رد: فوق هام السحب ( الشعر الشعبي) على متن القوافي
 

‏لا شفت برق الحسد بعيون حسّادي
‏تقوى عزومي وعين الحاسد أعميها

.....

رد: فوق هام السحب ( الشعر الشعبي) على متن القوافي
 

سلامي على وجه الرضا و الجناب الزين
‏وسلامي على اللي لا عطى العهد وفا به

.....

رد: فوق هام السحب ( الشعر الشعبي) على متن القوافي
 

سلام على اللي فزّ لاشافني مشتاق
‏عيونه على زود الغلا باحت أسراره

‏أحبه وأحب اللي يحبه من الأعماق
‏تربّع بقلبي لو هي بعيدةٍ دياره

.....

رد: فوق هام السحب ( الشعر الشعبي) على متن القوافي
 

مثل مايحتاج الأنسان للماء فالحياه
‏الدروب اللي تودي عليه احتاجها

.....

رد: فوق هام السحب ( الشعر الشعبي) على متن القوافي
 

‏سألت عنك الشوق والذوق والحب
وناديت لك في كل وقت ودقيقه

يمرني طيفك وانادي له ارحب
وانا ادري إنه طيف ماهو حقيقه

.....

رد: فوق هام السحب ( الشعر الشعبي) على متن القوافي
 

الهوى مثل الوطن والقبيلة والنصيب
‏حاجةٍ تختار الإنسان ما يختارها

.....

رد: فوق هام السحب ( الشعر الشعبي) على متن القوافي
 

لا تضيق من الحياة ولا تكدر
‏دام تملك شيء غيرك فاقدينه

‏والله ان العافيه ماتنتقدر
‏والله انها ياعرب حاجه ثمينه

.....

رد: فوق هام السحب ( الشعر الشعبي) على متن القوافي
 

الي يبينا عمرنا مانخليه
‏ولا نبيه الي بعد مايبينا

‏مافيه داعي تسأل شْفيه مافيه
‏هذي طبايعنا ولاهي بيدينا

‏الي عطانا شي لابد نعطيه
‏اصلاً علينا حق لو ماعطينا

‏ليه الزعل والأسئله والمشاريه
‏ياربعنا بالله حنا خطينا

....

رد: فوق هام السحب ( الشعر الشعبي) على متن القوافي
 

الظالمين الله اكبر عليهم
اخطر فئة من ربنا مايخافون

صليت في مسجد ابي ادعي عليهم
لقيتهم في الصف الاول يصلون

.....

رد: فوق هام السحب ( الشعر الشعبي) على متن القوافي
 

‏ياجعل سمعتنا مثل كسرة العود
‏لا صابها حرّ الجمر تظهر الطيب

....

رد: فوق هام السحب ( الشعر الشعبي) على متن القوافي
 

يارفيق الذات من باب الحديث الودّي
‏صاحبك همه يموت ولا تخيب ظنه

‏والله إنه من غلاك وكبر قدرك ودّي
‏انتخاوى فالحياة ونلتقي فالجنة

.....

رد: فوق هام السحب ( الشعر الشعبي) على متن القوافي
 

اﻟعيون اللي تشوف حروف شوقي
‏بشروها اﻟيوم عن قلبي وشوقه

‏ماتخيّرته على ڪيفي وذوقي
‏وماتخيرني على ڪيفه وذوقه

‏النّصيب اقوى وحڪم الله فوقي
‏واﻟوله واﻟشوق من فوقي وفوقه

.....

رد: فوق هام السحب ( الشعر الشعبي) على متن القوافي
 

‏عدّاني العيب والتقصير وشرهات الافا واللوم
‏واذا طيبي غلط عمري ألا يازين غلطاتي

‏عدّاني الكذب والتسويف وكلمة حقها مهضوم
‏ وانا ماني ضعيفة باس تحكمني قراراتي

‏عزيزة نفس ما أرضى شموخي ينهزم في يوم
‏وسيعة بال وافعالي توردها قناعاتي

.....

رد: فوق هام السحب ( الشعر الشعبي) على متن القوافي
 

حذرى تنام وفيك ضيقه على الناس
سامح وغض الطرررف لاتصير عله

ولاتصير مع كل المخاليق حساس
من جاكك رحبه ومن ررراح خله

.....

رد: فوق هام السحب ( الشعر الشعبي) على متن القوافي
 

‏ما اتصيد للخطايا مثل بعض الضعوف
‏دام لي نفسٍ عزيزه ولي وجهٍ وجاه

‏ادمح الزله لا جتني واخليها تطوف
‏لين ينفذ كل صبري وياصل منتهاه

‏الكفو لا شمت عنّه ملكته بمعروف
‏والردي لا شمت عنّه تزايد في عماه

رد: فوق هام السحب ( الشعر الشعبي) على متن القوافي
 

‏انت الصباح واشعة الشمس والنور
‏وانت الحياه وريحة الورد لافاح

‏وانت الذي تجعل حياتي لها دور
‏يسعد صباحك يا غلا كل الاصباح

.....

رد: فوق هام السحب ( الشعر الشعبي) على متن القوافي
 

متقلب الود لا تقبل معاذيره
‏خله يذوق الجفى والويل والحرّه

‏من يضمن تسامح ذنوبه وتقصيره
‏يقدر يعيد الخطاء نفسه مية مرّه

.....

رد: فوق هام السحب ( الشعر الشعبي) على متن القوافي
 

استغل الحب واعطاني قفاه
وصرت تايه بين اه وبين وايه

اي تركني وراح خلاني وراه
والكرامه شي تمنعني اجيه

حتى لو انه من الناس الغلاه
الخطا بين وانا ماني سفيه

يسقي بذور الخيانه والغياه
والنتيجه يكسر الشوك بيديه

كنت درعه من غثاء الدنيا وعصاه
كنت عنده شخص مالي اي شبيه

حبه اقسى درس بدروس الحياه
والله اني فرصه وراحت عليه

.....

رد: فوق هام السحب ( الشعر الشعبي) على متن القوافي
 

ياصاحبي ماعاد بالخاطر احلام
لا الروح مرتاحه ولا القلب هادي

من كثر ماجارت بنا ظروف الايام
صرنا نرى صدماتنا شي عادي

.....

رد: فوق هام السحب ( الشعر الشعبي) على متن القوافي
 

ما عاد لي بمطارد الصَيد حاجه
‏إلا غزالٍ صادني قبل أصيده
‏
ريمٍ لبس في عالم الزين تاجه
‏عزّاه داري عن دياره بعيده

.....

رد: فوق هام السحب ( الشعر الشعبي) على متن القوافي
 

شفت المطر ومعانق الغيم للغيم
‏وكيف البشر في روعة الجو هامت

‏يشبه حضورك يا فريد التراسيم
‏داخل عيوني الي عن الغير صامت

.....

رد: فوق هام السحب ( الشعر الشعبي) على متن القوافي
 

‏من يوم خيبو بعض الناس ظني
زادت طموحاتي ثقه ما تلاشت

خسرت بعض الناس يمكن لاني
أخلاقي مع رغباتھم ما تماشت

.....

رد: فوق هام السحب ( الشعر الشعبي) على متن القوافي
 

سبحان من سوى جمالك وحلاك
انا اشهد ان الله كريم بجمالك

اجزل عليك من الترف لين خلاك
الفارقه في كل مره لحالك

.....

رد: فوق هام السحب ( الشعر الشعبي) على متن القوافي
 

متعلقٍ لي في رجاء يشبه الياس
‏في مثل خيط العنكبوت امتعلق

.....

رد: فوق هام السحب ( الشعر الشعبي) على متن القوافي
 

على سكة التيه وعلى مفرق الخذلان
‏وقفت اتأمل ماحصل بينك وبيني

‏احاول على الصده واحاول على النسيان
‏وعلى فطم قلبي عنك ماعاد يمديني

‏تكاثرت وصلي وانت من جيتني ولهان
‏وعطيتك من سنين الحياه اجمل سنيني

‏انا ماقدر اصبر واتحمل قدر الامكان
‏وانا كل يوم اشوفك تطيح من عيني

.....

رد: فوق هام السحب ( الشعر الشعبي) على متن القوافي
 

كم لي وأنا منك لاداسم ولا ظافر
‏ياويل قلبي عليك ومنْك ياويله

‏جيتك من أقصى الدروب وبكره مسافر
‏على مواويل يادنيا من أنتي له

‏عطني من الوصل لو بروس الأظافر
‏إن شفتك اليوم ولاّ شفتك الليله

.....

رد: فوق هام السحب ( الشعر الشعبي) على متن القوافي
 

‏وإنّ تطرّقت القصايد ولا وفّت غلاك
‏يكرم البيت المسكّت من البيت الركيك

‏أنت لو تطلب ما ضمّت ضلوعي قلت جاك
‏اسهج الضلع الموالي واخذ ممّا يليك

.....

رد: فوق هام السحب ( الشعر الشعبي) على متن القوافي
 

‏"انهزم وأقول خيرة وانتصر وأقول خيرة
‏مدري الخيرة هي بهزيمتي والا انتصاري

‏في رجا الله لو يموت الحلم رحت وعشت غيره
‏اختيار الله سبحانه أخير من اختياري

.....

رد: فوق هام السحب ( الشعر الشعبي) على متن القوافي
 

اكثر قلوب الاوادم رهينة مغريات
‏الحظيظ اللي لا قفى ترك فيها وسم

‏يابعد من راحت سنين لكن يوم جات
‏جات ما معها غنيمه ولا معها قسم

.....

رد: فوق هام السحب ( الشعر الشعبي) على متن القوافي
 

انا قلبي يوم اشوفك يجي فيه ارعشه
‏حب مدري شوق مدري غلا مدري شفاه

‏انت مثل الغيث لامر له دار انعشه
‏صح من قال اقرب الحي ويزيدك حياه

.....

رد: فوق هام السحب ( الشعر الشعبي) على متن القوافي
 

‏بين حلو الشعور وبين عزف الاغاني
‏يمكن القاك فرصة بالعمر وغتمنها*

‏مثل ماجيت خلك ياحبيبي وزاني
‏او تروح انت واحلامي بعدك اهدمها

‏انت مانته حبيبي انت انسان ثاني
‏ياعسى ماهو انت الي ضنوني هزمها

.....

رد: فوق هام السحب ( الشعر الشعبي) على متن القوافي
 

كبدي اللي من الايام فيها وفيها
كنها حدر جمر وكنها فوق مله

البشر ماهي بتنباع لجل اشتريها
وانا ماعفت احد من رخص ولا ممْله

عزة النفس تمنع من تربى عليها
وانا قلبي ماقلت اخذه ولا قلت خله

الحقيقه بتسمعها ولو ماتبيها
انتهى كل شي وربي وربك الله

.....

رد: فوق هام السحب ( الشعر الشعبي) على متن القوافي
 

‏وش تبين من المطر والغيم ياضحكات خلي
‏من يشوفك شاف نوض البرق في عرض المخيله

‏زابن الصوت الرقيق وزابن الوجه المهلي
‏ماتسيّل وادي مانيب في حاجة مسيله

‏وامسك ايدي لين اجي كلي معك واروح كلي
‏اعتبرني تايه خلاك في الدرب الدليله

.....

رد: فوق هام السحب ( الشعر الشعبي) على متن القوافي
 

‏تعيدك ذكريات العام الأول يا الطريق العام
‏وأمرك ويتطرّق هاجسي لاخر طواريقي

‏قصيدة عذر مطلعها كبر وختامها أستسلام
‏معلّق وسطها احبك وقطعة من معاليقي

‏أشوفك من بعيد وتمتلي كل الدروب ألغام
‏واسوق الرجل صوبك ما تعبت ولا نشف ريقي

.....

رد: فوق هام السحب ( الشعر الشعبي) على متن القوافي
 

‏استريني ياعيوني من عيون العباد
لايبين فيك همي وحزني وزعلي

بيني لناس فرحتك لو الهم زاد
خالفي قلبي ومافيه ماكنه بلي

.....

رد: فوق هام السحب ( الشعر الشعبي) على متن القوافي
 

‏يعجبني الصمت والقليل من الكلام
يكفي رؤوس أقلام للعالم الواعيه

يعني تفاصيل المعزه تحيه واحترام
شيمه وقيمه مثل الورود الزاهيه

.....

رد: فوق هام السحب ( الشعر الشعبي) على متن القوافي
 

يا ليتني أحكي مثل أكثر الناس
‏حتى الكلام إللي بصدري أقوله

‏لكن رقيب الذات للحرف مقياس
‏ماكل كلمة تنحكى بسهوله

.....

رد: فوق هام السحب ( الشعر الشعبي) على متن القوافي
 

ليه في درب الهوى يا أغلا الحبايب صرت جاير
‏وليه لاوثقت لك حبل الوصل دايم تحلّه

‏والله اني ما أتبع المقفي ولو بعده خساير
‏ولا اتبعت رجلي خطا المقفي ولا دربه تدلّه

‏أثر صدق أهل المحبه فالهوى عمي البصاير
‏أمحق الله سعيهم ماهم على مذهب وملّه

......

رد: فوق هام السحب ( الشعر الشعبي) على متن القوافي
 

‏إذا جاد السكوت ولا لقيت إلا القصيد أفواه
‏ابكتب لين ما أوراق الدموع تْصير مبتلّة

‏ماعدت المستريح اللي طرب ناسه بحلو أحكاه
‏بديت أشعر بأن قلبي بقايا أرض محتلة

‏أشوف إن الطموح اللي تمنيته ماعدت أهواه
‏كرهته وأجمل أشيائي عليها الدمع منهلّه

.....

رد: فوق هام السحب ( الشعر الشعبي) على متن القوافي
 

‏لامتى وأنا أعشقك في حدود الأحترام
‏المحبّه مالها إلا البساط الأحمدي

‏لهفة العاشق تجيبه بنزعات إنتقام
‏إعذريني كل ماجيت جيّة معتدي

‏ما إنتظرت إلّا لياليك يابدر التمام
‏لو تغنّج لي ليالي الثرياء والجدي

.....