رد: فوق هام السحب ( الشعر الشعبي) على متن القوافي
 

لاتـردف الونّـه عـلى شـيّ مقسـوم
‏قبلك ترى مـرت عــليّه وراحـت

‏ماعـاد لي ف الحب لوعات وهموم
‏ريّحـت نفسي من العنا واستراحت


......

رد: فوق هام السحب ( الشعر الشعبي) على متن القوافي
 

حنّا ولو كثْرت علينا الشواميت
‏مانسكّر البيبان طيب ومروّة

‏والا الحرامي ويش يسرق من البيت
اغلى من احساس الدفى .. والابوّة


......

رد: فوق هام السحب ( الشعر الشعبي) على متن القوافي
 

يـالله تســامحنا من الــذنب كلـه
عفوك قبل ماياتي الموت والشيب

يسعد صباحك يالحــزوم المطلة
فيها ديــار معــوجين المــراكيب

واهل المتارس من حضـر ما تــزله
اصحابنا اللي يفعلوا الجمل والطيب

عند العــرب للضيف عشرين زلــه
والجــار له سبعين عند المعــازيب

والجيــد اذا اخطا غلطته ما تــذله
الخيل تعــثر فى قــوي المصـاليب

والطيـب مكسب واطرحه فى محله
والصـبر حكمــه والليالـى تجـاريب


......

رد: فوق هام السحب ( الشعر الشعبي) على متن القوافي
 

‏من كثر ما طاحو من العين غالين
‏لا شفت غلطة غــــالي أصد عنها

‏أدري ليامن طاح من محجر العين
‏ما يرجع بـ عينــي ليا طــــاح منها


......

رد: فوق هام السحب ( الشعر الشعبي) على متن القوافي
 

‏من كان يزعل دون سبه وحاجه ؟؟
‏جعله مهف مقيط وارشاه يتليه

‏من يطرد المقفي خبال وسماجه
‏ومن ينكر المعروف ملعون ثاويه

‏طير الرخم يعجبك نوب ادّراجه
‏والحر يبقى حر فعله محلّيه

‏مما يغث البال جاب انزعاجه
‏فقر الكريم وتايه الفكر شانيه


......

رد: فوق هام السحب ( الشعر الشعبي) على متن القوافي
 

كل ٍيشـــوف إنـه سليـــم الإعتقاد
‏وإن الله الـهـادي و هـــو المهتدي

‏الـبـخل في عيـن البخيلين اقتصاد
‏والضعف حكمة في عيون الأجودي

‏وأسـهل عـمـل للفاشـليـن الإنتقاد
‏كلٍ يسـب أهـل الردى حتى الـردي

‏حتى الجـبان يصـير طـارق بن زياد
‏اليا جـلس على البســاط الأحمدي


......

رد: فوق هام السحب ( الشعر الشعبي) على متن القوافي
 

‏يفيد معك القصيد اللي يهز الانام
‏ولا ارتكي لك بسجادة ودعوة فقير

‏الله يجيبك مثل جيّتك لي بالمنام
‏يوم اني امسيت في حضنك وعيّنت خير

‏والله يحللك لي بعد الوصال الحرام
‏اللي ماهو عاد هذآك الحرام الكبير


......

رد: فوق هام السحب ( الشعر الشعبي) على متن القوافي
 

‏فمان الله ياحبِ وقف ما كمل المشوار
‏عرفــنا مـفرق الدربين ما يحتاج تكميلة

‏بقت بـس المعزه بيننا مـا كـن شي صار
‏وصرنا اغراب عقب الود يادنيا من انتي له

‏فمـان الله ياقصـة غـرام اصبحـت تـذكار
‏صنعها الحب في لحظة ولا كمل تفاصيله


......

رد: فوق هام السحب ( الشعر الشعبي) على متن القوافي
 

‏معك كم تمنيت الدقايق تكون شهور
‏دقيقة معك عن كل ما فات من عمري

‏عطيني وعد لو كذب يشعل بصيص النور
‏وإذا قلت وينه ماطلي فيه وأعتذري
‏
‏أحبك وأشوف إن العمر في مداك يدور
‏حنيني على لقياك ما يسعفه صبري

‏عسى الليلة اللي تفرش أحلامنا بالدور
‏سماها يتوه الفجر عنها ولا تسري


......

رد: فوق هام السحب ( الشعر الشعبي) على متن القوافي
 

‏يا غاية الشعر العفيف و فرحة الصدر الحزين
‏خذ ما تبي من مُنطلق الانصاف و اترك ما تبي

‏مانيب ذاخر دون رغباتك صعيب و لا ثمين
‏لك كل شيءٍ تملكه كفّي عطا و الا سبي

‏بعد عرفتك صرت أشوف المغريات بـ نص عين
‏قناعةٍ فيني و أنا ماني سفيه و لا غبي

‏و من مُنطلق الانصاف قلبي لا تبيعه مرتين
‏تكفيه الأولى يوم شيّبته وهو عاده صبي


......