رد: فوق هام السحب ( الشعر الشعبي) على متن القوافي
 

‏أثِرْني من عام الاوّل وانا مثل الطريح
‏يوم أجوّد من حبال الرجا مقطوعها

‏كنت أحسب إن لليالي معك وجهٍ مليح
‏لين شفت إن روس أصابع يديّ شموعها

‏القلوب اللي هَواها ومبداها صِحيح
‏ماتشدّ خْفاف الأعذار بال سْموعها

‏لاتظنّ إنك من العين لايُمكن تطيح
‏أنا عيني زين منها تشيل دموعها

.....

رد: فوق هام السحب ( الشعر الشعبي) على متن القوافي
 

‏كنت غالي وكان لك قدر ومقام
‏وكنت هاقي فيك فاليوم العسر

‏كنت أشوفك وسط هالظلمة نهار
‏وكنت أظن وصار ظني مايسر

‏جيت أمررها كأن ماشي صار
‏بس قسم بالله عيّت لا تمر

‏إيه متشرّه وشرهاتي كبار
‏وشرهة الغالي على الغالي عمر

.....

رد: فوق هام السحب ( الشعر الشعبي) على متن القوافي
 

احط راسي على كتف الكرامه وأنام
‏لا دلهم الليل وإحتاج الخليل الخليل
‏ㅤㅤ
‏أغناني الله من اللي يدّعون الغرام
‏والعالم اللي يحطون المشاعر سبيل

.....

رد: فوق هام السحب ( الشعر الشعبي) على متن القوافي
 

‏ماركنت لعزلتي في رجاء لفت انتباه
‏غير اشوف ان باقيٍ لي مع الاحلام دين

‏من يطارد حلم ويعيش عمره في رجاه
‏ما اعتقد لاجته فرصه يفكر مرتين

.....

رد: فوق هام السحب ( الشعر الشعبي) على متن القوافي
 

‏ضامي لصوتك وضحكتك يالوجه الخجول
‏ومشفي لنظرة عيونٍ ماهيب مسالمه

‏اعتقد فحبال صوتك مزيج من الكحول
‏مستحيل افقد شعوري وانا فمكالمه

.....

رد: فوق هام السحب ( الشعر الشعبي) على متن القوافي
 

‏يعيش الغلا باسباب والا بدون اسباب
‏ لو اقدر اتوب من الغلا ماهو بتايب

‏تقول الحنين اسبابه الفقد والغيّاب
‏انا احن لك موجود واحن لك غايب

.....

رد: فوق هام السحب ( الشعر الشعبي) على متن القوافي
 

‏انتهى طيش المحبه وترويض الجنون
‏وابتدى قطع المواصل غرور وكبريا

‏ماتمنيت اجرح قلوب وابكّي عيون
‏بس مايعبث مع الاقويا الا الاقويا

.....

رد: فوق هام السحب ( الشعر الشعبي) على متن القوافي
 

‏رميت الاحلام في وجه الزمان البخيل
‏وعزّيت نفسي وعز النفس عصيانها
‏ٰ
‏وعن الحضور المهمّش مرحبا يالرحيل
‏مادمت تحفظ كرامة نفسي وشانها

.....

رد: فوق هام السحب ( الشعر الشعبي) على متن القوافي
 

‏والله إني ماتصنعّت الشعور
‏معك يانبض الغلا كيف أصنعه

‏‌هام قلبي فيك والقلب معذور
‏ولاقويت أنهاه عنك ولا أمنعه

.....

رد: فوق هام السحب ( الشعر الشعبي) على متن القوافي
 

لا تلومني لابديت تشوف تقصيري
‏أهملت وصلي ولا قدّمت تبريرك

‏مادامك تشوفني مثلي مثل غيري
‏وشلون تبغاني اميّزك عن غيرك

.....

رد: فوق هام السحب ( الشعر الشعبي) على متن القوافي
 

ياصاحبي اللي مغير لي حياتي
‏انت في عمري مثل نقطة تحول
‏
‏فيك احس الصبح له تأثير ذاتي
‏وكل صبح يمرني احلى من اول

.....

رد: فوق هام السحب ( الشعر الشعبي) على متن القوافي
 

الرزق بيبانه تشرعها ملايكة الصباح
‏لو يدري النايم برزقه نومته ماعادها

‏الادمي لو يعتبر بالطير خفاق الجناح
‏ماشال هم مصارع الدنيا وهم جهادها

.....

رد: فوق هام السحب ( الشعر الشعبي) على متن القوافي
 

الكنز كنز القناعة والغنى في القلوب
‏ماني بغابط هل الدنيا وعشاقها

‏الفقر ياصاحبي ماهوب فقر الجيوب
‏الفقر فقر العقول وقلة اخلاقها

.....

رد: فوق هام السحب ( الشعر الشعبي) على متن القوافي
 

لاتحسب ان الوقت لاشان مازان
‏ولا تحسب انك بتعدى نصيبك

‏الارزاق مكتوبه وللدّهر عوان
‏واللي كتبه الله عليك بيصيبك

.....

رد: فوق هام السحب ( الشعر الشعبي) على متن القوافي
 

رزق البشر لاتعلق فيه تفكيرك
‏لو تقنع براس مال العافيه ترضى

‏ان كان ربك منعك اللي عطى غيرك
‏اكرمك بالنعمه اللي تنقص المرضى

.....

رد: فوق هام السحب ( الشعر الشعبي) على متن القوافي
 

‏أنت وحدك تستفزّ الصمّت وتردّ الطواري
‏ماقدرت ألدّ لك تقدير وإلا أصدّ شيمة

‏ماعليّ من الجفاف إن طالت يدينه دياري
‏وين مالدّيت أشوفك نوض بَرق ووبل غيمة

.....

رد: فوق هام السحب ( الشعر الشعبي) على متن القوافي
 

‏عداك الملام وشرهة الولف يانزّاح
‏عن دياري اللي منت بأول خسايرها

‏تبعت السراب الين سلّمك للمرواح
‏ولدّيت وعيونك تزوّر عبايرها

‏قنعت وتركتك للزمن والزمن فضاح
‏على مهله اسرار المخاليق يظهرها

‏بقى لك معي ذكرى ليا غمّض المرتاح
‏تمشّط بقايا كبدي بروس اظافرها

.....

رد: فوق هام السحب ( الشعر الشعبي) على متن القوافي
 

‏لاستانس الخافق ذكر من يحبه
‏ورجع يراجع فى الوناسات مافات
‏
‏يامرتع القلب الحزين ومربّه
‏يزين بك مثل الذهب صدر الابيات
‏
‏هيهات ينسى القلب شخصٍ يحبه
‏وهيهات يدله خاطري منك هيهات
‏
‏ونبع الغلا عندك وعندي مصبه
‏ومن الوله في خافقي لك ولايات

.....

رد: فوق هام السحب ( الشعر الشعبي) على متن القوافي
 

‏ان رفضت العذر مالي سوى الاربع حروف
‏وان قبلته قلت ماخاب حسن الظن فيك

‏ياكثر ما اجمّر الحلم واحطب الشفوف
‏يوم احاتي رجفة البرد لاتسكن يديك

‏قبل تغريك الليالي وتاخذك الظروف
‏كنت ابيك ويمضي العمر ولَا زلت ابيك

‏انت عيش اللي بقى لك من الدنيا عيوف
‏ولا انا ياميتٍ منْك ياميت عليك

.....

رد: فوق هام السحب ( الشعر الشعبي) على متن القوافي
 

تنفس الصبح جعل الخير يقبل به
‏بامر العزيز الكريم المعطي المانع

‏الي لقيت السعد والخير في قربه
‏وانا بما يكتبه ربي علي قانع

.....

رد: فوق هام السحب ( الشعر الشعبي) على متن القوافي
 

في ليلةٍ لحظاتها سراقة
‏والبرق يبرق جل شان المنشي

‏ريح المطر مغنيني استنشاقه
‏عن ريحة الشانيل والجيڤنشي

.....

رد: فوق هام السحب ( الشعر الشعبي) على متن القوافي
 

أحب اروح بصمت لا اجادل ولا ابادل تُهَم
‏اذا إنجرحت أقفّل الموضوع واقطع دابره

‏اواصل مواصل وفي وافارق مفارَق شهم
‏أموت ما اذكر ذنب محبوبي لو إني خابره

.....

رد: فوق هام السحب ( الشعر الشعبي) على متن القوافي
 

‏عند التشابه يجب توضيح بعض الفروق
‏الفرق شاسع مابين الغطرسه والثقل

‏الناجح اللي يشوف الناس منّه وفوق
‏والفاشل اللي يشوف الناس منّه واقل

.....

رد: فوق هام السحب ( الشعر الشعبي) على متن القوافي
 

أحسب أني يوم أعدي على الضلع المنيف
‏قلبي ابيبرى صوابه وتركد ونته

‏واقف مثل المعزب على باب المضيف
‏بيت شعر كل ماقلت بنسى غنته

‏علموها لاتسامر ببعدي كل طيف
‏في رجى ليل رسمته وصبح ظنته

‏مابقى لنصاف الاحلام في صدري مصيف
‏صدري أنهكته دروب الحياة وعنته

.....

رد: فوق هام السحب ( الشعر الشعبي) على متن القوافي
 

‏مايهدي لهفه الشوق ياكود العناق
‏السوالف عبر الأقمار ماتوفي غرض

‏والله إن درب المواصيل للعشاق شاق
‏ياوقوف يدرك الوصل ياطيحة مرض

.....

رد: فوق هام السحب ( الشعر الشعبي) على متن القوافي
 

الناس بس البرد راح البرد جاء
اللي يحس ببرد يلبس عباته

الناس تشكي من برودة هالاجواء
وانا اشتكي هالبرد من ذكرياته

.....

رد: فوق هام السحب ( الشعر الشعبي) على متن القوافي
 

‏عَذب الكلام اللي معك مايجرح الحب النبيل
‏اعتق نسايم كلمتك وأسمح لها الليله تهب

‏سولف ترى صمتك طويل وليلي الأظلم طويل
‏ولا يقصر الليل الطويل إلا سوالف من تَحب

.....

رد: فوق هام السحب ( الشعر الشعبي) على متن القوافي
 

تنفس الصبح جعل الخير يقبل به
‏بامر العزيز الكريم المعطي المانع

‏الي لقيت السعد والخير في قربه
‏وانا بما يكتبه ربي علي قانع

.....

رد: فوق هام السحب ( الشعر الشعبي) على متن القوافي
 

‏حديتني للبُعد ماكنت ناويه
‏خيرتني مابين عزّي وذلي

‏انت الوحيد الي انا كنت أغليه
‏وأخذتها حجة وعناد وتغلّي

‏قلبٍ مليته بالعتب وين أوديه
‏ابغاك مره تحط نفسك محلي

‏انا تعبت أشيل حُبك وترميه
‏وشلون هاين تجرحه وأنت خلي

‏خليتني في وقت محتاج لك فيه
‏هذا وانا اللي كنت اسميك ظلي

.....

رد: فوق هام السحب ( الشعر الشعبي) على متن القوافي
 

‏رحلت عن دارك وانا خاطري فيك
‏رحيل حاكم دولته مستحلّه

‏حاولت أكابر وأنسى ماضي لياليك
‏جتني طيوفك زادت الطين بلّه

‏سالت دموعي فوق خدّي تناديك
‏عقبك ترى دنياي صارت مملّه

‏اببتعد عنك وانا خاطري فيك
‏بسوق رجلي واتوّكل على الله

.....

رد: فوق هام السحب ( الشعر الشعبي) على متن القوافي
 

‏يارب تفتح لي مغاليق الأبواب
‏اللّي على غيرك ومثلي عسيره

‏وهيئ لنا فضلك ومن خير الأسباب
‏واكتب لنا في كل مشوار خيره

‏واجعل لنا قوة وصدق أولو الألباب
‏واجعل لنا مع طيب الذكر سيره

.....

رد: فوق هام السحب ( الشعر الشعبي) على متن القوافي
 

اصبحت باحسن حال والحمدلله
‏الفضل له والشكر له والثنى له

‏ماخاب من يرجي ثوابه ويخشاه
‏والله وكيل اللي عليه اتكاله

.....

رد: فوق هام السحب ( الشعر الشعبي) على متن القوافي
 

الكريم ليا عطا كنه مايعطي من حلاله
‏لو طلبته ثوبه اللي لابسه يعطيك ثوبه

‏لعنبو جد البخل واللي يحطه راس ماله
‏البخيل بخيل مايعطيك حتى من ذنوبه

.....

رد: فوق هام السحب ( الشعر الشعبي) على متن القوافي
 

قبل تعزم اعرف من اللي تعزمه
‏عساه فعلاً يستحق العزيمة

‏والا الردي لو تعزمه صرت فأزمة
‏وشلون تذبح للبهيمة بهيمة

.....

رد: فوق هام السحب ( الشعر الشعبي) على متن القوافي
 

والله اني ما اتحسف واتصاغر حالي
‏غير يوم أخطي على طيّب ويغضي عني

‏الله يقطع هرجةٍ تجرح مشاعر غالي
‏والله يقطع هرجةٍ تزعل صديقي مني

.....

رد: فوق هام السحب ( الشعر الشعبي) على متن القوافي
 

تذكرتني بعد اربع سنين مدري خمس
‏هذا شوق ولا عوق ولّا وش تسمّيه

‏ترى عادة جروح الهوى تشتعل باللمس
‏وانا خايف انك تلمس الجرح وتصحّيه

‏سمح خاطري من رحلةٍ كلبوها شمس
‏ومكانٍ بغيت اجيه ولا قدرت اجيه

.....

رد: فوق هام السحب ( الشعر الشعبي) على متن القوافي
 

‏بس اقنعي عقلي يا ناقضة الجديل
‏وشلون طاح الليل وبالظهْر استوى

‏وكيف الخصر من ليلك الهادي يميل
‏ومن رقه النسناس وشلون انزوى
‏
‏انتي الهوى او شي من هذا القبيل
‏وانتي الشعور المخملي والمحتوى

.....

رد: فوق هام السحب ( الشعر الشعبي) على متن القوافي
 

‏جعل يسقى يوم عاد الهوى كله شجون
‏والطمع محصور فالعين والصوت الشجي

‏قبل تدخل سوقه اهل اللهو واهل المجون
‏وينقطع حبل الرجى في يدين المرتجي

‏راح وقت ٍ كانت ايامه اجمل مايكون
‏يوم كانت تعترض لي شوي وتحتجي

‏تختلق الاعذار لاجل العرب مايفطنون
‏ماتجي بالماء من الوايت اللا لين اجي

.....

رد: فوق هام السحب ( الشعر الشعبي) على متن القوافي
 

‏سلهمي بعيونك الثنتين دايم
‏واحرقي قلبي بنظرات المحبه

‏واتركيني طول عمري فيك هايم
‏مثل نظرات البعيد اللي مشبه

‏لو هلك يدرون ماحطوا تمايم
‏دامها فالشرع سنه مستحبه

‏انتي المفروض يحذف لك عمايم
‏من شغاميم العيال الملتهبه

.....

رد: فوق هام السحب ( الشعر الشعبي) على متن القوافي
 

‏عسى لي أثر طيب مواقف وذكرى خير
‏ونفسٍ تنول اللي تمناه ياربي

‏ولا تبتليني بالسّعي في نصيب الغير
‏ولا تضيع سنيني وأنا أدور لطبي

‏وهب لي بصيرة ماتوردني التقصير
‏تميّز قلوب الناس في كرهي وحبي

‏ونولني أشوف الحقيقة مثل ماتصير
‏أنا أشوف الأشياء مثل مايشتهي قلبي

.....