد ما انغلق بابه

سجدنا لعزه وانثنينا لحوز رضاه
عسى الله يفرج كل هم شقينا به

آمين

رد: اخترنا لكم
 

الحقد في بعض الاوادم وراثه
يظهر وفاه وسم الانياب مكبوت

من زود مافي داخله من خباثه
يمكن ليا منه بلع ريقه يموت

.....

رد: اخترنا لكم
 

‏تدري من أكثر شخص بالناس محبوب
‏شخـص إذا شــاف الأوادم تبســــم

ماهو على الضحكه مع الناس مغصوب
‏طبـع التواضـــع في حيـاته ترســــم

.....

رد: اخترنا لكم
 

ادركت من كثر التجــارب حقيقــه
إن البشر مثل إختلاف الأصــــابع

به من يصد إليا شــعر فيك ضيقه
لاصار حزنك في حناياك قابـــــــع

وفيهم صديق ٍ مايجافي صــديقــــه
وافي وقلبه بالوفــــــا دوم نابـــــع

.....

رد: اخترنا لكم
 

من خلقت الناس شماته ومداحه
ريح ضميرك ونفسك لاتضايقها

الشجره الطيبه بالطيب فواحه
ماتختلف لو سموم القيض تطرقها

مايثمر الشوك برحيه وتفاحه
حتى لو ان القراح العذب يغرقها

ارضى الله الوالي ان كانك تبى الراحه
ورزقك على اللي خلق خلقه ورازقها

.....

رد: اخترنا لكم
 

‏النفوس اللي على بغضك تجرت
‏عز نفسك قبل يـظهر لك غثاهـا

والوجيه اللي من الحشمة تبرت
‏صد عنها قـبل تـبلاك بـرداها

.....

رد: اخترنا لكم
 

ثمـن كلامـك قـبل تنـطق كلامـك
الهرج مثل السيف والسيف له حد

لجل ماتخسر قيمتك واحترامك
فرق ما بين الهزل والمزح والجد

.....