رد: فوق هام السحب ( الشعر الشعبي) على متن القوافي
 

اهديك انا قلــب مـن الود شاريك
ارحـب على نبضـه وتسكن وريده

روحي مع قلبي مـع العمر يفديك
هذا كلام الصــدق ماهـو قصيده

وانت راجـــــــع يا غلايا خوافيك
وخليــك واثــق بي ولك ماتريده

.....

رد: فوق هام السحب ( الشعر الشعبي) على متن القوافي
 

‏ياعايش الدنيا ترى الحظ مقسوم
مثل الهبوب اللي بلا دار وديار

نجري ورى الدنيا مع الليل واليوم
وياما وطت الأقدام عجلات الأقدار

.....

رد: فوق هام السحب ( الشعر الشعبي) على متن القوافي
 

حي الغلا حي المحبه والأشواق
حياك ياقلبن بالأحساس وافي

أهلاً هلا ياللي له القلب يشتاق
ومهما أقول وقلت ماهو بكافي

غلاك مثل الصبح في لحظة إشراق
في داخلي يظهر جميع الخوافي

.....

رد: فوق هام السحب ( الشعر الشعبي) على متن القوافي
 

‏اضحك واسولف وأنا فيك مشغول
‏يا مأخذ فكري عن الناس وينك

‏خايف تسج وغيبتك عني تطول
‏وتنسى حقوق الود بيني وبينك

.....

رد: فوق هام السحب ( الشعر الشعبي) على متن القوافي
 

‏شفتك وأنا عن جرح الأقدار مسؤول
‏كبير وجروحي على حجم قدري

‏خفت اسـألك تذكر وخفت إنك تقول
‏أنا أذكر إني شايفك وين مدري

.....

رد: فوق هام السحب ( الشعر الشعبي) على متن القوافي
 

مسأ القصيد العذب لاداعب الهواجيس
يجدد مشاعر داخل القلب مدفونه

‏ونا سجين الكلام اللي بصـمتك رماسيس
سولف عليك الحـرف ولهـفتي مشحونه

ما ودي الا لـيا سـولفت في الاحاسيس
ما يوقف احساسك وما توقف الحونه

.....

رد: فوق هام السحب ( الشعر الشعبي) على متن القوافي
 

معقول ما تسمـــــع خَفوقي ينِاديك
والنبضِ في صَـــدري بِيعشق جنونك

والليلِ يســري بي عَلى جالِ شاطيك
هايمْ وِكلي مِنوَخـــــــذ في عيونك

ان الهَوى في كل ِ ليلــــــــه ينِاجيك
يتنشَّقك زهرٍ تِراقــــــــــص بِكونك

.....

رد: فوق هام السحب ( الشعر الشعبي) على متن القوافي
 

يا هاجســــــي امسيـت بالفكر محتار
وامســـى خيالــــي في مراحل بعيده

فـــزات عينـــي بالسهــر نومهـــا طار
واشــــواق قلبــــي نابعـــه من وريده

فكرت وايش ارسل للاصحاب واختار
وايش الذي يســـوى غلاهـــم وازيده

ماغيــــر أدون ذكرهـــم بين الاشعار
واكتب غــلاء الاحباب داخل قصيده

زانت حياتــــــي بينهـــم دون مختار
صدفـــه وجتنـــي بالحظوظ الفريده

.....

رد: فوق هام السحب ( الشعر الشعبي) على متن القوافي
 

‏يوم العهد بـه حـده أسبـوع لا راح
‏أسبوع ويعود علي شوق ودموع

‏واليوم خمسة سنين والهم ما زاح
‏هم الفـرااق الي بـلا عـذر مشروع

‏اسـتغفـر الله تسعـة شهـور يا صـاح
‏في غيبته قمت احسب اليوم بأسبوع

.....

رد: فوق هام السحب ( الشعر الشعبي) على متن القوافي
 

احذر تجامل حب مالك أمل فيه
صبرك على اللي ما يفيدك يضرك

لا تنتظر من فاقد الشي يعطيه
وأبو السوالف هيبته لا تغرك

.....

رد: فوق هام السحب ( الشعر الشعبي) على متن القوافي
 

اكسر الصمت واشعل للحكاوي فتيل
ما ورا الصمت نفعه وانت حكيك عسل

المسامع عطاشا وانت صاير بخيل
لا اتكاسل فديتك خل عنك الكسل

.....

رد: فوق هام السحب ( الشعر الشعبي) على متن القوافي
 

وش حيلةالمشتاق لا اخفى اشتياقه
في قلبه الهايم تعابير وشعور

لاطايق صبره ولا البعد طاقه
قسى عليه الوقت ويظل مجبور

.....

رد: فوق هام السحب ( الشعر الشعبي) على متن القوافي
 

‏اجمل هدايا العمر انسان يغليك
واجمل هدايا الحب انسان وافي

روحه رهينه لك وبالعمر يفديك
فيه الوفاء والعهد للحب صافي

.....

رد: فوق هام السحب ( الشعر الشعبي) على متن القوافي
 

دك الحنين أسـوار فكـري بطـرياك
وأوقـد ظنون الشوق جمر انتظاري

أبعثرك فـي داخـل القلـب والقاك
حـرفٍ يمـر العشق فـي كل طـاري

.....

رد: فوق هام السحب ( الشعر الشعبي) على متن القوافي
 

‏هواك يجبرني على سجة الليل
‏لاهب نسناسه نـسيت المنامي

ياللي عليك القلب ولهان بالحيل
عـليك من زود المحبه سـلامي

.....

رد: فوق هام السحب ( الشعر الشعبي) على متن القوافي
 

‏تخفي غرامك لـكـن الشوق فضاح
والحب ما يستر عـيـوب المحبين

واللي ابتلي بالحب وشلون يرتاح
لاصار عنده جرح واليوم جرحين

.....

رد: فوق هام السحب ( الشعر الشعبي) على متن القوافي
 

‏بيني وبينك لو مضى العمر ماتبتَ
حبُبك ملكني يا خطايَ وصوابيَ .

الله يديمه لي على كل الأحوال
‏ولاعيش يومٍ من حياتي بدونه

.....

رد: فوق هام السحب ( الشعر الشعبي) على متن القوافي
 

يامن غرامك داخل الدم يسري
ووسط قلبي لك لحالك مساحه

بدري على بعد المحبين بــدري
يامن خدوده ناعمه كاالتفاحه

ياليت صدرك لو يعانق لصدري
في ضمتك جنه وفسحه وراحه

مافارقك لو سرت في وسط قبري
بعدك يسبب ياحبيبي انطفاحه

قلبي يحبك حب ان كنت تدري
يابــــــدر لانور ملا كل ساحه

.....

رد: فوق هام السحب ( الشعر الشعبي) على متن القوافي
 

مليـار مسلـــم صمتـهـم يؤلم
أقسى مــن المجــرم ونيـرانه

والعالم أصبح في نفق مظلم
يوقـف مــع الظــالم وطغيانه

بقلمي

رد: فوق هام السحب ( الشعر الشعبي) على متن القوافي
 

أتحرى مجيّك وأتشوّق لقاك
‏والمُتيّم عقارب ساعته تقرصه

‏كيف ضحّيت في قلبٍ يدوّر رضاك
‏الذهب ما يفرّط فيه من يبخصه

‏ليه تجبرني اكره كل ذكرى معاك
‏من ملك في الحياة أحباب وش ينقصه

‏لا تراهن على الحُب ويغّرك غلاك
‏قلبي أثمن من إن إنسان يسترخصه

سعود مهدي

رد: فوق هام السحب ( الشعر الشعبي) على متن القوافي
 

يزف الفجر خيبات الظنون ويشعل الوسواس
بشمسٍ من سناها جذوة الأوجاع وهّاجه

عليه الناس ترقب موعدك ياسيّد الهوجاس
عطاشى حرفك اللي من زمن ماشح هدّاجه

ولدت بمهمةٍ فيه الأماني كفها من فاس
تباشر في مجيّك غيمةٍ بالدمع ثجاجّه

يجوز إن المطر مولد سعاده أو بداية ياس
هزيمه ما أرجهن ولا قدرت تعاتب إزعاجه

قرا جدك بسمعك سورتينٍ كلها فالناس
وإلين اليوم وأرقاب البشر بالظلم منعاجه

سدلت سلومك العفرا بصدرك والسحاب لباس
ظلالك كل ماطال النهار يزين منهاجه

كبرت ومامعك غير القلم، والفكر والقرطاس
وبيتٍ مابقى من روحه الا هالة سراجه

تعبت وقلبك المؤمن يناجي جرحك الخنّاس
لا يكشف عورة أوجاعك مادام الناس هراجه

تعبت تشوف وجهك في عيون الحزن والجلاس
تعبت تصارع المجد التليد وعاتي أمواجه

تعبت وريح همّك في ضلوعك تقرع الأجراس
تعبت وحلمك المنفي بجوفك تلمح إحراجه

تمرك سالف الذكرى ويجرح خاطرك لا باس
وتركض في مسافات السنين وتلعن الحاجه

وتاصل لآخر حدود المواجع ناحلٍ حسّاس
تهزّك نسمة الماضي وحلمك يسحب أدراجه

رد: فوق هام السحب ( الشعر الشعبي) على متن القوافي
 

‏خابر حظي ماقد جاب شي مرتجيه
ماشفع لي طيب جدي وقوة منسبي

.....

رد: فوق هام السحب ( الشعر الشعبي) على متن القوافي
 

أشوف الوجيه العابره مع طريق المار
‏ولا زال وجهك في جميع إتجاهاتي

‏وش البال لو مافيه طاري ولا تذكار
‏وش الحب لو ماكنتي أول علاقاتي

‏وش الليل لو مافلّ جادل وفك زرار
‏وش الحلم لو ماصرتي أعذب طموحاتي

‏بعدك السماء والأرض والدار وأهل الدار
‏مجرد فراغ يمرني في فراغاتي

‏ماعادت طواريق القصيدة محط أنظار
‏بعد غابت عيونك عن آخر كتاباتي

.....

رد: فوق هام السحب ( الشعر الشعبي) على متن القوافي
 

‏ياوسيع البال ضيّقت الصدور
‏رحت ماعلّمتني وين أنت ساري

‏في غيابك مال خلق الله حضور
‏وفي حضورك مالهم بالبال طاري

‏صاحبى محتاج لك شعر وشعور
‏وإحتياجى شي ماكان إختياري

‏من متى والغصن يختار الطيور
‏من متى والبال يختار الطواري

.....

رد: فوق هام السحب ( الشعر الشعبي) على متن القوافي
 

ياصاحبي لايحزنك جور الايام
مهما تكون التضحيه والخساره

جور العجاف السبع ينزاح في عام
والحزن له غاره ولله غاره

ايام فيها عسر واحزان وآلام
وايام تأتي بالفرج والبشاره

والظلم زائل بعدما الصبر ينضام
واول بدايات الحريقة شراره

الفأس يتكفل بتكسير الاصنام
والجهل يتحظَّر له آخر زياره

.....

رد: فوق هام السحب ( الشعر الشعبي) على متن القوافي
 

‏من عطاه الله محبة فالقلوب
‏أشهد أن الله معطيه الكثير

‏جعلني لاجيت للناس محبوب
‏وجعلني لاغبت مذكورٍ بخير

.....

رد: فوق هام السحب ( الشعر الشعبي) على متن القوافي
 

‏ويالله ياذي بـــيدك الحــل والفــرج
تــقرب مراحلهــا وتفتح فجــوجهــا

لك الحمد يامن تفقد الناس من حوج
واذا اتعوجت يالله ســمحت عوجهـا

ولا تنفـع الحـكمة ولا تنفع الحجـــج
اذا خيــلها ما عاد شـــلت سروجهــا

تعبنــا وتعبنــا رجاجيــل من حنـــج
تســابق على الجـوده وترقى بروجهــا

عليهــم سـلام الله ما صبحــه انبلــج
وعلى دارهــم يالله تـسقي نهـوجهــا

.....

رد: فوق هام السحب ( الشعر الشعبي) على متن القوافي
 

ذا ما ترجل وعاد الناس في بابه
لا عاد يدور من أهل المرجله نابي

الناس للناس والصاحب له اصحابه
وانا لي الله لا فكوني اصحابي

.....

رد: فوق هام السحب ( الشعر الشعبي) على متن القوافي
 

ياطيّب الهقوه وياطيّب الساس
لك في علوم الـطيب دايم مزايا

مواقفك في صفحه المجد نبراس
ولك مكانه ياكريم السجايا

....

رد: فوق هام السحب ( الشعر الشعبي) على متن القوافي
 

‏يسعد مساء اللي على بالي سواليفه
اللي ليا صار حولي زانت اخلاقي

نبضي وانا والقصايد من مواليفه
والروح والبوح له والقلب يشتاقي

.....

رد: فوق هام السحب ( الشعر الشعبي) على متن القوافي
 

‏الطيب للطيب بعيد الهقاوي
اللي يحد السيف ويعن خيله

وإلا ردي النفس عقله سناوي
دائم على درب الردى والفشيله

.....

رد: فوق هام السحب ( الشعر الشعبي) على متن القوافي
 

‏ياروح روحي يا آخر عشق يا أوله
يا أول الحب في عمري ويا آخره

لو أكتب الشوق فوق الغيم وأحوله
صارت صحاريك ميناء والغلا باخره

.....

رد: فوق هام السحب ( الشعر الشعبي) على متن القوافي
 

أغليك واهدي لك عيوني تراعيك
وتصد عن غيرك وتضوي لك بروق

واعطيك قلب مايبي غير طاريك
ونفس حداها الشوق ياغاية الشوق

.....

رد: فوق هام السحب ( الشعر الشعبي) على متن القوافي
 

‏اخترت نفسي ما رضيت الهزيلات
يقسى علي الوقت وأقول عادي

صعب ولا تعجبني كثر العلاقات
وبعالمي أحب أكون انفرادي

.....

رد: فوق هام السحب ( الشعر الشعبي) على متن القوافي
 

‏ياكثر المرحبا والمسهلا والشوق واللبّيه
‏على الشبّاك نفسه باقيه ماراح طاريها

‏هذا نفس المكان اللي بدينا فيه جينا فيه
‏نعيد الذكريات ونستفز اشواقنا فيها

.....

رد: فوق هام السحب ( الشعر الشعبي) على متن القوافي
 

خذني⁩ معك لأخر مدارات الاشواق
‏⁧ واشعل⁩ على متن السحابه حنيني

‏⁧ خل⁩ الوله يمطر على غصن الأوراق
‏⁧ يروي⁩ جفاف فصول باقي سنيني

.....

رد: فوق هام السحب ( الشعر الشعبي) على متن القوافي
 

جـاهـد وكـافـح والـليالي تـوافيق
وعـيش الـحياه بـفراحها والمسرّه

لايلحقك بالوقت حسره ولاضيق
واغنم ترى الفرصه في العمر مرّه

.....

رد: فوق هام السحب ( الشعر الشعبي) على متن القوافي
 

‏أحّـلامـي أكْـبـر من الدنيا ومافيها
واللي حلمته وأبيه أكبر من أحلامي

قـدام عـيـني تزيد أشياء ما أبيها
وأشياء أسعى لها وتضيع قدامي

.....

رد: فوق هام السحب ( الشعر الشعبي) على متن القوافي
 

بعض المواقف تسبب للفكر ضجّه
لاصار ماينعرف وش هي سبايبها

اعيش جوي وأخذ لي بالزمن سجّه
والنفس تسعد على شوفة حبايبها

.....

رد: فوق هام السحب ( الشعر الشعبي) على متن القوافي
 

ولا لي بالبشر غايه ولا لي بالثرى أوتاد
‏خفوقي حر وأتبع ما يعز النفس وأرضيها