رد: فوق هام السحب ( الشعر الشعبي) على متن القوافي
 

‏يهبّ فيني حنين بكل هبّة نسيم
والذكريات القديمه طارفٍ بابها

غشاني الشّوق يا وجهٍ ببالي مقيم
اشتقت لك والمشاعر حثّت ركابها

.....

رد: فوق هام السحب ( الشعر الشعبي) على متن القوافي
 

يالله ياباسط أراضي فسيحه
تعيننا يالله بالعسر واللين

ياكاشف إهموم القلوبزالجريحه
يامن بفضلك كل الأحوال بتزين

.....

رد: فوق هام السحب ( الشعر الشعبي) على متن القوافي
 

‏الكفو لو طاح لايعتذر عذره سمين
لو يمينه فوق راحة يساره طقها

وده إنه يفعل الطيب للناس أجمعين
بس عاد ظروف الأيام تاخذ حقها

......

رد: فوق هام السحب ( الشعر الشعبي) على متن القوافي
 

يافوح صدري فوحة البن لافاح
‏على هروج أهل القلوب النظافي

‏أرتاح لأهل الطيب والعرف وارتاح
‏على الذي قلبه من الغش صافي

.....

رد: فوق هام السحب ( الشعر الشعبي) على متن القوافي
 

الطيّب اللي له التقدير والأعتبار
دايم لرد الجمايل والوفاء ماجحد

واللي جهل قدرنا وراح عكس المسار
يرده الوقت مهمازغاب وإلا ابتعد

.....

رد: فوق هام السحب ( الشعر الشعبي) على متن القوافي
 

‏ترا الصداقه والمحبه والإعجاب
‏ماهي بتوخذ غصب للي يبيها

‏إن كنت مقبول ومعك طيب وأداب
‏تاخذ قلوب أهل آلوفا من يديها

.....

رد: فوق هام السحب ( الشعر الشعبي) على متن القوافي
 

العمر فرصه والحياه إدروس والدنيا متاع
والطيب والمعروف عند اللي تجاهل مافرق

والغالي اللي يبدي إعلومه على زين الطباع
يرحب عددماهلّت إمزونه ومابرقه برق

.....

رد: فوق هام السحب ( الشعر الشعبي) على متن القوافي
 

عودت نفسي ما أتحسف على شي
لأن العمر ما يحتمل للحسايف

بعيش لحظات الفرح دامني حي
وبزرع الضحكه بجرد الشفايف


.....

رد: فوق هام السحب ( الشعر الشعبي) على متن القوافي
 

الذكريات اللي على البال تطري
وش حيلتي لا بعثرت تالي الشوق

صفحاتها ب أيامها وسط صدري
عزآه ياصدر ٍ من الوجد محروق

.....

رد: فوق هام السحب ( الشعر الشعبي) على متن القوافي
 

كل ذكرى ما تجيب إلا الحنين
شوق عيني قاع والغايب سما

وين دربه يا دروب الغانمين
السما تمطر وانا فيني ضما

.....

رد: فوق هام السحب ( الشعر الشعبي) على متن القوافي
 

‏أكرم موازين المخاليق الأخلاق
‏وأكبر كنوز الأرض كنز القناعه

‏والرابح اللي لداعي الخير سبّاق
‏ودون المعاصي له من الله مناعه

.....

رد: فوق هام السحب ( الشعر الشعبي) على متن القوافي
 

‏غربة الصمت تشبه الليل البهيم
‏في انعكاس البوح معزوفة حزن

‏بين بيض المشاعر واسهاف السديم
‏انكسار الحرف في كسرة وزن

.....

رد: فوق هام السحب ( الشعر الشعبي) على متن القوافي
 

ياليل يعجبني سكونك وهاويك
ماغير أنا وياك والناس نامت

فكري لقى راحته في مساريك
والنفس في مسرى لياليك هامت

.....

رد: فوق هام السحب ( الشعر الشعبي) على متن القوافي
 

‏بالوفا والطيب حثينا المسير
طبعنا الطيبه وعادات الكرم

كل طيرٍ لا صفى جوه يطير
ناوي المسرى وبجناحه عزم

.....

رد: فوق هام السحب ( الشعر الشعبي) على متن القوافي
 

‌‎لا هبت انسامها مع السحب والغيوم
هذي هي الطلعه اللي وافيه بالغرض

برفقه اللي ليا احتجته بوقت اللزوم
يفز مثل الصقر ولحاجتك ما رفض

.....

رد: فوق هام السحب ( الشعر الشعبي) على متن القوافي
 

‏الا يارفيقي مابقى بالعلوم علوم
ولا عاد بالموضوع وده ولا هاته

عرفنا الصحيح اللي تكنّه صدور القوم
مثل مايعررف الادمي نفسه وذاته

.....

رد: فوق هام السحب ( الشعر الشعبي) على متن القوافي
 

‏عزاز نفس وبالمقادير راضين
‏ونفوسنا من فضل ربي رضيّه

‏وظروفنا إللي في يديها سكاكين
‏نشكي مواجعها لرب البريّه

.....

رد: فوق هام السحب ( الشعر الشعبي) على متن القوافي
 

‌‎عطيناك مكنون الصدور وسكتنا يوم
لكن ما بقى للصبر في القلب غاياته

عرفنا الخطا منك وعرفناك زول اللوم
لو طال العذر ما ترجع النفس راياته

.....

رد: فوق هام السحب ( الشعر الشعبي) على متن القوافي
 

‏حافظ على اللي خوته تشرح البال
‏الصاحب اللي يعتزي لا نخيته

‏يفزع بما عنده من الحال والمال
‏وإذا أظلمت دنياك جنبك لقيته

.....

رد: فوق هام السحب ( الشعر الشعبي) على متن القوافي
 

يابرد الشتاء خل الحنين القديم يموت
امانه معك لاتبعث الشوق من قبره

أنا من كثر ماني بمتضايق ومكبوت
لو يقول احد وش فيك غصتني العبره

إذا الناس تحتاج اكسجين وشراب وقوت
أنا احتاج جبرة خاطرٍ ما لقى جبره

.....

رد: فوق هام السحب ( الشعر الشعبي) على متن القوافي
 

اللي على وضح النقا دوميوفون
صنايعالمعروف فيهم طبيعه

على عهود المرجله مايبيعون
واللي شرانا بالغلا مانبيعه

.....

رد: فوق هام السحب ( الشعر الشعبي) على متن القوافي
 

‏يارب وأنت بكل مافيني عليم
‏سخر لي أصحاب النفوس الصافيه

‏لاشحت ظروفي فلا غيرك كريم
‏وان جارت ذنوبي عساهـا خافيه

‏عن كل ذنب أستغفر الله العظيم
‏وعن كل كسرة نفس أجر وعافيه

.....

رد: فوق هام السحب ( الشعر الشعبي) على متن القوافي
 

‏قهوتي حبك وحبك لي الكيف
ومن دلتك كني بروس النوايف

احب معك الليل شعر وسواليف
قصايد توصف غلاتي وصايف

.....

رد: فوق هام السحب ( الشعر الشعبي) على متن القوافي
 

‏دامني ماخطيـت في حق الاوادم
مـن زعـل منـي بلا سـبـه بگـيـفـه

لا يحسـب انـي علـى فـرقاه نـادم
نظرت عيوني عـن المقفـي گفيفـه

.....

رد: فوق هام السحب ( الشعر الشعبي) على متن القوافي
 

‏العتب ما يلحقك يلحق بياض احلامي
قبل اعرف إن الدروب اللي تجيب تودي

كنت اظنك بالمواقف بندقي وحزامي
واثر ما انت قد وقفاتي ولا انت بقدي

.....

رد: فوق هام السحب ( الشعر الشعبي) على متن القوافي
 

‏أنت تدري عن مكانك وتقديره
شوفتك لو هي من بعيد تنفعني

والقدر لو هو على الكيف تغييره
معك أخلي بيض الأيام تجمعني

.....

رد: فوق هام السحب ( الشعر الشعبي) على متن القوافي
 

‏الوصل ما يطلب ولا ينفرض فرض
والحب متبري من اهمال واجحاف

جيتك نهر دجله من الطول للعرض
لكن غرقت بيابسة قلبك الجاف

.....

رد: فوق هام السحب ( الشعر الشعبي) على متن القوافي
 

‏من حبه الله والخلايق تحبه
‏المسلم اللي مايخلي صلاته

‏هي العهد مابينه وبين ربه
‏وهي السراج اللي ينور حياته

.....

رد: فوق هام السحب ( الشعر الشعبي) على متن القوافي
 

البارحه برد الشتا كان قاسي
واشد من برده علينا قساوتك

اقفيت يوم اخضعت للحب راسي
وكسرت نفس في غلا الروح ساوتك

.....

رد: فوق هام السحب ( الشعر الشعبي) على متن القوافي
 

‏الغياب اغراك والاشواق ماتت
‏والمحبه من جفا الغالين جفت

‏رح وراك وفرصتك عدت وفاتت
‏غيبتك يَا صاحبي كفت ووفت

.....

رد: فوق هام السحب ( الشعر الشعبي) على متن القوافي
 

‏ترا الصـداقه والمحبـه والإعجاب
‏ماهي بتوخذ غصب للي يبيها

‏إن كنت مقبول ومعك طيب وأداب
‏تاخذ قلوب أهل الوفا من يديها

.....

رد: فوق هام السحب ( الشعر الشعبي) على متن القوافي
 

عشقنا الطناخه وارتفعنا عن المنقود
رقينا على عرش الكرامة ولازلنا

طموحاتنا بعزومنا تبلغ المقصود
وعلوم القلوب الحاقده ما تنزلنا

رد: فوق هام السحب ( الشعر الشعبي) على متن القوافي
 

‏تغيب عن عيني ولاغاب لك طيف
واسامح جروحك ولو كنت مخطي

ليتك تعرف الشوق في غيبتك كيف
حتى تعرف القلب لك كيف يعطي

.....

رد: فوق هام السحب ( الشعر الشعبي) على متن القوافي
 

اتفاخر بك واحبك يالجناب الطيّب
واتباهى في وصالك جعل راسك سالم

جعلك انت اللي على باقي الحياه قريّب
دامني في حضرتك كنّي ملكت العالم

.....

رد: فوق هام السحب ( الشعر الشعبي) على متن القوافي
 

مرحبا بالغالي اللي على زين الوصوف
في محلٍ عامرٍ بالمحبه والغلا

لا تبادلنا المشاعر مع ضرب الدفوف
الفرح بقلوبنا والموده والولا

.....

رد: فوق هام السحب ( الشعر الشعبي) على متن القوافي
 

‏لاترتكي دايم على المال والزود
والجاه والمنصب والاسم المعرب

يمكن تثور في الخبا وانت بارود
ولا تصدي وانت سيفٍ مجرب

.....

رد: فوق هام السحب ( الشعر الشعبي) على متن القوافي
 

القدم تمشي على شف القلوب
‏والمحبه مثل خيمه تشد أطنابها

‏ديرة لاجيت باطرافها كنك مغصوب
‏وديرة من حب أهلها تحب ترابها

.....

رد: فوق هام السحب ( الشعر الشعبي) على متن القوافي
 

لا قلت صح لسانك ازداد لك شوق
احس فيها شعر من نوع ثاني

وانا رسمتك شعر في داخل الموق
وخليت بيبان المحاني محاني

.....

رد: فوق هام السحب ( الشعر الشعبي) على متن القوافي
 

ياحضره الصمت عبر كل مافيني
البوح عاجز عن التعبير له فتره

صوت التناهيت يطربني ويكفيني
واعاتب الواقع الملموس بالنظره

.....

رد: فوق هام السحب ( الشعر الشعبي) على متن القوافي
 

ادري بيك تحبني ما داعي الكلام
وادري بدموعك صدك تبجيلي

من تجيني لا تكلمني بغرام
وعفيه عوف الشوك لا تحجيلي

انه ليلي بلايه واهس ما انام
شلون لو صرت انته واهس ليلي

شلون لو حبيت شكلك والخِصال
شلون لو باجر تجيني وتعتذر

وهم ترد لمن اكلـك تعال
وتنتظر لمن اكلك انتـظر

دنيا مو دنيا عشگ يبن الحلال
لا تخلينا بمحبتك ننجـبر

جبار رشيد .. العراق