رد: فوق هام السحب ( الشعر الشعبي) على متن القوافي
 

الردي لامن خدمته وموضوعه كبير
لا هو بذاكر جميلك ويمكن يجحده

والسنافي لو خدمته وموضوعه صغير
شفت معروفك يبّين على ولد ولده


عبدالله دليهي

رد: فوق هام السحب ( الشعر الشعبي) على متن القوافي
 

انا ادري ان العمر ماراح يجمعنا
غضّي النظر عن علاقتنا وطاريها

بضحك على كل باكر مالها معنى
وابكي على كل أحبك ما نطقتيها


.....

رد: فوق هام السحب ( الشعر الشعبي) على متن القوافي
 

أخس نوع من الخلايق ثلاثه
يالله عساهم للفناء لايزيدون

أولهم اللي فيه ثقل وغثاثه
ومسويٍ حاله على العالم يمون

والثاني اللي ما يخلي الخباثه
ويمثل إنه بالشرف خيرة الكون

والثالث اللي فيه مثل الغلاثه
على خفايا الناس واللي يسوون


يوسف العضياني

رد: فوق هام السحب ( الشعر الشعبي) على متن القوافي
 

سولف وحاول ما تكثّر سوالفك
الهرج مفتاح الصدور المقافيل

اما يحطك في مكانٍ يشرفك
والا يحطك مضحكة للرياجيل


وصل العطياني

رد: فوق هام السحب ( الشعر الشعبي) على متن القوافي
 

ماني مغني كل ماغنوا الناس
بعض القصايد بنت عم الفضيحة

أما تجيني فكرةٍ تقعد الراس
والا أستريح وتستريح القريحة


وصل العطياني

رد: فوق هام السحب ( الشعر الشعبي) على متن القوافي
 

أنا رجل يعرف وش له وش عليه
والا ماعندي بشنب أطلق شنب

ماتحركني حركات السّفيه
لابهت والا ظلم والا كذب

الذكي يسمع هل الرأي الوجيه
والغبي مع قل عرفه قل أدب

فيه نقص اللي يشوف الزود فيه
والعرب ماهم سوا وعلى حسب


عبدالله علوش

رد: فوق هام السحب ( الشعر الشعبي) على متن القوافي
 

‏عسى لنا مع مقاديم العرب خانه
ومن حظوة اهل التردّي مالنا حظوه

احد ٍ نخلي مشاغلنا على شانه
واحد مانجلس معه حتى على الفضوه


سلطان بن بتلاء

رد: فوق هام السحب ( الشعر الشعبي) على متن القوافي
 

ماهو دليل الاسم بفعول الاجواد
احذر تقارن بالاسامي شريحه

احيان شخص اسمه يخلّد للاحفاد
واحيان للمترديه والنطيحه


احمد السليس

رد: فوق هام السحب ( الشعر الشعبي) على متن القوافي
 

دون الخوي والله إني ماني بناطر
الضيقه اللي بصدره ما يدرجها

عمز وتاقى رفيقن يبهج الخاطر
يصادم الروس لين الله يفرجها


محمد بن شافي

رد: فوق هام السحب ( الشعر الشعبي) على متن القوافي
 

يا أهل المصالح مالكم عندنا شي
نعرف خوافيكم ونعرف خطاكم

لو نكشف الاوراق ونزيد بالكي
نلقى العجاج اللي يلوث سماكم


محمد بن شافي

رد: فوق هام السحب ( الشعر الشعبي) على متن القوافي
 

تجاهل الجاهل على شان ترتاح
وأسمع من العارف لا منّه تكلّم

لاتندفع وتنطّح اصياح بصياح
أصمت وحاول تستفيد وتعلّم


بدر العايذي

رد: فوق هام السحب ( الشعر الشعبي) على متن القوافي
 

اول شروط الصاحب الله يسلمك
الصاحب اللي صحبته ترفع الراس

إن شاف لك هفوة سترها وعلمك
وإن شاف لك ميزة يعلم بها الناس


عبدالله الطلحي

رد: فوق هام السحب ( الشعر الشعبي) على متن القوافي
 

‏طابت خواطرنا من مطارد الناس
من طردهم مدري وش اللي جنينا

اللي يبينا منزله هامة الراس
واللي يبى الصده لايشره علينا


عبدالله الدخيل

رد: فوق هام السحب ( الشعر الشعبي) على متن القوافي
 

الله ولا خوة ضعيف الروابع
الي على ربعه يحد السكاكين

صحيح ماتشبه بعضها الاصابع
وحنا عن ضعوف الاوادم غنيين


سعد الرويبخ

رد: فوق هام السحب ( الشعر الشعبي) على متن القوافي
 

بين الردى والطيب فرق وعلامات
وترى المواقف تكشف اللي تخفى

صيت الكفو يبقى ولو قيل لك مات
وألا الردي ينسى نهار يتوفى


سلطان بجاد

رد: فوق هام السحب ( الشعر الشعبي) على متن القوافي
 

‏مانيب اعارض عابر في طريقه
لاصار مابينـي وبينه علاقه

اقفي عن المقفي عساه بحريقه
اخير من طرد المقفي فراقه


مشعان الطنباوي

رد: فوق هام السحب ( الشعر الشعبي) على متن القوافي
 

جنّب دروب مكسرين المجاديف
اللي نجاحاتك تسبب مرضهم

وأبعد عن اللي يجحدون المعاريف
ان مالقوا ضيفه تعشوا بعضهم


سمران القثامي

رد: فوق هام السحب ( الشعر الشعبي) على متن القوافي
 

ترى التواضع يجعل الشخص غالي
والكبر شين وعادته يقتل الحي

ناسن تشوف نفوسها بالعلالي
والواقع الملموس تطلع ولاشي


أحمد الذبياني

رد: فوق هام السحب ( الشعر الشعبي) على متن القوافي
 

الوجيه اللي على الحشمه تربت
من نواها بالردى يفدى لحاها

والوجيه اللي على الفزعات لبت
جعل منهو ينقل النمه فداها


بندر بن مبارك

رد: فوق هام السحب ( الشعر الشعبي) على متن القوافي
 

غفلنا وإنشغلنا بالزمن ياربنا رحماك
ورجعنا خاشعيـن ولا معنا الا هقاوينا

وقفنا عند بابك مالنا مطلوب غير رضاك
معاصينا كبار وعفوك أكبر من معانيها


مشعل الزعبي

رد: فوق هام السحب ( الشعر الشعبي) على متن القوافي
 

‏خلّك مع نظاف النفوس البسيطين
اللي ما تربطهم معاك استفادة

الطاهرين الطيّبين النقيّين
ما لك مع أصحاب السعادة سعادة


مشعل الزعبي

رد: فوق هام السحب ( الشعر الشعبي) على متن القوافي
 

الله يمحق بارد الوجه والحيل
في كل مجلس بالنميمة مساهم

خبلٍ عجز يلحق فعول الرياجيل
وقام يتردى بالحكي في قفاهم


عمران الزراقي

رد: فوق هام السحب ( الشعر الشعبي) على متن القوافي
 

‏سلام الله على الصدر الوسيع ودامح الزلات
مخيب ظن نقال الهروج وراعي الفتنه

تقول مركبٍ بذنه جهازٍ لانكر الأصوات
يعرف الهرجة اللي طالعة من جيفةٍ نتنه

إليا جته العلوم التافهه راحت تقل ما جات
وإذا جته الحمول الكايده عرض لها متنه


عبدالله بن عون

رد: فوق هام السحب ( الشعر الشعبي) على متن القوافي
 

‏ترى الردي لو تدفنه بالمعاريف
لاغاب عن عينك ليالي نساها

ولا جاء لزومك ما لقيته ولا شيف
ما بان به طيب الرجال وعطاها


الهاب بدر

رد: فوق هام السحب ( الشعر الشعبي) على متن القوافي
 

‏من قال قل المال عوق الرياجيل
قولوله ان المال تبت يدينه

العوق والله طيحته في يدبخيل
ولا الكريم معان والله معينه


جزل العتيبي

رد: فوق هام السحب ( الشعر الشعبي) على متن القوافي
 

لا بارو الاصحاب في وتردو
يالحيتي في شاربي ماتهونين

لاشفتهم في حزة الضيق صدو
مالي بهم في حزة اليسر واللين


جزل العتيبي

رد: فوق هام السحب ( الشعر الشعبي) على متن القوافي
 

العبد لامنّه عصى طوع مولاه
تولّجه شيطان الأنـفس وذلّه

وان كان ربه بالمرُوفه تولّاه
نادى له منادى السعادة ودلّه


عبدالله الشلوي

رد: فوق هام السحب ( الشعر الشعبي) على متن القوافي
 

اساير الوقت وعيوني على الساعة
والهم يزداد لا دارت عقاربها

يالله دخيلك من الهجران ووجاعة
ومن دمعةٍ ترقب لمرجاع غايبها


احمد السليس

رد: فوق هام السحب ( الشعر الشعبي) على متن القوافي
 

يهب يامجلسٍ لا جاله الشايب
يجلس فالاطراف والجهال في صدره

يقفّي الشهم عنه وخاطره طايب
لا رافعٍ قدره ولا طارحٍ قدره


عبدالكريم المحينيش

رد: فوق هام السحب ( الشعر الشعبي) على متن القوافي
 

‏ياللي تدرّق عن وجيه المواجيب
جنّب نحور نحورها وإجتنبنا

ما انته بغالبنا على مزارق الطيب
والا الردى تقدر عليه تغلبنا


عبدالكريم المحينيش

رد: فوق هام السحب ( الشعر الشعبي) على متن القوافي
 

من يحب سلومنا حنا نحبه
ونتمنى كل يوم إنّا نشوفه

من قوانين الشجاعة والمحبه
ماتبعنا اللي يعرضنا كتوفه


ناهي الجابري

رد: فوق هام السحب ( الشعر الشعبي) على متن القوافي
 

ياصاحبي خذ الهدوء من ناحيه
ومن ناحيه اخرى خذ الشي الأصح

مالك ومال العالم المتناحيه
اللي علينا بالكلام تلْح لَح

حنّا بلشنا فالعقول الصاحيه
مهوب عاد اللي عليها قلّ صَحّ


سفر بريك

رد: فوق هام السحب ( الشعر الشعبي) على متن القوافي
 

يالعبد لاتشكي همومك على العبد
اشتك على اللي في يدينه مصيرك

تشكي على المخلوق من دبلة الكبد
واللي دبل كبدك دبل كبد غيرك


نايف ابا العون

رد: فوق هام السحب ( الشعر الشعبي) على متن القوافي
 

ايه اعترف اني معك حيل حساس
اضيق لو ماقلت لي كيف حالك

كريم لكنّك معي ابخل الناس
في شوفتك في مواصلك في اتصالك

تعال واسمعني من الراس للراس
البيت هذا ثبته وسط بالك

عطني عمر ثاني وقلبين وإحساس
وانا اوعدك أنساك واعشق بدالك


ثامر شبيب

رد: فوق هام السحب ( الشعر الشعبي) على متن القوافي
 

يامن تبسم فَمْك هذا ماهو فم
هذا من الحان السماء الكريمة

لمة خدودك مثل جمعة بني عم
تجمعوا من شان رد الظليمة


رضا حليس

رد: فوق هام السحب ( الشعر الشعبي) على متن القوافي
 

ان شفت لك باب مسكر ومسدود
غيره مية باب وطريقٍ تدله

محدن بميّت في رجا شخص محدود
كم شخص يكره حاجةٍ خيرةٍ له


عبدالله بن شايق

رد: فوق هام السحب ( الشعر الشعبي) على متن القوافي
 

ترا مزحنا في مخالط الناس كله ذوق
ولا يكسر العزّة ولا يخدش الحشمة

ضعيف الروابع كل ما زم خشمه فوق
عطيناه درس من التواضع على خشمه


عبدالله بن مجحود

رد: فوق هام السحب ( الشعر الشعبي) على متن القوافي
 

يازين مكتوبك وياحي ذا العين
وحنا على ماقيل سمعٍ وطاعه

مانزل رقاب الكفو والسلاطين
الا الهوى و الموت مابه شفاعه


ابو وسام

رد: فوق هام السحب ( الشعر الشعبي) على متن القوافي
 

مانزّل الدمعه سوا فقد غالين
يطيح لو نلبس قناع الشجاعة

احدٍ يجي طاريه من حين لاحين
واحدٍ يجي طاريه في كل ساعة


ابو نواف

رد: فوق هام السحب ( الشعر الشعبي) على متن القوافي
 

ماكل بشت تشوف راعي فعايل
كم بشت يبغى بشت غيره يذريه

ولا كل رجلٍ كل ماقال طايل
بعض الرجل قوله فلا يعدي يديه

كم واحدٍ يتعب عيال الحمايل
تجملو به بس مابينت فيه


عايد حواس