|
رد: فوق هام السحب ( الشعر الشعبي) على متن القوافي
صدورنا صافيه والجود فالموجود
يالله عسى هالليالي كلها صافيه جعله يجي العيد لا فاقد ولا مفقود والله يعوده علينا بصحه وعافيه |
رد: فوق هام السحب ( الشعر الشعبي) على متن القوافي
والله اني صرت عن رفقة العالم جزوع
من كثر ما اكشف خفايا صديقٍ وانصدم كرهوني بالصداقه خبيثين الطبوع كل ما ابني هقوة الطيب فيهم تنهدم من قربهم ذوقوه الغثا من كل نوع ما يحصل من ورا قربهم كود الندم يوهمونك بالتصنع وبالشكل الخدوع والحقيقه طيب الافعال فيهم منعدم خليل بن هدلان |
رد: فوق هام السحب ( الشعر الشعبي) على متن القوافي
كلن* يشـوف* انـه** سليم* الاعتقاد
وان* الله* الـهـادي* و هو* المهتدي* الـبـخل في عيـن البخيلين* اقتصاد والضعف حكمة في عيون الاجودي واسـهل عـمـل للفاشـليـن الانتقاد* كلٍ يسـب اهـل الردى حتى الـردي حتى الـجـبان يصـير طـارق بن زياد اليا جـلس* على* البساط الاحمدي جمال بندر |
رد: فوق هام السحب ( الشعر الشعبي) على متن القوافي
لا تشوف الناس ضعفك وانكسارك
لو عظامك تنكسر ما جبروها انتصب كنك طلعت من المعارك مــاخذٍ ثــار الــقبيله كــلبوهــا ناصر الحمادين |
رد: فوق هام السحب ( الشعر الشعبي) على متن القوافي
ياما قطعت الطريق الموحش لحالي
في حزّةً تذبح الساعه عقاربها مايرخص العمر غير اللي فقد غالي ومازاد روس الدهاه إلا تجاربها يمناي يمناي لا عمي ولا خالي يوم المصايب تفتلي شواربها |
رد: فوق هام السحب ( الشعر الشعبي) على متن القوافي
من عز نفسه*** زاد رفعه.*** وقيمه
لو ان رزقه مثل رزق اشقر** الريش ياصاحبي****** ودروبنا**** مستقيمه لو فتّشت** عنا نقاط.***** التفاتيش مايرخص* البندق ولا** شداد ريمه الا الضعيف اللي* يدوّر** عراميش بعض النفوس تصد لو هي محيمه تقبل وهي ظمياء وتقفي معاطيش محمد مريبد |
رد: فوق هام السحب ( الشعر الشعبي) على متن القوافي
العافية والستر ، مع راحة البال
هذي الثلاث ، اعدها راس مالي ياللي تقول الغالي اشريه بالمال اللي يجي بالمال ، ماهوب غالي عبدالله الطلحي |
رد: فوق هام السحب ( الشعر الشعبي) على متن القوافي
جعل الكفو تبطي سنينه وهو حي
اللي شنار الطيب طاله وحازه ماعنده إلاّ أبشر ومن ذي قبل ذي يا سِعد عين اللي يجي له* بعازه يفداه ابو ماقدر و كلمني شوي اللي ما تعرف ليّنه من عزازه هذا ليا مني زهمته على شي لو هو مداوم قال أنا في إجازه عطا الله ممدوح |
رد: فوق هام السحب ( الشعر الشعبي) على متن القوافي
سلام الله على الصدر الوسيع ودامح الزلات
مخيب ظن نقال الهروج وراعي الفتنه تقول مركبٍ بذنه جهازٍ لانكر الأصوات يعرف الهرجة اللي طالعة من جيفةٍ نتنه إليا جته العلوم التافهه راحت تقل ما جات وإذا جته الحمول الكايده عرض لها متنه عبدالعزيز بن سدحان |
رد: فوق هام السحب ( الشعر الشعبي) على متن القوافي
انا غرامي شـوفة البـرق لالاح
ترزم رعوده والخيال يتبارى والى نزل وبله على القاع وانساح الروض يذرف والشـغايا تجـارى لخذت لي مع مسهج السيل مسراح امـا ضـحى والا تلـيـة نهــارى ماني محسب للخساير والارباح رزقي على رب الغني والفقارى ********* بدر الحويفي رحمه الله |
رد: فوق هام السحب ( الشعر الشعبي) على متن القوافي
الصاحب الغالي نحنه وندراه
عن شامتٍ يفرح لا شاف انزعاجه نستر عذاريبه وندمح خطاياه ولا نبين عثرته وانحراجه نصون رفقة راعي العز والجاه ونطيب له تقدير ما هو لحاجه واليا هرجنا له بهرجٍ نقيناه خوف يتعكر من سببنا مزاجه خوينا عاداتنا نكسب رضاه ونزيح همه لين يضحك حجاجه خليل بن هدلان |
رد: فوق هام السحب ( الشعر الشعبي) على متن القوافي
كلامكم يَ مقولبين السواليف
على عيال الطيب برد وسلاما غشّوا بعضكم .. يكرمون العواريف اللي على خطّر بعضها تحاما الله ليا حط الضعافا .. مواليف حط النشاما في طريق النشاما الطايله لنا عليها مشاريف غصباً على غل النفوس السقاما ناصر مناحي |
رد: فوق هام السحب ( الشعر الشعبي) على متن القوافي
في ليلةٍ عيّا على النوم..كسري
كنت احسب إني فـ الليالي صبورة و برحمتك جيتي مع الوقت..جبري! نورة..ومن مثلك على الأرض نورة على اهتمامك كيف يوفيّك شكري و أنتي تمدين المعونه..ضرورة يبقى جميلك في دهاليز صدري مثلك تخلّيني وراها فخورة ... |
رد: فوق هام السحب ( الشعر الشعبي) على متن القوافي
انا من ورى ابها بين ساحل وبين هضاب
اسوق الركايب بين وديان وجبالي ليا رحت عقب العصر عديت في المرقاب اغني على المسحوب واجر موالي قعدت اتذكر ياسعد ربعنا الغياب وأنا دارين ما مر الأول وطى التالي لو احاول انسى ما مضى وادرك الاسباب أنا شايف أن القلب مهوب متشالي اضيع دليل الراي واخطي طريق الباب ولا عاد افكر في خروجي ومدخالي واسامر سواد الليل ونجومه السكاب واسولف على نفسي وانا بالخلا الخالي هواجيس قلبي بالدقيقه تجيها اسراب وانا ما بكيت الماضي إلا من هبالي وش الفايدة ياعين، حكم القدر غصاب حياة ابن ادم هكذا شمس وظلالي خلاص انتهاء مافات وامر الله الغلاب وكلاً معرض للضماء واشهب اللالي صواديف بقعاء غيبها مثل سم الداب ومادام راسي حي بمشي على فالي انا اشوف راسي من زمان العجايب شاب ولولا رجا الله كان وشلون ابا احتالي زمان يهين الروس ويقصر الاشناب ولا يصفي الا للبغيضين الانذالي ألا ياسعد مر الجعيثين وعطه كتاب تكرم وسلم سيد الشعر مرسالي ابا لقبه سيد الشعر سيد الألقاب اديب الادب يوم اكثر الناس جهالي يخاطب رجال العلم ويدرس الطلاب موازين شعر وللشعاعير مكيالي قصيده عجايب ومعجباً فيه أشد عجاب وهو شاعراً بالشعر تضربه أمثالي وله مجلس ماحط دونه ذرا وحجاب مداخن وعود ازرق وكيفات ودلالي وقله ترى دنيا ابن شايق شقا واتعاب عقب مافقد ربع لهم صيت وافعالي فقدت الطرب والأنس والربع والأصحاب وفراق النشامى زاد شري وغربالي وفقدت التواضع والتراحيب والآداب وفقدت الثقه من يوم فارقت الأبطالي قرانيس حر يشهر الكف والمخلاب حراراً تخلي صافي الدم شلالي حراراً هددهم خفة النفس والرحـاب عليهم عيوني دمعها يهمل اهمالي أنا والله أن ابكي عليهم كالأغراب اببكي على اللي مابعد ضيقوا بالـي ولا حسوا الخاطر ولا سببوا لانشاب حليب الصديق وللعدو سم قتالي أنا من بعدهم مثل سعدون عقب عقاب حياتي بعدهم عندي ارخص من ريالي فلا كل رماياً طرح شارة المضراب ولا كل من قال اركب الخيل خيالي ولا كل غايب نفقده يا سعد لا غاب ولا كل رجال يعوضك برجالي سقى الله ليالاً عشت فيها مع الاحباب ليا جيتهم ضايق رجع خاطري سالي شباباً على ما قال الاول رجال أجناب جذبهم عريب الجد والعم والخالي سقى الله بلاداً فيه لطيبين أقرب وسقى الله مكاناً فيه لرسومهم تالي احب التراب اللي مشوبه لونه تراب وامر المكان اللي لهم فيه مدهالي عليهم عيوني دمعها دايماً صباب وانا ما خبرت العين تبكي على الخالي ولا طاح بيتاً باقياً له عمد واطناب بيوت المعزه عز في كل الاحوالي اقول الصحيح وحاسباً لرجال حساب وانا عارفاً منزال غيري ومنزالي الاجواد واجد والمراجل لها كساب لكن واعد العشرة ليا صرت جمالي يطير الشرار وكل ناراً لها شباب ومن ولع النيران يصبر على الصالي تجارب حياتي مع جزا والدروب صعاب لقيت الرجال انواع والوان واشكالي صديق الشدايد ما خذا منك علم وجاب وسيع الصدر يضحك ولا هوب زعالي صديق الشدايد ما ينافق ولا يغتاب يدله غريب الجار ويزبن الجالي وصديق الرخى عقاب ومصادقه عقاب شجاع الحكي والمدح بالقيل والقالي وصديق الرخى ما غير صوره ولبس ثياب يا ليته يبرقع ماله شماغ وعقالي وعندي نصيحه جد ماقلتها لعاب أقول الصحيح ونايم القلب يصحالي ترا خوة أهل الطيب يالطيبين أطباب يطيب السقيم وخوة الاش سلالي تغانم شبابك يا بيض الوجه دامك شاب ترى البدر لو يطلع قمر عود أهلالي فلا تهجر المسجد وخلك ورى المحراب ترى روضة المسجد لها منزلٍ عالي ولا تترك اللي يزهمك خايفٍ مرتاب ترى الذل ما نجى الثعل با لتحيالي ولا لندى غير الفدى لو تروح أرقاب ومن ضاع رايه يا خذ الشور ويمالي ومن با شرك بالعذر لاتلحقه بعتاب ولا تشوف نفسك شيخ والناس عمالي ولا تهين نفسك لو تجي بين ضرس وناب وهيبتك لا تنقص ولو ربع مثقالي وبنت الردي لا يعجبك زينها الجذاب تراها كما المخيال خيل وتخيالي ولو شفت حمر خدودها واثمان أعذاب لا بدك تمنى ليت ما جالك أعيالي ولدها لا ياشاف النقى والملاقى هاب ذليلٍ بخيلٍ فيه خفخاف وجفالي أخذ بنت قرمٍ طيبٍ ساسها ما عاب تنومسك بنت الشبل ويجي لك أشبالي أعيال الذياب تصير مثل الذياب أذياب وعيال الثعالب مثلها زهر الاذيالي وفرخ الصقر مثله وفرخ الغراب غراب وبوم الخراب ايقابل العش ويلالي الى صار راسك فوق يا طيب الانساب فلا ينحني لقدام رجلين ونعالي لكن الله اللي يكتب الرزق يا خطاب هو اللي يفك الباب ويقص الاقفالي ولا يهمل الا واحدٍ عايفٍ الاشباب ولا ضيع حقوق البشر غير الا همالي وترى للقصايد كيف والكيف له شراب وانا ما شرب الا كيف راسي بفنجالي ولا طاوع الجاهل ولا جامل النصاب أقدم يمين الحق واحط معذالي ولا نيب و الله طيبٍ له مع من طاب ومن طاب لي برخص له الحال والمالي أكذب وانا خابر واجامل وانا كذاب سنين مضت هي صدق والا يورى لي تلخبط جهاز المخ وانهارت الاعصاب وفورت دمي وارتفع ضغطه العالي لكن في رجى اللي من رجى رحمته ماخاب هو الواحد العالي وهو ربنا الوالي وهو الخالق الرازق وهو المعطي الوهاب له الملك كله والكمايل والاكمالي رئوفٍ رئيفٍ رحمته تنقذ المنصاب يغيث الديار الممحله عقب المحالي شديد العقاب ويعتق المذنب اللي تاب عسى ما يواخذنا بسيات الاعمالي كما قاله الله فصبروا يأولي الالباب ترى الصبر زين وكلمة الحق تنقالي واصلي واسلم عد ما تنبت الاعشاب وما لاح براقٍ سرى يشعل أشعالي على المصطفى اللي وحد الدين والاحزاب شفيع أمته يوم الهوايل والاهوالي عبدالله بن شايق |
رد: فوق هام السحب ( الشعر الشعبي) على متن القوافي
زمّليني من هواجيس الغياب اللاإرادي
إن ذبحني طاري الفرقى وش أنتي مستفيده اعبري بي لا اغدي عادي و أنا مانيب عادي *الحريص تورّده للموت غلطته الوحيده |
رد: فوق هام السحب ( الشعر الشعبي) على متن القوافي
يا رب .. نفسي تزعلني وترضيني
بين الملذات والطاعات منشطره انا موحدّك لو قصرت في ديني اسوي الذنب لكني على الفطره يارب طالبك ترزقني وتهديني والستر والعافيه والسيرة العطره ... |
رد: فوق هام السحب ( الشعر الشعبي) على متن القوافي
يا رجل يا للي في غيابي تكلمت
علمك على بالي ورمزك فهمته يا للي بحجه مستحيله توهمت حولت حظك وسط بير وهدمته سيلك تدفق من شفاك وتخرمت ليتك عن اللي ما استحقه ردمته وإن كان هادف لك هدف يوم هاجمت العقل شوري والتزامك بصمته وكان الجهل سيطر عليك وتقدمت ما ظن يثبت قولك اللي زعمته وإن ضعت مع جيش الطواري وهايمت بركت للحق المصيب وغرمته غادي وخيل لك خيالك ورهمت وسم الحنش لو تلحسه ما جغمته غروك ناسٍ من نسمهم تسممت واللي عطى لو ما تبي ما حرمته أنصحك وألا ما علي لو تقحمت دام أحتمل زلة رفيقي حشمته ونصيحتي وجهة نظر ما تغيشمت شبحي بعيد ومن غدا ما غشمته وليا بغيت أهدي هدية وقسمت ما هس بالميزان قسمٍ قسمته أنا ليامني بالأوضاع ساهمت أصور الواقع نظر لا رسمته ماني غشيم من التجارب تعلمت وإن مال ميزان القريحة حكمته لأمعنت بأسلوب المعاني وخاصمت خصمي بجزلات المعاني خصمته بلحام سكرت الملاحم ولحمت وعلى منافيذ الملاحم برمته لا سقت طاروق القريحة وصممت حذفي على اللي يستحقه رجمته وبعض الكلام أخير من رده الصمت وإن جاء من الجاهل غلط ما جرمته وعن بعض ما نسمع ويهرج تشيمت وسلم الرجال أهل السلوم احترمته ولو كل ما ثارت عجاجة تحيزمت تهت الطريق وكل عابر صدمته مهما حصل بأسلوب عقلي تحكمت ورأي الحكيم المعتدل ما لطمته لو كان به ناس توجه لي الشمت مهما يقال بغيبتي ما حلمته بعض الكلام الياسمعته تلطمت وفيض المجالس ما أزعجتني نغمته طبعي على تأديب الأخلاق داومت ومن ضاع عن درب السنع ما دعمته لا بس حرامي من شفا السيل وأحرمت والعلم بالقلب المفتح حزمته وحقيقة الواقع بها ما تحلمت من مصدرٍ ماثوق سر وكتمته إن شافها وإلا نصيته وسلمت وحددت له مرسام حد ووسمته ودليته اليمّه وبالله تعصمت إلا أن تراجع صاحبي عن وهمته ظنه ظنين اليا قريته وترجمت بالحق وإسناد الوثايق هزمته وإن ضاق صدره من كلامي تبسمت وإن مد لي كف الرضا ما شتمته ماني سفيه إليا إحترك عود برعمت واللي مجنب سيرتي ما عزمته وإن دار دولاب الهواجيس وأبرمت معناي عن نقد العوارف عصمته ما بعت في سوق الضغاين ولا سمت ما أخطي ومن ميَّل عليه خزمته ما أفطر على تشويه الأوضاع لا صمت ورأس الصديع إليا اعترضني حجمته وبسلوم لزمات الرجاجيل لا زمت أسير مع سلم الرجال ولزمته وليا سفهت التافهه ما تندمت وما عون خلاق المشاكل خدمته وأنا مع اللي يفتهمها تفاهمت ومن لا تطرق منهجي ما زهمته وإن حدني حادي قوامه وقاومت سبحت مع موج البحر واقتحمته جهزت نفسي للعبور وتولمت عمق البحر لوهاج موجة دحمته وجهتها بيضا صريحه وحكمت أحكمت مضمون الجواب ونظمته تم الجواب اللي نظمته وتممت والوصل من راع البريد استلمته وصدرتها بأسلوب هادي وترجمت ومن لا ظلم نفسه حشا ما ظلمته أدخل على الله بالخطأ ما تذممت وحق العباد وقدرهم ما هضمته وجو الصداقه ما سهجته ولغمت معرض عن الغايب ولا آكل لحمته ودام أمتلك نفسي عن الظلم حرمت لو كان تجذبني لشخص أتهمته لبستها ثوب المناعة وسجمت وأرجي عسى الجاهل يوطي رضمته بدر الحويفي الحربي |
رد: فوق هام السحب ( الشعر الشعبي) على متن القوافي
راسي ملك متواضع وصدري وطن
واخاطب اصحاب العقول الرايده ياللي تراكا لك على اسفنج وقطن غيرك تراكا للحمول الكايده وكم واحدٍ يظهرخلاف اللي بطن ومن ابسط الاشيا يدورفايده لو عايدك(عيدالفطر)خلك فطن يبيك لاجا(عيدالاضحى)تعايده معروف بعض الناس علة في البطن تبقا تعاني منه مثل:الزايده ... |
رد: فوق هام السحب ( الشعر الشعبي) على متن القوافي
لانامت الناس وانته ضايقاُ بالك
وقامت عليك الهموم تشن غــارتها لاتــظن فالـــنـــاس لاما تــــراجع اعمالك وتــــشوف ضــيقتك هذي ويــش ســــبتها لاتقول قلبـــي نـــظيف وهــو يــــورى لك مـــا دهــــورالــــــناس هذي غـــير نـيتها وان كان ضيك مــــرض داخـلك في حـالك غـــــير الله اللــــــي يفــــكك من مصيبتها قـــــوم وتــــوضى وربك يعلم احـــوالك وارفــــع يـــدينك على الـــــقبله ونـــيتها قــــــــــول يـــــالله يـــــاربي وانا ســالك لاتّحـــمل نــــفوس خـــلقك غير قــدرتها وان جـــتك من صاحبٍ طفشان من جالك لاتــــعتجل لــــين تـــــكشفلك حـــقيقتــها ماكل صاحب لــــيا صاحبك يـــصفى لك ماجاب مجنون لــــيـــلى غير ضحـــكتها والنذل يبـــــقى نذل مهــــما تســــاوى لك واهل الحـــــــركات ماتترك حركـــــــتها ولا تشتـــــكي غير للــــّي لـــرتكى شالك والا المســـــاكين ماترفـــعـــك فـــزعتـها وان جتك من عمك اخو ابوك او خــالك ثــــــلاثه لــــعمك وخــــالك تــــــــفوتها لانهو مثل مـــــابــــالجيب يبـــــقى لـــك اقولـــــهـــــا واحتـــمـــي ماقلت واثــبتها وان كنـــهـــا من خبل تطـــنيشه اشوى لك الخـــبالين مــــعروفــــة مسيـــرتـــــها اهرج مع الخبل زين وعــطه من مـــالك والـــحــــاجـــه اللــــي تفـــكك منه مدتها وان كنـــهـــا باللـــــيالي عزي لــحـــالك لو بشرت فالـــسعـــد ترجع لـــعادتــهـــا شربت فـــــناجيل مــــاهو غـــير فنـجالك وشالت لها اشناب مــــادري وين ودتــها وكـــــان انها منــك فـــال الله ولا فــالك مــــجبور تصـــــبر لحسنتـــهــا وسيتها وان عودت للرضـــى ماترضـــي عيالك الناس حتى احكام الشـــــرع ما ارضتها دق مـــــوترك ســـــلف وجـــــر موالك ماتــستريح النفـــــوس الا برغـــبتــــها وانصى محل الوحوش وصــك جـوالك لاتبلشك نــــاس ماتطفــي شريحتــــــها ولــــجيــــت فاللــــي تبيها نـــزل دلالك واتـــعب عـــــلى دلةٍ تنعـــشك ريحتــها وان كـــتم الــجو خـــله لين يصــــفى لك لاتـــــغش نـــفسك وثم تـــــقوم تشمتــها وخذ بــــندقك لاصـــفى لـــو انك لـــحالك وابعد عن الــــســوق والـعـــالم وصـجتها سالم المرواني الجهني |
رد: فوق هام السحب ( الشعر الشعبي) على متن القوافي
الرفيق اللي يجي لك محبه واحترام
قم بماجوبه ولا لك فضل ولا صنيع قدم اللي تقدره من حفاوه واهتمام والبشاشه ثم قدم له اللي تستطيع واعرف انه ما يبي لا شراب ولا طعام العرب كل بخيره ودنياهم ربيع بس لك عنده مكانه ولك قدر ومقام والرفيق اللي يقدر ترا قدره رفيع والبخيت اللي رفيقه يمره للسلام ما يجنب ويتعدى مع الخط السريع ... |
رد: فوق هام السحب ( الشعر الشعبي) على متن القوافي
لاصار ابن عمك قليل توافيق
خل الزمان يعلمه من عضيده تجيه صكات الليالي على الريق يمكن زمانه لاصحى لك يعيده ون ماصحى لايفرحون المطافيق أهل السوالف مشعلين الوقيده لاتستمع لمدورين التفاريق خلك شهم فيك الحميا عقيده الهاب بدر |
رد: فوق هام السحب ( الشعر الشعبي) على متن القوافي
للجود كف ،، و للمكارم ،، رياجيل
وللطيب فرصه وان تعدت تعدت ٰ وللقوم شيخ وللصعيبه حلاحيل وللنفس عزه لا اكرهت شي صدت يحيى الاحمري |
رد: فوق هام السحب ( الشعر الشعبي) على متن القوافي
ياموتري شد حيلك خاطري ضايق
انحر دياراً تفرج هم ضايقها اضرب فجوج الخلا لاحاشك العايق داراً تكدر خواطرنا نفارقها وكالة أحمد جميل صناعة الرايق شرابة الكاس ماصلت لخالقها والي على طارتك ياموتري سايق حتى الفروت القديمه كان سايقها ياموتري سايقك مع سنحتك لايق مزين تباديل قيرك يوم يلحقها لاداس ابنصك يشوش ولسفر فأيق دايم ورجله على بأنصك يسارقها واليا اعترض لك خطوطٍ تربش السايق سايقك من خبرته يعرف مفارقها يجداك فالبيد لاتايه ولا تايق وانته بعد هقوة الطيب تحققها يالجيب شوقي يسابق شوق ابن شايق فاللي يبيها وعيى الجيب يلحقها راعيك يبغى يزور الصلب ويوايق من فوق جواً مزونه لاح بارقها لشوف جو الحجايا مشتهن شايق يازين فيها القصايد يوم نطرقها مطلق فالح |
رد: فوق هام السحب ( الشعر الشعبي) على متن القوافي
يا كثر ما نقرى من بيوت الاشعار
اما هزيل البيت و الا جزيله اللي يجيب الهزل يخرج من الدار دار الشعر دايم تعاف الهزيله واللي يجيب الجزل شاعر وجبار جبار في حبك البيوت الثقيله والشاعر اللي للجزيلات يختار في الشعر سوّا يا عربنا جميله ... |
رد: فوق هام السحب ( الشعر الشعبي) على متن القوافي
نعيش الحياه ومانبي إلا سلامتنا
لنا بـالظواهر مالنا في خوافيها ㅤㅤ ولو الناس في بعض القناعات لامتنا ترى أهم حاجه فـ الأوادم مباديها ㅤㅤ على كل حاجه نصبر إلا كرامتنا هي الحاجه اللي ما نساوم حدٍ فيها ... |
رد: فوق هام السحب ( الشعر الشعبي) على متن القوافي
احب الرفيق اللي ليا شافني زليت
يوضّح خطاي وكلمة الحق ترضيني صريحٍ بوجهي يحترمني ليا صديت ليا ضاقت الدنيا علي ما يخليني هذا والله اللي لا طرت سيرته فزّيت وانا له رفيقٍ وقفته تبهج العيني مشخص الفهري |
رد: فوق هام السحب ( الشعر الشعبي) على متن القوافي
يارفيقي رفقتك ،، حلوه ومره
ليه تخلط مع حلاوتها ،، مراره ان كسبنا رفقتك طيب ومسرّه وإن خسرنارفقتك كبر الخساره لا تمادى بالخطا ،، مرّه و مرّه غلطة العاقل تنقّص من وقاره ان تشرّهنا ،، لنا حق ،، إنتشرّه وإن سكتنا يفهم الحر الاشاره ... |
رد: فوق هام السحب ( الشعر الشعبي) على متن القوافي
شكاني زماني وأشتكيت الزمن لله
ولا خاب من ربه همومه تولاها أبي رفقة الطيب وأدور على لا ماه وأبي فزعة المرهي اليامن تقصاها وأبي خوة اللي ما تحسف على دنياه وأبي وقفة الصامل اليامن تبناها وأبي هرجة العاقل اليامن قل حكاه وأبي صيرميٍ يعرف الناس ودهاها مشعل بن بصيص |
رد: فوق هام السحب ( الشعر الشعبي) على متن القوافي
رضـيـنـا بـواقـع وقــتـنــا والله الـرزاق
ولاني بـجـاهـل ف الأمـور اتـجـاهـلها وكم حاجـةٍ كنسلتـها قـلـت بالطـقـاق مـادام إن وقـتـي مـايـبـيـن لي اهـلها عسى حاجتي لانساقت بقدرة الخـلاق على الكفو راعي سم وابشربي وازهلها سلطان الجابري |
رد: فوق هام السحب ( الشعر الشعبي) على متن القوافي
إياك لاتحزن ترى الرزق مضمون
ابذل سبب والله عليه التوافيق اللي خلقك من العدم خالق الكون هو الذي يرزقك في ساعة الضيق ولا تكون أنسان بالوقت محزون وانته تحت رحمة ولي المخاليق سعود عايد العلوي |
رد: فوق هام السحب ( الشعر الشعبي) على متن القوافي
ياعاشق الدنيا تراها محطات
تعيش في ديـره وتفنى بديره لاياخذك طرد الهـوى والملذات اذكر محطات الحياه الاخيره ... |
رد: فوق هام السحب ( الشعر الشعبي) على متن القوافي
الجفا مثل الشتا برد وصقيع
والمواصل لـ القلوب أحلى دفا ان شراك الخـل ابدا لا تبيع المحبه ( عهـد ) و الدنيــا وفا |
رد: فوق هام السحب ( الشعر الشعبي) على متن القوافي
من كثر مامرّوا . . على قلبي كرام
وقّفتهم . . بين الحقيقه و الوهم ظ° الّا أنت ياللي لك محطّات إهتمام إن لم تكن أنت المهم أنت الاهم ! |
رد: فوق هام السحب ( الشعر الشعبي) على متن القوافي
كل شي له " ثبوت " وله ، دلايل
والزماااان الصلف مامنّه سلامه اعرف : سلوب التخفي والتحايل وابخص الرجال من منطق كلامه جعلهم يبطون صدقان ، الفعايل وجعلهم يفنون صدقاان الرخامه صدتي عن وجه ' جحاد الجمايل ' صدت الواافين عن شوف الهلامه .... |
رد: فوق هام السحب ( الشعر الشعبي) على متن القوافي
ياعاشق الدنيا تراها محطات
تعيش في ديـره وتفنى بديره لاياخذك طرد الهـوى والملذات اذكر محطات الحياه الاخيره ... |
رد: فوق هام السحب ( الشعر الشعبي) على متن القوافي
للقلوب* أقفال* وللماضي حنين
ومـن* معه* مفتـآح قلبـي ضيّعه لا قدرت* أبوح** بـالسـّر* الدفين ولاقدرت أشكي من اللي أوجعه |
رد: فوق هام السحب ( الشعر الشعبي) على متن القوافي
مـهما*يـضيق*الـحال*لا*بده*يزين
والـلي*يـغيب*يـعود*بـعد*البعادي ومـن*يـقدرنا*على*الرأس*والعين حنا*معه*بالطيب*وصدق*المبادي |
رد: فوق هام السحب ( الشعر الشعبي) على متن القوافي
وانت .. يا روح المشاعر ، والأماني
ودي أوصف لك شعوري بسّ مقدر ضحكتك مرسى .. ونظراتك مواني أبتسم لا شفتها ، من دون ما أشعر مااختلفنا .. بـ القصايد ، والأغاني : اختلفنا من .. يحب الثاني أكثر |
رد: فوق هام السحب ( الشعر الشعبي) على متن القوافي
نفسٍ* خفيفــة* ظل وتــونّس الــــروح...
ونفسٍ عليعھ أثقــل مــن العھون عھله.. ونفسٍ مثل نفسعھ تجي مععھ وتروح... ونفسٍ* عــزيزة* مـــا تحب المــذلــــة.... ونفسٍ خلقهــا الله دوا* عھل مجــروح... ونفس* علـى عھبود* المخاليـــق علـــة.. ونفسٍ لهـا بيبـــان الأضلاع مفتـــوح... ونفسٍ تعــــرف الــدرب زين* وتدلــه ... |
رد: فوق هام السحب ( الشعر الشعبي) على متن القوافي
مايعيش البنادم .. مرتين
والزمن ماالتفت في شاتمه غايتي في حياتي حاجتين ستر ربي وحسن الخاتمه |
| الساعة الآن 10:54 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية