رد: فوق هام السحب ( الشعر الشعبي) على متن القوافي
 

‏طبيعة الشخص في اخلاقه وفي نبله
‏ان كان تبغى جميل القول ينسب لك

‏انت إجتهد في الكلام الزين واتعب له
‏وتلقى حصيله مع اهل الطيب يرقب لك

.....

رد: فوق هام السحب ( الشعر الشعبي) على متن القوافي
 

‏ليه صوتك يابحر دايم حزين
‏لا أنتفض موجك على الشاطي ومات

‏في ظلام أعماقك أخفيت الونين
‏أسألك بالله ما اتعبك السكات

‏قال يوجعني وداع الراحلين
‏لنثروا عندي دموع الذكريات

.....

رد: فوق هام السحب ( الشعر الشعبي) على متن القوافي
 

‏يامالك قلبي وعيني تراعيك
لبيت قلبي يوم هـاض بغرامك

أحترت من زود الغلا وين اوديك
حتي عيوني ماتليق بمقامك

والله لو صدري يضمك ويحويك
لجعلك فوق القلب تبني خيامك

.....

رد: فوق هام السحب ( الشعر الشعبي) على متن القوافي
 

ماحسدت المطر على مكان النزول
لين بلّل جدايلها وهي ضاحكه

كانت كفوفنا ملامح مْن الذهول
مدري كفوف ولّا ارواح متشابكه

جعل غيمٍ يوسّع خاطرك مايزول
وجعل كل الليالي فيك متباركه

.....

رد: فوق هام السحب ( الشعر الشعبي) على متن القوافي
 

حنا العصاه اللي علىٰ مر الايام
نرسي كما ترسي ثقال الجبالي

اليا خذينا قسمنا خير الاقسام
واليا عطينا ماحسبنا التوالي


الحمدان

رد: فوق هام السحب ( الشعر الشعبي) على متن القوافي
 

الله يمسي كل الأحباب بالخير
ويسعد لياليهم ويسعد مساهم

وياالله يامعبود يارازق الطير
ريح خواطرهم وزود هناهم

رد: فوق هام السحب ( الشعر الشعبي) على متن القوافي
 

اصبحت اصون الود بالبعد واسري
واحفظ لها باقي عهودي ونذري

وانا اللذي بالعهد صوله وجوله
وهي بعد في محتوى القلب تدري

يا قشر فرقاهم وياقشر ساعه
فيها الدقايق يحتويها وداعه

راحت وقالت رحلتي استعدت
كنه على موتي نوا الوقت بدري

.....

رد: فوق هام السحب ( الشعر الشعبي) على متن القوافي
 

سمعت لي كلمةً مدري وش أقصّاها
‏حزتّ بصدري و أنا ماني بهارجها

‏لو كل كلمةً اليّا جتنا طردناها
‏بعنا الثمينة بسعرً ما يخارجها

‏لو مرت السمع ماكنّا سمعناها
‏ونقفل الراس عنها لا يبرمجها

‏ومن يمّ هذا لهذا ما نقلناها
‏والناس واجد وتلقى من يروجها

.....

رد: فوق هام السحب ( الشعر الشعبي) على متن القوافي
 

حاول تعيش بصمت قدر المستطاع
ولاتقيس الناس بالهرج تغدي

اخر من يسولف عن الحرب الشجاع
واكثر من يسولف عن الطيب الردي

.....

رد: فوق هام السحب ( الشعر الشعبي) على متن القوافي
 

خلك غريب وممتلي حلم واسرار
‏حتى طموحك مختلف فاتجاهه

‏عادي تغيب احيان عن كل الأنظار
‏البعد عن بعض الأوادم نقاهه

.....

رد: فوق هام السحب ( الشعر الشعبي) على متن القوافي
 

اعوذ بك يارب من ضيق الانفاس
‏ومن عبرةٍ لاجاني الليل جتني

‏لي حاجةٍ لاجيت اعلم بها الناس
‏ تمنعنيّ الشيمه وهي مرهقتني

‏اقول كلش زين والوضع لاباس
‏وارتاح لاشفت العرب صدقتني

.....

رد: فوق هام السحب ( الشعر الشعبي) على متن القوافي
 

اضحك ترا عوج الليالي مدابير
‏ وما للخلايق في قضا الرب حيله

‏أضحك ولو هموم قلبك طوابير
‏ وما يقسمه ربك تروح وتجي له

‏لو ضاقت الدنيا تراها مقادير
‏وخلك جبل ماهزته كل ميله

.....

رد: فوق هام السحب ( الشعر الشعبي) على متن القوافي
 

‏عهد الغلا يالغلا باقي على وضعه
‏لو غبت وابطيت ماتتغير اوضاعه

‏مغليك لو طال بعدك مأختلف طبعه
‏لو شان طبع الزمن ماشانت اطباعه

.....

رد: فوق هام السحب ( الشعر الشعبي) على متن القوافي
 

‏عزيز النفس مايقبل محبه بابها مسدود
ولا يمشي على دربٍ يذل الراس ويضره

.....

رد: فوق هام السحب ( الشعر الشعبي) على متن القوافي
 

مايرتفع من طاح قدره من العين
لو يمتلي لولو من الراس للساس

.....

رد: فوق هام السحب ( الشعر الشعبي) على متن القوافي
 

خلوني اخذ مع دروب الخلا سجه
البر عندي طبيب القلب وعلاجه

.....

رد: فوق هام السحب ( الشعر الشعبي) على متن القوافي
 

‏فوق السحاب وجالسٍ وسْطْ خيمه
‏غنّيتْ واحلامي تطارد سرابه

‏بين الغيوم وبين هتّان دِيمه
‏تذرف دموع العين شوق وصَبَابَه

‏إلى متى والحلم دمعه يتيمه
‏وانا الّذي ناطِرْهْ فوق السحابه

.....

رد: فوق هام السحب ( الشعر الشعبي) على متن القوافي
 

‏لاصار نومك مايجيك بسهوله
والهم والهوجاس يقدح زناده

اقراء كتاب الله واذكر رسوله
ترى السعاده كلها فالعباده

.....

رد: فوق هام السحب ( الشعر الشعبي) على متن القوافي
 

‏يارب مسي كل غالي بغاليه
واجعل لهم من كل شبر سلامة

واجعل لهم بمنزل الطيب عاليه
وأحفظ عبيدك من دروب الندامه

.....

رد: فوق هام السحب ( الشعر الشعبي) على متن القوافي
 

عسى روسنا ماتنحني للبشر ملي
لو انها تواجه من زمنها اللي تواجــه

صبرنا على الدنيا واهلها وحنا اللي
لو نموت مانرضى على انفوسنا حاجه

.....

رد: فوق هام السحب ( الشعر الشعبي) على متن القوافي
 

الله على جو الغلا بين الاثنين
حب ومشاعر شوق واحساس عشاق

يروق جو الحب مابين قلبين
مزح وضحك واللعب مابينهم راق

في مرتع العشاق والحب لاهين
في جلسة تحلى بها لعب الأشواق

.....

رد: فوق هام السحب ( الشعر الشعبي) على متن القوافي
 

‏يازين السعه والبعد عن قوم قال وقيل
‏وعن اللي لسانه يمنع الناس من قربه

.....

رد: فوق هام السحب ( الشعر الشعبي) على متن القوافي
 

تعطري يابنت وأرهي من العود
حطي على كبد المعادين جمرة

لايهمك اللي هرجهم تقل بارود
وسيري بدربك لايكونون عثرة

يالله عساهم فدوة عيونك السود
اللي لها في هامة السحب نظره

.....

رد: فوق هام السحب ( الشعر الشعبي) على متن القوافي
 

بعض البشر محتاج للذوق خبره
‏عندي نصيحه له على مَرّ الازمان

‏المرء بأخلاقه وذوقه وفكره
‏وبروعةأسلوبه يصيرأجمل انسان

.....

رد: فوق هام السحب ( الشعر الشعبي) على متن القوافي
 

اخذ النصيحة لاتخلي صلاتك
احرص عليها قبل ينقال مرحوم

اجمع حصيلك قبل موعد مماتك
الموت لامن جاك ماعاد لك يوم

.....

رد: فوق هام السحب ( الشعر الشعبي) على متن القوافي
 

صحيح ماندري عن اللي يكنّون
ولا أحدٍ على قلوب الاوادم تنبّا

مهما الليالي تستر اللي يخبّون
تبدي لك الايام شيءٍ مخبّا

.....

رد: فوق هام السحب ( الشعر الشعبي) على متن القوافي
 

لوتعطي الناس الذهب والجواهر
ماراح ترضى عنك لوكنت عادل

ولوكنت قايد للسفينة وماهر
لابد يطلع لك غشيمٍ يجادل

.....

رد: فوق هام السحب ( الشعر الشعبي) على متن القوافي
 

يقولون متغير وانا ماتغيــرت
من جيت للدنيا وهذا مسيـري

من عادتي لاضقت وإلا تحيرت
اصد واكفي الناس شري وخيري

.....

رد: فوق هام السحب ( الشعر الشعبي) على متن القوافي
 

خاويت لي شخصٍ يسبونه الناس
ابعرف العالم وراها تسبه

ولقيت له في قمة المجد مجلاس
يعطي العطاء ومكمل حق ربه

اهل الحسد لاغاضهم طيب الراس
عجزوا به وسبوه من دون سبه

.....

رد: فوق هام السحب ( الشعر الشعبي) على متن القوافي
 

وقفنا على باب الأمل وقفة المحتاج
‏ورجينا كريمٍ ماهو يصكّ بيبانه

‏يناجيه عبده وما يردّه سحا واحراج
‏ويطلبه من فضله ومدّته واحسانه

‏عسى مِقبِل الأيام يسر ورخا وافراج
‏وعسى مامضى يمحاه عفوه وغفرانه

.....

رد: فوق هام السحب ( الشعر الشعبي) على متن القوافي
 

يامالك الملك يارحمن سبحانك
لي خمس دعوات ياربي تحققها

‏جودك وسترك وعافيتك وغفرانك
والخامسة روحي من النار تعتقها

....

رد: فوق هام السحب ( الشعر الشعبي) على متن القوافي
 

لهفة مساء الخير في يوم الخميس
تشبه نسانيس الهوى عقب المطر

يانسمة البسمة ترى يومي ونيس
رش من النسناس بثيابي عطر

.....

رد: فوق هام السحب ( الشعر الشعبي) على متن القوافي
 

أكثر كلام الناس ماكني اوحيه
بعض التجاهل طيب ماهو رخامة

ماصادق الجاهل ولاني معاديه
يكفي سلام ومرحبا والسلامه

.....

رد: فوق هام السحب ( الشعر الشعبي) على متن القوافي
 

الصبر هيبه والتواضع معزّه
وخير الكلام اللي به الصدق موجود

ومن لايعزك جنبه لاتعزّه
مانته على اللي تكره النفس محدود

.....

رد: فوق هام السحب ( الشعر الشعبي) على متن القوافي
 

ابوي رباني على مكسب الطيب
ومن قبلها جدي على الطيب رباه

نقصر عن دروب الردى والعذاريب
والطيب نلحق صاحبه ونتعداه

.....

رد: فوق هام السحب ( الشعر الشعبي) على متن القوافي
 

الخطوة اللي ماتعزك بممشاك
لا تهتويها واقصر المشي عنها

لاصار ماترفع مقامك بدنياك
احذر تجاملها وترخص ثمنها

.....

رد: فوق هام السحب ( الشعر الشعبي) على متن القوافي
 

الله يمسيكم بخير وكرامه
ويجعل مساء اليوم عز وتوافيق

عسى لكم في كل خطوه سلامه
ويارب يبعد عنكم الهم والضيق

.....

رد: فوق هام السحب ( الشعر الشعبي) على متن القوافي
 

بعض البشر بالكون مصدر سعاده
مثل الذهب مطرزينه بالالماس

وبعضهم كسرة خشب في رماده
ماجاك من دخانها الا وجع راس

.....

رد: فوق هام السحب ( الشعر الشعبي) على متن القوافي
 

‏على سبيل الشوق مامرك الوقت
‏مدري عقارب ساعتي وش تحرا
‏
‏تدري وش اسوي ليا مني اشتقت
‏ماغير في وجيه القصيد اتذرا

.....

رد: فوق هام السحب ( الشعر الشعبي) على متن القوافي
 

‏القاك في درب القصايد والاشعار
والقاك في كل المشاعر أحادي

مالك شريك بقلب حطك له اسوار
واشوف غيرك في عيوني جمادي

جتني طواريك مع الليل زوار
احسها كل ماتصيح وتنادي

اعبر بها يمك على موج الافكار
خيال لكنة بقلبي وكادي

.....