رد: فوق هام السحب ( الشعر الشعبي) على متن القوافي
 

‏ياكثر مامرت على عيوني عيون
تمرني وأسأل عليك إنت وينك

ماهمنـي لو بالثواني يمرون
تكفي عن عيون المخاليق عينك

.....

رد: فوق هام السحب ( الشعر الشعبي) على متن القوافي
 

اشتقت لك يلي على البال مريت
‏وجلست أفكر فيك من غير مدري

‏حاولت أسلي خاطري عنك وأزريت
‏قلبي معك مشغول ياليت تدري

.....

رد: فوق هام السحب ( الشعر الشعبي) على متن القوافي
 

‏ياعايش الدنيا ترى الحظ مقسوم
مثل الهبوب اللي بلا دار وديار

نجري ورى الدنيا مع الليل واليوم
وياما وطت الأقدام عجلات الأقدار

.....

رد: فوق هام السحب ( الشعر الشعبي) على متن القوافي
 

حي الغلا حي المحبه والأشواق
حياك ياقلبن بالأحساس وافي

أهلاً هلا ياللي له القلب يشتاق
ومهما أقول وقلت ماهو بكافي

غلاك مثل الصبح في لحظة إشراق
في داخلي يظهر جميع الخوافي

.....

رد: فوق هام السحب ( الشعر الشعبي) على متن القوافي
 

جيتي الأرض المليئة بالنواقص آية
‏تحيي أجداث الشعور لواهسي ولفنّي

‏فإن ضحكتي كن ما للضحك خط نهاية
‏و إن زعلتي كنّك تدوّرين خيبة ظنّي

‏الشعر ماكان يعنيني حكي قرّايه
‏ومن قريتي صرت أدوّر للسبب وأغنّي

.....

رد: فوق هام السحب ( الشعر الشعبي) على متن القوافي
 

أثر الأماني وارفات ظْلال دانية القطوف
‏والأمنيات أكثر مايخشى الحالمين إسرافها

‏على رصيف الصبر ملّ المنتظر طول الوقوف
‏وين الحياة اللي تخيّلت و لمحت أوصافها

.....

رد: فوق هام السحب ( الشعر الشعبي) على متن القوافي
 

ياكثر المرحبا والمسهلا والشوق وال لبّيه
‏على الشبّاك نفسه باقيه ماراح طاريها

‏هذا نفس المكان اللي بدينا فيه جينا فيه
‏نعيد الذكريات ونستفز اشواقنا فيها

.....

رد: فوق هام السحب ( الشعر الشعبي) على متن القوافي
 

من يقنع الشوق باشغالك وبظروفك
‏أقنعت قلبي وعيّا يقتنع قلبي
‏
‏دقايقٍ ما اسمعك فيها ولا اشوفك
‏ياوين ابا اروح من تفكيري السلبي

.....

رد: فوق هام السحب ( الشعر الشعبي) على متن القوافي
 

أنا المقتنع بإن آخر المجريات أنصاف
‏لذا ماتزيد جروحي إلّا أبتساماتي

‏ولوّ مهل الله ماهمّل قلبي الشفاف
‏يجي يوم والدنيا تعدّ انتصاراتي

‏تخافون دورات الليالي وأنا ما اخاف
‏ تبي ترد لي معروفي وبيض وقفاتي

.....

رد: فوق هام السحب ( الشعر الشعبي) على متن القوافي
 

‏أجمع له سمان الهرج خوف من التقصير
‏واليا جيت أبشرح له كلامي تهيزلته

‏يجيني منه هيبه معزه سحى تقدير
‏أقابله عندي علم وأروح ماقلته

سعد بن جدلان

رد: فوق هام السحب ( الشعر الشعبي) على متن القوافي
 

كيف لامر السهر من دونك استعذب نعاسي
‏وأنت تدري مالعيني من بعد عينك مسرّه

‏كل ماطال السكوت بسور صدري طال باسي
‏كني اللي راضي التعذيب من قوّ المضره

‏والله إني ماتحلويت الجفى لو كنت قاسي
‏مير قلبي من كثر حبه عجز منك يتشره

.....

رد: فوق هام السحب ( الشعر الشعبي) على متن القوافي
 

عن ضجيج الناس وأ حداث اللّيال المستمرّه
‏ودّي أبعد عن مدى الأنظار لو إني لحالي

‏ماورى كثر العلوم الدارجه غير التشرّه
‏يوم ترضي لك قريب ويوم يزعل منك غالي

.....

رد: فوق هام السحب ( الشعر الشعبي) على متن القوافي
 

‏ماعليك من البرود وما عليك من المكابر
‏والله انك غاليٍ جدّا وفي قلبي لحالك
‏
‏انت في قلبي مقيم وغيرك من الناس عابر
‏وانت تامر ياحبيبي كل ماعندي حلالك
‏
‏وماعليك من الكلام وما عليك من المخابر
‏قلبي اعلن واعترف بان الغلا وان الولا لك

.....

رد: فوق هام السحب ( الشعر الشعبي) على متن القوافي
 

‏أنت وحدك تستفزّ الصمّت وتردّ الطواري
‏ماقدرت ألدّ لك تقدير وإلا أصدّ شيمة

‏ماعليّ من الجفاف إن طالت ايدينه دياري
‏وين مالدّيت أشوفك نوض بَرق ووبل غيمة

.....

رد: فوق هام السحب ( الشعر الشعبي) على متن القوافي
 

‏خذ ياسحاب الشوق من قلبي الشوق
وارحل جعل مسعاك درب السلامة

صـوب الذي له شآن ومكانته فوق
وسط الضلوع العوج ساكن غرامه

قله قسم قلبي من الشوق محروق
والنار تنهش في الخفوق إلتهامه

والجسم كامل صابه الياس والعوق
والقلب ينزف داخلي من سقامه

.....

رد: فوق هام السحب ( الشعر الشعبي) على متن القوافي
 

للسوالف معك لذه وطربه وانتعاش
‏لو تخربط فالسوالف أَحب السالفه

‏في عيون اللي يحبك فهاوه واندهاش
‏والجوارح في وجودك غدّت متخالفه

‏من غلاك أَشوف ذا الناس في عيني بلاش
‏وكل من جاني يوالف عجزت اوالفه

.....

رد: فوق هام السحب ( الشعر الشعبي) على متن القوافي
 

‏وين أنت ياللي تقدر ترجّع لعمري ساعتين
‏وأعطيك من باقي حياتي ما يسرّك حالها

‏رغم إنهزامي مع دنوّ الليل وابداي الكنين
‏إلّا إنّي أحفظ قيمة العبرة على منزالها

‏ليلٍ سرى في ظلمته وحشه وفي صدري حنين
‏وأحداث حربٍ في معاركها تموت أبطالها

.....

رد: فوق هام السحب ( الشعر الشعبي) على متن القوافي
 

‏على وين رايح عاد عمري معك ماملّ
‏تعوشب معك واخضر عوده على نبته

‏يادربي الوحيد شلون اهدك وانا مادلّ
‏سوى وجهك اللي يهدي الرشد واتبعه

‏على دربك تقل الخطاوي وينبت فُلّ
‏هذا الدرب وهذي زحمة اهله وذا طبعه

‏عليك البشر تفتح شبابيكها وتطلّ
‏من يشوف وجهك شاف روحه على ربعه

.....

رد: فوق هام السحب ( الشعر الشعبي) على متن القوافي
 

‏فمان الله عَسى مايردّك لقلبي وَلَه وشعُور
‏ليا هَبّ الحنين وجيت لك طيف وتغافلتك

‏تجاهلتك وانا ضايق شعور وخاطري مكسور
‏تخيّل قدّ ماني بحاجه وصالك تجاهلتك

.....

رد: فوق هام السحب ( الشعر الشعبي) على متن القوافي
 

‏في سماء حضنك عن الدنيا وما فيها سليت
‏ياعوض ربّي على قلبي وجنّة مشتهاه

‏عوّدت روحي ومن لجّة بحر حزني نجيت
‏جيت لك غارق وجيتيني مثل طوق النجاة

‏لو بذلت الروح لجل أفدى عيونك ماوفيت
‏ ماعطيتيني حنان أنت ِ عطيتيني حياة

.....

رد: فوق هام السحب ( الشعر الشعبي) على متن القوافي
 

سلامي على اللي تسرق الروح والاعجاب
‏فدتها العرب والروح والصاحب الخيّب

‏مطر صوتها لاداهم السمع والاعصاب
‏هنا أحسّ بان الموت لنفاسي قريّب

‏لها في خيالي رش ديمه وقرع أبواب
‏ولها في خفوقي حب لايمكن يشيّب

‏أنا من ينجّيني ليا سلّت الاهداب
‏وهدبها كلام الحق لا قيل من طيّب

.....

رد: فوق هام السحب ( الشعر الشعبي) على متن القوافي
 

اعتبرني معطيات الواقع اللي يستثيرك
‏وحبني مثل الخيال وخلّني مثل المخيله

‏القبال اللي تشوفه قادر يحدد مصيرك
‏والقبول اللي لمسته منك يكفي عن قبيله

‏يوم مرتني حياتي كلها ماشفت غيرك
‏أنت صورة كل مشهد وأنت قصّة كل ليله

.....

رد: فوق هام السحب ( الشعر الشعبي) على متن القوافي
 

‏مطيح المطر بالارض يشبه مطيح خطاك
‏على جرف جفني يامطر ناظري مرّي

‏أحبّـك وأقول إني أحبّط ولا يخفاك
‏أنا المعجب المُعلن وأنا المعجب السرّي

.....

رد: فوق هام السحب ( الشعر الشعبي) على متن القوافي
 

يامحلا الجلسه مع اللى توده
وقلبه تعرف انه يودك ويغليك

والله لو تأخذ من الوقت مده
فى رأيك ان الوقت ماهو مكفيك

.....

رد: فوق هام السحب ( الشعر الشعبي) على متن القوافي
 

تملكني الطيبه ويملكني الذوق
‏ويملكني الي صادق في كلامه

‏ياحظ منهو يحترم كل مخلوق
‏بشوش متواضع رفيع مقامه

.....

رد: فوق هام السحب ( الشعر الشعبي) على متن القوافي
 

احتاج افضفض بس مدري ويش اقول
‏ياحظ منهو لابغا يحكي حكا

‏بين احتمالات الغرابه والذهول
‏ياقرب بعض الصمت من بعض البكا

.....

رد: فوق هام السحب ( الشعر الشعبي) على متن القوافي
 

‏كنت اعاف اللي يميل وكنت احب الاختصار
‏لين ملتي واستقام العشق بالقلب وزما

‏والله اني قبل اشوفك ماعرفت اخذ قرار
‏لا انسألت ارد يمكن واحتمال وربما

‏ما انفرضتي في تفاصيل الحياة انتِ اختيار
‏غيمٍ اوحى الريح تدعي والمطر حن وهما

.....

رد: فوق هام السحب ( الشعر الشعبي) على متن القوافي
 

‏تراقبك العيون اللي تحبّك والمحب يخاف
‏عسى ربّي يجيرك من عيون الخلق عز وجل
‏
‏على ماخصّك بزود الجمال ونادر الأوصاف
‏أنا ما ألوم من خافوا عليك من الحسد والغل
‏
‏مع إني لو تكلّمت بحياديّة عن الانصاف
‏من الواجب عليهم يفرشون الارض ورد وفل

.....

رد: فوق هام السحب ( الشعر الشعبي) على متن القوافي
 

‏على كثر الشتات اللي يمر ويربك افكاري
‏لقيتك ظلي الثابت معي دايم على الهقوة

‏ياوجهٍ كل ماضاقت علي وشانت اقداري
‏ذكرته وانجلى ضيقي وصارت عبرتي غنوة

‏تخيرتك ولو غيرك وجوده عندي اجباري
‏اعرف ان الحياة بدون وصلك ماهي بحلوة

.....

رد: فوق هام السحب ( الشعر الشعبي) على متن القوافي
 

اخاف ان الغلا ينقص ليا من مر يوم ويوم
‏وحنا ماتواصلنا وكلن متصل نكه

‏بعد شوط الفراق الي تقفاه التعب وهموم
‏يراسلني يقول انه دعالي في حرم مكه

‏عسى حاله بخير وياعسى له السعاده دوم
‏وعساه يعيش في دربه بدون الهم والشكه

.....

رد: فوق هام السحب ( الشعر الشعبي) على متن القوافي
 

عشان تشوف قيمة غيبتي وتقدّر حضوري
‏تركتك والليال السود تكفي يا أبيض الغرّه

‏بدا دور الليالي وإلا أنا معك أنتهى دوري
‏ومعك ماعاد تنفع شرهتي وحكاي بالمرّه

‏فمان اللي زرع حبك بقلبي وأصدق شعوري
‏وأنا شخصٍ ليّا ترجم شعوره ينكشف سرّه

.....

رد: فوق هام السحب ( الشعر الشعبي) على متن القوافي
 

تجيني على غفلة من الليل والترحال
‏وأحب النسيم اللي يجيبك وأهلّي به

‏زرعك الله فقلبي مثل مازرع فالبال
‏سوالفك صورّك وصوتك وترحيبه

‏تنحّرت لي بعض المساعي ودربي طال
‏وعرفت إنك المسعى بحلوه وتعذيب

.....

رد: فوق هام السحب ( الشعر الشعبي) على متن القوافي
 

‏أنا ماهمني لاصار سيلي عارفٍ مجراه
‏أبفرش ضحكتي بعيون كل اللي يمروني

‏أنا لاني طريقٍ محدٍ صابر على ممشاه
‏ولاني دربٍ اخضر كل من جوني تمشوني

‏وأنا ماني ببحرٍ كل من جاني شرب من ماه
‏أنا صفحه من التاريخ تذكرني ماتنساني

.....

رد: فوق هام السحب ( الشعر الشعبي) على متن القوافي
 

إلين الفجر تعّبت المساري لين قل الحيل
‏تقدّيني هواجيس السهر وتتوّه دروبي

‏أنا تعرفني أرصفة الطرق وأشجارها والليل
‏كثر ماهيب تجهلني النوايا وقلب محبوبي

.....

رد: فوق هام السحب ( الشعر الشعبي) على متن القوافي
 

‏ألا ياقلب لاتشره عليه ولي متى غيره
‏يغيب برآحته خلّه يروح يعالم النسيان

‏كفاك تدور آعذار لغيابه فضها سيره
‏تماديت بغلاه ومن تمادى بالغلا خسران

‏أبد مافيه بالدنيا بشر يستاهلك غيره
‏يغيب ولارجع ماكنك الا العاشق الولهان

.....

رد: فوق هام السحب ( الشعر الشعبي) على متن القوافي
 

‏لازال الوحيد اللي سكن بالي الدواج
‏على كثر مامر وعلى كثر ما واجه

‏شعوري وانا انتظره وابيّن له اني ساج
‏شعور الفقير اللي يكابر على الحاجه

.....

رد: فوق هام السحب ( الشعر الشعبي) على متن القوافي
 

‏الليالي صابها الخوف واخطاها الامان
‏والمشاعر بعد طول الصفو متكدره

‏رغم صدمات الاوادم وصدمات الزمان
‏صدمتي فيك انت لا زالت المتصدره

.....

رد: فوق هام السحب ( الشعر الشعبي) على متن القوافي
 

‏تجيبك لي الاحلام واحضنك لين افيق
‏تروح وتغيب ايام واحلامي تجيبك

‏اماريبك الاحباب وادعي لك التوفيق
‏شف شكثر غلطاتك بحقي واماريبك

‏عذاريبك الواجد بعيني عليك تليق
‏انا اشوف من ضمن المزايا عذاريبك

‏شسويبك ان جيت اتناساك جاني ضيق
‏وانا كل ماضاقت ذكرتك شسوي بك

.....

رد: فوق هام السحب ( الشعر الشعبي) على متن القوافي
 

ياحبيبي لالقيت اللي بدالي لاتبالي
‏انت مختاره وهذا قلبك وهذي المحبه
‏
لاتواسيني على حالي لو انه بري حالي
‏من يقول ان الجروح كبار وان الشوق سبه
‏
كل ماحزن لاتوريني الغلا لو كنت غالي
‏في شعوري كل ماجيت المسه بعِّد وخبّه

‏وش تبي فيني وانا عابر سبيل وراس مالي
‏ذكريات جت مكان الواقع اللي كنت احبه
‏
خذ بشوري واترك ايديني انا دايم لحالي
‏فيني شعر ابي بكاه وفيني دمع ابي اكبّه

.....

رد: فوق هام السحب ( الشعر الشعبي) على متن القوافي
 

‏هي مذهله بالوفاء وبطيبها مذهله
‏مافيه منها بطيبتها سوى ذاتها

‏بالذوق واخلاقها من شافها تذهله
‏في إبداعها في تعاملها وروعاتها

.....