رد: فوق هام السحب ( الشعر الشعبي) على متن القوافي
 

‏ما عاد لـ الأحلام والوقت قيمة
‏ وما عدت متحسّف على تضحياتي
‏ٰ
‏ كانت سنين الطيش جدّا عظيمة
‏ محتاج أرتّب من جديد أمنياتي

.....

رد: فوق هام السحب ( الشعر الشعبي) على متن القوافي
 

‏أدري أنك مثل حالي مبتلش بظروفك
‏و كل شيٍ فالمحبه صار ماله معنا
‏ٰ
‏الصداقه والشعر وتشوفني وأشوفك
‏خير من حبٍ يفرقنا ولا يجمعنا

.....

رد: فوق هام السحب ( الشعر الشعبي) على متن القوافي
 

ماتضيّق سود الأيام من صدره رحب
‏مؤمنٍ بأن البسيطه وأهلها فانيه

‏جعل دنيا فرقتنا عن أغلى من نحب
‏يجمع الله بينّنا فالحياة الثانيه

.....

رد: فوق هام السحب ( الشعر الشعبي) على متن القوافي
 

‏مضى مامضى واللي مضى ينذكر بالخير
‏ولا عاد ينفع ودك اني ولو انك

‏شبع قلبي من ملاوع الضيق والتفكير
‏الين اكتفا ولا انت ما ينشبع منك

.....

رد: فوق هام السحب ( الشعر الشعبي) على متن القوافي
 

‏اعطيته اشعوري وبالشعر خصّيته
‏الروح بيته وغيره ما سكن فيها

‏احلوّت ايام عمري يوم حبّيته
‏وطيفه اذا مر باحلامي يحلّيها

.....

رد: فوق هام السحب ( الشعر الشعبي) على متن القوافي
 

‏أقسى من الدمع صوتٍ تقتله ونّه
‏والونّه اللي تجي من شوق غلّابه

‏لإنسان من كثر ما تغليه وتحنّه
‏تختار فرقاه وأنت تضيع في غيابه

.....

رد: فوق هام السحب ( الشعر الشعبي) على متن القوافي
 

‏جيتك أدور من ضما روحي وسط عينك غدير
‏جيتك وانا كلي فرح والحزن سايق موكبه

‏ما جيت أدور حب عابر أو أدور شي مثير
‏ولا جيت أدور دور في فلم المحبه ألعبه

.....

رد: فوق هام السحب ( الشعر الشعبي) على متن القوافي
 

يهبّ فيني حنين بكل هبّة نسيم
والذكريات القديمه طارفٍ بابها

غشاني الشوق يا وجهٍ في بالي مقيم
إشتقت لك والمشاعر حثّت ركابها

.....

رد: فوق هام السحب ( الشعر الشعبي) على متن القوافي
 

رح للسعة وش دخلك بالنوايا
‏مالك بسر صدورنا لك علنها

‏وكانك من اللي يبحثون الخفايا
‏حنا من اللي لا لقاها دفنها

.....

رد: فوق هام السحب ( الشعر الشعبي) على متن القوافي
 

الهرجه اليا جتك من غير ميزان
‏أفضل طريقة ردها صد عنها

‏صدتك عنها تجرحه قدر الإمكان
‏وده يرجعها ويدفع ثمنها

.....

رد: فوق هام السحب ( الشعر الشعبي) على متن القوافي
 

‏لملميني خايف أنه ما بقى فيني بقايا
‏وقلبي اللي تاركه بين الحنايا مالقيته

.....

رد: فوق هام السحب ( الشعر الشعبي) على متن القوافي
 

‏سمعتوا بتناقض ضيدان بن قضعان
‏يوم يقول بأول قصيّدته

‏فمان الله يا أول من سكن بين الضلوع العوج
‏عسى دربك سفير ويا عسى الله ما يخليني

‏لاكن شوقهِ طغى اخر القصيدة وقال:

‏فمان الله سق ركبك على درب السنين العوج
‏ولكن طالبك لا أقفيت عني لاتخليني

رد: فوق هام السحب ( الشعر الشعبي) على متن القوافي
 

‏حنا تقاسمنا الخطأ كابرت يوم إنّي صواب
‏وذي زلّتي اللي كنت أجنّبها وأخاف أزلّها

‏قفّلّت باب العذر يوم إن العذر فيه ارتياب
‏ولافطنت لكلمة آسف يوم قلت افطِن لها

‏هذا أنا ما أعاتب المخطي ولا أسمع عتاب
‏فرقا وراها عـزّي أغليها غلا وأجلّها

‏سابقت خطواتي وأنا قلبي يونّ من الغياب
‏لكن وش أبغى غير عزة نفْس تسبق ذلّها

.....

رد: فوق هام السحب ( الشعر الشعبي) على متن القوافي
 

‏الجروح الغافيه ذا الليل كنها مستجّده
‏ودها تكشف خفايا خاطري واخر علومي
‏ㅤ
‏لي من الضحكات والراحه ونوم الليل مده
‏يا الله بعلمٍ يسر البال ويبدد همومي

.....

رد: فوق هام السحب ( الشعر الشعبي) على متن القوافي
 

‏مانكشف اسرار الصديق المقفي
نوفي معه لآخر حياته ونبكيه

وليا ذكروه بسو نزعل وننفي
ونذكر محاسن سيرته يوم نغليه

.....

رد: فوق هام السحب ( الشعر الشعبي) على متن القوافي
 

مرحبا ياليله السبت والليل الطويل
اقلطي بصدري الي من الشوق امتلا

جيتك ماهي غريبه وصدك مستحيل
كان لك عندي محبه وتقدير وغلا

.....

رد: فوق هام السحب ( الشعر الشعبي) على متن القوافي
 

ياقبلة الاحساس ياللي بالغلا مالك خشير
يوم الليال ملاح انا مرجعك وانته مرجعي

فرشت لي في بادي الامر النمارق والحرير
مع كل مطلع شمس ووعودك تراود مسمعي

.....

رد: فوق هام السحب ( الشعر الشعبي) على متن القوافي
 

الجادل اللي تقول الخدّ مثل الجمر
ماودّك إنّها تنوش القاع رجلينها

غرو نحرها القمر في ليّل خمسة عشّر
والموت من رسمة الشفه ليا عينها

.....

رد: فوق هام السحب ( الشعر الشعبي) على متن القوافي
 

وجهي مع الطيبين ايطيب ويجمل
وعلى هدوئي تطابخ غبن عذالي

ألحمدلله مجمّل علم ومكمل
وان شانَ وقتي حشا ماشانت أحوالي

.....

رد: فوق هام السحب ( الشعر الشعبي) على متن القوافي
 

‏قلبي مع اخبارك وكيف الزمن فيك
وكيف الليالي معك ياجعلك بخير

بعدك يزيد الشوق ياجعلي افديك
لك وحشه من بد كل البشر غير

.....

رد: فوق هام السحب ( الشعر الشعبي) على متن القوافي
 

يجذبني اللي في حضوره مُميّز
ويعجبني اللي في غيابه له الشوق

شخص ٍتفرّد في حياته تميّز
تنافس الأخلاق مع قمة الذوق

.....

رد: فوق هام السحب ( الشعر الشعبي) على متن القوافي
 

ودي على شوفتك والشوق طاويني
ارحم عيونٍ على لقياك شفقانه

.....

رد: فوق هام السحب ( الشعر الشعبي) على متن القوافي
 

عزتي للي كل ماجات حزًه نومه
جاته هموم بقعاء واعطته بالخامس

من يلومه لاسهر كل ليله من يلومه
الهموم تعاقبه ومعاقبه ذا النامس

مطلق العتيبي

رد: فوق هام السحب ( الشعر الشعبي) على متن القوافي
 

غنّت الارض والطاري لاذعذع نسيمه
قمت اغنّيك والشتوّيه اوّل شهرها
ٰ
يا عسى كلّ ما شدّيت تلحقْك ديمه
وين ماجيت لك ديره ترشرش مطرها

.....

رد: فوق هام السحب ( الشعر الشعبي) على متن القوافي
 

مقابلك بعد الغياب يطول العمر القصير
إقرب وانا اقرب ماورانا الا المقابر والنعي

سفر الدغيلبي

رد: فوق هام السحب ( الشعر الشعبي) على متن القوافي
 

اللي بغى وصلك وقربك يدلك
من دون لا انت تعلمه او تدله

ونصيحتي لا جيت لاتجي كلك
الا على اللي بالغلا جاك كله

.....

رد: فوق هام السحب ( الشعر الشعبي) على متن القوافي
 

والله أني عليك أضمى محبه وأجوّع
والمواصيل قلت ماهي بَكافيه

أيه محتاج ضمة شوق بين الضلوع
ضمني وسط صدرٍك ضمة دافيه

.....

رد: فوق هام السحب ( الشعر الشعبي) على متن القوافي
 

سعد من قلبه على الفرقا شمالي
مايھمه فالهوا وصل وقطاعه

.....

رد: فوق هام السحب ( الشعر الشعبي) على متن القوافي
 

‏يمدحون النوم لاضاق الفضا
‏نومة الضّايق تراها فايده
‏
‏وش يطفي بالصّدر جمر الغضا
‏غير تطنيش الأمور الزايده

.....

رد: فوق هام السحب ( الشعر الشعبي) على متن القوافي
 

ودعتك النسناس ياورد الاشواق
كرامتي تحكم علـي بانصرافـي

يكفي ثلاث سنين مرت على ساق
عين فراش لك وعيـن لحافي

....

رد: فوق هام السحب ( الشعر الشعبي) على متن القوافي
 

‏تغانم الشوق دام القلب تحت امرك
مشاعري فيك ماتشبع إذا جاعت

لا دار وقتك وطوّل ربي بعمرك
عرفت وش قيمة الفرصه ليا ضاعت

.....

رد: فوق هام السحب ( الشعر الشعبي) على متن القوافي
 

هو خايف اني ماعاد ارجع وانا مثله
‏خايف من الرجعه اللي مالها داعي

.....

رد: فوق هام السحب ( الشعر الشعبي) على متن القوافي
 

تبي الكلام الصدق بيني وبينك
‏اسمع معي هالبيت مادمت وياك

‏من باع كل الناس من شان عينك
‏حطه بعينك واجعله نور دنياك

.....

رد: فوق هام السحب ( الشعر الشعبي) على متن القوافي
 

سلم على اللي فاقده ولا فقدني
وقله كثر ماقلت لعيونه اشتقت

محلله عن كل وعدٍ وعدني
ومسامحه عن كل ليله تضايقت

.....

رد: فوق هام السحب ( الشعر الشعبي) على متن القوافي
 

حطو خبر عاجل تراني انا جيت
‏ولا جيت جياتي تنومس قبيله
‏
‏يامتابعي بالخير والورد مسيت
‏وبالشعر وأبيات القصيد الجزيله

.....

رد: فوق هام السحب ( الشعر الشعبي) على متن القوافي
 

‏وش رأيكم في شخص بارد مشاعر
يحمل جنون العشق وأسلوبه الصمت

صحيح هو طيب ويراعي الخواطر
لكنني من صمت بوحه تألمت

.....

رد: فوق هام السحب ( الشعر الشعبي) على متن القوافي
 

نعيش بالقمه وما صابنا صاب
ونقبض شعار العز براحه يدينا

نضحك في الدنيا مع كل الأصحاب
وما ندري الدنيا لنا او علينا

وماهمنا من جاء معانا ومن غاب
فوق السحاب نعيش مهما حيينا

.....

رد: فوق هام السحب ( الشعر الشعبي) على متن القوافي
 

غلاك في روحي ترا صار مزروع
حتى المشاعر ترجمت لك غلاها

انا وقلبي والاحساس إلك طوع
والروح لو راحت من اجلك فداها

.....

رد: فوق هام السحب ( الشعر الشعبي) على متن القوافي
 

‏دايم بدايات المحبه مثيره
ورسايل الجوال تشهد علينا

اول رساله ماهي بمثل الاخيره
تدرجت بشويش لين انتهينا

.....

رد: فوق هام السحب ( الشعر الشعبي) على متن القوافي
 

‏مافيه داعي للزعل والانفعال
‏ومجادل الجاهل وكثر اللجلجه

‏خلك على ماقيل شيّال الثقال
‏ومن يبي يزعجك صمتك يزعجه

.....