رد: اخترنا لكم
 

التغـــافل صـفه تحتـــاج تنويه
‏ذكْروهـــا الحبـــايب والرفــاقه

‏لارتفع بالعتب صوت المشاريه
‏خـــل عينك على مــوت العلاقه

.....

رد: اخترنا لكم
 

‏كل مامر طاري قلت يالله تعين
‏ليت جرحي عقب طول المفارق برى

‏لا اقبل الفجر كنّه يغتشيني الحنين
‏أثر الاشواق دايم من ثلاث وورى

.....

رد: اخترنا لكم
 

من غلاك ادور اسمك مع اللي يرسلون
وامسك الجوال واذني على سماعته

اخذني لك ودي ادله مع اللي يدلهون
خلني مع قربك انسى الفراق وساعته

.....

رد: اخترنا لكم
 

ابتسم بارضٍ خلا وتصير جنّه
والتفت صوب الشعر ويفك بابه

يوم اقهوي مسمعك هيله وبنّه
ودي اميزك في وقت التشابه

.....

رد: اخترنا لكم
 

‏جعل زولك عن عيوني ما يغيّب
‏يا بعد شُوف العرب وأزوالها

.....

رد: اخترنا لكم
 

وجيه الليالي دربها بالعنى محفوف
‏ماهي كل حاجه لا تمنيت تدركها

.....

رد: اخترنا لكم
 

‏لاضاقت الدنيا وخلوك الاصحاب
الله هو اللي كل صعبٍ يحلّه

لاشحوا المعطين يفتح لك ابواب
سبحان من هو عنده الخير كلّه

هو الذي فيه الرجى دوم ماخاب
ربٍ كريم ومشفٍي كل علّه

اللي وسع في رحمته كل من تاب
واللي دعاه بصدق للخير دلّه

.....

رد: اخترنا لكم
 

بين الردى والطيب فيه أختلافات
يابعد فرق المستوى بين الأثنين

الطيب هو ساس الفخر و الكرامات
ولا الردى يبقى طريق الرديين

يشره على الطوله رجال المهمات
اللي على فعل المواجيب ضارين

واهل الردى عند المواقف سلامات
محدن بهم باللازمه يقضي الدين

.....

رد: اخترنا لكم
 

‏ماينكسر عزمٍ مقرّه على ساس
لــو يلحقه من لوعة الوقت خِلّة

لاتنتظر الانصاف من ساير الناس
الناس عوق الناس والمنصف الله

.....

رد: اخترنا لكم
 

‏ترا جمال الشخص في حسن الاخلاق
وشخصٍ بدون اخلاق ماله محبه

لو تختلف عند العرب بعض الاذواق
تلقى خفيف النفس كلن يحبه

.....