منتديات قبائل شمران الرسمية

منتديات قبائل شمران الرسمية (http://vb.shmran.net/index.php)
-   المنقولات الأدبية (http://vb.shmran.net/forumdisplay.php?f=153)
-   -   اخترنا لكم (http://vb.shmran.net/showthread.php?t=88208)

الحمدان 02-18-2025 03:51 PM

رد: اخترنا لكم
 
عرفت ناس واجد اشكال وانواع
واخذت لي من ناتج العرف طابع

الاغلبيه كذب ونفاق وخداع
والطيبين اعدهم بالاصابع

.....

الحمدان 02-18-2025 03:52 PM

رد: اخترنا لكم
 
نافق تعيش وجامل الناس تنحب
وبيع الضمير وتشوف كلن يجيلك

هذا هو الدستور في وقتنا الصعب
اما تزيل الصدق والا يزيلك

صار الصدوق منبوذ في عالم الكذب
وصار الكذوب ياللاسف هو خليلك

.....

الحمدان 02-18-2025 03:54 PM

رد: اخترنا لكم
 
‏لامن جفاك الوقت بعيون غاليك
احذر توصلها حدود الكرامه

ان كان في قلبه محبتك بيجيك
وان راح قله مع دروب السلامه

.....

الحمدان 02-18-2025 03:55 PM

رد: اخترنا لكم
 
‏ماني معاتبك بس أبيك تفهمني
حسّسني إنك تبيني وإتبع أشواقي

وإن كان تبغي فراقي لا تعلّمني
خلّك مقفي وأنا اللي بفهم الباقي

.....

الحمدان 02-18-2025 03:57 PM

رد: اخترنا لكم
 
‏إعتبرته قِسمه وحظ ونصيب
واعتبرت الناس حسّادي لذّا

كنت متوقع نهايتنا قريب
بس ما كنت اتوقعها كذا

....

الحمدان 02-18-2025 04:51 PM

رد: اخترنا لكم
 
انا الصراحه طبع مني وفيني
عانيت منها وما تخليت عنها

اقدر اجامل وابتسم بس عيني
مقدر ارد اللي يطيحون منها

.....

الحمدان 02-18-2025 05:48 PM

رد: اخترنا لكم
 
قآلت أحبك قلت حبك على ماش
لاصرت في وصل المحبين مضيوم

محمد بن فطيس قد قالها كاش
وش فايدة حبك وأنا منك محروم

.....

الحمدان 02-18-2025 05:50 PM

رد: اخترنا لكم
 
وانت يا روح المشاعر والأماني
ودي أوصف لك شعوري بسّ مقدر

لا تضايق خاطرك وأضحك عشاني
لو عشانك أهجر الأحلام وأخسر

ضحكتك مرسى ونظراتك مواني
أبتسم لا شفتها من دون ما اشعر

.....

الحمدان 02-18-2025 05:56 PM

رد: اخترنا لكم
 
‏مابين الصمت والضجه ومابين الجهل والإدراك
‏أعايش كومة جروحي لو جروحي ما أدانيها

‏زرعت الورد في دربك وكل اللي جنيت أشواك
‏وصلت لمنتهى دربي وأنا دروبي ما اثنّيها

.....

الحمدان 02-18-2025 06:20 PM

رد: اخترنا لكم
 
‏غريبً يسولف عن بلاده وهو مضهود
‏أقول إنسها ويقول الأيام دوّاره

‏سمعته يغنّي يحسب إن ماني بموجود
‏غريب ورجع داره غريب ورجع داره

.....

الحمدان 02-18-2025 06:21 PM

رد: اخترنا لكم
 
‏المحبه فالصدور اللي تحب ولا تغيّر
‏فطرة ما يعرفون اسرارها جيل الاضافه⁩

.....

الحمدان 02-18-2025 06:25 PM

رد: اخترنا لكم
 
جيتك آسمّعك الكلام اللي تبيه
جيت أودِع الذكرى القديمة فاللحد

خل الكلام الحاد والراي الوجيه
يمكن يكون الاعتراف أقسى واحد

ما كنت وجه وبس من ضمن الوجيه
إنسان عاهدني على شي وجحد

أنت الشعور اللي ما قد حسيت فيه
وأنت الكلام اللي ما قد قلته لاحد

.....

الحمدان 02-18-2025 06:31 PM

رد: اخترنا لكم
 
شبيه الورد لاشفتك أحس أني أصير بخير
‏معاك أحس بان الحب له شكل وطعم ثاني

‏انا مدري وش أعبر ليامن خون التعبير
‏يفوق الوصف تعبيري ليا تأتأت بلساني

‏أشوفك غير بعيوني وباقي هالأوادم غير
‏كأنك شي بلحالك خلقهه الله على شاني

.....

الحمدان 02-18-2025 06:32 PM

رد: اخترنا لكم
 
‏حب نفسك لا ترقّب رجعة الماضي القريب
‏انت فيك النور ما ينضب لو انك ما تراه

‏شمسك اللي تحتريها تجلي الليل الكئيب
‏اشرقت في قلب ثاني واستقرت في سماه

.....

الحمدان 02-18-2025 06:36 PM

رد: اخترنا لكم
 
‏على حر انتظاراتك قتلني جداً التهميش
‏وأنا أدري لو يزيد البعد قربك ماني بحوله

‏عجزت أعيش رغم إنك على بعدي قدرت تعيش
‏رحلت وكانت الاحزان بعدك شبه مسؤوله

‏ويروح الليل مابين السؤال اللي يردد ليش
‏علام الورد ما ينبت مدام الارض مبلوله

.....

الحمدان 02-18-2025 06:37 PM

رد: اخترنا لكم
 
‏فقدتك وأدور لك من ايّام واحاتيك
وغربت غيابك زودّت غربتي غربه

امر الدروب اللي تمرك وأفكر فيك
مثل ما يفكر ضايع الدرب في دربه

.....

الحمدان 02-18-2025 06:39 PM

رد: اخترنا لكم
 
فقدتك وقلبي من الفرقا يقول
‏ما عاد للدنيا بعد فقدك حلا

‏ياليتها شده مع الوقت وتزول
‏واقول همٍ فالمحاني وانجلا

‏ولكنها صارت في ذاكرتي تجول
‏والبال من كثر الطواري ماسلا

‏فقدت صوتك والرحابه والقبول
‏والإبتسامه والرضا والمسهلا

.....

الحمدان 02-18-2025 06:42 PM

رد: اخترنا لكم
 
‏وش يفيد الشوق لو مايكسي قلوب العرايا
‏وش يفيد النور لو ينقاد للعين الضريره

‏انتي اسمى من هوى النزوه واعزّ من الحمايا
‏في عيون الفارس اللي سلّ سيفه من جفيرة

‏وان ظفرت بقبلةٍ من ثغر معسول الشفايا
‏ليه لا وانا الكبير اللي طموحاته كبيره

.....

الحمدان 02-18-2025 07:07 PM

رد: اخترنا لكم
 
‏حتى ايش لو تجحد طموحاتي وتجحد قيمتي
‏انا وريث اللي سروا من الارض وامسوا فالسما

‏لا شحّ قاعي من نبات الارض هلّت ديمتي
‏واخضوضرت جدب الاراض وكل متهالك نما

‏إن عشت عشت بشيمتي وإن مت مت بشيمتي
‏مانيب شارب ماء وجهي لو اموت من الضما

.....

الحمدان 02-18-2025 07:08 PM

رد: اخترنا لكم
 
يصبرني على ثقل الليال إن الأمل ما زال
‏ينسيني شقى النفس ويضوي لي متاهاتي

‏أغيب بلا سبب وبلا سبب يربكني الترحال
‏واعود للمكان إللي يضم أربع تجاهاتي

‏مع إني هادي وجه وحكي لو ضاقت الاحوال
‏يجي هذا الحزن صخب ويلازم فكرة أبياتي

.....

الحمدان 02-18-2025 07:10 PM

رد: اخترنا لكم
 
‏واسيت نفسي وقلت الظن دايم يخيـب
‏اليوم حتى من الصبر الجميل انحرمت

‏من عزّتي يوم صار الكون كلّه غريب
‏وقفت رغم الجروح المدميه وأبتسمت

.....

الحمدان 02-18-2025 07:14 PM

رد: اخترنا لكم
 
‏تخطي واجيك اعتذر كن الخطأ مني
‏متقمص الدور وجروحي هي جروحي

‏يهزمني الشوق لين ارضيك لو اني
‏لاني براضي عليك ولا على رووحي

.....

الحمدان 02-18-2025 07:18 PM

رد: اخترنا لكم
 
الامانة رغم قيمتها العظيمة
غلفت بالزيف وانساقت هدايا

والفرص لا حانت تروح بظليمة
ما حصل للمجتهد فيها مزايا

ما خسرها غير ابو نية سليمة
ولا كسبها غير ابو عشر النوايا

.....

الحمدان 02-18-2025 07:20 PM

رد: اخترنا لكم
 
‏" إي والله إني أنطح الدنيا بقلبٍ من حديد
‏لكن سلم لي على قلبٍ ليا شافك ذوى

‏قدام وجهك تنحني الأغصان ويذوب الجليد
‏و قدام صوتك تمطر الأمزان ويهب الهوى

.....

الحمدان 02-18-2025 07:24 PM

رد: اخترنا لكم
 
كل ما قالت الخطوات كم باقي
‏قلت هالنور يا بعده ويا قربه

‏خايف يطول مشواري على ساقي
‏وخايف اليا وصلت احس بالغربه

‏بعثر الريح ما يحلو من اوراقي
‏واستمر الضياع وسادت الكربه

‏كل مازاد همي زادت اشواقي
‏الاحاسيس محيوسه ومضطربه

.....

الحمدان 02-18-2025 07:26 PM

رد: اخترنا لكم
 
لو البشر بقلوبهم تحسن الظن
كان النفوس من العنا مستريحه

.....

الحمدان 02-18-2025 07:28 PM

رد: اخترنا لكم
 
لا تعاتب ولا تحزن ولا تعترض
اجتهد للفرح والا بـتبقى حزين

لا حضورك علاج ولا غيابك مرض
عيش عمرك لنفسك وأترك الآخرين

لا تحبّ الحياه أكثر من المفترض
ولا تخاف الفراق وكلّنا راحلين

.....

الحمدان 02-18-2025 07:30 PM

رد: اخترنا لكم
 
‏حبيبي كلما هبّت رياح الشوق فالوجدان
‏أسيّل ذكريات أيام عاشت فالخيال سنين

‏واحس إنك تجي وتمرني من سكة النسيان
‏وانا أزرع لهفتي بك فالدروب بنشوة التخمين

‏يضيع الشارع بصمتي وخطواتي بلا عنوان
‏أدور عن رصيفٍ ينتشل من صدري السكين

.....

الحمدان 02-18-2025 07:50 PM

رد: اخترنا لكم
 
من أوَّل مالمحتك بينهم شفتك مابين أقواس
‏وعلى كثر البشر حولي كأن ما غيرك قبالي

‏تمنيتك كثر ما بيني وبينك يحول اليأس
‏تمنيتك كثر ما جابك الطاري وانا سالي

‏يا قو عروقك بقلبي مع إن جذورها هوجاس
‏مثل حلمٍ على غفلة عيوني يسري البالي

.....

الحمدان 02-18-2025 07:51 PM

رد: اخترنا لكم
 
‏يدور الشك بين الناس والأعمال بالنيّات
‏ويمر الواثق بنفسه عليهم ويتعداهم

.....

الحمدان 02-18-2025 07:52 PM

رد: اخترنا لكم
 
‏شف مكانك في مكانن عن العالم دفين
‏في مكانن من وراء مثل عيدان الجريد

‏مكرمن حبك وله ف الحشا سمن وسمين
‏يقدع من الحال واصبله بن الوريد

‏افتضحت من الهواجيس بك فالمسلمين
‏كل من سولف علي قلت له وش قلت عيد

.....

الحمدان 02-18-2025 07:56 PM

رد: اخترنا لكم
 
‏يصبرني على ثقل الليال إن الأمل ما زال
‏ينسيني شقى النفس ويضوي لي متاهاتي

‏أغيب بلا سبب وبلا سبب يربكني الترحال
‏واعود للمكان إللي يضم أربع تجاهاتي

‏مع إني هادي وجه وحكي لو ضاقت الاحوال
‏يجي هذا الحزن صخب ويلازم فكرة أبياتي

.....

الحمدان 02-18-2025 08:41 PM

رد: اخترنا لكم
 
أزعل عليك من الشهر يوم يومين
‏وأشتاق لك تسعه وعشرين ليله

‏وأخلق لك الغايات وحده وثنتين
‏لو ما تبرر كل غايه وسيله

‏إن دارت الدنيا على طبعك الزين
‏ما همَّشت بالذكريات الجميله

‏ما عندي الا قلب ما هو بقلبين
‏لا غاب غالي ما إنتظرت لبديله

......

الحمدان 02-18-2025 08:42 PM

رد: اخترنا لكم
 
‏البخل بصمة عار في وجه راعيه
‏والجود يبفىٰ صاحبه رافع الراس

‏مات البخيل وضاع مالٍ تعب فيه
‏ومات الكريم وعاش ذكره مع الناس

.....

الحمدان 02-19-2025 02:27 PM

رد: اخترنا لكم
 
‏ان جيتني لبيه وان غبت لبيه
‏لبيه ياللي ساكنن جوف عيني

‏لبيه ياللي نبض قلبي يحاكيه
‏حبه سكن ما بين نفسي وبيني

.....

الحمدان 02-19-2025 02:29 PM

رد: اخترنا لكم
 
‏الزهد في الاحلام مخزي وممقوت
‏اللي ماعنده حلم ماعنده احساس

‏من خاف راي الناس بيعيش ويموت
‏لا مرضيٍ نفسه ولا مرضي الناس

.....

الحمدان 02-19-2025 02:31 PM

رد: اخترنا لكم
 
مثل مايمر الطيف في سجة الساهين
‏تمر اجمل أحداث العمر دايماً عجلة

.....

الحمدان 02-19-2025 03:04 PM

رد: اخترنا لكم
 
‏العام ما للشـيب فيـنا مراسيم
‏واليـوم اخـذنا دورنا يـا مناحي

‏الوضح قامن يطردن المجاهيم
‏لين المغاتير اكـثرن في مـراحي

.....

الحمدان 02-19-2025 03:09 PM

رد: اخترنا لكم
 
فاقدٍ لي تحفةٍ نسيانها ذنب وظليمة
‏الوطن هذا وطنها والبلد هذا بلدها

‏هي عظيمة بس والله مادريت إنها عظيمة
‏لين قالوا مايعرف الحاجه إلا من فقدها

.....

الحمدان 02-19-2025 03:10 PM

رد: اخترنا لكم
 
‏ترديت فيني جعلني ماتردّا فيك
‏الإنسان مهما يجتهد نفسه اماره

‏فلا تحسب اني ودي تطيح واخليك
‏ولا تحسب الأيام ماهي بدواره

.....


الساعة الآن 01:49 AM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية