رد: فوق هام السحب ( الشعر الشعبي) على متن القوافي
 

دقت الساعه على مَوعد لقاك
والعيون من الفرح يرثى لها

من كثر ما خَافقي عَاشر غلاك
ضَم كل طيوفك وغنى لها

.....

رد: فوق هام السحب ( الشعر الشعبي) على متن القوافي
 

كبدي اللي من الايام فيها وفيها
كنها حدر جمر وكنها فوق مله

البشر ماهي بتنباع لجل اشتريها
وانا ماعفت احد من رخص ولا ممْله

عزة النفس تمنع من تربى عليها
وانا قلبي ماقلت اخذه ولا قلت خله

الحقيقه بتسمعها ولو ماتبيها
انتهى كل شي وربي وربك الله

.....

رد: فوق هام السحب ( الشعر الشعبي) على متن القوافي
 

أنتي اللي تستحقين مالا تملكين
‏من كنوز الارض ومن الحفاوه والرحاب

‏والله إنك يوم تمشين بين العابرين
‏ودي إن الارض تحتك ذهب ماهي تراب

.....

رد: فوق هام السحب ( الشعر الشعبي) على متن القوافي
 

‏ألا ياقلب لا تشره عليه ولي متى غيره
‏يغيب براحته خلّه يروح بعالم النسيان

‏كفاك تدوّر أعذار لغيابه فضّها سيره
‏تماديت بغلاه ومن تمادى بالغلا خسران

‏يقولون القمر لاغاب يضوي له على ديره
‏وانا أقول الحبيب ان غاب يضوي له على خلّان

.....

رد: فوق هام السحب ( الشعر الشعبي) على متن القوافي
 

‏لا يهمّك طالع الذكريات بنص عين
‏واحرق صورّي ليا مرّك البرد وتدفّ

‏سهله تعيش الليالي وفي صدرك حنين
‏بس صعب تعيشها وانت ماعندك هدف

‏ما نويت اطاوع العقل لو انّه رزين
‏انت غالي بسّ الايام ملعونة جدف

‏رغم حوم الشك حولي بقى عندي يقين
‏لو تفرّقنا الليالي بتجمعنا الصدف

.....

رد: فوق هام السحب ( الشعر الشعبي) على متن القوافي
 

عن البال ما راحت طواريك لجل تعود
مثل كل ليلة طيش مرَّت على تايب

طبيعي بان الناس تستشعر الموجود
وأنا أستشعرك موجود وأستشعرك غايب

.....

رد: فوق هام السحب ( الشعر الشعبي) على متن القوافي
 

اعذارك الواجد كنها فلوس الحرام
مهما بلغ كثرها والله مافيها بركه

.....

رد: فوق هام السحب ( الشعر الشعبي) على متن القوافي
 

مما قيّل في بيت المحبُوب :

- فهد الشهراني يقول :
أمرّ بيتك وأقبّل بابه وسوره
وأتعجّب انك سكنتيه وسكنتيني

- ابن مشيط يقول :
والقلب بيتك وحدك وأنت في حدّك
مايسكنه غيرك ولا رخصته إلا لك

- ابن فطيس يقول :
وأمر بيتك من بعيد ولا أجيه
وأنا لو أنه في يدي ما تعداه

- محمد السلطان يقول :
كيف أمرّك وأنت خابرني تحت شجْرَتك باقي
أنت بيتك ياحبيبي ماتَركْتِه لأجل أمرَّه

رد: فوق هام السحب ( الشعر الشعبي) على متن القوافي
 

‏حمرة شفاياها مناقع زعفران
‏أبطت مراويح السحاب تكدها

‏عينٍ رهاويه وعنقٍ صولجان
‏وزينٍ يخلي كل عين تودها

‏عجايب الدنيا لا سبع ولا ثمان
‏ثنتين في يمنى ويسرى خدها

.....

رد: فوق هام السحب ( الشعر الشعبي) على متن القوافي
 

ياصاحبي والضيق متولج الجاش
باين على وجهي من الضيق أدله

ماكني الا ضايع الفكر منداش
ودرب السنع عيت عيوني تدله

.....

رد: فوق هام السحب ( الشعر الشعبي) على متن القوافي
 

ياكثر ماغنيت في يوم فرقاك
ابيات تنزف من جروحن حزينه

انا وحزني والليالي وذكراك
الاربعه فينا مواجع دفينه

.....

رد: فوق هام السحب ( الشعر الشعبي) على متن القوافي
 

‏ياربّ خذني من بساط الدالهين الغافلين
‏وأجعل بنفسي لامشت درب الخطيّه تنفره

‏وأرزقني القدره على التقوى وبر الوالدين
‏أبي من الكره أخيره وأبي من الخيّر أوفره

‏وأجعل كتابي لاخذيته ما أخذ إلا باليمين
‏مع النفوس الراضيه ومع الوجيه المسفره

.....

رد: فوق هام السحب ( الشعر الشعبي) على متن القوافي
 

احبابي اللي في هواكم اغني
ترا حياتي بعدكم ماهي زينه

البارحه اطق طاري وأغني
أغني ابيات عليكم حزينه

.....

رد: فوق هام السحب ( الشعر الشعبي) على متن القوافي
 

الله يذكر ذيك الأيام بالخير
وانتي قريبة كنت اشوفك بعيدة

واليوم انتي غير وانا بعد غير
ياليت وقت ٍراح نرجع نعيده

يرف قلبك لي مثل رفة الطير
اكتب من دموع المعايد قصيدة

انسي معك معاد ابي اي تبرير
من ضحكتك تبعث حياة جديدة

احب اعيش الحب بلا معاذير
احب اعيش المستحيلة اكيدة

.....

رد: فوق هام السحب ( الشعر الشعبي) على متن القوافي
 

عاداتنا شامخه وهذي طبايعنا
والحمدلله على إلهامه مراسينا

مانشتري بالكرامه شخص بايعنا
ولا نبيع بكنوز الأرض شارينا

.....

رد: فوق هام السحب ( الشعر الشعبي) على متن القوافي
 

من لايعيش العمر سامي ومتغاضي
ماهيب دايم ظروف الوقت خادمته

كنز القناعه غناة النفس للراضي
يعيش دنياه فاهمها وفاهمته

.....

رد: فوق هام السحب ( الشعر الشعبي) على متن القوافي
 

انا وصلت لمرحلة ما ابي شي
‏والمرحلة هذي ختام المراحل

‏لا باكيّن ميت ولا راجيّن حي
‏ولانيب متحسف على كل راحل

‏شفنا وعفنا وانتهت رحلة الغي
‏ماعاد به مركب ولا فيه ساحل

.....

رد: فوق هام السحب ( الشعر الشعبي) على متن القوافي
 

ضاق المكان اللي من أول أحبه وأجيه
‏مدري هو الدرب والا الصدر مابه سعه
‏
‏كم مرّت وجيه في عمري وعدت وجيه
‏ومافيهم اللي بقى لي أو خذاني معه
‏
‏ياعابرين الحياه أحتاج قلبٍ نزيه
‏عفويتي قابلتها قلوب متصنعه
‏
‏القلب مافيه أحد يستاهل يعيش فيه
‏رفعتهم فوق لكن طاحت الأقنعه

.....

رد: فوق هام السحب ( الشعر الشعبي) على متن القوافي
 

كبرت أتفكّر وأتقرّف من التقليد
‏وأخيل العوض لو كان منيب معتاضة

‏ما أحب أنحصر في زين قامة و طولة جيد
‏أنا روحي أكثر روح حرّة وفضفاضة

‏يخوّفني النسيان واخاف لا التخليد
‏يخوّفني أكثر والمقادير ركّاضة

‏أنا فالنهاية بنت بدوٍ منيب أحيد
‏تضاحك لو إن عيونها السود فيّاضة

.....

رد: فوق هام السحب ( الشعر الشعبي) على متن القوافي
 

‏ماني بمحتاج شي اكثر من السلوة
‏خل الهبوب الله يخليك تطرقني

‏يمكن يخف الحنين وتصغر البلوة
‏وارتاح من همي اللي كان مرهقني

‏امّا انّي انساك وانسى ايامنا الحلوه
‏هذا هو المستحيل يصير صدقني

.....

رد: فوق هام السحب ( الشعر الشعبي) على متن القوافي
 

خل البشر تذكرك بالخير والطيب
السمعه الزينه رصيد وغنيمه

ان جيت تلقى المسهلا والتراحيب
وان غبت تمدحك النفوس الكريمه

محبة العالم من اغلى المكاتيب
بعيونهم بتشوف معنى الحشيمه

.....

رد: فوق هام السحب ( الشعر الشعبي) على متن القوافي
 

كل القصايد في غلاك مدوّنه
الله ياصدق المشاعر والحروف

زرعت في دربك ورود ملوّنه
وأثرك بليدً لاتشم ولا تشووف

.....

رد: فوق هام السحب ( الشعر الشعبي) على متن القوافي
 

حن الخفوق وقايد الشوق مقدام
‏حنة عديمٍ نافذٍ منه صبره

‏سريت مسرا اللي مع الخط مانام
‏مغرم وساري له على صوت نبره

.....

رد: فوق هام السحب ( الشعر الشعبي) على متن القوافي
 

- اما عن الأماني :
‏تمنيت شي وقدّر الله شي وصار
‏ولا لي سوَى وجه الرضى لو تصنعتّه

‏- واما عن الخيره :
‏أنا هقيت إن راحة العبد في ما أختار
‏واثَر خيرة المولى لعبده مسنّعته

‏- واما عن الواقع :
‏تبون الصراحة والله إني بغيت انهار
‏ظروف الحياة أقسى من اللي توقعته

رد: فوق هام السحب ( الشعر الشعبي) على متن القوافي
 

من يلوم القلب لا منه تباها
في كبير الجاه شيال الثقالي

ما بقى قمة مفاخر ما نصاها
راقي شم المراقيب الطوالي

لدراك الصعبه يجيب اللي وراها
ثم سندها على روسس المعاليي

كيف ما غتر دام انا عيني ملاها
اللي مزود مع غروري دلالي

.....

رد: فوق هام السحب ( الشعر الشعبي) على متن القوافي
 

اللي لسانه طلق من خلف الستار
‏تلقاه قدّام العرب فيه طْرمه
‏
‏الطيّب اليا شبّ للضيفان نار
‏كنه يشب النار في كل رخمه

.....

رد: فوق هام السحب ( الشعر الشعبي) على متن القوافي
 

والله انك بهجت افراحي وعيدي
ونك اجمل همس من بد البريه

جعل يفداك القدايم مع جديدي
والحروف الانقلش واليعربيه

.....

رد: فوق هام السحب ( الشعر الشعبي) على متن القوافي
 

‏علمني الصدق حط لريبتي رادع
‏حتى ظنون الحزين توافق شعوره

‏لسانك يرّحب ونظراتك توادع
‏أصدق الصوت والا أصدق الصوره

.....

رد: فوق هام السحب ( الشعر الشعبي) على متن القوافي
 

بادري بالعذر وانا بابادر بالقبول
‏ المحبة وجهها ادناة عذر يبيّضه

‏ولا نويتي بشريني متى عاد الوصول
‏أنا مستعجل على الوصل وأنتي ريّضه

.....

رد: فوق هام السحب ( الشعر الشعبي) على متن القوافي
 

محتاج ليه عسل صافي
وين انتو ياللي تبيعونه

هذا الزمن ناس ياكافي
حتى المفتح يغشونه

متعب الحربي

رد: فوق هام السحب ( الشعر الشعبي) على متن القوافي
 

‏الله يسعد لي مساك ودنياك
‏وجعل الفرح يبقى ويملا حياتك

‏حتى المساء اللي اعيشه بلياك
‏صرت أتنفس فيه من ذكرياتك

.....

رد: فوق هام السحب ( الشعر الشعبي) على متن القوافي
 

‏سايق ركاب الدعاوي على باب الكريم
‏طامع ٍ في مد جوده وستره والغناه

.....

رد: فوق هام السحب ( الشعر الشعبي) على متن القوافي
 

كلن بهذا الزمان يقول أنا الطيب
‏والطيب اللي يفك الناس من شره

....

رد: فوق هام السحب ( الشعر الشعبي) على متن القوافي
 

ودي اكتب والقلم عيا يطيع
ما ادري الأشواق والا انت السبب

كيف اعبر والحكي مني يضيع
اسعفيني يا قواميس العرب

.....

رد: فوق هام السحب ( الشعر الشعبي) على متن القوافي
 

‏ماني مبشّر بالعوض وأنت موجود
‏أنت الأصل جعل الأصل ما يبدّل

.....

رد: فوق هام السحب ( الشعر الشعبي) على متن القوافي
 

‏عسى الله يجمّلني مع الطيبين بالطيب
‏وعسى من هقى فيني اجي فوق هقواته

.....

رد: فوق هام السحب ( الشعر الشعبي) على متن القوافي
 

​تركتني للغياب وضيقة انفاسي
حتى الفرح في حياتي طافي سراجه

خذيت مني خفوقي واجمل احساسي
خليت لي ويش ماخليت لي حاجه

.....

رد: فوق هام السحب ( الشعر الشعبي) على متن القوافي
 

أختار سمحات الدروب النظيفه
‏اللّي غسلها رايح المزن برشاش

‏يمشونها قوم النفوس الشريفه
‏اللي ضمايرهم نقيّه كما الشاش

....

رد: فوق هام السحب ( الشعر الشعبي) على متن القوافي
 

‏اجمل هدايا العمر انسان يغليك
واجمل هدايا الحب انسان وافي

روحه رهينه لك وبالعمر يفديك
فيه الوفاء والعهد للحب صافي

.....

رد: فوق هام السحب ( الشعر الشعبي) على متن القوافي
 

تذبحني الغيـره وانـا واثـقن فيـك
واصبر ولا ودي تعرف اش حصل لي

من كثر خوفي زايد الشـوق ياذيـك
صبرت مااحد في عذابي فطـن لـي

بالضحك وحروف القصايـد مسليـك
والنار فـي عقلـي وقلبـي وكلـي

عـز الله انـك هـم لكنـي اغليـك
والله حتـى همكـم جايـز لـي

تشوف شوقٍ في عيونـي يناجيـك
واشـوف بعيونـك عذابـي وغلـي

.....