|
حياالله الربع من جديد
وفالكم السفر والجميع ماشي تمام على الوزن والقافية طبعا قافية الشيلة اما قافية الموال اختيارية كماهو معروف تقبلوا اعجابي وظهورهن يالنشامى |
يالمعاوي ارحب ورحبين(ن) بكم يابو سعد
انتو في حضرة سخيِّين العطايا والسعد هذي احوال البشر كم به حزن كم به سعد وان كسبنا وان خسرنا كلها الدنيا تروح الزئبق ان كان سايل قوي الباسي وباقي المعادن مسى خام وكْسالي ما كرَّها وفرَّها صافيّ النِيَّة تحياتي |
خلوهــــــــــــــــــــــــــــــــــــــــا
|
الله الله وين الاول؟ ابن مفراص المعاوي قال هذا الليل قال والخبر منشور ياهل الخير من دون المقال روسنا تبقى سليمه دون ملباس العقال والعلم مرفوع والخالق على خلقه رقيب يالله لا تبدل الخير بالباسي الخط يابو سعد ما تطوّالي والشعر ذالليل بدعه ورديّه |
تسجيل حضور
بارك الله فيكم انتم مبدعين دائما |
ابو بركي نشكر تواجدك معنا دائمنا
وهذا شرف لنا لك الله تقبل تحياتي |
بدع عبدالعزيز
ابن مفراص المعاوي قال هذا الليل قال والخبر منشور ياهل الخير من دون المقال روسنا تبقى سليمه دون ملباس العقال والعلم مرفوع والخالق على خلقه رقيب يالله لا تبدل الخير بالباسي الخط يابو سعد ما تطوّالي والشعر ذالليل بدعه ورديّه الرد يالمعاوي شد حيلك يوم طال العلم طال يحلم الطيب بنجم سهيل ماله به مطال غير نبغى نسعف الطيب ولو طال المطال وان ربحنا وان خسرنا كلها الدنيا تروح افخر مع الناس وازدان بلباسي والي بغا موتتي مات طوّالي وان مت لاتنشدون اش ورا الدّيه |
الله يوفقكم جميع ترنا متابعين
اسجل حضورى واعجابي بكم وان شاء الله اذا تزوج بوسعد يعزم الشعراء المتحاورين ويعزمنا |
ارحب يابو محمد .. وماطلبت شي وانا خوك فالكم السفر بس انت كثر الدعوات شويه..يمكن الله يفرجها ..
|
الله يعطيكم العافيه
|
الجمال الهيم تصرف ودَّها تعرك بزور
صبحها حق(ن) محقق حيل ماياتيه زور ومن طلبها في زيارة دون مايطلب تزور وان خسرنا وان كسبنا كلها الدنيا تروح ماني بعضو (ن) مميَّز ولا ماسي لكنّ متفوق ابمستوا(ن) عالي من قبل ما اثبِّت اسمي بعضويَّة تحياتي لكل المشاركين الاخ بن بركي وعايض الشمراني وبن صهبان والاخوة الشعراء المتميزين |
|
البدع
الحمول على ظهور اصحابنا ومعادله والقصايد ماهي ارقام ورموز معادله ليت بقعا يوم جات الهيلمان معادله وان ربحنا وان خسرنا كلها الدنيا تروح في القاعه الوجه شاحب وعبّاسي والي لقى الاولي مالقى التالي والطير لا من هجرنا فله جيّه الرد الله اعطاكم ومشّوا حالكم للقابله ورايكم مهما صعب يااحباب قلبي قابله شوفوا اصلب صوت فيكم وابشروا لا اقابله وان ربحنا وان خسرنا كلها الدنيا تروح الوزن مكسور والشعر عباّسي الشعر كم قال لك كنت قتاّلي وانا امدح الي يراعي ولا اهجيّه |
البدع
خاب من يكسر جناب الشعر والوعْد الحكم والدول واركانها يا خوك لوْلاة الحكم مثل بو متعب وزايد وابن مروان الحكم وان خسرنا وان كسبنا كلها الدنيا تروح قايد كتاتيب مثل ابن دوَّاسي ما قلت ماعندي اسلاح وابغالي عندي مية بارجة والف روسيَّة |
|
البدع
طوّل الله عمر ابو متعب ولا جاله شبيه ليش يادنيا معمّر في المشاكل تنشبيه مادرى ان القبر قدّامه في القصه شبيه وان ربحنا وان خسرنا كلها الدنيا تهون اثرب وثربان قدّام بلاّسي واثر البلس طاف هضبان وجبالي ولا يجي فيه هيل(ن) ودكّيّه الرد كل شاعر في المواقف لا تبصّر ماعليه والبلا من شاعر(ن) ذرّا بتربانه عليه ودّي اصلي على المختار صلى الله عليه وان ربحنا وان خسرنا كلها الدنيا تروح الله يجازيك ياكل بلاّسي باقول لك كلمة(ن) من ولج بالي اخاف لا يلحقك في يدك كيّه |
البدع
يكفي الكلمه لسان ويكفي الماقف حصان والدروع الواقية اكبر معالمها حصان والذياب المعط ماتولف على حس الحصان وان خسرنا وان كسبنا كلها الدنيا تروح ما ردّ بالشرّ والسيَّ وان جا سَي وماقول للكفو ذا ليك وان ذا لي ما غرَّني ذيك وابخص به وذيَّة |
طيب طيب عاش بوسعد
|
تسجيل حضوووووووووووووووور
|
البدع
الحبايب جرّحوا فينا وياكافي البلا والمصيبه كل علمي بالنعم ماهو بلا يحسبون ان الحروف بكثرها تبدا بلا وان ربحنا وان خسرنا كلها الدنيا تروح اخاف ترجع بهمّين وافلاسي تبغى تشوّش ولا توصل اريالي ذريّة الشر ماهي بذرّيه الرد بو هديل اليوم يبدع للحبيّب بو هلا ياهلا يامرحبا باشعارهم واهلا هلا من زعل منّا نجيب اربع قناني من هلا وان ربحنا وان خسرنا كلها الدنيا تروح والله لو مت مابشهر افلاسي من غير ماقول كم عندي ريالي عندي لكل المعادين ذرّيه |
احسنت ياسمو هذا شقر المعنى والا بلاش وانا اغلب بدعي تراه فرش يعني بس انت تغطي وتكمل
وزن الشيلة صعب شوي صح هههههههههه ماهوب عسير علاكم انشالله؟ تحياتي |
الرَّجِل سعْده رفيقة في المواقف واللزوم
ومن تولَّى يوم زحف القافلة ما له لزوم ومن يغرّ ابصاحبة كبر وغدر فالنفس زوم وان خسرنا وان كسبنا كلها الدنيا تروح من يكنز التمر يبشر بالادباسي واما الحدق حنظل وما به الحالي والمدّ ما له على الرطل بدّيِّة |
طيب طيب
عاش بوسعد وعاش رفيق السعد دماوي يازين الرفع على الشبكة وانت دائم ترفع على الشبكة ويحلو الكبس
|
عليك ياول تسجيل حضور
|
البدع
ابدع ابدع يادماوي صاحبك يبني قصور كاملين وربنا الكامل ولا فيكم قصور جعل ربي يجعل الاعمار مافيها قصور وان ربحنا وان خسرنا كلها الدنيا تروح ياراعي التمر انا جيتك آواسي شتى البلح وانت في غربتك فالي تبغى الشياخه وتبغى العموديّه الرد ياسمو اصبحت للغلطه وللزله صبور جل من غير طباعك ربنا المولى الصبور تبغي الركن اليماني بس لاخصامه صبور وان ربحنا وان خسرنا كلها الدنيا تروح مادام باقسّم الرزق باواسي وش فالكم جد شفت السعد فالي شبرا برز عن قصور العموديّه |
الاخ سمو المشاعر والاخ دماوي ليش ماكل واحد فيكم يبدع ويرد مثل ابو سعد ؟
انا ارى ان يكون للشاعر بدع ورد (تحلو السالفه) اما ارفعلي واكبس على قولة الشاعر سمو المشاعر فكل واحد يرفع ويكبس لنفسه افضل (مجرد راي) |
كلامك بمحلة يابو بركي
ولكن ماتصلح الا يا اربعة يا اثنين وهنا استسمح سمو المشاعر بأن اكمل ابياتي واطلب من الادارة ترتيب آخر يجمع اربعة شعراء ممن يحبون او طرف آخر مع بوسعد ونحن هنا للمشاركة والاحياء والاثراء تحياتي ر امرو وتدللو وحنا لعيناكم |
البدع
الجمل يهدر وكل العيس ترغي في رجاه يهبد ابعنقه على خوش العدا لاثير جاه يذهب الِّي من صريفة يسمع ويتفيرجاه وان خسرنا وان كسبنا كلها الدنيا تروح الكنز للضيف ولكلّ جسَّاسي مع الشنينة وعبل المرق تالي من لحم وشحوم قعدان ِبكريَّة الرد وسْمنا في كلّ وادي ضيَّع الصبح ونداه خيَّم الليل ابسواده ما له نديد او نداه والمنادي مع رعوده والله ما ياصل نداه وان خسرنا وان كسبنا كلها الدنيا تروح الزير كم حلّ في ربع جسَّاسي وبّشسْع نعل البطل واصل اقتالي عنّز بتغلب على كل بكريَّة |
ابشرو ولايهمكم حاضرين للطيبين
|
الله لايهينكم والله يجمل حالكم محاوره رائعه وجميله وماقصرتوا وسوف نرتب محاوره جديده لمن اراد اذا وافقتم على اقتراحي بين اربعه شعراء وتكون بشكل منظم وجديده
لكم مني كل التقدير والشكر المعاوي وبوسعد ودماوي وسمو وايضا نعطي فرصه اكثر للشعراء في انتظاركم تقبلوا خالص التحيه |
السلام عليكم مسّاكم الله بالخير بيَض الله وجيهكم و ماقصرتو والله يعطيكم العافيه جميع والله العظيم كان ودي اني واصلت معكم ولكن ظروف الدنيا والاشغال ما تجعلني اتواجد معكم! ولكن إنشاء الله نعوّضكم المرّات الجايه! وابشرو بالي يسر خاطركم جميع تقبّلو عذري و تحياتي وشكراً |
بيض الله وجوهكم جميعا اسعتونا علىمدى شهر ونصف تقريبا
الله لايهينكم ويبيض وجوهكم جميعا 0 وننتظر من الاداره ترتيب محاوره جديده 0 |
الله يسلمكم جميع ولا يهينكم واسفين ان صار زلل او قصور والله يغفر ويتوب
وحياك الله من جديد يا محلفنا عبدالعزيز المعاوي واشكر كل المخيَّلة الي شاركونا بوجودهم وحماسهم ابو بركي وابو نايف وعايض الشمراي واحمد الشمراني وبالقاسم وكل من وقع وكل من شاهد ولم يوقع تحياتي وحنا بانتظار الجديد انشالله |
تحياتي للجميع
وصلى الله على سيدنا محمد |
| الساعة الآن 08:56 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية
