رد: فوق هام السحب ( الشعر الشعبي) على متن القوافي
 

‏تعايش مع العالم وطنش كثير علوم
‏وبابٍ تحس إنّه وراه الغثا سده

.....

رد: فوق هام السحب ( الشعر الشعبي) على متن القوافي
 

وأبعد عن الكذاب نقاض العهود
‏ولا تصدق كلمته مهما حلف

‏واللي تطبع بالردى مافيه فود
‏طبعه على مر الزمن مايختلف

.....

رد: فوق هام السحب ( الشعر الشعبي) على متن القوافي
 

عليك مُتوكلين وبك نظنُّ الظن الجميل
فياربُ قدَراً جميلاً وخيراً يتبعه الرضا

.....

رد: فوق هام السحب ( الشعر الشعبي) على متن القوافي
 

حُرية الفكر هي أبسط حقوق الحياة
‏والعاقل اللي يعرف حدود حريته

‏من سكر أبواب قلبه لاتفتش وراه
‏من حقه يعيش بالدنيا خصوصيته

‏فقير الأدراك أفعاله تأكد رداه
‏تكشف لك أسراره السودا وماهيته

.....

رد: فوق هام السحب ( الشعر الشعبي) على متن القوافي
 

تلخبط جهاز المخ وانهارت الاعصاب
‏وفورت دمي وارتفع ضغطه العالي

‏لكن في رجى اللي من رجى رحمته ماخاب
‏هو الواحد العالي وهو ربنا الوالي

‏وهو الخالق الرازق وهو المعطي الوهاب
‏له الملك كله والكمايل والاكمالي

‏رئوف رئيفٍ رحمته تنقذ المنصاب
‏يغيث الديار الممحله عقب المحالي

.....

رد: فوق هام السحب ( الشعر الشعبي) على متن القوافي
 

بعض المشاكل حلها بالفراسه
لاشان وجه الوقت وامتس حبله

يضيع فيها فيلسوف الدراسه
ويحلها لك شايبً يتبع أبله

.....

رد: فوق هام السحب ( الشعر الشعبي) على متن القوافي
 

أحمل طموحاتي على كفّ الأحلام
‏وأقابل الدنيا بصبر وشراسه

‏وما زلت أعاني من شقى جور الأيام
‏ولا زالت الأحلام قيد الدراسه

.....

رد: فوق هام السحب ( الشعر الشعبي) على متن القوافي
 

يمكن يكون الخير كله بعينه
‏باللي نشوفه كلنا شر هالحين

‏ولا وش الحكمة بخرق السفينه
‏وقتل الغلام وفي جدار اليتيمين

.....

رد: فوق هام السحب ( الشعر الشعبي) على متن القوافي
 

التغافل عن ضجيج المجتمع وإزعاجه
لذةٍ من ذاقها ماعاد فرط فيها

.....

رد: فوق هام السحب ( الشعر الشعبي) على متن القوافي
 

اما عن الأماني :
تمنيت شي وقدر الله شي وصار
ولا لي سوى وجه الرضى لو تصنّعته

واما عن الخيره :
انا هقيت ان راحة العبد فيما اختار
واثر خيرة المولى لعبده مسنّعته

واما عن الواقع :
تبون الصراحه والله اني بغيت انهار
ظروف الحياة اقسى من اللي توقّعته

رد: فوق هام السحب ( الشعر الشعبي) على متن القوافي
 

اما عن الأماني :
تمنيت شي وقدر الله شي وصار
ولا لي سوى وجه الرضى لو تصنّعته

واما عن الخيره :
انا هقيت ان راحة العبد فيما اختار
واثر خيرة المولى لعبده مسنّعته

واما عن الواقع :
تبون الصراحه والله اني بغيت انهار
ظروف الحياة اقسى من اللي توقّعته

رد: فوق هام السحب ( الشعر الشعبي) على متن القوافي
 

‏عزت علي نفسي ونفسي عزيزة
‏ماهي بترضى موقف الذل والهون
‏
الله جعل فيها الكرامه غريزه
‏ياكون في راس الهرم ولا ماكون

.....

رد: فوق هام السحب ( الشعر الشعبي) على متن القوافي
 

لك في عيوني همس وحروف وابيات
ولي في عيونك من دفا الحب تجديد

ياسيد إحساسي تموت المسافات
في داخل عيونك وتحيا المواعيد

.....

رد: فوق هام السحب ( الشعر الشعبي) على متن القوافي
 

لاتعتقد إني مع الناس لاهي
ربي عليم إني معك حيل مشغول

مهما بطيت وشفتني عنك ساهي
يردني شوق المحبه على طول

.....

رد: فوق هام السحب ( الشعر الشعبي) على متن القوافي
 

‏ليه اعبر لك عن احساس الغلا
وانت شايف في عيوني كيف أبيك

في حضورك خافقي يردد هلا
وفي غيابك خافقي يسأل عليك

.....

رد: فوق هام السحب ( الشعر الشعبي) على متن القوافي
 

‏احبك كثرماضاق السجين بلعنة الاسوار
‏احبك كثر ماهاج البحر واجتاحته ثوره

‏احبك كثر ماننسى واحبك كثر مانحتار
‏احبك كثرمايسهر محب وفي يدهه صوره

.....

رد: فوق هام السحب ( الشعر الشعبي) على متن القوافي
 

الورد يهدى من وفا الناس للناس
إلا انت غير الناس نهديك الورد

يازين صوتك لا انسكب عطر الأنفاس
ذوب مسامع عاشقك سكر السرد

وإن صافحت يمناك كفي على ياس
تزهر ايديني وتعشب اضلوعي الجرد

في منطقك ياسيدهم در وألماس
والشعر يرهي منبعه وين ماتِرد

.....

رد: فوق هام السحب ( الشعر الشعبي) على متن القوافي
 

يسعد مساکم كل ماغيم الجو
يامن حضوره غيم ومشاهده ديم

تفرح بك الدنيا كما طلعة الضو
وانا عليك اشفق من البدو للغيم

.....

رد: فوق هام السحب ( الشعر الشعبي) على متن القوافي
 

‏مدري متى ياعين ودك تنامين
نامت عيون الناس والليل قفى

عمر السهر مالم شمل المحبين
نامي وشوق القلب كفى ووفى

.....

رد: فوق هام السحب ( الشعر الشعبي) على متن القوافي
 

قالو قصيدك يا أنفاس كله فراق
وش فيك ماترحم معاليق جوفك

قلت العذر والجوف يحرق الاوراق
ياقلب خلك مادرو وش ظروفك

.....

رد: فوق هام السحب ( الشعر الشعبي) على متن القوافي
 

اضحك ولا تهمك تفاهات الحياه
‏اللي يدقق في الحياة يملّها

.....

رد: فوق هام السحب ( الشعر الشعبي) على متن القوافي
 

متـابعيني قلايل بس لو تدري
عمري ماحسيت من قلتهم بضيقه

والذوق نادر وأنا بإسلوبي وفكري
محدن يتابعني الا ناس ذويقه

.....

رد: فوق هام السحب ( الشعر الشعبي) على متن القوافي
 

‏لانامت الناس قمنا بالهوى نسري
ناس تبوح المواجع وناس تخفيها

ألليل ماله رفيق وخوته شينه
إن طاب لك بأوله ماطاب تاليه

.....

رد: فوق هام السحب ( الشعر الشعبي) على متن القوافي
 

نشكي الزمن والزمن لو كان يتكلم
يشكي من الخلق من كثرة بلاويها

ليت البشر من قديم الناس تتعلم
أن الخطا تصنعه من فعل أياديها

.....

رد: فوق هام السحب ( الشعر الشعبي) على متن القوافي
 

تعيش الآوادم بالأمل والعمار قصار
‏وراها محاسب والله اللي يحاسبها

‏رجانا وملجانا هو الواحد القهار
‏ولي العباد اللي يحقق مطالبها

‏قرينا الكتاب اللي نزل لؤلي الأبصار
‏بشير ونذير ولا به آية نكذبها

‏قريناه بالغنه والإخفاء وبالإظهار
‏وبالإدغام واللي بالحركات نعربها

.....

رد: فوق هام السحب ( الشعر الشعبي) على متن القوافي
 

بعض الرجاجيل لامنها ولا عنها
‏مثل التماثيل لاتاخذ ولا تعطي

‏نحد عنه عيون الناس والسنها
‏وهو علينا يحد الناس من مبطي

‏دام الرجاجيل تفرقها معادنها
‏لاتبتدي بالخطا وتجامل المخطي

.....

رد: فوق هام السحب ( الشعر الشعبي) على متن القوافي
 

ليتك مثل برد الشتاء دون ميعاد
تاتي وتلمس كف منهو يحبك

شبيت نار الشوق عندي ولا فاد
ليتك تحس شوي وتخاف ربك

.....

رد: فوق هام السحب ( الشعر الشعبي) على متن القوافي
 

‏جرديني من حنيني والمعاناة العميقه
‏وإجمعيني في سكون الليل وأطراف الرسايل

‏كيف أعدّي كل ذكرى تردف الضيقه بضيقه
‏كيف أعاتب كل دمعٍ قامت عزومه تمايل

‏صوتك إللي صرت أخافه كيف أنامه وأستفيقه
‏كيف أبادلك التجافي والجفا ماله بدايل

‏شاعرك ناحت شجونه في معاليق الخليقه
‏ليه رمشك لاهداه الله ولا رد الجمايل

.....

رد: فوق هام السحب ( الشعر الشعبي) على متن القوافي
 

راح ليل ولاح فجر وحرّك الشوق الحنايا
‏والهوى مثل الاسير اللي مايدري وش مصيرة

‏ودي اصافح يد الفرحة وابادلها التحايا
‏وابتجح مثل الامير اللي خطب ودّ الاميرة

‏واتفقّد نور وجهك في الدروب وفي الزوايا
‏والمحه في كل عفريّة وريمٍ مستذيره

‏وش يفيد الشوق لو مايكسي قلوب العرايا
‏وش يفيد النور لو ينقاد للعين الضريره

‏انتي اسمى من هوى النزوه واعزّ من الحمايا
‏في عيون الفارس اللي سلّ سيفه من جفيرة

‏وان ظفرت ببقبلةٍ من ثغر معسول الشفايا
‏ليه لا وانا الكبير اللي طموحاته كبيره

‏بين عذبات الوصوف وبين ترفات الصبايا
‏شفت في وجهك ملامح سكرة الموت الاخيره

‏وان تمعّنت التفاصيل الصغيرة والحلايا
‏ضعت مابين الحلايا والتفاصيل الصغيره

‏في عيونك مايورّد عاشقك حوض المنايا
‏وفي قصيدي مايغيّر خارطة شبه الجزيره

‏غبتي وباقي لك بصدري من اللهفه بقايا
‏ياسرابٍ ماتت احلامي على رجوى غديرة

‏لو ماتلهمني الصبر ذيك الرسايل والهدايا
‏مت حزن ومت شوق ومت غبن ومت غيره

.....

رد: فوق هام السحب ( الشعر الشعبي) على متن القوافي
 

‏جيت بأحساس الغريب اللي ذكر طاري بلاده
‏لاسمع لحن اغنية ولا قرا مطلع قصيده

‏قلت بأن الحب سلم وقالت ان البعد عاده
‏لين راحت لا معي طاري ولا ذكرى سعيده

‏لابسٍ ثوب التصبّر والتحمّل والجلاده
‏ولا انا شوقي كثر ماهي عن عيوني بعيده

‏مالقيت من البنات الغيد غادة مثل غاده
‏لا وصايفها الدماث ولا خصايلها الحميده

‏من بعدها صرت اعرف الحزن ماعرف السعاده
‏العنود اللي مع الايام لا زالت عنيده

‏لذّة الدنيا بنحر الجادل الفاتن قلاده
‏كان مرجحها الهوا غنّيت من فرقا الفقيده

.....

رد: فوق هام السحب ( الشعر الشعبي) على متن القوافي
 

‏المحبة ماكنت اشوفها راس مال
‏كنت اشوف الحياة الفانية عبرها

‏راح منها شعور وراح منها وصال
‏لين دار الزمان وراحت بكبرها

‏سهل ترجع على خبري هذيك الليال
‏البلا من يرجّعني على خبرها

.....

رد: فوق هام السحب ( الشعر الشعبي) على متن القوافي
 

‏على شان عنقٍ كل ماجيت له موعود
‏أجي له وأنا مرمي وأعوّد وأنا رامي

‏يالبيه يحلى فاتنة من بنات العود
‏يالبيه لين يجيبك العمر قدّامي

‏اسوق الهقاوي مالشوقي عليك حدود
‏وادوّرك وأسرج مهرتي واكرب حزامي

‏وأرد البرا وأقول يا ام العيون السود
‏انا الصادق اللي موقفه فالهوى سامي

.....

رد: فوق هام السحب ( الشعر الشعبي) على متن القوافي
 

‏كان لي ذنب واحد ما عليه اغفريه
‏ليلة الهجر تجرح عين من نامها

‏شوفي اقرب مطوّع حولكم و انشديه
‏من كلت كبد عاشقها وش آثامها

.....

رد: فوق هام السحب ( الشعر الشعبي) على متن القوافي
 

‏ما كرهت بـهالحياه الا الغياب
‏ولا ذبحني بدنيتي غير الرحيل

‏ولا عرفت ان الفراق اكبر عذاب
‏لين عشته في دجى الليل الطويل

.....

رد: فوق هام السحب ( الشعر الشعبي) على متن القوافي
 

‏يا الله يا اللي تسجد الخلق لرضاه
‏ياوامرٍ عبده على حج بيته

‏تفرج لمن سده على الناس ما أبداه
‏راض ٍ على مقسومك اللي عطيته

.....

رد: فوق هام السحب ( الشعر الشعبي) على متن القوافي
 

ظروف الاقدار مدري كيف نامنها
‏عز الله ان الحياة ظروفها خطره

‏كم واحدٍ كان مستانس وضامنها
‏وامسى وكبده من الحرمان منفطره

.....

رد: فوق هام السحب ( الشعر الشعبي) على متن القوافي
 

‏اعتبرني معطيات الواقع اللي يستثيرك
‏وحبني مثل الخيال وخلّني مثل المخيله

‏القبال اللي تشوفه قادر يحدد مصيرك
‏والقبول اللي لمسته منك يكفي عن قبيله

‏يوم مريت بحياتي كلها ماشفت غيرك
‏أنت صورة كل مشهد وأنت قصّة كل ليله

.....

رد: فوق هام السحب ( الشعر الشعبي) على متن القوافي
 

‏مرحبا وأنتي العوض فالغايه إللي ماتهيّت
‏لايق الترحيب ياشبه القمر والا نزيده

‏تكرمين من الهروب بصمت والعذر المبيّت
‏العذر ماهوب متوافق مع سلم الوليده

‏عاضني ربي وأنا إللي شجّع العبره وعيّت
‏وجادت الفرحه على روحي بعودتها الحميده

.....

رد: فوق هام السحب ( الشعر الشعبي) على متن القوافي
 

‏يعم الهدوء ويستثير السكون الصوت
‏وأنا بين صوت العقل وإحساسي الجايش

‏ماضيّعني وذوّقني الموت قبل أموت
‏إلا عقلي المتحرّص وقلبي الطايش

‏ترا ما أصعب من الموت واللي خلاف الموت
‏إلا الفتره اللي لا أنت ميت ولا عايش

.....

رد: فوق هام السحب ( الشعر الشعبي) على متن القوافي
 

يالله صباحٍ منك خير ومسرات
‏ويوم ٍ يشع بنور عز وكرامه

‏اغفر لنا يارب واغفر للأموات
‏اللي تحت رحمتك يوم القيامه

.....