رد: فوق هام السحب ( الشعر الشعبي) على متن القوافي
 

الله يطول عمرها قولوا آمين
اللي ليا من شفتها إنزاح همي

هي دنيتي هي جنتي قرة العين
وان قيل منهي قلت ماغيرها امي

.....

رد: فوق هام السحب ( الشعر الشعبي) على متن القوافي
 

اي والله إن الزمن غيّر عناويني
ماعدت انا الاولي ياوقتي التالي

اول ليا رحت ادوّر من يخاويني
واليوم ما ادوّر الا السجة الحالي

.....

رد: فوق هام السحب ( الشعر الشعبي) على متن القوافي
 

ياسايق الفنجال يامدرج الكيف
ياللي لذيذ البن الأشقر تسوقه

صبه لمنهو يحتزم فالمواقيف
اللي علوم الطيب دايم تشوقه

.....

رد: فوق هام السحب ( الشعر الشعبي) على متن القوافي
 

أشتقت والي حط في قلبي الشوق
ما فيه ليل يْمرني ليل هادي

في داخلي غصّة وفي صدري فْتوق
ولا رحت أدوّر عند غيرك ضمادي

فرقت في عيني ولا فيه مخلوق
ينافسك والي ينافسكْ غادي

ياليتك العادي ولا تملك فروق
واستسهلك ويْكون فرقاك عادي

.....

رد: فوق هام السحب ( الشعر الشعبي) على متن القوافي
 

‏لا النوم نافع ولا التفكير نافعني
‏أنام وأصحى على باقي وصوفك
‏
‏بالله قلي شعوري هذا وش يعني
‏طمني الله يطمن همك وخوفك

.....

رد: فوق هام السحب ( الشعر الشعبي) على متن القوافي
 

‏أغليك والدنيا حظوظ وتوافيق
يالي غلاك بخافقي انفرض فرض

ودعتك الله عن عيون المخاليق
لأنك ملاك يعيش في كوكب الارض

.....

رد: فوق هام السحب ( الشعر الشعبي) على متن القوافي
 

‏اثر البيوت بدون اهلها ولاشي
يجلب محبتها غلا من سكنها

في مامضى نشفق على البيت والحي
واليوم لا مريت صديت عنها

.....

رد: فوق هام السحب ( الشعر الشعبي) على متن القوافي
 

فـي نسيمك أجمل انواع العطور
وفي وجودك نور من كل الجهات

الحياه احساس والهام و شعور
وانت اجمل من ملذات الحياة

.....

رد: فوق هام السحب ( الشعر الشعبي) على متن القوافي
 

‏ما كان عندي وجودك باب وأتسكَّر
يامطول الليل يوم يمر من دونك

تحسّسّ الصوت هذا زين وأتذكَّر
كم داعب أذنك قصيد ونوَّم عيونك

.....

رد: فوق هام السحب ( الشعر الشعبي) على متن القوافي
 

‏ياخاطري لا يزعجك من يقفون
طرد المقفي للنشاما ملامه

من جاء نرحبه من القلب مليون
ومن راح قلنا رافقتك السلامه

.....

رد: فوق هام السحب ( الشعر الشعبي) على متن القوافي
 

‏فيني ملامح من حكايات وجروح
‏طبع الزمن يترك على الوجه بصمه

‏مھما احاول اخفي الجرح بمزوح
‏ تجي ظروف الوقت وتعيد رسمه

.....

رد: فوق هام السحب ( الشعر الشعبي) على متن القوافي
 

‏لاصار طبعي يابيض الوجه دماح
‏لاتحسب اني ميت القلب والروح

‏بعض الخطايا موجعه كنها رماح
‏وبعض الخطايا تاخذ شوي وتروح

.....

رد: فوق هام السحب ( الشعر الشعبي) على متن القوافي
 

قلوب البشر ياصاحبي لها مفاتيح
وكل قلب مفتاحه بوصف وعلامة

وإذا تبي مفتاح من غير تصريح
افتح قلوب الناس بالإبتسامة

.....

رد: فوق هام السحب ( الشعر الشعبي) على متن القوافي
 

حداني على الفرقا وانا كارهن فرقاه
عليهَ الله اكبر كيف كسر مجاديفي

.....

رد: فوق هام السحب ( الشعر الشعبي) على متن القوافي
 

مرات حاجه تحدك وانت ماودك
ومرات زود العشم يورث الخيبه

يردك اللي تحسبه يوم ماردك
ويذلك اللي تبالغ في مواجيبه

.....

رد: فوق هام السحب ( الشعر الشعبي) على متن القوافي
 

وينك تعال حروف الشوق لك ولهى
ياقرة العين يا نفسي وما فيها

اناظر الوقت واسرح بك وثم اسهى
واقلب الذكريات بكل ماضيها

.....

رد: فوق هام السحب ( الشعر الشعبي) على متن القوافي
 

عمر التجاهل ماحفظ قيمة انسان
وعمر التجافي ما يحل الصعايب

احذر تكون انسان مخطي وغلطان
في قلب من عدك جميع الحبايب

.....

رد: فوق هام السحب ( الشعر الشعبي) على متن القوافي
 

وحنا صغار نقول ياليت نكبر
حتى نعيش بواقع مانطوله

واليوم حنا نقول ياليت نصغر
حتى نعيش أيام ذيك الطفوله

.....

رد: فوق هام السحب ( الشعر الشعبي) على متن القوافي
 

المحترم يُحترم ونبادله الإحترام
والسفه لاهل السفاهه ضربهٍ قاضيه

وان جاتنا الكلمه الهزله تراها كلام
ما حن بفاضين نردع كلمهٍ فاضيه

.....

رد: فوق هام السحب ( الشعر الشعبي) على متن القوافي
 

‏الجفا مثل الشتا برد وصقيع
والمواصل للقلوب أحلى دفا

ان شراك الخل ابدا لا تبيع
المحبه عهد والدنيا وفا

.....

رد: فوق هام السحب ( الشعر الشعبي) على متن القوافي
 

ما قطع كف الوفا غير الشكوك
وما جبر كسر القلوب الا الوفا

وما رفع للناس لاصف الملوك
غير جود الكف وانسان عفـا

يوم تنجح ياكثر من يحسدوك
ويوم تفشل ياكثر من قد جفا

ويوم لوشافـوك تعلو جاملوك
وان تطيح بيوم خلوها احتفا

.....

رد: فوق هام السحب ( الشعر الشعبي) على متن القوافي
 

‏أنسى هموم البارحه واضحك اليوم
واضحك على نفسي إذا قلت مرتاح

هو القدر والخير والشر مقسوم
آمنت باللي في يده كل مفتاح

.....

رد: فوق هام السحب ( الشعر الشعبي) على متن القوافي
 

‏لا تساومني وأنا أدري وأنت تدري
إني أعاف الجفا لكن ما أخافه

خابرٍ قدرك بصدري بس صدري
ما تعوّد يلحق المقفي حسافه

.....

رد: فوق هام السحب ( الشعر الشعبي) على متن القوافي
 

مهما يضيق الحال لابده يزين
واللي يغيب يعود بعد البعادي

ومـن يقدرنا على الرأس والعين
حنا معه بالطيب وصدق المبادي

.....

رد: فوق هام السحب ( الشعر الشعبي) على متن القوافي
 

‏وجهك اجمل وجه واجهته وصوتك هادي
‏كيف اصد من الحلا هذا وكيف اخونه

‏لجل وجهك بايعٍ عمري وجاي مفادي
‏والله ان مالي حياةٍ فالحياه بدونه

.....

رد: فوق هام السحب ( الشعر الشعبي) على متن القوافي
 

‏الناس والدنيا منازل بلا ساس
رحيلها وان طولت مقتفيها

هذي هي الدنيا وهذي هي الناس
خسران من علق هقاويه فيها

.....

رد: فوق هام السحب ( الشعر الشعبي) على متن القوافي
 

إعفني من لمحة الحزن فالوجه الوسيم
‏وإعفني من لمعة الدمع فالسود الوساع

‏ولا تخاف أنساك مانساك يالضيف المقيم
‏انت كنزٍ ما يضيّع وسرٍ ما يذاع

.....

رد: فوق هام السحب ( الشعر الشعبي) على متن القوافي
 

‏اوجعتني وانت ماتدري لو انها مزوح
‏وفهمت وش مقصدك منها وقاسيتها

‏اسكت الحزن فيني وتنطق العين بوح
‏حسبي على دمعتن لرضـاك هليتها

.....

رد: فوق هام السحب ( الشعر الشعبي) على متن القوافي
 

اغار من شوقي اذا جاك مشتاق
وشلون يسبق شوف عيني لعينك

لك الغلا من داخل الروح ينساق
اسقي ثواني لهفتي من سنينك

.....

رد: فوق هام السحب ( الشعر الشعبي) على متن القوافي
 

‏لا خان غالي غيره الفين غالي
واليا جحد واحد ميه يذكرونك

ما راحوا الطيبين واذْكر مقالي
الطيب واجد لو تدقّق عيونك

لا تعامل الناس بغرور وتعالي
عامل مثل ما ودّك يعاملونك

.....

رد: فوق هام السحب ( الشعر الشعبي) على متن القوافي
 

جعلني عون لربعي اليا طال الطريق
وجعلني با العز والصبر محضوض وقوي

وجعلني قدام لا اموت ما ازعل صديق
وجعلني مارد محتاج ولا افشل خوي

.....

رد: فوق هام السحب ( الشعر الشعبي) على متن القوافي
 

‏ان ضاق صدرك بين هم وحاجه
‏لاتبدي اسرارك على غير موثوق

‏ولو كل من يمرض عرفنا عـلاجه
‏ماضاعت الدنيا ولا مات مخلوق

.....

رد: فوق هام السحب ( الشعر الشعبي) على متن القوافي
 

‏خل في صدرك على الدنيا قبول
‏واعرف ان الشمس تشرق لو تغيب

‏وعود لسانك ليا ضاقت يقول
‏الأماني في رجى الله ما تخيب

.....

رد: فوق هام السحب ( الشعر الشعبي) على متن القوافي
 

عودت قلبي عليك وشلون عودته
قدرت تسكن باحساسي وشرايني

ناداني الشوق لعيونك وطاوعته
خليت قلبي يحبك غصب عن عيني

.....

رد: فوق هام السحب ( الشعر الشعبي) على متن القوافي
 

‏ينكسر غصن الزّعل لا إرادي
نظرتك تغفر وضحكاتك سكينة

والله إني ما أهيم بكل وادي
بس ميّت في قسى قلبك ولينه

.....

رد: فوق هام السحب ( الشعر الشعبي) على متن القوافي
 

‏سوالفه من حرير وضحكته ونسه
‏رقراق نهرٍ على طول السنه يجري

‏اللي تبيّ صبّحه بالخير أو مسّه
‏هو كل ألاوقات بس الناس ما تدري

.....

رد: فوق هام السحب ( الشعر الشعبي) على متن القوافي
 

‏على غزير الدمع ضميـت الاهـداب
صديت لين الدمـع يقفـي سحابـه

بعض الوجع يمكن تداويه الاعشاب
وبعض الوجع ياويل من هو سطابه

.....

رد: فوق هام السحب ( الشعر الشعبي) على متن القوافي
 

بعيد عن بعض السوالف والمشاغل والزحام
البال مبطي ما هدا والقلب جرحه ما رفا

أرضٍ خلا في جوها سجه وراحة وانسجام
لا أحدٍ يلحقني عتب ويقول وش فيه اختفى

....

رد: فوق هام السحب ( الشعر الشعبي) على متن القوافي
 

‏الشوق لاحسيت به قول مشتاق
‏وابدي شعورك له ولو كان عابر

‏مايمنع انك تظهر اللي بالاعماق
‏لأن الوصل ما يدوم للي يكابر

.....

رد: فوق هام السحب ( الشعر الشعبي) على متن القوافي
 

الطيب كايد والليالي محاصيل
‏والطيب اللي للظروف ايتصدّى

‏واللي تعذر عن لـزوم الرياجيل
‏ابرك من اللي قال تم وتردّى

.....