رد: فوق هام السحب ( الشعر الشعبي) على متن القوافي
 

‏سوالفه من حرير وضحكته ونسه
‏رقراق نهرٍ على طول السنه يجري

‏اللي تبي صبّحه بالخير أو مسّه
‏هو كل ألاوقات بس الناس ما تدري

.....

رد: فوق هام السحب ( الشعر الشعبي) على متن القوافي
 

راودتها مثل الشكوك وجيتها مثل اليقين
يوم اضحكت قلت الكبر لله يا متكبره

واقفيت وانا اكبر من التبرير والعذر السمين
حتى لو اني خاطري ما كل شي يصبره

ماني بظالم يوم اقول اقبالها ماهو بزين
الظالم والله كيدها الي كل يوم تدبره

.....

رد: فوق هام السحب ( الشعر الشعبي) على متن القوافي
 

انحنى لاجلك شعوري واعتذر
وسافرت لاجلك حروفي والشعور

غادرت موطن حناني في حذر
تسمح لشوقي وحبي بالمرور

خذ بقايا شوق قلبي لا تذر
من قديم الود حرفٍ اوسطور

.....

رد: فوق هام السحب ( الشعر الشعبي) على متن القوافي
 

الشوق في عيني تشوفه يناديك
‏تحكي غلاه العين قبل الشفاتي

‏أفهم ترى ماغيرك احدن يساويك
‏أنت الغلا وكل الغلا في حياتي

.....

رد: فوق هام السحب ( الشعر الشعبي) على متن القوافي
 

‏زان حالي في لِقاك وطاب فالي
‏انت وجهك من يشوفه مايملّه
‏
‏كيف مفضى لك وانا بعز انشغالي
‏وانت لحظة معك تسوى العمر كله

.....

رد: فوق هام السحب ( الشعر الشعبي) على متن القوافي
 

للود والمعروف ماني بجاحد
بس الخفوق اظن مايعشق ثنين

القلب واحد والمحبه لواحد
مارضى شريك لي لو فيك قلبين

محمد بن فطيس

رد: فوق هام السحب ( الشعر الشعبي) على متن القوافي
 

‏علمت قلبي تكون له كل نبضه
وعلمتني وشلون اعشق جنونك

وعلمتني أشتاق لك كل لحظه
بس ليه ماعلّمتني الصبر دونك

.....

رد: فوق هام السحب ( الشعر الشعبي) على متن القوافي
 

ملل وضيقة لا تقولين وش فيك
محتاجها واقول ياربّ تصحى

دلوعةٍ لو تبتسم للشبابيك
كل الهموم اللي بهالكون تمحى

.....

رد: فوق هام السحب ( الشعر الشعبي) على متن القوافي
 

اثقل ديون الطيب دين الجماله
‏وألذ طعم الطيب طيب المواقيف

‏وازكى دروب الطيب درب العداله
‏وابرز صفات الطيب رد المعاريف

‏واللي تجمل فيك بأغلا حلاله
‏لاتتركه لاعارضنه صواديف

‏ترا الجزاله مالها الا الجزاله
‏والمرجله قد قيل تبغا تكاليف

.....

رد: فوق هام السحب ( الشعر الشعبي) على متن القوافي
 

ما دام باب النصح للكل مفتوح
خذ لك من اكوام النصائح نصيحه

من يأمنك بالروح لاتجرح الـوح
ولا تترك الروح الجريحه جريحه

.....

رد: فوق هام السحب ( الشعر الشعبي) على متن القوافي
 

‏أكافح سرايا ضيقة الصدر بالتسبيح
‏مثل ما تكافح رمدة العين بدواها

‏تطيب الجروح الواجدة والهموم تطيح
‏من القلب كان الله بلطفه تولاها

‏ عسى المقبلة فيها من الجود هبّة ريح
‏وعسى الماضية تُغفر من الله خطاياها

.....

رد: فوق هام السحب ( الشعر الشعبي) على متن القوافي
 

صدوف الليالي مابها يمكن و بعدين
وسنين العُمر ماهي على كيف راعيها

.....

رد: فوق هام السحب ( الشعر الشعبي) على متن القوافي
 

‏القصايد سلوة النفس والإبداع ذوق
‏وكل بيتٍ يلفت العين يسلم شاعره

.....

رد: فوق هام السحب ( الشعر الشعبي) على متن القوافي
 

‏ياوقت انا زاهدٍ في معظم حقوقي
‏الا الكرامة ياوقتي ما انت ماخذها

‏وليا انهشم خاطري وانلوية شدوقي
‏اهل الندم ماتضم الا نواجذها

.....

رد: فوق هام السحب ( الشعر الشعبي) على متن القوافي
 

‏حطني بين المروفه وبين الاهتمام
‏عاشقٍ في إيديك جنّاته وجهنّمه

.....

رد: فوق هام السحب ( الشعر الشعبي) على متن القوافي
 

ويحملني الحنينُ إليكِ طفلًا
‏وقد سلبَ الزمانُ الصبرَ منّي

‏وألقى فوقَ صدركِ أُمنياتي
‏وقد شقيَ الفؤادُ مع التمنّي

‏وأسلمتُ الزمان زمام أمري
‏وعشتُ العمرَ بالشكوى أُغنّي

‏وكان العمر في عينيكِ أمنًا
‏وضاع الأمن حين رحلتِ عني

.....

رد: فوق هام السحب ( الشعر الشعبي) على متن القوافي
 

‏دردشتك معلقه حتى يضيفك
‏تسجن العشاق في سجن انفرادي

‏كل سهم هيّن الا من وليفك
‏ماتموت الا من السهم الرمادي

.....

رد: فوق هام السحب ( الشعر الشعبي) على متن القوافي
 

‏أم العيون اللي هدبها بلاجيك
‏والباقي من أوصافها آمرّ وادها
‏
‏يمرّها المستعجل ويضرب بريك
‏وينسى مواعيده ويرقب وعدها
‏
‏ياليتها ماقالت الله يعافيك
‏والله ماشفت العافيه من بعدها

.....

رد: فوق هام السحب ( الشعر الشعبي) على متن القوافي
 

يسوق روحي شوقها والوله سوق
نحوك وحولك يدرج القلب ويحوم

راقي وكلك ذوق واطلالتك ذوق
والذوق لولاك انت يا الذوق معدوم

ولولاك ماقاسيت من لوعة الشوق
الي حرم عيناي من لذة النوم

.....

رد: فوق هام السحب ( الشعر الشعبي) على متن القوافي
 

راعِ المعاريف مايذكر معاريفه
يكفيه عن ذكرها من شاف ميقافه

واللي بوقت السعه يمدح مواقيفه
لا جاء نهار المواقف عاش من شافه


خالد بن مدعث

رد: فوق هام السحب ( الشعر الشعبي) على متن القوافي
 

ما يغش المسلمين الا دموع الظالم
لابسٍ بشت الإمام وفي الذنوب مفلّي

يدّعي بالحق ويصادر حقوق العالم
يعرف شروط الصلاة ولا يعرف يصلّي


خالد بن مدعث

رد: فوق هام السحب ( الشعر الشعبي) على متن القوافي
 

ياللي تنشد عن جديدات الاخبار
الوقت خذ له بالرجاجيل فره

شريم جاله برطم وولع النار
وكليب خلا شبة النار مره


محمد المقحم

رد: فوق هام السحب ( الشعر الشعبي) على متن القوافي
 

اللي يصوّر ضيفته في السنابات
ويقولشوفوني تراني مضيّف

والله ما اعده من اهل الجمالات
والكل يدري انه سخيف وضعيّف

و اللي يحب البهرجه والفلاشات
كلٍ يعرف إنّه (......)مصيّف


ابوسامي

رد: فوق هام السحب ( الشعر الشعبي) على متن القوافي
 

ياصاحبي وش مزعجك من مديحي
يعني ليا ذموني العالم ارتحت

تقلط على هيلي وهبات ريحي
وعلى ارحب لياجيت وابقه ليا رحت

مالك شبيه الا قرون الوضيحي
الله خلقها فوق وفعولها تحت

ياماكثر اللي ودهم في مطيحي
لكن لاطاحت عزومي ولاطحت


سالم جخير

رد: فوق هام السحب ( الشعر الشعبي) على متن القوافي
 

مسا الخير ياجمل ذكريات ولقا وايام
معى كل نفحة عطر تطري ملامحها

عـرضها شريط الذاكره عرضة الافلام
على بـالي اللي صار جمهور مسرحها

دخل جوها اللي عاشبه رحلة استجمام
عسى الله يسامحها عسى الله يسامحها

لها دمعة ًبالعين تصعب على السوام
ولها زفرتن باقصى المعاليق تشرحها

.....

رد: فوق هام السحب ( الشعر الشعبي) على متن القوافي
 

يبى يمر الفقر من بيت الغناه
ويبى يمر الجرم من باب العفو

أمّا لقيت الحظ يكسر لك حصاه
ولّا لقيت اللي حكوا لك ما وفوا

.....

رد: فوق هام السحب ( الشعر الشعبي) على متن القوافي
 

لاتقرب الغيبه تراها نشايب
تنشبك في العالم وتلقى العقوبه

وش تستفيد اذا تقفيت غايب
ياخذ حسناتك وتاخذ ذنوبه


ناصر ثويني

رد: فوق هام السحب ( الشعر الشعبي) على متن القوافي
 

يا دار الاحباب كلن له من اسمه نصيب
وانا نصيبي من البيبان مقفولها

غربت نفسي بنفسي لين صرت الغريب
الي عجز ياصل الديره وهو حولها

احتاج لاطيب خوي واحتاج لافضل حبيب
لين الغلا والهموم يقل مفعولها

ياصاحب الخاطر المكسور خلك قريب
عندي قصيده حزينه يمكن اقولها


خالد مبارك

رد: فوق هام السحب ( الشعر الشعبي) على متن القوافي
 

اكثر اللي ضيّق اخلاقي وفوّر دمّي
موقفٍ يوم القيامة ماحسبت حسابه

مقدر اعطي حسنةٍ وحدة لبويه وامّي
واعطي اللي كنت ماحبّه وكنت اغتابه


مسلط الحميدي

رد: فوق هام السحب ( الشعر الشعبي) على متن القوافي
 

عن ضيقة الخاطر وعن شين الاخلاق
كم موجعه توجع لكنها تعدّا

وقّف ولو ماتوقف الا على ساق
ولا ترجي رخوم العــرب واتفدّا

المشكله ماهيب في ضيق الارزاق
وماهيب في مـن طاب والا تردّا

المشكله لا اشتقت للي مايشتاق
هذي هي اللي توجع القلب جدّا


مهدي سميطان

رد: فوق هام السحب ( الشعر الشعبي) على متن القوافي
 

كم واحدٍ ضيّع حياته بدنياه
سعى ورى ارزاقه وخلاّ صلاته

وكم واحدٍ ناجا بدنياه مولاه
قايم بدين الله وعايش حياته


مسيعيد الفهد

رد: فوق هام السحب ( الشعر الشعبي) على متن القوافي
 

تجمل ترى والله ما للجميل إنكار
ولاينكره من كان في راسه مروّه

عسى راعي أبشر ماتقفي به الاقدار
ولا ينقطع ذكره ولا ينطفي ضوّه


سلمان بن رازن

رد: فوق هام السحب ( الشعر الشعبي) على متن القوافي
 

نضحك لو إن الزمان يزيد بأحزانه
يوم الرّدي لا مشى تقصر خطاويّه

ونصير للأجنبي واحد من أخوانه
يوم اتّصدد عن الوقفه بني خيّه


تركي عواد

رد: فوق هام السحب ( الشعر الشعبي) على متن القوافي
 

الاقشر اللي فالعمل مايساعد
ومن جاه ماحصل كرامة وتقدير

باكر ليا حاشه نظام التقاعد
ماعاد يلقى من يمسيه بالخير


عبدالله بن عون

رد: فوق هام السحب ( الشعر الشعبي) على متن القوافي
 

الله ولا بعض الكلام اللي يحطك في حرج
الكلمة اللي ما تجمّل خلها في فالها

ودك يقولون العرب وش فيه ساكت ماهرج
ولا يقولون العرب ليته سكت ما قالها


حزمي سعد

رد: فوق هام السحب ( الشعر الشعبي) على متن القوافي
 

رجلٍ يجي تكميل عند المشاكيل
ورجل طلع بين المشاكيل صيته

هذا يدل بيوت كل الرياجيل
وهذا يدلون الرياجيل بيته


نايف ابا العون

رد: فوق هام السحب ( الشعر الشعبي) على متن القوافي
 

لاتجامل العالم ولا تعبد وجيه
ولاتهاون للرياجيل وتهون

والله ماترضي الناس باللي تسويه
لرضيت لك عشره زعل منك مليون


عمران الزراقي

رد: فوق هام السحب ( الشعر الشعبي) على متن القوافي
 

اللي ليا مدْح ابن عمه تعومس
وقام يتعقد ناظره عند الاجناب

تراه ليا اشتد الطلب ما ينومس
خسارة فيه العوارض والاشناب


مدشوش الاكلبي

رد: فوق هام السحب ( الشعر الشعبي) على متن القوافي
 

هقيت فيك الطيب واثري مغامر
الله يسامحني على هقوةٍ ظلم

جعلك لبو قدام وابشر وتامر
فدا يابوبشوف وارد لك علم


حمود خلف

رد: فوق هام السحب ( الشعر الشعبي) على متن القوافي
 

‏لولا المباخر ماعرف طيب الطيب
ولولا المواقف ما عرفنا الوليده

وانا اشهد انك كاسب العز يالذيب
ياللي علومك فالمواقف سديده


نايف التويجري