رد: فوق هام السحب ( الشعر الشعبي) على متن القوافي
 

‏لا تتلف الروح لاجل الناس ترضيها
وهم ولا يوم سووها على شانك

‏تسعدك ارواح يمكن .. ماتدانيها
‏وتجيك الاحزان من ربعك وخلانك

‏يبقى لك اللي عروق الدم تسقيها
‏ابوك و امك و اخواتك و اخوانك

‏حتى حبايبك .. لا تتعب تداريها
‏بكره حبايبك بيصيرون عدوانك


......

رد: فوق هام السحب ( الشعر الشعبي) على متن القوافي
 

‏ليت النوايا مالها ستر ولباس
‏تظهر من صدور المخاليق جردى

‏اللي تظنه غير عن كل هالناس
‏بكره تشوفه مثل هالناس واردى


......

رد: فوق هام السحب ( الشعر الشعبي) على متن القوافي
 

‏الناس في اول لقى ميه على ميه
‏مشكلتي اني ما أصيد الناس من بدري

‏عفوي وأعامل عباد الله بعفويه
‏واطير فيهم واقلطهم بوسط صدري

‏كم واحد تحسبه ماشي على النيه
‏وتلاحظ انك على النيه ولا تدري


......

رد: فوق هام السحب ( الشعر الشعبي) على متن القوافي
 

خلقت من روس قوم ٍ نارهم حيّه
‏كرامتي لو بغيت .. ازعل تواسيني

‏لو بعض الأحلام مدفونه ومنسيّه
‏علقتها في رجى اللي مايخليني


......

‏‌

رد: فوق هام السحب ( الشعر الشعبي) على متن القوافي
 

‏ماجاء ردى مني ولا جيت بقصور
‏طبعي كذا دايم مع الخلق كـله

‏لي عزةٍ تطــغى على كـل دستــور
‏من خلقتي والطيب عندي جبله

‏ياقلب من قفى عن العين معــذور
‏نفــسي عزيـزة والمقــفي تمــله


......

رد: فوق هام السحب ( الشعر الشعبي) على متن القوافي
 

‏بشرّوا من يلزم الصبر ويردّه حياه
‏بالغنايم دام ربي معين الصابرين

‏ينكسر ويهل دمعه بسجدات الصلاه
‏وعند خلق الله شامخ يقول الله يعين


......

رد: فوق هام السحب ( الشعر الشعبي) على متن القوافي
 

‏بعض البشر لا غاب عن ناظر العين
احـس كل الناس في الكـون راحت

وبعض البشر لوغاب ايام واسنين
مااشتاق له قلبي ولاالنفس ناحت

انا اشهد ان البعض ماله شبيهين
بافعاله اللي مثلما الطيب فاحت

غالي وحُبـــه حــل بين الشرايين
ومكانته وسط القلوب استباحت


......

رد: فوق هام السحب ( الشعر الشعبي) على متن القوافي
 

‏احسبني كل ما طالت المده سليت
واثر قلبي لو يطول المفارق ما سلا

كل ما عرض خياله على بالي بكيت
آخ يا ذيك اللييييياليي ويا ذاك الغلا


......

رد: فوق هام السحب ( الشعر الشعبي) على متن القوافي
 

‏يامالك قلبـي وعينـي تراعيـك
لبيت قلبي يوم هـاض بغرامـك

أحترت من زود الغلا وين اوديك
حتي عيونـي ماتليـق بمقامـك

والله لو صدري يضمك ويحويك
لجعلك فوق القلب تبني خيامـك


......

رد: فوق هام السحب ( الشعر الشعبي) على متن القوافي
 

‎مهما وصلنا من تطور حضاري
مافيه أجمل من حياة البداوة

كان الإخاء بين العرب دوم ساري
واليوم بين الأب وابنه عداوة


......