رد: فوق هام السحب ( الشعر الشعبي) على متن القوافي
 

‏سرى اللّيل والذِّكرى ثلاثيّة الأبعاد
‏بعد ماتغيب الشمس تبدأ طواريها

‏على الساعة الثنتين في وقتها المعتاد
‏عسى الله يعين اللّي سواتي يعانيها

‏حنينٍ على الماضي وشوق وعنا وجهاد
‏وجمرة غضى لاهبّت الرّيح تحييها

‏ياكم ذكرياتٍ نزفها فالحنايا حاد
‏لو أتصنّع النسيان مانيب ناسيها

.....

رد: فوق هام السحب ( الشعر الشعبي) على متن القوافي
 

‏سنيني ظما والا عزومي طويلة بال
‏انا وإن تقللت المشاوير ياكثري

‏على هامتي كنّ الشوارد سنين اقبال
‏يهون التعب ما هان وجهي ولا قدري

.....

رد: فوق هام السحب ( الشعر الشعبي) على متن القوافي
 

‏الصباح اللي اشرق من ملامحك نوره
‏فيه من كل خير وفيه من كل راحه

‏كلما هبّت انسامه غشتنا عطوره
‏جعل يفداه صبحٍ غارقٍ في جراحه

.....

رد: فوق هام السحب ( الشعر الشعبي) على متن القوافي
 

‏لاتجاهلني تراني على الصده جسور
‏من عطاك الوجه يقدر يلقيك ظهره

‏اتغاضى بعض الأحيان عن بعض الأمور
‏وان بغيت اجرح جرحتك وخاطرك اكسره

.....

رد: فوق هام السحب ( الشعر الشعبي) على متن القوافي
 

ماني على تبرير الأحداث مجبور
‏وماعاد عندي للتخاطب وسيله

‏برحل ودنياك الدنيه تبي تدور
‏وتقول ليت الأرض تنبت مثيله

‏بتفقد اللي يفقدك بين الحضور
‏وتبحث عن شعوره بقصه بديله

‏فقد الأحبّه ماتعيشه على الفور
‏باكر تفوق وتجني أردى حصيله

.....

رد: فوق هام السحب ( الشعر الشعبي) على متن القوافي
 

‏متقلب الود لاتقبل معاذيره
‏خله يذوق الجفى والويل والحره

‏من يضمن تسامح ذنوبه وتقصيره
‏يقدر يعيد الخطاء نفسه مية مره

.....

رد: فوق هام السحب ( الشعر الشعبي) على متن القوافي
 

‏مايزعلني غيابك ياغايب بدون أسباب
‏ليه ازعل وأنا من غيبتك صرت متعوّد

‏ما والله تسمع من فمي كلمتين عتاب
‏على راحتك روح وعلى راحتك عوّد

.....

رد: فوق هام السحب ( الشعر الشعبي) على متن القوافي
 

يالله لاتقطع رجانا مع الصبح
‏ في ساعةً ندعي ونرفع يدينا

‏غفرانك ورحمتك هي غاية الربح
‏اغفر لنا وارحمنا ولوالدينا

.....

رد: فوق هام السحب ( الشعر الشعبي) على متن القوافي
 

فيني على عسف الشرايد غلاثه
‏مطنوخ واشري معرفة كل مطنوخ

‏ولا اكره بحياتي الا ثلاثه
‏الامعه والجاهل وماسح الجوخ

.....

رد: فوق هام السحب ( الشعر الشعبي) على متن القوافي
 

سلم على اللي دوخ الفقر تدويخ
‏يضحك وراس المال سجدة صلاته

‏ممشاه من عرض النشاما المطانيخ
‏خفيف نفس ومدح ربهه غناته

.....

رد: فوق هام السحب ( الشعر الشعبي) على متن القوافي
 

‏كلهم شافوك واحد بس انا شفتك وطن
‏والله انك في عيوني كل كوني والحياه

‏لو يشوفونك فعيني شافوا ان مالك ثمن
‏ياغناة الي يدور من فقر عمره غناه

.....

رد: فوق هام السحب ( الشعر الشعبي) على متن القوافي
 

‏لاتحسبين الاغاني تنسينا الغياب
‏ماتنسينا الأغاني يابنت الباديه

‏انتي أنفاسك عذوبه ونظراتك عذاب
‏وطلتك فتنه وصوتك موسيقى هاديه

‏خلي الأرواح بالحب ترقى للسحاب
‏واعذرينا لو طلعنا بطلعه غاديه

‏وقتنا اللي راح لاعاد نحسب له حساب
‏توني بادي حياتي وتوك باديه

.....

رد: فوق هام السحب ( الشعر الشعبي) على متن القوافي
 

‏ياكل الكلام اللي يجي عقب لو وليت
‏وش الحل مع بالٍ يطرّيك له مدّة

‏أنا ماتخيّلت بحياتي ولا ظنّيت
‏يجي يوم وتصدّين والصدة الصدّة

‏مع إن الغرور يحق لي كل ما انغرّيت
‏ولكن معك كان التواضع على آشدّه

‏تقولين من قدّي ليا قلت فيني بيت
‏وأنا آقول بيتٍ ينكتب فيك من قدّه

.....

رد: فوق هام السحب ( الشعر الشعبي) على متن القوافي
 

‏محتاج أجرّ النسم في درب ما أنت بْهواه
‏أنا في صدري كلام وفي ضلوعي ثقل

‏كنّي وصلت بْشعوري معك ذروة عطاه
‏أو حول هذا الشعور الموجع أكثر أقل

‏لي عين تتبع خِطاي وعقلٍ أتبع خطاه
‏لكن قراري معك ماكان عين العقل

.....

رد: فوق هام السحب ( الشعر الشعبي) على متن القوافي
 

‏لاتضيق من الحياه ولا تفكر
‏قد نشف من طردها ياخوك ريقي

‏وان تسايف بابها والا تسكر
‏الليالي ذا سنعها يارفيقي

‏الليالي كنها حفلة تنكر
‏ماتناسب راعي الوجه الحقيقي

.....

رد: فوق هام السحب ( الشعر الشعبي) على متن القوافي
 

‏اتركوني لاضوى الليل للشعر الحزين
‏وان نشدتو لا متى قلت مدري لا متى

‏ُالشتا ليله معادي صدور العاشقين
‏وش بقى ماجبت من هم ياليل الشتاء

.....

رد: فوق هام السحب ( الشعر الشعبي) على متن القوافي
 

‏تقبل علي ويتبرا مني عنادي
‏ماكني الثابت اللي محكم وثاقه

‏اذا تركت المعاند عندها عادي
‏انا هواوي وهي حلوه ومشتاقه

.....

رد: فوق هام السحب ( الشعر الشعبي) على متن القوافي
 

‏ياماخذٍ تاج الجمال بزمنا
‏في ذوقك الراقي وفي كل مابك

‏وش فيك قطعت المواصيل عنّا
‏حتى وصالك نشحذه من جنابك

.....

رد: فوق هام السحب ( الشعر الشعبي) على متن القوافي
 

‏هوجاس قلبي لأتلع الجيد نزاع
‏وقلبي على شانه يحب الهواجيس

‏ابو رموش بابيض الخد شراع
‏بعده يغصب دموع عينٍ محابيس

.....

رد: فوق هام السحب ( الشعر الشعبي) على متن القوافي
 

التشبه بالغلا مثل التشبه
‏بالامور اللي محد يقدر عليها

‏غشّني في كل شي الا المحبه
‏المحبه مستحيل انغش فيها

.....

رد: فوق هام السحب ( الشعر الشعبي) على متن القوافي
 

‏ماتبيني وإن هدى بالك تبيني
‏بين قسوة بردك وسطوة عجاجك

‏يوم تكرهني ويوم تموت فيني
‏لامتى وأنا تحت رحمة مزاجك

.....

رد: فوق هام السحب ( الشعر الشعبي) على متن القوافي
 

تبسمي واخذي من احساسي يقين
‏الحزن مايصلح على وجهك ابد

‏الله خلق وجهك يسرّ الناظرين
‏حتى لو ان الله خلقنا في كبد

.....

رد: فوق هام السحب ( الشعر الشعبي) على متن القوافي
 

‏اشرب قبل تقفي عليك المشارب
‏ما للحسايف فالمقابيل راحه

‏السم دايم في ذيول العقارب
‏والحر دايم رفعته من جناحه

‏لاتعطي الدنيا استراحة محارب
‏حارب ترى الدنيا ما فيها استراحه

.....

رد: فوق هام السحب ( الشعر الشعبي) على متن القوافي
 

‏خذتك الهبايب ثم بك جاتني تختال
‏يابو ضحكةٍ كنها من البرق مخطوفه

‏عطاك الله المعطي سوالف وحلو قبال
‏وزين وجناب وخاطرٍ سمح ومروفه

‏وصوتٍ ليا سولفت كنّه مافيه حبال
‏تحلف انه اوتار وتقاسيم معزوفه

.....

رد: فوق هام السحب ( الشعر الشعبي) على متن القوافي
 

‏على وجهي تباريح السهر تاخذ لها مقعاد
‏تربّع في حنايا ضحكتي وتجدد الآمي

.....

رد: فوق هام السحب ( الشعر الشعبي) على متن القوافي
 

الحقوق اللي على الرجْل مافيها عَفو
‏مايكفّر في خطاها صيام ولا فدي

‏لايغرّك ضحكة أهل السنون ليا صفو
‏ماهي بدايم سلامات وبِساط أحمدي

‏والله إن اللي يعاديك ويشوفك كفو
‏أبرك من اللي يجاملْك ويشوفك ردي

.....

رد: فوق هام السحب ( الشعر الشعبي) على متن القوافي
 

خاو الرجال اللي مراجلها تزود
‏وكبْ الرجال اللي مراجلها سلف

‏بعض البشر ودك تعشيها قعود
‏وبعض البشر ودك تعشيها علف

.....

رد: فوق هام السحب ( الشعر الشعبي) على متن القوافي
 

يملكني المعروف بالذات لا صار
‏ماهوب لعيون الرياجيل مكشوف

‏ياحّبني للي معاريفه اسرار
‏مهما بذل معروف ماهوب معروف

.....

رد: فوق هام السحب ( الشعر الشعبي) على متن القوافي
 

دورة الايام مافيها جميل ولا مجامل
‏كان ماقويت عزمك جاتك بعزم ورهاوه

‏الحياة الصامله ماتبغي الا قلب صامل
‏والظروف القاسيه ماتمشي الا بالقساوه

......

رد: فوق هام السحب ( الشعر الشعبي) على متن القوافي
 

‏وجهك صباح الحلم شمسٍ على بحر
‏وفي طلتك كل يوم خايف توارى

‏تشبه عبير الحب لاهب من نحر
‏لفحت غنج مغروره بين العذارى

.....

رد: فوق هام السحب ( الشعر الشعبي) على متن القوافي
 

‏مرحبا لو أن زولك بعيد من البصر
‏مرحبا ياريف صدري وأول غايته

‏عشت والا مت طال العمر والا قصر
‏الغلا اللي بدايته أنت وانت نهايته

.....

رد: فوق هام السحب ( الشعر الشعبي) على متن القوافي
 

‏من نموذج في خيالي الى اعجوبة عصر
‏ياخي مدري كيف اعبّر وويش اقول فيك

‏مايحصَّل لك شبه فالخليج وفي مصر
‏ناادر فالخُلق والشكل وبهاذي وذيك

‏طوول عنق ووسع عين وتعزّال وخصر
‏نازلٍ من مصنعك فل ماشاء الله علييك

.....

رد: فوق هام السحب ( الشعر الشعبي) على متن القوافي
 

‏ماعاتبك من شان أزعّل محيّاك
‏ياللي تحسب اللي عملته شويّه

‏خلّيت عيني جعل هالعين تفداك
‏تضعف وهي قدام غيرك قويّة

‏أحبك اللي كانت بحدّ الادراك
‏معاك طاح إدراكها من يديّه

‏مايكفي إنك جيتني شايل رضاك
‏تنهكني بكثر الجمايل عليّه

‏قبل لاتستوعب كلايف هداياك
‏استوعب انك جبت نفسك هديّة

.....

رد: فوق هام السحب ( الشعر الشعبي) على متن القوافي
 

‏أتمادى في حضورك وأتودَّد
‏يابعد من يَنسِج الغيمة قلايد

‏فيك أمدّ الصوت والليل يْتمدَّد
‏لين أحبَّ الوجنتيْن أمّ الرغايد

‏كيف أبى أتخيَّر سناك وليش أحدَّد
‏والسنين مسيَّرة والعمر بايد

‏آه يامِلْح اللّيالي لاتصدَّد
‏أنت صدَّك ماتخفّفه القصايد

.....

رد: فوق هام السحب ( الشعر الشعبي) على متن القوافي
 

‏ماجيت اسمّعك الكلام اللي تبيه
‏جيت أودِع الذكرى القديمة فاللحد

‏خل الكلام الحاد والراي الوجيه
‏يمكن يكون الاعتراف أقسى واحد

‏ماكنت وجه وبس من ضمن الوجيه
‏إنسان عاهدني على شي وجحد

‏أنت الشعور اللي ماقد حسيت فيه
‏وأنت الكلام اللي ماقد قلته لاحد

.....

رد: فوق هام السحب ( الشعر الشعبي) على متن القوافي
 

‏تجاوز الذكريات وكبّر الهقوه
‏في ذاتك وشيل غيرك من قواميسك

‏يمر واجد ويبقى نقوة النقوه
‏حسب مقاييس وقتك لا مقاييسك

‏دام الجفا من وصل والوصل من جفوه
‏ياحادي العيس وش حدك على عيسك

‏عن جلسةٍ ماتسر احسن لك الخلوه
‏لو كان مالك جليس الا مع ابليسك

.....

رد: فوق هام السحب ( الشعر الشعبي) على متن القوافي
 

منتي نبيلة فقط أنتي وريثة نُبل
‏حفيدة أول رجل يطري ببال الدخيل

‏وحيدتي قلبي الغارق بحبك ذبل
‏محتاج منّك شعور يمكّن المستحيل

.....

رد: فوق هام السحب ( الشعر الشعبي) على متن القوافي
 

تقول:
‏
أحبّك وعرضت النقايد هبوب النود
‏فعولك اتنومسني وذكرك يهيضني

‏يالبيه ياوجهٍ عليه الرضا معقود
‏اشوفه وأشوفك في سنيني معوضني

‏علي نذر لمسح شيب دقنك بدهن العود
‏وأضمك لو الدنيا وأهلها تعارضني

.....

رد: فوق هام السحب ( الشعر الشعبي) على متن القوافي
 

‏تحريّت منك الوصل ياقبلة الغالين
‏لو ان الظروف تحول من بينك وبيني

‏تماديت في حبك وقربك ووصلك لين
‏عطيتك رغم كثر العنا ضحكة سنيني

‏تقولين لي ليه العتب كل ماتقفين
‏اذا اسهبت في بعض التفاصيل خليني

‏انا خايف ادورك في يوم وتضيعين
‏مثل ضيعة احلام الطفولة من يديني

.....

رد: فوق هام السحب ( الشعر الشعبي) على متن القوافي
 

‏ألطف من الغيم وأمتع من رذاذ المطر
‏في عيوني أحلى من القمرا ومن نورها

‏تصدّقي بالكلام اللي ماهو مختصر
‏الناس دايم تصدّق حسب ميسورها

‏أنا فقير المواصل وانت كلك نظر
‏ترى الفقارى قليلك يبهّج صدورها

‏الليله اللي تجيبك ذيك ليلة عمر
‏وأنتي مسا خيرها وانتي مسا نورها

.....