رد: فوق هام السحب ( الشعر الشعبي) على متن القوافي
 

اسياد وانصادم شغاميم واسياد
قبل يسود الحكم مكه وطيبه

واليوم حنا اخوان وامجادنا امجاد
مثل القريب اللي ينومس قريبه


ابوسامي

رد: فوق هام السحب ( الشعر الشعبي) على متن القوافي
 

نعشق ‎سمان الهرج والقاف الثمين
يوم اغلب القيفان مامنها جدا

به ناس شعّارن وبه مستشعرين
احدٍ حبى واحدٍ مشى و احدٍ عَدا


ابو نواف

رد: فوق هام السحب ( الشعر الشعبي) على متن القوافي
 

‏يميّز الانسان .. عقله وثقله
‏وانا بعمري ماتصنعت ثقلي

‏اخاطب الجاهل على قد عقله
‏واخاطب العاقل على قد عقلي

.....

رد: فوق هام السحب ( الشعر الشعبي) على متن القوافي
 

‏لاستانس الخافق ذكر من يحبه
‏ورجع يراجع فى الوناسات مافات
‏
‏يا مرتع القلب الحزين ومربّه
‏يزين بك مثل الذهب صدر الابيات
‏
‏هيهات ينسى القلب شخصٍ يحبه
‏وهيهات يدله خاطري منك هيهات
‏
‏ونبع الغلا عندك وعندي مصبه
‏ومن الوله في خافقي لك ولايات

بن فطيس المري

رد: فوق هام السحب ( الشعر الشعبي) على متن القوافي
 

أنا الثقيل الثقيل اللي معك ماثقل
عطاك مالا عطى غيرك ولا قال هات

أحبك بقلب لا والله بقلب وعقل
محبة العفِّه اللي مابها مغريات

.....

رد: فوق هام السحب ( الشعر الشعبي) على متن القوافي
 

دام عز النفس باقي يا زمان الكوبه
‏والله إن شبحي بعيد وعزتي تغنيني

‏القدر حُكمه كذا والاّ الزمان اعجوبه
‏ما لقيت من الفرح ذره ولا يسقيني

‏العطا مد الكريم معجل بالتوبه
‏لا نوى يونسّ خفوق ولانوى يشقيني

‏جعل رزق الاوله من حظنا مكسوبه
‏وجعل خيره والفرح من مدته يعطيني

.....

رد: فوق هام السحب ( الشعر الشعبي) على متن القوافي
 

يامهرة العز عيشي اجمل اوقاتك
ست الاصايل فريده صعب ترويضك

‏جزل القوافي تفاخر في مناجاتك
طاغي حظورك جميل وصعب تعويضك

....

رد: فوق هام السحب ( الشعر الشعبي) على متن القوافي
 

‏ما بالقلوب البيض فتنه وتحريض
إمجمله واصحابها جملوها

.....

رد: فوق هام السحب ( الشعر الشعبي) على متن القوافي
 

‏عزيز النفس مايقبل محبه بابها مسدود
‏ولا يمشي على دربٍ يذل الراس ويضره

.....

رد: فوق هام السحب ( الشعر الشعبي) على متن القوافي
 

‏جالس لحالي على مركاي متمركي
‏أراجع اللي مضى وأبكيه وأفتكره

‏ما غير أردد قصيدة متعب التركي
‏توديع الأحباب مثل الموت له سكره

.....

رد: فوق هام السحب ( الشعر الشعبي) على متن القوافي
 

‏مرحبا يام خصرً كن طاويه جوع
‏من يشوفه يحلْف انه مجوّع شهر

‏حط فيك الله مْن الزين من كل نوع
‏ لبةٍ تسحر وعين وقوام وطهر

‏ والله اني قنوع وفيك ماني قنوع
‏ودّي أسوق لك كل العذارى مهر

‏ قومي وطفي اللّمبه وشبّي الشموع
‏وقولي لفارعات الطول موتن قهر

.....

رد: فوق هام السحب ( الشعر الشعبي) على متن القوافي
 

‏يوم اقّبلت قام السحاب يتزبّر
‏عيونها والموت ما بينهم فرق

‏الرمش اقام الفرض والجفن كبّر
‏وعيونها الثنتين صلّت بنا شرق

.....

رد: فوق هام السحب ( الشعر الشعبي) على متن القوافي
 

وش يفيد البوح لو نبغى نبوح
دام بعض البوح يوصل للندم

.....

رد: فوق هام السحب ( الشعر الشعبي) على متن القوافي
 

‏من تجاهل وجودي ماحسبله وجود
‏علم اهل القلوب اللي غطاها الصدا

‏والكبر نقص بالناس ماهو بزود
‏والردي طول عمـره من ردا في ردا

.....

رد: فوق هام السحب ( الشعر الشعبي) على متن القوافي
 

‏ان غبت عنكم بالجميل اذكروني
ولا تبخلوا نحوي بخالص دعاكم

وعن كل ما جاكم خطأ سامحوني
قلبي على طيب النوايا معاكم

.....

رد: فوق هام السحب ( الشعر الشعبي) على متن القوافي
 

‏ياللي تربيتوا على الذل والهون
‏راع الضعافه ما يخلي الضعافه

‏حتى لو انكم قلتوا اللي تقولون
‏مافي مجالسكم حقوق الضيافه

‏ظنوا عساني فوق منتو ماتظنون
‏ياهل التبجح بالجهل واللقافه

‏صرتوا على قل الكلافه تمونون
‏قلة سنع ماهي بقلة كلافه

‏صارت مبادينا رسالة تليفون
‏وسلومنا صارت مجرد خرافه

‏ماعاد به شي مع الوقت مضمون
‏حتى سحاب الصيف صرنا نخافه

.....

رد: فوق هام السحب ( الشعر الشعبي) على متن القوافي
 

يارب خاطرنا من الوقت مكسور
والهم فينا مثل عالي جباله

كلن بهذا الوقـت يشكي من الجور
وكلن تقهوى من مواجع دِلاله

.....

رد: فوق هام السحب ( الشعر الشعبي) على متن القوافي
 

إن ضاقت أيامك وتحتاج تغيير
لا تظهر الأوجاع والحزن خبّه

العمر ضحكة ضيّعتها المقادير
وماعاش غير اللي رضا بحكم ربّه

.....

رد: فوق هام السحب ( الشعر الشعبي) على متن القوافي
 

ماعادت الايام هي نفس الايام
ولاعادت الناس الحبيبه حبيبه

احتار فكري قبل تحتار الاقدام
الدرب موحش والمشاعر غريبه

.....

رد: فوق هام السحب ( الشعر الشعبي) على متن القوافي
 

‏خاطري لا زال يهمس لك غلا
‏كل مره من يسار ومن يمين

‏اشهد ان القلب ما عمره سلا
‏غير صوبك واسمعوا يالحاسدين

.....

رد: فوق هام السحب ( الشعر الشعبي) على متن القوافي
 

كانك تذكرني على البعد لحظات
فأنا على كثر الوله مانسيتك

تهزني الذكرى على كل مافات
لاغبت عن عيني بقلبي لقيتك

حزني وشوقي والليالي لك إثبات
إنـي على درب الغلا ماجفيتك

.....

رد: فوق هام السحب ( الشعر الشعبي) على متن القوافي
 

‏ما يلحق التقصير عزمي وباسي
‏لكن ظروف الوقت عيّت ترفق

‏ما عاد ابي عقل الذكي والسياسي
‏اليوم ابي حظ الغشيم الموفق

.....

رد: فوق هام السحب ( الشعر الشعبي) على متن القوافي
 

‏ليتك تعدي على خير يالثلث الاخير
‏ويتبيّن نور الاشراق للي يرقبه

‏أنا حالي في ظلامك مثل حال الاسير
‏اللي تاخذه الطواري لداره واعربه

‏اتظاهر بالسعاده واقول اني بخير
‏واتحاشى الليل والذكريات المتعبة

‏الفراق يضيق الصدر ويحوس المرير
‏والهوى غلاب والشوق ملعون رقبة

.....

رد: فوق هام السحب ( الشعر الشعبي) على متن القوافي
 

الحب مثل النوم والوصل الاحلام
‏والشين من الاحلام صد المحبين

‏نوم ٍ طويل ٍ عمره اشهور واعوام
‏وان قمت ففهمها فراق وسهر عين

‏وانا رقدت وعمري اربع عشر عام
‏وصحيت في شهر اربعه عام الالفين

‏نوم ٍ ثقيل ٍ كله احلام واوهام
‏ونصيبي من احلامه الجانب الشين

محمد بن فطيس

رد: فوق هام السحب ( الشعر الشعبي) على متن القوافي
 

صافحت في كفي خيال العزيزين
واثره جنون الشوق صافح يديني

.....

رد: فوق هام السحب ( الشعر الشعبي) على متن القوافي
 

نذرنالك تجي وندعيلك تعود
عمت سچينا وشيب نذرنا

شعر عراقي

رد: فوق هام السحب ( الشعر الشعبي) على متن القوافي
 

آنة منَيلي لو مَا عَلي ويايّ
نَعمة من اللّٰه لَمن صَار مَولاي

وادِم فُقرة ماَنملُك مِساكين
بَس عَدنة عَلي مكَفينة وَهواي

شعر عراقي

رد: فوق هام السحب ( الشعر الشعبي) على متن القوافي
 

ماني بدايم وانا مبسوط ومروق
احيان ماودي ان احدٍ يحاكيني

واليوم كن قلبيٌ بلوعاته مطوق
من صد عني فهو متجملٍ فيني

.....

رد: فوق هام السحب ( الشعر الشعبي) على متن القوافي
 

‏تبي الصحيح أني بلياك مفقود
جسمي هنا والروح عندك وهايب

تفداك عين تنظرك وأنت موجود
ويفداك قلب يذكرك وأنت غايب

.....

رد: فوق هام السحب ( الشعر الشعبي) على متن القوافي
 

قد قالو العاشق خفوقه دليله
وانا خفووقي طاح في كف يمناك

وان كان حبك يستفز القبيله
ماهمني لو تزعل الخلق لرضاك

.....

رد: فوق هام السحب ( الشعر الشعبي) على متن القوافي
 

‏أقـدّر الصادق وأحب الوفيين
وأكنّ للشخص الكريم إحترامي

أكره دروب المصلحة والرديين
من خلقتي بالكون هذا نظامي

.....

رد: فوق هام السحب ( الشعر الشعبي) على متن القوافي
 

ضايق ومستانس وراضي وزعلان
مدري وش اللي جمًع الكل ​فييني

احيان اجر الصوت مغرم وطربان
واحيان اجر الصوت وتھل عيني

.....

رد: فوق هام السحب ( الشعر الشعبي) على متن القوافي
 

‏ياصدري اللي على الكتمان متعوّد
ياكبر قدرك مادام الناس ماتدري

خلك على واقعك بالصبر متجوّد
لين الله يبدل الأحوال ياصدري

.....

رد: فوق هام السحب ( الشعر الشعبي) على متن القوافي
 

ما هو صحيح القلب للقلب شاهد
لو هو صحيح أصبحت مفتون فيني

بيني وبينك حب من قلب واحد
ليته يجيك من الهوى ما يجيني

وليتك تعرف الشوق لي صار واجد
وليتك تعرف أوجاع كثر الحنيني

.....

رد: فوق هام السحب ( الشعر الشعبي) على متن القوافي
 

يا ليتنا نجرح مثل باقي الناس
‏ونكسر خواطر من كسرنا ونقسى

‏لكننا من كثر ما نملك احساس
‏نجبر خواطر من كسرنا وننسى

.....

رد: فوق هام السحب ( الشعر الشعبي) على متن القوافي
 

‏فـي ميادين الغلا طفنا وطفنا
‏وغيرنا بـالحب كم طاح وتعثر
‏
‏ياعسى مانختلف واليا أختلفنا
‏اختلفنا مْن يحب الثاني أكثر

.....

رد: فوق هام السحب ( الشعر الشعبي) على متن القوافي
 

بنيت لك في خفوقي بيت لك وحدك
‏محدن سكن فيه غيرك وانت به تدري

‏حتّين طاوعت نفسك وانتهى ودّك
‏وارخصت بعد الموده بالجفا قدري

‏هدمت بيتك كسرت ابوابه ابيدّك
‏واغلقت باب الهوى مابيننا بدري

.....

رد: فوق هام السحب ( الشعر الشعبي) على متن القوافي
 

‏هذا نصيبي مع الايام من صغري
احيان اقوى الحزن واحيان ما اقوى

لوتدري الناس ويش اشيل في صدري
ماعاتبتني على شغلات ماتسوى

.....

رد: فوق هام السحب ( الشعر الشعبي) على متن القوافي
 

‏مهره عنيده ساسها هيبة شيوخ
بنت النشاما والفعول الجزيله

المتعبه بِترويضها كل مطنوخ
الكايده والنادره والأصيله

.....

رد: فوق هام السحب ( الشعر الشعبي) على متن القوافي
 

يالله توسّع خاطري دامني حي
وتجعل هناي وراحتي في صلاتي

يارب مابي خاطري يكسره شي
ابيك تسعد ما بقى من حياتي

.....