رد: فوق هام السحب ( الشعر الشعبي) على متن القوافي
 

اي والله أبكي ليتني ما فقدتك
اي والله انه ماجبر خاطري شي

كل ما سجدت لوجه ربي ذكرتك
يالميت اللي باقي في داخلي حي

.....

رد: فوق هام السحب ( الشعر الشعبي) على متن القوافي
 

ينبش الماضي ذعاذيع نسناس العصير
‏واتصدد مابغي الناس تدري بانحوي

‏صاير صدري ظويق ونفسي نفس طير
‏والضلوع تلج بالصوت والقلب يعوي

‏لي سنه لاني بداله ولا حالي بخير
‏كن في عيني ساحبه وفي راسي دوي

.....

رد: فوق هام السحب ( الشعر الشعبي) على متن القوافي
 

لولا الغلا مانشدتك وين هالغيبه
ولولا انت ماتهمني ماقلت لك وينك

لكن مساء الخير والاحساس والطيبه
لاعاد تبطي عسى روحي فدا عينك

.....

رد: فوق هام السحب ( الشعر الشعبي) على متن القوافي
 

ليه المسا يزيد في وجهه الشوق
ويكشف شعور اللي للاحباب مشتاق

في جيته سهم الوله يرتفع فوق
يموت دونه شوق وتحيا به اشواق

.....

رد: فوق هام السحب ( الشعر الشعبي) على متن القوافي
 

اليا دنا وقت المساء همي دناء
والليله الوحده تعادل ليلتين

شفني بعد ذيك السعاده والهناء
اسري وانا مشتاق واعوّد حزين

وزوداً على جور المفارق والعناء
مخالفاتي فوق خمسه واربعين

ساهر ما عاقب كاميراته غير انا
اللي تحت كبري حويته من يمين

.....

رد: فوق هام السحب ( الشعر الشعبي) على متن القوافي
 

يا مساء الخير ياهل الثقافه والأدب
يارجال أهلا وسهلا وطبتم ياشباب

إرحبوا ثم إرحبوا يا جهاديم العرب
مرحباياكل نشمي بكم فوق السحاب

بقلمي

رد: فوق هام السحب ( الشعر الشعبي) على متن القوافي
 

ياكبر قدرك بعيني ولكن ماتشوف
الغلا لك تجدد وفي قلبي ربا

الطواري كل يوم تجيبك والطيوف
والمشاعر في غيابك مراضى واتعبا

لو تاخذك الليالي وتاخذك الظروف
مانسيتك شاء من شاء ويأبا من أبا

ولو يبقى من الوصل شيء إلا الصدوف
مرحبا بالصدفه إللي تجيبك مرحبا

.....

رد: فوق هام السحب ( الشعر الشعبي) على متن القوافي
 

أنا ماكنت أخاف من الليال السود يادكتور
ولا كان الكلام اللي على قلبي على لساني

نسانيس الفجر كنها ترجعني ثلاث شهور
دواك اللي صرفته مابرى جرحي ونسّاني

تموت الأمنيات ويجبر الله الخاطر المكسور
مثل مامت في ليلة فراقه والله أحياني

.....

رد: فوق هام السحب ( الشعر الشعبي) على متن القوافي
 

لو تعتذر و دموع عينك من محاجرها تسيل
بستان حبَّك يا قديمي صارت ورودة سُمر

وشلون تبكي فوق نعشي وأنت مرديني قتيل
وتقرا علي سبع المثاني وأنت دامرني دمر

والله لو أبدع لك من أشعار الغزل شعرٍ جزيل
وأقطف لك النجمة وأغلف من كواكبها قمر

مانيب مستغرب لو إنك رحت ما أوفيت الجميل
من يزرع الصبار غير الشوك ما يجني ثمر

هذا أنت ما والله تغيّر تحسب الواجد قليل
قنوع إلا في عطى كفوفي لو أعطيك العمر

عاهدتني في حب غيري ما تحيد ولا تميل
وأثرك مخاشر قلبي وقلبه لياليك الحمر

أخذ أسفك ماعاد لي بال على كذبك طويل
إن كان بعدك مر قربك ياشقى قلبي أمرّ

والله لو من فوق عنقي تشهر السيف الصقيل
إن رجعتك تحرَّم عليّه مثل تحريم الخمر

.....

رد: فوق هام السحب ( الشعر الشعبي) على متن القوافي
 

‏تسيّرني مقاديري على القسوة
‏مع إني ماقسيت إلا على أحلامي

‏عسى مابيني وبين الفرح فجوة
‏عسى ماينتهي صبري وأنا ظامي

.....

رد: فوق هام السحب ( الشعر الشعبي) على متن القوافي
 

‏شالت لك ضلوعي من الشوق ماشالت
‏قلبي اعرفه وانا اظنك تعرفينه

‏يصدق اشواق قلبه كل ما احتالت
‏انك للحين ماضعتي من يدينه

‏سولفت سولفت لين السالفه طالت
‏بالله ماهو عيب اللي تسوينه

‏حبيبك دموع عينه كلها سالت
‏ماعاد باقي دموع تطيح من عينه

‏قصايده سولفت لك عنه وقالت
‏وشلون واحد مثل هذا تخلينه

.....

رد: فوق هام السحب ( الشعر الشعبي) على متن القوافي
 

لو تدري الأرض بإنك مندفن فيها
قالت ياكبر الجميل اللي ملا بطني

.....

رد: فوق هام السحب ( الشعر الشعبي) على متن القوافي
 

‏اشتاق اسولف معه من غير احد يدري
اسرارنا عن جميع الناس مصيونه


احيان في حكيه يقول ياعمري
واحيان لاقال اسمي قلت ياعيونه

.....

رد: فوق هام السحب ( الشعر الشعبي) على متن القوافي
 

لو المسافه عاندتني بدربي
وين أبلقى لي مسافه واكونك

كل يوم اسولف عن عيونك لقلبي
مافيه طاري عندي إلا عيونك

.....

رد: فوق هام السحب ( الشعر الشعبي) على متن القوافي
 

خلوني احب خشمه وألمس كفوفه
لو كان أشوفه من الجمعه إلى الجمعه

ياكبر جمله علي وكبر معروفه
ولباه والناس مفترقه ومجتمعه

.....

رد: فوق هام السحب ( الشعر الشعبي) على متن القوافي
 

خلّك على الوجه الابيض وأصلح النيه
لاتقول هاذي لأجل هاذي مسويها

قل جعلها حسنةٍ تقضي على سيّه
الناس مهما تسوي صعب ترضيها

يالله بذكرٍ جميل وسمعةٍ حيه
والوقفه اللي تبيّض وجه راعيها

.....

رد: فوق هام السحب ( الشعر الشعبي) على متن القوافي
 

اعتزالي عالمٍ يسمعون وينقلون
عزلة الزاهد عن العيش بين العالمين

اتركوني خارج الدايره لو تسمحون
لا بديتوا في مزارق لحوم الغافلين

.....

رد: فوق هام السحب ( الشعر الشعبي) على متن القوافي
 

قالو لي هالدنيا ذهب أطمع شوي
ياليتهم يدرون قلبي من الماس

نفسي ثمينه دامني بالزمن حي
قل للرخيص الغصن مايشكي الفأس

أنا الشموخ إللي من وقوفي الفّي
وأنا البسيط إللـي يبكيه الاحساس

ما أحتجت في الدنيا وإذا أحتجت لي شي
محتاج ربي ماني محتاج للناس

.....

رد: فوق هام السحب ( الشعر الشعبي) على متن القوافي
 

عليك في طيب النوايا والصلاة
ولا تنشغل في ذا الحياة الفانية

ترا الحياة الاوله ماهي حياة
رتب امورك للحياه الثانيه

.....

رد: فوق هام السحب ( الشعر الشعبي) على متن القوافي
 

أستوى في عين شوقك رحيلي مع بقاي
‏أستوي يا الأرض ما للغريب إلا أهله

.....

رد: فوق هام السحب ( الشعر الشعبي) على متن القوافي
 

لا تعاتبني على فعل الليالي فيني
‏ودي إنها مثل ما ودك ولكن عيَّت

.....

رد: فوق هام السحب ( الشعر الشعبي) على متن القوافي
 

مدام في قربك مابلقى هناي
‏مالك بقلبي نصيب دامك هامله

‏هقوتي بك مغير جابت لي عناي
‏وقلبك على الصد لازم أعامله

.....

رد: فوق هام السحب ( الشعر الشعبي) على متن القوافي
 

ونفْسَكَ فاحفَظْها ولا تُفْشِ للعِدَا
مِنَ السِّرِّ ما يَطوِي عليه ضَميرُها

فما يَحفَظُ المَكتومَ مِنْ سِرِّ أهلِهِ
إذا عُقَدُ الأسرارِ ضاعَ كثيرُها

مِنَ القوْمِ إلا ذو عفافٍ يُعينُه
على ذاكَ منه صِدْقُ نفْسٍ وخِيرُها

.....

رد: فوق هام السحب ( الشعر الشعبي) على متن القوافي
 

على مفرق طريقين الرجوع، وسكّة الغِيَّاب
تخيرت الطريق اللي عسى مايشبه الرجعه

تبعتك لين جف الحنين وماتت الأسباب
ولا باقي سبب عندي يحرضني على الجمعه

.....

رد: فوق هام السحب ( الشعر الشعبي) على متن القوافي
 

البس من ثياب المعزة لك لباس
وناس مايفرح قربها لاتجيها

واليا بنيت ابن العلاقة على ساس
وارض النفوس اللي تبيك وتبيها

.....

رد: فوق هام السحب ( الشعر الشعبي) على متن القوافي
 

‏ماعاد توجعني خيانات الأحباب
وما عاد يصدمني الخـوي لاتردا

الناس من علّق عليها الأمل خاب
والدهر ماجابه مع الوقت ودا

.....

رد: فوق هام السحب ( الشعر الشعبي) على متن القوافي
 

بنيت السعه من الصبّر وش حدّني للضيق
‏وأنا خابرٍ مثلي على مِثلهم واجد

.....

رد: فوق هام السحب ( الشعر الشعبي) على متن القوافي
 

سقى الله ذارهم من غزير المطر همّال
ثقيل السحاب الليّ رعوده لها حنّه

.....

رد: فوق هام السحب ( الشعر الشعبي) على متن القوافي
 

‏يالله بحظ يطيب العمر من طيبه
يجبر كسور الزمن ويشيل عثراته

.....

رد: فوق هام السحب ( الشعر الشعبي) على متن القوافي
 

حفظنا شيمنا يوم كلن حفظ مبداه
تصُاريف بقعا ما تغير ملامحنا

.....

رد: فوق هام السحب ( الشعر الشعبي) على متن القوافي
 

‏جامل زمانك لو حصل منه تقصير
‏محد تجي دنياه حسب اختياره

.....

رد: فوق هام السحب ( الشعر الشعبي) على متن القوافي
 

ياعاشق الدنيا تراها محطات
تعيش في ديره وتفنى بديره

لاياخذك طرد الهواء والملذات
اذكر محطات الحياة الاخيره

.....

رد: فوق هام السحب ( الشعر الشعبي) على متن القوافي
 

‏فيني من الشوق لك ياشاغل أفكاري
كتلة مشاعر وله مابقدر احصيها

اسامر الليل واكتب فيك اشعاري
من بوح صدري ارتبها واغنيها

.....

رد: فوق هام السحب ( الشعر الشعبي) على متن القوافي
 

‏امد النظر واساير الشوف في دنياه
واشوف الجمال اقوى من الحرب وسنينه

واشوف الحياة اخلاق ماتشترى بالجاه
واشوف الوفا من شيمة الرجل من دينه

على الراس قدر من يحطك على يمناه
وعلى القاع حط الغير بالطيب واللينه

.....

رد: فوق هام السحب ( الشعر الشعبي) على متن القوافي
 

تعال يامن على صرح الهوى سيطر
وش يمنعك ماتبادل عيني النظره

لوما انت والله طرف العين مايسهر
ولا المشاعر تعيش العمر في سكره

حبيتني بس احبك يالحبيب اكثر
وحبك اللي مجنني على فكره

خذني معك ياحبيبي بحر والا بر
لاعاد تهرب عليا هذه المرّه

رد: فوق هام السحب ( الشعر الشعبي) على متن القوافي
 

‏القصيده في عيوني بدونك ماتزين
لازم ان اجيب طاريك يا ملح النشيد

انت ياللي من بطين الفؤاد الى الاذين
والله ان حبك مع الوقت ماينقص يزيد

في غيابك لك محبه ولك شوق وونين
وفي حضورك شف عيوني كلامي مايفيد

.....

رد: فوق هام السحب ( الشعر الشعبي) على متن القوافي
 

اعضم صداقه صداقة مطانيخ
واعضم صديق تحبه وهو يحبك

الذهب يبقا ذهب فوق الشواميخ
والفسل لاقفيت من وجهه يسبك

.....

رد: فوق هام السحب ( الشعر الشعبي) على متن القوافي
 

قال الوداع وعبرته تخنق الصوت
وقلت الوداع وعبرتي خانقتني

حر الفراق احر من جرعة الموت
حاولت اطفي جمرته واحرقتني

.....

رد: فوق هام السحب ( الشعر الشعبي) على متن القوافي
 

‏هذي هي الدنيا رحى مستديره
تمسي على حال وتصبح على حال

اصبر ترى فالصبر حكمه وخيره
وخل الرجى بالله لو الصبر طال

.....

رد: فوق هام السحب ( الشعر الشعبي) على متن القوافي
 

غلاه من فوق الغلا ماهو بدون
وحكاه سمعك يجبرك بارخاك له

ودك تحطه فالعيون من العيون
وتبسط على رمضى الثرا يمناك له

وتظله من الشمس في ظل الجفون
ولا يمر اذنه سوا لباك له

محمد بن فطيس